圓圓車輪餅

營業中

休息中

平時行過都冇買，琴日心血來潮想食車輪餅，就買咗雙層Oreo麻薯車輪餅試下，點知賴晒嘢🫠佢車輪餅個皮，似係純粹厚啲嘅雞蛋仔😂（可能真係同一樣嘢），啲麵粉好實，冇咬口，雖然老闆好大方😂麻薯落咗好多，但因為麻薯本身就冇乜味，包住嘅嗰層麵粉又冇味，成舊嘢係靠嗰2块Oreo嚟調味😂有時咬一啖成口得麻薯，下一啖成口Oreo，我琴日食咗三分二頂唔順揼咗😥（sorry浪費食物，但我盡力了😭），食咗幾啖已經好「流」😵‍💫開始有啲唔知食緊咩⋯⋯同埋嗰到空間唔大，咁我俾完錢就企去對面，費事阻住人哋落單（其實都只係隔咗3～4人身位）原來老闆已經整好咗，我見佢又冇俾號碼牌 又冇叫no. ，以為整好會「Yup」我過去😂排我後面嘅人都攞埋，我行過去先知原來整好咗🤣如果大家食嘢話記得要mon住，如果唔係就白等😛唯一可以讚嘅係佢即叫即整～（sorry for 1999😂）如果大家想食車輪餅，我幾推薦Sweet House Cha Cha，我咬第一啖嗰時未食到餡，但佢外層都好食，好煙韌！我嗰日係食吉士，唔錯👍🏻佢仲有鹹味：章魚燒口味🐙都幾好食😋

葵廣必試🥯🧇爆餡車輪餅呢間雞蛋仔同車輪餅店開喺三樓，同一般雞蛋仔店唔同嘅係佢有勁多味揀∶Oreo/金莎朱古力/抹茶/肉鬆/芋泥/麻薯等等……基本上可以話自己組合🤣今次我就要左個芋泥麻薯車輪餅 $20 價錢係唔平嘅，車輪餅全部都係即叫即整，等候時間大概15分鐘。老實講拎到上手我都覺得同街邊7蚊一個嘅奶黃車輪餅無咩分別，但食落口真係好surprise。我以為呢啲gimmick野會好孤寒咁得一兩粒麻薯同少少芋泥就算，點知真係爆餡😆😆芋泥星人開心到爆炸，唔太甜之余保留到少少顆粒感，而麻薯就軟糯拉到少少絲，整體味道同個餅皮好match，係好食嘅😋試完之後我覺得20蚊嚟講係值嘅，而且好扎實，都幾飽肚🤣

🍴華田雞蛋仔 $21 (2/10)即叫即整，非常香脆，入面係空心嘅，阿華田味都算香，不過完全係靠個阿華田粉嘅微甜，個粉漿乜味都冇，食空殻咁，$20放得入口，不過唔會再食。推薦指數: 2/10唔推薦，唔好比排隊表象呃左。

麻糬+吉士醬車輪餅 （$20）一人小店，即叫即製，等候15分鐘左右。內餡飽滿，咬下之際，熱騰騰的吉士醬一湧而出。車輪餅皮做得薄，沒有蛋香。吉士亦然，缺蛋香，雲呢拿香，只有股糖單調的甜膩味🤯。希望更花心思在食材上。

葵涌廣場掃街，又點止一樓二樓，頂層一樣有好嘢食。之前見車輪餅好多人排隊，今日終於少啲人，就快手試吓啦。鋪仔細細都有好多唔同選擇，大大話話有幾十種。今次就食下車輪餅，喺你面前即叫即製已經加分。花多眼亂之下就揀咗芋泥麻薯車輪餅嘅蛋味唔算好重，邊邊非常脆口。麻薯非常煙煙韌韌，即使凍咗亦都唔會太硬身，芋泥感覺似芋圓，不過不失。可能兩種食材都係偏淡，加埋一齊味道唔太突出，下次要試嘅話都係揀返榛子醬或者吉士醬，應該會更加好食

次次嚟到都見到好多人排隊，又會見到網上面好多人講呢間嘢，今次就嚟試吓佢有雞蛋仔車輪餅同埋夾餅，佢都有好多唔同嘅口味，有肉鬆芋泥，繽紛樂加麻薯等等唔同嘅配搭，今次就試咗芋泥麻薯車輪餅因為佢即叫即整，所以要等15分鐘左右拎到上手嘅時候係真係好熱嘅，然後搣出嚟嘅時候，因為我等咗好耐先搣，所以就冇左拉絲嘅效果食落去芋泥好似芋圓嘅嗰種味道，唔係唔好食但個感覺有少少化學味，麻薯就煙煙韌韌，就算凍咗都唔係好硬。如果下次可能會試其他口味，可能係繽紛樂或者金莎嘅雞蛋仔或者可能就會好食啲