圍屋和食料理

營業中

休息中

午市輪流入座，見仲有好多人等，行開再反等，見到輪候牌叫到90，我92。仲有1張1人，1張2人先到我，咁我咪繼續等。點知佢叫左張4人，咁我就問佢宜家叫到幾號，佢話94，我話岩岩牌板上91同92都未叫，點解叫94？佢仲話叫左好耐，無人應，就刪左。我明明行入去睇都無刪，你真係叫左，我應我行開要排過，但你唔係講大話同我講刪左，明明你岩岩先刪，仲話我。fine，仲要話唔係安排下張枱，而係排後幾張先到我。我過左好多個號碼我接受，我過左2個，仲要係我問你先話我過，我企左係度等，我已經見住你入左93號4位。即係我係岩岩過1張。態度差，不建議光顧。

這次造訪的日本餐廳讓我感到非常意外。雖然我偶爾會吃日本菜，但對這家餐廳的印象一直是價格偏高且味道一般，因此不常光顧。如果不是心血來潮，我可能不會來。這次的探訪卻讓我有了全新的改觀。他們的烏冬真是好吃，麵條滑順、湯底味道濃郁，令人驚艷。三文魚小卷壽司的性價比相當高，六件只需17元，口感也很好，加上附送的麵豉湯，整體體驗相當不錯。唯一的小缺點是熱檸蜜稍微稀了一些。整體環境乾淨且寧靜，適合聚餐或靜靜享受美食。這次的經歷讓我對這家餐廳改觀，未來會考慮再來嘗試更多菜式。

入開天水圍，屋企人帶我去食日本野。蟹籽沙律$38，份量都幾多，味道正常，抵食！叫左火炙三文魚腩壽司$24同辣味三文魚沙律軍艦壽司$22，我都覺得好食，佢仲有好多唔同壽司款式👍食滿$120可以加$80換三文魚刺身十片，刺身新鮮，唔會太肥，合格！豚肉鍋（韓風湯底）$59，味道偏酸、唔太辣牛肉鍋（豬骨湯底）$61，湯底覺得偏淡份量都幾多，有好多菜仲有少少粉絲，但就唔建議叫啦🤣🤣🤣如果住附近又想食日本野都唔錯👍😁

天一商場黎講，想食下壽司好似淨係得呢間可以食🤔🤔呢間餐廳一到夜晚都好多人係門口等位，今次我地都等左5~10分鐘左右。餐廳都算多款式揀，有前菜沙律、刺身、壽司、炸物、鍋物、爐端燒、天婦羅.....仲有好多好多選擇!包羅萬有!我地就叫左D壽司啦、蟹籽沙律、同一啲炸物，呢間係用紙仔落單既，直接係紙到寫上你要既食物編號就可以👍🏻蟹籽沙律$35，好大碗，有蟹籽蟹柳絲同青瓜絲，食落去超清爽鮮甜，勁啱夏天食用🤩芝麻雞翅$39，見到餐牌話係必食就叫黎試下先！雞翅炸得香口，唔會乾爭爭，肉又嫩口多汁🤤💯壽司都唔差，正正常常👍🏻不過我就覺得啲員工服務態度唔係好得，比錢埋單既時候唔知職員定經理係一句野都冇講過，係一粒字都冇，都唔祈求會同客人講多謝晒個啲說話，而係連總共幾錢都唔講😂😂就咁企係到等收錢，令人無奈。

由圍屋開張有個姐姐拎住menu 係出面拉客的時期已經開始食圍屋，記不清食過幾多次，因為次次去食都覺得食物質素好高，以佢個價錢黎講真心可以無限去，但今晚的經歷實在太差。食完去埋單，個位較肥胖的女收銀已經面無表情及無講任何野，9秒9出左我張台的單比我，之後我報會員電話，佢話咩電話？！你積分啊，下次等我出呢張單之前你就要講，因為會唔同價錢，我即刻無言...... 之後又係部機度點左幾下出左第二張單比我，收完錢又單手好瀟灑咁搣返張卡單比我，全程除左教我點埋單之外再沒有講過任何野...... 本身今日用餐好愉快，真係多謝佢令我有一個咁難忘的經歷。

成日聽朋友講去圍屋食，今日就去試下個午餐。就算星期日，午餐都唔使加一，唔怪等12點門外咁多人等位。門口睇餐牌都好多選擇，咁就叫個三色魚生飯，$59真心唔貴，飯量正常，魚生就超薄切，師傅刀工了得🤣不過$59有魚生，食落去正正常常都OK丫。照燒牛肉炒烏冬，燒汁唔太咸，份量正常，烏冬滑有彈性，味道不錯，都有唔少牛肉，睇嚟呢間食非魚生係冇問題，下次識叫🤭睇隔離枱個沙津幾靚，滑蛋豬扒唔錯，卷物都有5大舊，都係四五十蚊就一份

天水圍超抵食日式lunch 💰38起味道∶🌟🌟🌟🌟環境∶🌟🌟🌟🌟抵食∶🌟🌟🌟🌟呢間日式定食店開喺商場角落位，但係一到食飯時間就極多人等位，今日早左去到，見到12點30前埋單仲有88折，即刻試下先~每日都有四款唔同嘅特快之選，今日我就揀左個雜錦壽司盛合，有玉子、熟蝦、蟹柳壽司各三件，仲有一碗細烏冬+凍利賓納，total $41。原本仲驚會唔夠飽，一上到枱真係😮樣，份量比想象中多好多，完全夠曬一個lunch有突。以為呢個價錢會好劣食，點知錯曬，個人覺得佢啲米同X氣壽司差唔多，材料都大件新鮮，唯獨是個蟹柳比較澱粉，似打邊爐嗰啲，其他都中上水準。烏冬就正正常常，鰹魚湯底配急凍烏冬，份量都多嘅，絕對食得飽，加埋杯野飲，real滿足🙈😆呢個價錢嚟講，諗唔到野可以挑剔，就算拋開價錢嘅濾鏡，味道都中上嘅，lunch嚟講非常適合，就快會變我canteen🤣🤣

今日去食豬排飯，明明炸豬排，唔明點解同蛋兜埋一齊，一嚟到俾佢嚇親，食咗一，兩啖頂唔順最後叫待應埋嚟，話點解會咁，圖同實物完全不符！同埋好難食！點解咁差！之前佢答左句唔好意思之後走咗！我嬲嬲地㗎！喂呀～換番碗拉麵嚟啦，一D都唔醒目😮‍💨😮‍💨😮‍💨當然依句係我心諗嗰句！！其實明明炸得好嘅豬扒，之後點解要煮番淋呢，冇口感冇美感！最後我一半都食唔落！再叫左碗拉麵！真心其他嘢可以！呢個真心唔好叫啦！影響心情影響食慾！店家嘅處理手法都好有問題！聽完冇改進！我見之後嚟嘅客都係一樣咁樣衰嘅飯俾佢地！

今日同屋企人去咗一間日本餐廳食壽司食炒飯，發現原來餐廳位置好近天秀站，天秀站一落車，行大約1分鐘就到餐廳，非常方便，我哋叫咗個芝士壽司，呢度係必叫，果然好濃嘅芝士味，個壽司真係一流，之後仲帶咗個三文魚炒飯，炒飯超級野味，下次一定再嚟食過，價錢方面仲要好實惠，一個餐唔使$100 ，三個人食， $200內可以買單，仲可以同朋友要多幾樣，都唔怕貴，至於環境方面，張枱又夠大，同埋張凳都好舒服，可以同朋友傾好耐，餐廳都唔會趕走，係好適合同朋友一齊嚟食飯，同埋傾偈嘅地方，呢度食飯氣氛都唔錯，好寧靜，唔會好似響街市食飯咁嘈，所以呢度食飯係一個好享受嘅地方，非常之推介住元朗屯門天水圍嘅朋友嚟，性價比高，食物超好食，推介推介！

餐廳位於天水圍天一商場，成個商場得一間日本嘢食，所以我成日都食😋今次我推介俾大家係我成日都食美食之一照燒牛肉炒烏冬加一杯凍咖啡☕️個烏冬配料好足，牛肉都好好食，唔太梗，賣相美觀👍🏻，唯一嘅缺點就係好細份😖如果好肚餓真係唔好叫呢個餐。個餐配埋個麵豉湯，個湯係好飲嘅，好清甜，唔錯！！😋😋呢杯咖啡真係想講吓，出奇地非常好飲，佢唔太奶，會比較濃同有啲苦，但係就好啱我口味🤩🤩我誠意推介俾大家叫呢杯凍咖啡👍🏻👍🏻👍🏻

今日假期lunch time去食，諗住叫三色魚生飯/粒粒魚生飯，但職員表示無三文魚關係，所以暫停。🤷🏻‍♀️🤷🏻‍♀️咁我唯有叫特式魚生飯⋯.「特式魚生飯」$58另加$3有凍飲🍽：首先，要講下佢嘅送餐速度⋯成半個鐘個魚生飯先送嚟，其他比我遲嚟嘅人啲嘢食都到咗。😡跟住要我忍唔住開聲先加快咗！啲魚生好明顯食落唔新鮮，尤其隻蝦！！啲壽司飯落咗勁多醋，多到係酸嘅！😤😤其實如果做街坊生意嘅餐廳嘢食都整到咁無水準，更加唔會多生意！！

圍屋和食料理 (天水圍)一諗唔到食咩就會嚟呢間食拉麵😋因為CP值好高，晏就食兩個人一百蚊有找❤️🔺冇加一服務費～🔺加凍飲只需3蚊雞排食咗咁多次都覺得好神奇，落咗照燒汁煮個雞皮仲keep到脆身🤤🤤🤤👍🏻雞肉不過不失，碟底有汁唔會乾😋拉麵就係好普通溝出嚟嘅豬骨湯同幾重鹼水嘅拉麵🍜落咗啲海帶、粟米做配料～偏甜嘅咖哩汁，有大大舊嘅紅蘿蔔、薯仔做配菜🥰魚柳偏薄，冇浸到汁嘅炸魚柳仲係脆嘅～👍🏻整體嚟講唔錯，絕對對得住呢個價錢👍🏻

位於天一商場嘅日本料理餐廳，環境闊落，有卷物、刺身、日式火鍋、炸物、炒飯、拉麵等等，款式多樣。食物：質素整體ok! 味道同平時香港搵到嘅餐廳差唔多，不過不失，價錢合理。

今日小編放工去影相就去到天秀邨搵一搵有咩景好影📸，影完相梗係要食個飯啦。上網搵到係天秀邨既一個商場入面有間比較舖位大既日本餐廳👀，小編咁岩又想食海膽咁就不如試吓呢一間喺天水圍嘅平民日本餐廳🍣，個名叫做「圍屋和食料理」。✦✦✦✦✦✦✦✦✦✦✦✦✦✦🎈海膽海鮮炒飯 $69小編認為海鮮炒飯入面嘅海鮮都算足料，有蜆肉、魷魚圈，而呢啲係日式海鮮飯必有嘅材料🤔，上面仲加左木魚。而海膽就有一小舊係飯上面😛，不過價錢嚟講亦算可以，小編仲特照將海膽留到最後一啖先食😋，味道都幾濃烈。✦✦✦✦✦✦✦✦✦✦✦✦✦✦🎈海膽手卷 $33海膽手卷非常吸引😋，一大片海膽喺上面仲有一條小青瓜絲🥒，大啖咬入口已經令小編好滿足。價錢$33同出面比較其實係平，而海膽亦算新鮮無異味，顏色光澤，不錯選擇🔥。✦✦✦✦✦✦✦✦✦✦✦✦✦✦總結：小編今次只係食咗關於海膽既菜式 ，其實有好多款都可以選擇，小編睇餐牌都十五十六🤯。 價錢方面，非常平民價，係呢間日本料理下可以選擇更多，就著性價比嚟講係不錯。而味道亦都算中上，非常值得再次返兜👍，環境寬闊而且亦有個大玻璃望住天水圍既日與夜😎。整體而言，餐廳既質素係小編接受範圍中，如果大家有興趣

服務要改善。。。。。。。。。一入門口職員態度已經唔好，坐位因為早去所以有類似窗口卡位坐，落完單，有些食物好快到，但有些就食完枱上所有野都未到，追單態度都好差。。。。。。。。。。食物質量其實幾好，價格都正常，但服務差。。。。。。