回味車仔麵

營業中

休息中

轉手後所有餸都冇味，點回味呢？？肉丸變咗粉球……😨🤮入去員工都唔同晒，之前夾餸既係老闆，好嚴謹，枱面所有餸/碗都一定要放整齊，但而家就亂晒咁，埋單收錢既姐姐，一嚿雲咁，噏乜都聴唔到，又唔知幾錢………冇下次了

九月下旬頂左手，好明顯唔同左，以方便開檔為主，功夫野無野，丸就大把，魚蛋都朋埋白魚蛋算數，豬皮豬腸車老抽都小落，機乎白色既。。無話難食，總有人喜歡，不過唔係我，應該唔再去了

久仰回味車仔麵大名，0負評，但夜晚唔開，一試嘅機會難度增加。終於有機會，午飯時間，去到一條長長人龍，都十多人排隊，大概排了十五分鐘。首先，價錢係非常相宜，$42三餸一麵包飲品，現今物價難似找到媲美。一場黎到，梗係食得落嘅盡試，五餸，豬紅豬腸蘿白豬肉丸蝦條米線，凍檸茶，腩汁加辣汁，埋單$5x。名物豬肉丸，內裡滿滿的蘿蔔絲，新鮮炸起，但後來回想，又唔係好食到有豬肉碎，其實係咪只係蘿蔔絲餅？無豬肉？再對比以前啲相，似乎而家配方係無乜（定無？）豬肉。但點都好，係好好食，出色。蝦卷，就係普通腐皮粟米蝦卷，okay，但唔覺有咩特別。豬紅，質地好，唔係一咬就碎係完整又少少煙靭咁，雖然無處理唔好嘅味，但調味偏淡，真係無乜味。豬腸，唔靭，無怪味，調味偏淡，唔香。蘿蔔，天然清甜味，食得出無話落重糖水去忟，所後勁係清水味浮現，質地軟淋但無過爛。湯底已加腩汁，亦加左兩大匙辣汁，不過食落偏淡唔太夠味，唔香味好寡。睇返餸同湯汁調味，好家常味道，係無落味精，但我重口味，所以成碗麵係唔算惹味，好似媽媽煮俾你食咁。呢間車仔麵價錢取勝，唔係難食，除左粒好似唔係豬肉丸係蘿蔔絲餅嘅野，無乜令我回頭嘅意欲。

回味無窮車仔麵🤤有日經過見到係超多人排隊，原來係排緊車仔麵，今日我都嚟試吓，間舖頭癲到未開門已經有10幾人喺度排隊，非常多街坊支持，呢度嘅嘢大件夾抵食👍🏻車仔麵🍜 ($42/3餸）呢度係流水作業式，排着隊先揀面底，再揀餸，再嗌嘢飲，井然有序，最正嘅係呢度啲叔叔都好有友善，舖頭乾淨企理，揀餸嗰陣時仲可以睇到有啲乜嘢，超地道🤩面底要左油麵，揀咗牛腩、蝦卷、豬皮。d餸出面大，女仔嗌3餸已經好飽，蝦卷有質感彈牙🍤，中間仲有d粟米粒🌽，牛腩都幾大件🐮重點係入哂味煮得又淋，肥瘦適宜，脂香四溢，豬皮🐷爽口而且可以吸哂晒湯底嘅精華。終於明點解未開門已經咁多人排隊👫🧍🏻‍♂️🧍凍奶茶☕️仲要包埋餐飲，真係超值，質素都唔錯📍 回味車仔麵 (新蒲崗)新蒲崗康強街32-34號康強洋樓9號地下

今日去到新蒲崗食超人氣車仔麵，無論咩時候嚟到都見到大排長龍，今日有啲時間就排下隊，試吓係咪真係咁正咁好食。呢度外賣同堂食，都係排同一條隊，大概排咗10幾分鐘，就買得，都可以接受嘅時間。••••••••••••••••••••••••••••••餸菜選擇多，花多眼亂，我就揀左豬大腸，冬菇，炸肉丸，每樣餸份量超多，豬大腸好香腸味，冬菇超厚肉，又入味，炸肉丸入面有豬肉同蘿蔔絲，好新奇好好食嘅一個肉丸。最重要係價錢唔貴， $42三個餸，連埋嘢飲，終於明白點解呢間店舖長期大排長龍，我一定會再幫襯。••••••••••••••••••••••••••••••

仲有一個星期左右，就離開SPK呢個我覺得lunch幾多選擇嘅地方，回味一下呢間CP值高嘅車仔麵店，每逢午市都出現人龍，舖位細細，所以我每次都係外賣，$42有個三餸麵仲包埋冷/熱飲品，今時今日確實難得。是日點咗豬紅、蝦卷、牛腩、銀針粉，加腩汁同辣汁非常惹味，蝦卷彈牙，不過牛腩嫌肥，但勝在炆得夠淋，豬紅份量都幾多，係SPK打工族午市嘅首選。

每次午餐時間經過，必見人龍！為了吃到一碗回味車仔麵，刻意抵著肚餓，過了午餐時間，來碰運氣。哈✌🏻遠遠看見只有一人在等店主淥麵；立即加快步伐，排在她身後。店主動作快，一看便知是實幹型👏🏻👏🏻👏🏻吃車仔麵至高無上的享受一定是看著林林種種的餸呈現眼前，盤算著選什麼😋😋到我喇😁✌🏻～～～～～～～～～～～～～～～～～～～🥕🍲🍜蘿蔔豬腸豬紅粗麵 $40⭐️⭐️⭐️⭐️⭐️喜歡這種扁的粗麵😁湯底濃郁惹味，這次沒有加辣汁，如果加了，肯定更滋味！因外賣緣故，開蓋後見到麵已吸去部分湯，但麵並沒有因此而變腍👍🏻云云餸菜之中必點蘿蔔，清甜冇渣又夠腍👍🏻豬腸洗得乾浄，中間的肥膏亦去清，沒有臭臊味；咬落軟糯，吸盡湯汁精華，得呀！N年沒有吃過豬紅，不知何故，這天突然想吃。大大粒，不腥，不會過腍，咬落有質感，掂！這碗車仔麵，麵如店名，令人回味😋😋😋😋😋😋不時想去encore😄～～～～～～～～～～～～～～～～～～～份量非常多，三餸麵只賣$40，可選麵、米粉、米線、油麵、銀針粉等，還包熱飲一杯，凍飲加$2。做出好味抵食的地道小店，要診惜😍😍🤗

今日受朋友邀請去佢公司幫下手，順便當探下好耐無見既佢，黎左個平時好少去既地區，就係新蒲崗啦，估唔到放lunch時間咁多人，今日佢帶左我黎尼間叫回味車仔麵，見有好多人排隊，所以就跟住人群一齊排🤣🤣我叫左個三餸車仔麵，分別係炸肉丸，冬菇同鹵水雞翼再配以牛腩汁同辣汁。飲埋個凍檸茶，個湯底好濃郁配埋辣汁非常開胃，炸肉丸唔係到到有，處理得好好，冬菇夠淋又入味，但個鹵水雞翼就差啲，比較細隻同少少嚡，整體係幾好食，又抵食三餸一凍飲只係$42👍🏻👍🏻

新蒲崗長期多人車仔麵 入座嗰時已經好多人排隊 點知食完出嚟 仲多人排隊 店舖前面排滿晒 唔係住呢區嘅我表示有啲誇張 簡單記錄下.⭐️車仔麵 三餸一麵 包飲品 $40牛肚 腐皮卷 冬菇 菜底👍🏻冬菇入味 厚肉 正😊腐皮卷似係腐皮蝦卷👍🏻熱熱地 蝦滑彈牙 正👌🏻牛肚正常發揮扮健康轉咗菜底 口感剛好車仔麵黎講係抵食加高質嘅性價比高 唔怪得咁多人排.#hkfunfoodrecord窮遊香港#hkfunfoodrecord_新蒲崗.#回味車仔麵 (新蒲崗)地址：新蒲崗康強街32-34號康強洋樓9號地下.⭐️評分：味道：4/5環境：2.5/5服務：2.5/5抵食：3.5/5.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #新蒲崗美食 #車仔麵

朋友介紹好好味難怪經常排長龍，不過唔駛等好耐，因為老細們好快手。成日諗唔到食咩就會去食碗回味車仔麵😁真係好入味，個人最鐘意食雞翼，冬菇，蝦卷，如果有朋友一齊share食多幾餸好正！

見食評勁好，今天下午專登在坑口坐102小巴去食，在總站下車，行1分鐘左右就到，叫左幼麵加羅白，魚蛋，牛腩和豬大腸，加沙爹汁，麵大路貨易碎，魚蛋非常普通，大腸夠淋但唔香冇味，牛腩都夠淋有肉味但太瘦有些乾，湯底好咸，連凍飲 47元，性價比高但不值得坐車去食，將軍澳區內有幾檔都比它好味

之前經過見到朝早11點幾已經排緊隊，同埋經過聞到好香，當然要揾日試試佢啦好耐冇食車仔麵喇！呢間舖頭好有程序，先揀麵底，再揀飲品，之後揀餸同醬料，好好玩好刺激我揀咗冬菇、蘿蔔、豬紅粗麵清湯（鮑魚係自己加料哈哈）。如圖所示，勁多餸，基本上食餸都飽 特別推介蘿蔔，又冧又冇渣，有4大嚿，食得好爽 同事推介蝦條。另外凍檸茶茶底幾香濃，幾唔錯！呢間餐廳好近，大把機會試其他餸

來過幾次都摸門釘…第一次放工過黎，原來收下午六點。第二次睇清楚開門時間，星期日午市過黎，點知小店果日休息一天。到第三次星期日午市過去，終於有機會一試。排隊嘅人龍有概有十多人。雖然門店細，座位只有約十多個，但一半客人都是叫外賣，一個客叫3-4碗左右，排左20分鐘就有得落柯打、比錢、再入內堂食。整體來講，大部分嘅車仔餸都好好食，份量好足，三餸已經好飽。$40蚊三餸再包任何凍/熱飲，無得輸。美中不足係河粉唔滑同厚身，湯底無麥特別。下次會叫其他麵底。推介車仔餸1）大肉丸（蘿蔔絲餡）- 要即食2）炸蝦條 - 要即食3）牛腩 - 夠軟淋、新鮮、入味4）冬菇 - 好大件、好味呢間暫時係我食過最好味嘅車仔餸～

自從十年前呢區開左呢間回味車仔麵之後，我就時常幫襯，食慣左佢地嘅味道就唔想再食第二間，我又比較麻煩鍾意走湯，凍飲又要少冰，比著第二度都嫌煩或做漏，佢地永無甩漏！所以值得介紹親友去幫襯佢地！做食肆能夠企隱幾年都難，何況十年？祈望貴店上下繼續努力，再服務本區多幾十年吧！

至從搬走左好多年冇黎食，知道平時繁忙時間實無位，今日我揀2-3點時間去食三餸一面，入門口見到熟悉職員，咁多年來這家人依然做出回味車仔面，感覺好warm....今次見到新餸(炸肉丸)，牛肚見其他人評論讚入味又淋，整體環境食物價錢仍保持水準，老闆不斷創新自製肉丸出奇地好味👍🏻👍🏻以前好鍾意食栗米蝦卷，又多一個選擇😋