四面泰泰式火鍋

營業中

休息中

繼上星期颱風襲港後連場暴雨，氣溫一早一晚清涼了不少。除咗要帶多件外套怕凍親之外，涼涼地去打邊爐就最正。今日來到我一個很少踏足的地方。餐廳係啟德Airside商場五樓，港鐵站步行約八分鐘就到，地點非常方便。用餐時間係平日下午三點，如我所料一到餐廳直入唔使排隊，眼見餐廳七成滿，大多數嘅人都係打邊爐嘅。餐廳環境寬敞，枱與枱之間距離充足，每張檯空間都很大，坐得非常舒適，值得一讚！坐低後我哋就叫咗一人一鍋超值套餐。套餐有三款。肉量也有三款選擇，分別是100g，130g，160g（約十片）。而自選湯底亦有三款。套餐附送蔬菜拼盤，另有小食追加及飲品升級，價錢划算，相當經濟！- 西班牙黑毛豬腩肉130g配椰奶雞湯套餐¹¹⁸西班牙黑毛豬腩肉油脂分佈平均，肥瘦相間，層次分明，肉質柔軟，味道濃郁！而椰奶雞湯味道濃郁，質地順滑，椰奶香氣極重！- 泰式手標啵啵奶茶⁺²⁸泰式手標啵啵奶茶味道濃厚，唔太甜夠茶味夠正宗！- 美國特色肥牛100g配冬陰功鮮蝦湯套餐⁹⁸美國特色肥牛味道細緻油花適中，口感爽嫩軟滑！而冬陰功鮮蝦湯味道酸酸辣辣帶點甜，非常惹味！個人比較三款湯底，冬陰功鮮蝦湯最為美味，大推！- 蝶豆花青檸梳打⁺

去Airside行街，見到呢間專門食泰式火鍋嘅餐廳有好多人喺度等位，餐牌都相當吸引，即刻攞張飛行陣街就有得食. 餐廳地方闊落，坐得幾舒服，而且光猛乾淨，啱晒一班朋友嚟打邊爐吹水。入到去就已經聞到「椰奶雞湯鍋」傳嚟陣陣椰奶香氣，好吸引啊！必點就係招牌「寶藏海鮮手工金盒」$598，出場有乾冰煙霧彌漫效果，寶盒內有四隻鮮活日本扇貝、90g本地魷魚、60g珊瑚蚌、四隻鮮活鮑魚仔、四片白鱔魚片、四粒手打墨魚丸和四隻海蝦.款款海鮮都鮮甜爽彈，鮑魚仔記得唔好烚太耐，唔係會韌架！食寶盒送鍋底，有三款鍋底俾你揀，雙拼鍋底都唔使額外收錢，識揀一定揀個鴛鴦鍋「秘製冬陰功椰奶雙拼鍋」啦！兩款湯頭都濃郁味香，店員建議我哋可以打邊爐前先飲一飲個湯.秘製冬陰功鮮蝦鍋古法熬制，湯底有海蝦，酸辣度調較得剛剛好，適合香港人口味；椰奶雞湯鍋椰香四溢，奶味香濃，雞肉嫩滑，一碗接一碗！台式桶蠔 $76加左兩隻桶蠔，桶蠔脹卜卜，入口爆汁蝶豆花青檸梳打 $38食泰菜點少得青檸梳打，配上蝶豆花嘅配搭，又打卡又解膩！芒果糯米飯 $58芒果新鮮又多汁，食落爽滑清甜，香味滿溢，與浸透滿椰汁的糯米飯一起食，軟糯甜美嚼勁十足，值得一試。

泰菜就成日食，泰式火鍋都應該係第一次食呢間上海人氣泰式火鍋店之前進駐沙田，最近係Airside再開分店，地點甘方便一於去試試餐廳裝潢用上木色調，富空間感還有綠化位置都令整體舒適度大大提高！菜式方面有多款海鮮、手打丸子、肉類和曼谷街頭小食等等。餐廳會係餐牌例出每款食物既烹調時間，咁就一定唔會煮得過熟，真係好貼心啊！坐低職員就攞上一盤蝦片，口感香脆，真係會食到停唔到口. 餐廳有自家製的特色醬料，三款醬料都各有特別；青色是泰式青檸醬是用來點海鮮，酸酸地。中間是椒麻醬油是辣辣地，最後一個正是泰式酸辣醬用來點丸和肉類。寶藏海鮮手工金盒（3-4人份） $598充滿仙氣既海鮮寶盒，準備手機打卡！入面有多款海鮮，分別有日本扇貝、本地魷魚、珊瑚蚌、鮮活鮑魚仔、白鱔魚片、手打墨魚丸和海蝦. 最愛鮑魚仔和扇貝，鮑魚仔爽彈，扇貝厚身又鮮甜. 仲有墨魚丸每日由大廚人手打膠新鮮制作，彈牙好多，必食！餐廳一系列秘製湯底，主打每日新鮮自家熬製，重點係佢地加湯不加水，果然真材實料！我地揀左寶藏金盒就贈送鍋底，鍋底仲可以揀單拼或者雙拼，真心好抵！我當然揀雙拼湯底，一次過滿足晒兩個口味啦！店員仲建議我地未開始打邊爐前記得飲

今日中午專登黎Airside朝聖一下經過見到呢間火鍋店主打泰式火鍋平時港式，台式火鍋就食得多用泰式做gimmick真係第一次聽我地好奇心驅使下就入去試下😂估唔到佢地午市都有一人火鍋套餐而且價錢都係百零蚊我地咁為食就梗係全部都要喇🤤一坐底就有蝦片食脆卜卜 仲要係任食添❤️火鍋湯底有冬陰功鮮蝦湯底，椰奶雞湯底同埋牛板腱清湯底牛板腱清湯底肉味重 但又唔會有牛騷味湯底清甜 淥菜食一流冬陰功鮮蝦湯底味道非常好 唔會太辣太酸絕對唔係味精溝出黎我覺得仲好飲過出面泰國餐廳😂椰奶雞湯底最意想不到味道濃郁 椰奶味好出色淥完既食材都索晒個湯底完全唔使再點任何醬料😍而套餐入面既肉類選擇好貼心因為三個重量有不同價錢岩曬唔同食量同需求既人而且三種肉(黑毛豬，肥牛，牛板腱)質素非常好新鮮之餘完全無肉騷味👍🏻👍🏻👍🏻本身跟餐就係配咗可樂一場嚟到 當然要試埋佢哋嘅泰式飲品泰式奶茶茶味濃，而且唔會太甜配搭珍珠非常之好飲芒芒碌碌感覺好似芒果沙冰芒果味濃加埋少少椰奶同埋果肉清甜又解渴蝶豆花青檸梳打水打卡一流🩷🩷蝦餅新鮮即炸 熱辣辣又香口每啖都有蝦肉 好食😋香茅雞翼好貼心 單骨雞翼香口好惹味😋餐廳好貼心有埋充電線可以邊食邊叉電😎

食物幾好食，環境都唔錯，但係有一個長頭髮，個樣有啲大陸嘅女服務員，服務態度太差，佢會逼你食完嘢但係仲飲緊嘢都要即刻走，話出邊好多人等緊，但係比我哋早嚟仲食緊嘢嘅人都未走，我哋用餐時間講明120分鐘，完全都未夠時間就即刻執你張枱，剩返嘢飲喺度，睇住你一舉一動，黑面，態度極差，我仲聽到佢鬧其他客人，呢間嘢就係俾佢搞衰咗！本來對呢間嘢有好感，就係比呢個應該要轉行唔專業冇教養嘅女服務員，令我地唔想再返去！

寶藏海鮮手工金盒(2人)$498金盒好豐富包左海蝦4隻、台山桶蠔2隻、爽脆皖魚4片、鮮脆珊瑚蚌60g、鮮活鮑魚仔2隻、手打墨魚丸2粒、鮮活紅沙蚌2隻整體都大大份而且新鮮而海鮮組合優惠就叫金盒送單/雙併鍋底於是我地揀左秘製冬陰功椰奶雙拼鍋冬陰功惹味都有啲辣 椰奶味就好香濃兩個湯都好飲 但仲有個隱藏飲法就係唔食得辣既可以兩溝調返可接受既辣度 蜜汁泰烤鰻魚串（一份2串）$88蜜汁吊出鰻魚既烤香味 而且都好厚身一人一串岩岩好四面泰牛肉拼盤$328好大碟CP值高有多款牛肉例如牛小排、牛板腱、肥牛同牛舌 牛肉吸哂湯既精華好入味仲有埋各款泰式醬料可以點其中仲有骰子牛 平時燒肉食得多 原來打邊爐都可以食到手工竹笙蝦卷（5件）$79竹笙卷住蝦肉外層爽爽吸湯內層既蝦肉鮮滑彈牙口感同味道都出色！手工椰奶雞肉餃子（5粒）$68店員推介 喺其他地方少見食得出雞肉混入左椰肉係好味嘅但好似放左落椰子湯分唔出係湯定餃既椰味泰式芒芒碌碌$42泰綠生椰子乳$42芒芒碌碌就係泰版楊枝甘露 甜味更重 食到柚子粒粒椰子奶綠配搭幾特別 飲落仲有啲似椰汁糕

近排聽朋友講，啟德有一間勁好食嘅泰國打邊爐店，於是今日收工就特登過嚟食，一入嚟已經俾個裝修經驗度，感覺真係打卡餐廳，裝修環境勁靚，不過最令我驚喜嘅，就係店員同我哋講呢度嘅泰式蝦片係無限添加嘅，對於我呢個咁鍾意食蝦片嘅人嚟講，真係好興奮，加埋呢度嘅蝦片全部都係脆卜卜，勁好食。睇咗餐牌一陣，都覺得所有嘢都好似好想食，問店員有咩推介，佢就話呢度通常啲人都一定會叫佢哋個王牌寶藏海鮮手工金盒，因為可以配鴛鴦鍋。我同朋友諗咗一陣之後，決定要一個辣一個唔辣，所以最終要咗慢燉牛板腱清湯鍋拼冬蝦蔭功鍋。我朋友直程當湯咁樣飲咗個冬陰功湯底，但我自己就比較鍾意個清湯鍋，因為覺得佢夠鮮甜。不過呢間餐廳真係要表揚一下，加湯底嘅時候真係加湯，唔係淨係加熱水。沙爹牛肉串好肥美，牛肉嘅口感亦都好好，感覺就好似真係去咗泰國街頭食小食咁。食到最後都想食返啲肉，所以就叫咗個美國特色肥牛。呢度一份肉嘅份量都唔細，都幾抵食。本來已經好飽，但係店員推介我哋叫招牌椰皇凍。好彩有聽話，因為真係太好食，好重椰汁味，吸睛又好食。最後都要講埋，呢度嘅飲品其實都勁靚，感覺真係去咗泰國度假咁樣。

又到打風季節，同同事一齊收工，大家都期望聽日打八號風球，於是就集氣一齊食埋個泰式打邊爐返屋企啦。見今日都幾多人，於是就要咗個寶藏海鮮手工金盒，呢個係足夠三至四個人嘅份量，海鮮種類亦都好多。而特點就係可以嗌鴛鴦鍋，於是我哋要咗慢燉牛板腱清湯鍋拼冬蝦蔭功鍋。一邊夠清甜，另外嗰邊又夠泰國風味，其實兩隻湯底都幾好味，我哋未放嘢入去之前都飲咗幾碗湯。另外都叫咗潮汕牛肉丸同埋美國特色肥牛，兩隻都好好食，好有牛味。搵到食泰國嘢，就梗係要叫沙嗲牛肉串啦，呢間嘅沙嗲醬好濃郁，味道一流！嘢飲我哋就叫咗兩杯，一杯係碟豆花青檸梳打水，超級解渴。另外一杯就係百香芒芒碌碌，啲芒果好香好甜，亦都有一粒粒嘅芒果果肉。至於甜品，就叫咗佢哋嘅招牌椰皇凍，好Creamy，好清新，咁大個都係呢個價錢，真係好抵食！

19:15分拎飛2人枱，等左2個鐘都係冇咩點跳過，3-4人/ 5-6人枱都係等左好耐，店面接待員都係選擇性揀枱，完全冇考慮顧客感受，間鋪收22:00，如果20:30前都冇得入，係咪應該都要通知出面排緊既客人幾點會截單，自行考慮是否仍繼續排隊。最嬲係d過左成10幾張枱仲可以補飛入去。最後21:00走左

野食味道係唔錯既價錢偏高 2個人晚餐食食900蚊 份量唔算多收加一服務費再另加每人15蚊醬料費等蝦片有得refill個湯底ready左但一路唔上碟肉拼盤同串燒等左半個鐘都無，催單先有餓到要係咁食蝦片嗌左埋單後,等左成十五分鐘先終於有人埋單間餐廳咁大得1個人負責收錢有其他枱既客人頂唔順直頭親自走左去佢個信用卡機間房搵職員埋單覺得服務費相當唔抵

佢地新開張時食過一次, 食物新鮮, 湯底好味, 所以諗住再去. 果日係星期日, 晏晝打去諗住BOOK位, 但係接線既員工話冇得BOOK.  我諗住可能唔可以BOOK即日, 所以7點鐘去WALKIN.   我同當時門口職員A講有隻狗, 佢話冇問題, 叫我地拎飛, 不過可能要等多一陣.   等左一個鐘, 當時門口換左另一個職員B, 我就問佢, 我拎左飛, 有隻狗, 請問仲要等幾耐?  我等緊佢答既時候, 又有其他人問佢問題, 佢可能同一時間應唔到咁多, D語氣超差咁答D客, 仲同我講, 叫我唔使等, 今晚唔會有位比到你.   我話, 下, 一個鐘之前你個同事唔係咁講, 如果比唔到, 你地唔好叫人拎飛, 同埋早D等我去搵其他餐廳食.   跟住佢仲 要好晦氣咁話, 咁我宜家真係比唔到枱你吖麻姐姐!    我真心好嬲, 因為我覺得我一家大細等左一個鐘, 唔到我問你都唔同我講拎飛冇用, 你走啦.   仲要係AIRSIDE入面, 帶住寵物搵野食已經好困難, 我比佢地浪費左一個鐘時間.    而一句交代都冇又鬧客, 係咁叫我走, 禮貌零, 絶對唔係一般正常服務性行業應該有既態度.  最後之前企門口既職

今日中午專登黎Airside朝聖一下經過見到呢間火鍋店主打泰式火鍋平時港式，台式火鍋就食得多用泰式做gimmick真係第一次聽我地好奇心驅使下就入去試下😂估唔到佢地午市都有一人火鍋套餐而且價錢都係百零蚊我地咁為食就梗係全部都要喇🤤一坐底就有蝦片食脆卜卜 仲要係任食添❤️火鍋湯底有冬陰功鮮蝦湯底，椰奶雞湯底同埋牛板腱清湯底牛板腱清湯底肉味重 但又唔會有牛騷味湯底清甜 淥菜食一流冬陰功鮮蝦湯底味道非常好 唔會太辣太酸絕對唔係味精溝出黎我覺得仲好飲過出面泰國餐廳😂椰奶雞湯底最意想不到味道濃郁 椰奶味好出色淥完既食材都索晒個湯底完全唔使再點任何醬料😍 而套餐入面既肉類選擇好貼心因為三個重量有不同價錢岩曬唔同食量同需求既人而且三種肉(黑毛豬，肥牛，牛板腱)質素非常好新鮮之餘完全無肉騷味👍🏻👍🏻👍🏻本身跟餐就係配咗可樂一場嚟到 當然要試埋佢哋嘅泰式飲品泰式奶茶茶味濃，而且唔會太甜配搭珍珠非常之好飲芒芒碌碌感覺好似芒果沙冰芒果味濃加埋少少椰奶同埋果肉清甜又解渴蝶豆花青檸梳打水打卡一流🩷🩷蝦餅新鮮即炸 熱辣辣又香口每啖都有蝦肉 好食😋香茅雞翼好貼心 單骨雞翼香口好惹味😋餐廳好貼心有埋充電線可以邊食邊叉電

/🇹🇭四面泰泰式火鍋 🚪九龍城啟德協調道2號AIRSIDE 5樓L514號舖⏰MON-SUN (11:30-22:00)🍲今日同朋友去開新蒲崗就行左去新起既Airside🗜️行下行下上左5樓行見到有好幾間餐廳😳不過我地留意到有間泰式火鍋🇹🇭見到佢午市有啲一人火鍋就試下🍲我地每人都試左唔同湯底同肉類🥩佢每份Set都有跟一個蔬菜拼盤🥬菇菌、潮州豬肉卷同埋有一小份泰式船麵河粉🍲我幾鍾意佢有菠菜🥬而我地每人都試一款湯底😎咁就可以試哂三個口味🤪佢有個秘製冬陰公鮮蝦鍋🤔佢飲落都有少少微辣🌶️而湯底都屬於濃味同好入味🤣我將啲河粉擺哂入冬陰公到超級掛汁🍜而我大愛既係椰奶雞湯鍋🐔佢個椰奶真係好好味我都係咁飲🤤再落左啲肉吸哂啲味😈而慢燉牛板腱清湯鍋就會清甜啲🤤一樣好味😎我地仲追加左蝦餅小食同埋香茅雞翼🏮兩個都炸到好香脆😈人地幾個都每人試唔同Gram數既肉類😈我地係牛魔王所以肥牛同牛板腱我地暴風吸入🐮佢都算高質🙈而豬肉都不錯🗜️幾欣賞佢會因應大家食肉份量而去揀Gram數既餐🙈另外我地都加哂三杯特飲🥤我覺得泰式芒芒碌碌最好飲😳佢啲芒果肉好甜同埋有啲配料好有咬口🫣而泰式手標啵啵奶茶飲落茶底好夠濃🥺啲珍珠都唔會好硬🥰蝶

今日同朋友出左Airside行街順便食lunch,睇過全部餐廳，朋友都係要簡打邊爐😛，不過見到係泰式邊爐 所以就決定試一試🐻午市套裝餐都幾抵食，有3款肉簡⭕️肥牛｜⭕️牛板腱｜⭕️黑毛豬🐻最重要係佢地可以一人一窩，夠晒衛生同可以簡自己想要既湯底，湯底有：⭕️慢燉牛板腱清湯⭕️椰奶雞湯⭕️冬陰公鮮蝦🐻我地一行3人，就梗係每樣叫一款試晒佢😂 3款湯底都好夠味，牛湯清得黎好有牛香，椰奶雞湯香到我地差啲飲晒，冬陰公湯就香辣野味🐻每款套餐都會跟埋菜同泰式船面河粉，擔心既我地就加埋蝦餅同泰式雞翼🐻最後飲品同甜品方面，本身套餐會包一罐可樂，不過特地就加錢叫左特飲😊 8月31號前仲有一個甜品送

香港人真係好鐘意打邊爐，天氣熱辣辣都唔會阻止到我條心癮。晏就經過啟德附近，見到呢間四面泰有一人一鍋，同兩個朋友講掂數就入去坐低。午市有三個套餐，我哋三個啱啱好叫哂，有特色肥牛，牛板腱同西班牙黑毛豬，仲可以試哂三個湯底，個人最推椰奶雞湯鍋，椰奶味好重好香，打邊爐淥肥牛都夾，牛板腱清湯就清淡牛香，淥菜就啱哂，好辣既當然要食冬蔭功鮮蝦湯，酸酸辣辣，淥乜都啱。食完肉仲有泰式船面河粉，唔怕食唔飽，河粉口感Q彈，配上三種湯底各有特色。店員仲介紹左佢哋既三種手工醬料，每種都好惹味，沾菜沾肉都好夾。咁啱撞正新開張，送左個甜品繽紛爽椰椰比我哋食，不過送到8月31號就無，有四種水果粒，配上椰奶啫喱，涼浸浸打完邊爐食啱哂。