四川重慶風味小食 (已搬遷) 新店位置

黎到復活節假期的尾聲, 經過每天大吃大喝大的洗禮, 反而想吃清新冷吃, 行街時經過此四川小店, 就帶個外賣回家品嘗。四川涼皮涼皮份量適中, 配以大量青瓜絲, 紅蘿白絲, 莞茜, 荀等食材, 連同袐制的四川辣汁, 味道濃郁而不會油膩。 在開始炎熱的天氣下, 絕對能夠喚醒沉睡的食慾。 片皮鴨此道片皮鴨一般只能在酒樓品嘗, 但竟然在街頭小店亦能遇見, 確實難得。 既然偶然遇上, 當然要品嘗一下。雖然食物外觀不甚討好, 但一口咬下卻有意外驚喜。 片皮鴨肉豐富, 配以大量青瓜絲及適量醬汁, 絕對不是敷衍了事, 雖比不上酒樓般即整的美味, 但亦算可口之作。

呢間其實我食過幾次 算係平靚正 呢碗係佢地既招牌菜涼皮(冇湯）其實我覺得佢似平時食既粉皮不過再薄d d 碗野係冇餸既 佢只係得青瓜同加埋唔同既調味品撈黎食 我揀左大辣 其實我平時唔食得辣 但係佢呢間既辣係麻辣個種 而且都唔算太辣 價錢只係$25 唔算好大碗 不過都夠飽 呢碗野有時夜晚9點左右會賣晒 大家可以早d打去留定先呢碗係酸辣粉 叫左大辣 呢碗因爲有d熱湯既關係所以愈食愈辣 我唔記得左叫佢加多d醋所以只係食到辣味冇乜酸味 所大家記住叫大辣時要留意叫亞姐加返多d醋 呢碗野既份量都係夠飽既 呢碗都係$25我仲叫多左個小食 呢個豆腐好好食 我又係叫左大辣 其實呢間野係辣味真係幾正 一定要食埋隔壁沾左辣既青瓜絲 好味 只係$18最後都要讚下呢間野既姐姐 態度好好 雖然冇得堂食 但其實佢門口有位可以企 如果大家唔介意可以企係度食一d冇湯既野 呢間野值得推介

經同事介紹，在小巷有間食四川涼皮冷麵，試下都無壞。去到，就睇到有好多一盤盤的醬汁及配料。睇睇菜式，都幾多選擇。叫了涼皮加了配料（忘記叫甚麽名），走辣。再加小食皮蛋。先說說涼皮，份量滿多，配料有芫茜，蔥，荷蘭豆乾，青瓜絲，花生等等，配上濃味的醬汁，很開胃。如嫌份量不夠，可以試涼麵，份量比涼皮多的。皮蛋，配上青瓜絲墊底，青瓜吸收了醬汁，很醒胃。。溫馨提示，食完口氣都滿強烈，應要去口氣的食品幫忙。不錯的一餐，又便宜又開胃，食品略嫌不夠凍。下次有機會試試土豆絲，應該也不錯！

呢間四川重慶小食係同事介紹，每次都見佢地食到津津有味，今日終於都有機會試中午十二點叫外賣，十二點半前已經送到來。雞絲粉皮招牌菜，個個同事都嗌，$25。另加一個餸就$8，可以揀雞肉，豆腐等。睇落細細碗但已較好飽。酸辣粉，同平時其他鋪頭的酸辣粉差唔多，我叫少辣剛剛好，食到個咀有d麻記得要攪勻先食，否則食唔到底d辣碎。土豆絲我係薯仔的fans, 自然要試個土豆絲，土豆絲好爽口，$18一大盒。呢間仲有其他小食例如手拍青瓜、雲耳等，不過要注意食完會有少許口渴。

東喜茶隔離既小舖賣既全部係涼拌 呢次就嗌左個涼皮加海帶絲其實涼皮香港真係唔多地方有得食涼皮原本就有小小青瓜絲同豆腐干叫左小辣 都幾好食唯一要講既係個涼皮唔夠凍 室溫咁

今日又去食咗四川重慶小食，趕得切喺收鋪之前去食，上次真係食過返尋味，所以今次一於試多幾款唔同嘅小食。首先涼拌青瓜同上次嘅水準一樣非常惹味。第二我叫左一個涼拌土豆絲，土豆絲非常爽脆配合埋香辣麻辣嘅配料實在一流！土豆絲有輕輕既甜味，好味！另外我仲叫咗一個麻辣涼麵，加左豬耳，全部小辣，反而涼麵就相對遜色啦，麵條唔入味而且比較多油，豬耳都唔太入味亦都唔係非常爽脆，不過可以一讚嘅就係，分量非常之多，仲有附送少量青瓜絲，增加口感，絕對可以令小女生食飽。今次我係外賣拎返屋企食，係食之前放咗入雪櫃雪一陣，咁樣更加凍更加好味

今日經過旺角，聽到東喜茶係隔離開咗間新嘅四川小食，一於就試吓啦。諗左一陣就叫咗個小辣涼拌青瓜，青瓜好足料味道亦都好足，最好味嘅係配料都好足夠，有大陸嗰啲脆卜卜一粒粒嘅嘢，仲有花生，好有川味嘅感覺，仲叫老闆娘加多啲芫荽蔥，好正啊！不過食到底嘅時候就覺得有啲油同埋喊左少少，一開始食都唔錯，底嘅青瓜就油d啲，要隔一隔啲油先好食不過有嘢係可以改善嘅，就係青瓜唔夠凍，涼拌小食一定要夠凍先好食，如果再凍啲咁就好啦

星期日無聊去旺角行街 突然發現新開左一間四川小吃 平時去旺角都係食下魚蛋燒賣珍珠奶茶 所以今次試下的新野姐姐推薦我地食涼皮 + 豬耳我第一次食涼皮 好似河粉咁 唔軟唔硬 有口感豬耳好有咬口 爽脆呢個涼皮有好多配料 例如黃瓜 蘿蔔仲有大中小辣選擇 味道很夠 不過涼皮如果再凍d 味道會更好