四寶食堂 (將軍澳中心)

營業中

休息中

人總愛貪新鮮，見新開餐廳，自然會去探索下。幸好早到🈶位，餐廳唔算大，明亮，環境舒適，食物選擇算多，好容易就點左三樣野食。常餐喜哥蔥油豬扒炒蛋配菠蘿包呢個係我見過最大份嘅常餐😄😄 豬扒係超大塊🍖而且醃得入味味道唔錯，菠蘿包入囗厚實外脆內甜，食完這個豐富大餐感覺很滿足😸主食加$28就有湯加小食和飯馬拉盞芥蘭炒牛肉芥蘭油綠，味道微微香辣，牛肉嫩滑沖繩醬油煮牛筋牛筋入味，有嚼勁。整體來言，份量足，菜式有特色。

這家餐廳在人口眾多的將軍澳開餐廳，餐廳的生意必然好，星期日中午也要排隊。餐廳提供不少主食，包羅萬有。⭐️拔道腩水門雞飯$68大大份雞飯，還有一碗湯。飯量足夠，表面有油光，雞肉入口嫩滑，沾上醬汁很不錯。⭐️凍檸檬雪碧$7雪碧加上檸檬片入口更清新爽口。⭐️蕃茄味噌薯仔排骨湯通粉配嫩滑炒蛋及轉奶油脆豬 $60我將通粉改成米粉，番茄味道很突出，加上薯仔排骨和紅蘿蔔，米粉吸滿番茄的湯汁，吃起來很滋味。奶油脆豬大大件，很抵食，塗了牛油所以吃起來更酥脆。

將軍澳中心新開左間新派嘅茶餐廳，除左港式食物，仲有西式菜式！午餐時間要排隊等位，見咁多人排，我又跟住一齊排😂🌟瑞士汁炒牛河估唔到個炒牛河質素咁高，瑞士汁令到牛河食落甜甜地，每條河粉都沾滿醬汁。牛肉份量好多，而且醃到軟腍，係有一塊有D跟腱位比較難咬，整睇都唔錯！🌟XO醬滑蛋蝦球飯滑蛋真係好香滑，好有蛋香，滿滿咁蓋住d飯，蝦球數量都幾多，爽口彈牙，加埋 XO醬更惹味🤤🌟香煎紐約雞扒配嫰滑炒蛋+胡麻醬田園沙律抵食下午茶餐，雞扒醃到好惹味，又嫩又juicy，炒蛋就好香滑，個人鍾意加黑椒粉一齊食，不過餐枱上只有胡椒粉無黑椒粉，如果可以提供埋黑椒比食客就更perfect!🌟雪山紅豆冰跟餐加$7可升級特飲，呢杯紅豆冰奶味重，仲有香滑嘅cream係上層，係幾好飲☺️📍 四寶食堂 (將軍澳)將軍澳唐德街9號將軍澳中心1樓137E號舖

食冰室其實一啲都唔ʜᴇᴀ想搵間食環境+食出品質素的，真係非「四寶」莫屬‼️是晚我哋叫左幾款小炒，全部都好稱心滿意❤️「咖喱牛肋肉煲」呢度嘅煲仔菜用左日式釜飯嘅器皿，好有特色咖喱味香味出色，好有印度口味辣而夠香，淨係用咖喱汁撈飯已經非常滿足牛肋條嘅份量亦非常之多食極都仲有～～而且非常高質，軟腍而帶有纖維嘅嚼口「黑醬油胡椒粉絲大蝦煲」胡椒味好濃郁，粉絲索哂醬油·胡椒嘅味道，好惹味新鮮大蝦仲好有質素添，隻隻都爽彈鮮味勁好食❤️勁好食💛「椒鹽豆腐金磚」呢個金磚磚外層夠薄又夠脆 咬開外層嘅炸衣唔會散的豆腐仍然保留到滑捋捋嘅口感跟餐要左燉湯，有雪梨、沙參、玉竹，有助滋陰潤肺味道好清甜下次想食小菜，呢間一定係我嘅首選🤩

四寶食堂宜家開到周圍都有，以為普通茶餐廳一間，入到去先發覺不是想像中咁普通。今次來到將軍澳的四寶食堂醫肚，發覺晚餐時間好多人排隊，擺係門口的banner 同相，食物好吸引，大多數家常小菜，種類都真係挺多的。宜家餐廳都係掃QR code 落單，我就點了兩個晚餐套餐，「今晚返來飲湯」，一個點了星洲醬燒金薯牛仔骨，另一個係台式三杯鮑魚雞煲，兩份都大大份，有埋老火湯飲，菜同飯都係分開上，而且菜的份量超足料，牛仔骨超入味，雞煲亦都係，淡淡肉啱曬我食肉獸，再講下個老火湯，足料多料清甜，好有家的味道啊。另外除左主菜，+$28 有無小食同飲品，我就點了川式麻辣豬肚絲同藥膳雞腳，用來送飯一樣咁好味，而且看個份量，好似點多左兩個送，又抵食又好味啊。將軍澳呢邊的服務亦都好好，侍應好nice, 感受家的感覺之餘亦都真係有服務，very good, I like it.

📍 四寶食堂 （將軍澳中心）媲美中菜館既茶記，絕對冇講錯！各式各樣特別嘅菜式，可以話係高級版既茶餐廳！💥水門海南雞泰式海南雞，雞肉嫩滑，配餐廳秘製醬汁，非常有口感💥拔絲山楂汁菠蘿咕嚕西班牙黑豚肉外皮香脆，豚肉仲保留住彈牙口感，唔會乾身，配山楂汁一流，甜味合度適中，配新鮮火烤菠蘿肉，甜酸口感一流，非常出色，值得推薦！💥瑞士汁乾炒牛河份量十足，乾炒牛河最緊要夠鑊氣，有鑊氣！牛肉數量一啲都唔慳，配瑞士汁甜甜地，又一番風味當日晚上7點去食都要等1個鐘，如果要去試既話，最好都提早預鬆d時間。我見餐廳早餐都好吸引，下次有機會一定會試埋，值得推介！味道👅：8/10服務💁🏻‍♀️：8/10環境🌾：8/10消費💰：$100-200四寶食堂 (將軍澳)將軍澳唐德街9號將軍澳中心1樓137E號舖

將軍澳中心既「四寶食堂」可以話係將軍澳中心食堂😂，早午晚餐🥣既時間仲係需要排隊等位✨，前日假期午市等左15分鐘就有位非常好👍🏻。敢多人光顧證明餐廳食物有質素👏🏻，而且價錢大衆化🥤，自然成為大家既食堂。瑞士🇨🇭汁炒牛河$68炒牛河既份量夠多，色澤均勻每一條河粉都沾上瑞士汁✨，帶一點點甜味😋，而且牛肉嫩滑有口感，非常好味。XO醬滑蛋蝦球飯$72整碟飯被滑蛋覆蓋住🍳，滑蛋十分嫩滑，加埋葱花及XO醬，帶點辣味🌶，有著層次感🍛，而大大隻蝦球，爽口彈牙，必食推介。蕃茄味噌薯仔🥔牛肉湯通心粉$52極度濃郁既蕃茄薯仔湯底🥘，味道濃郁好味，牛肉同樣嫩滑，再配埋滑蛋同牛油丹麥多士🥪，抵食又好味。👏🏻

一向都有幫襯開「四寶食堂」，最近餐廳喺將軍澳中心開咗新分店，趁今日要嚟附近辦事，就專登過去捧下場！新店裝潢沿用品牌一貫嘅設計概念，以 Tiffany Blue 為主調，場內放置了植物及小盆栽作裝飾，感覺清新舒服。嚟到剛好係午市時段，所以餐牌上嘅選擇都係以套餐為主，當中包括有：精選午餐、招牌推介及經典常餐三個系列。點咗拔道腩水門雞飯 同 XO 醬滑蛋蝦球飯。雞飯大大碟，份量十足，雞件全部都已經去晒骨，食落肉質好嫩滑，啖啖肉，點埋隨雞飯附上嘅醬汁吃，味道不俗。至於另一客滑蛋蝦球飯，賣相亦非常吸引，金黃蛋汁包圍著每粒米飯，蝦仁鮮度十足，肉質結實爽彈，面頭嘅 XO 醬香得嚟又唔會過辣，用嚟配蝦仁食真係一流！飲品點咗紅豆冰、凍鴛鴦、熱杏霜。紅豆夠腍，入口唔會過甜，可以飲到奶味；鴛鴦既有奶茶順滑、亦有咖啡香味，有水準。杏霜帶杏仁香氣，入口有牛奶嘅滑溜，熱度剛好。

是日去將軍澳交收，自己一個唔知食咩好，去到哩間海X撈隔離的四寶食堂 ，見到都有唔少人排隊，加上一個人，想食過快餐，所以就去左哩間食~~哩度見裝修真的開左無幾耐，真的好光鮮，坐得好舒服~~今晚就試下佢的招牌，招牌瑞士汁炒牛河，另外加左20蚊有一個當日燉湯~~當日燉湯- 木瓜桃膠湯木瓜桃膠湯入面都有唔少廋肉，一大舊木瓜同埋少少桃膠，因為燉左好耐，味道都唔錯，現在秋涼飲真的一流~~瑞士汁炒牛河見到瑞士汁炒牛河都好多人食~~河粉一條條炒得乾爽，另外牛肉大塊同埋咬落唔會有UN的感覺，因為瑞士汁，食河粉會有少少甜甜地，加埋辣椒醬真的好開胃~~同埋份量真的唔少，我一個女人仔真的食唔到三分二，怪唔得真的好多人排隊。

行過將軍澳中心見到四寶飯堂新開張，1點已經有10個人排緊隊，由於我從未試過，照排隊睇下佢係咩料到先！🤣排左大約3個字左右已經有位今次試試佢嘅常餐✔️黑蒜蔥油瑞士汁雞髀撈公仔麵 配炒滑蛋及牛油丹麥多士 $54公仔麵可以轉撈米粉或湯麵炒滑蛋可以轉煎蛋撈米粉係其他地方唔太常見所以試試☺️撈米粉吸曬瑞士汁，非常入味，食唔停口。雞髀大大隻，食完呢碗野已經好飽轉左煎蛋，丹麥多士每啖都係牛油，好邪惡！真係非常抵食又好味😙

第2️⃣次吃四寶食堂 無論什麼時間 都要排隊還好今天等待的時間不太久雖然四寶食堂是茶餐廳但裝修不簡單 走tiffany blue💙色tone 整體光鮮 將軍澳分店可能是新開 🔅🔅菜色選擇比其他分店為少但基本的招牌菜色一定會有!! 。。🐮🐮招牌瑞士汁炒牛河果然可以成為招牌,驚喜之作😍😍下次去四寶是我必下單的!!河粉炒得乾爽 牛肉大塊且爽口瑞士汁濃味卻不咸 。。🫕🍅Regular Set經典常餐 - 蕃茄味噌薯仔排骨湯通粉是少見令我會回頭吃的常餐!!原以為蕃茄通 只是加了蕃茄調色的通粉不太期望 純粹是想吃多士但!!! 大錯特錯了!!!湯底竟然可以有住家湯的效果而且料理十足薯仔 排骨都很多而常餐離不開的蛋跟多士也不錯多士有多款做法 滿足當下心情。。🍷粉紅西柚氣泡茶好解膩的飲品 夏天晒飲🧋雪山紅豆冰滿滿CREAM在面紅豆冰最消暑造型是用上寬下窄的透明冰杯盛載紅豆 要又腍又化

四寶食堂岀晒名掋食夾大件，四周圍都有分店，而今次終於開到去將軍澳！新餐廳就梗係多人排隊，星期日下午等咗一陣好快就有位。下午可以食常餐，價錢仲好掋添。秘製麻辣雞扒撈公仔麵（$54）- 雞扒勁入味，麻辣未算好辣，但就好惹味。配炒滑蛋、多士同飲品。黑蒜蔥油瑞士雞脾米粉餐（$54）- 雞脾好大隻仲好嫩滑，撈公仔麵仲可以轉湯粉同湯米，最鐘意啲餐廳夠彈性。都係配炒滑蛋、多士同飲品，我就叫咗煎太陽蛋配熱檸茶。喜哥蔥油豬扒太陽蛋飯（$65）- 一定要試下佢哋嘅招牌菜式喇！塊豬扒煎得好香，仲要好厚身同嫩滑，加埋隻太陽蛋真係超好味，一定要試下！

位於將軍澳大型商場內的茶餐廳，在美食廣場裡面，開放式設計，由外面看到餐廳裡面，一覽無遺。餐廳跟其他店一樣一貫沿用藍色色調。 面積不大，很多卡座，座位蠻舒適的。晚飯時份，很多客人，要在外面排隊等候。炒粉麵飯推介：大排檔龍鬚豉油皇炒麵經典的港式炒麵，不論大排檔、粥品店或酒樓都可以吃到。豉油皇炒麵炒得蠻有鑊氣、香口，加些微微帶甜的豉油一起炒，麵條炒得乾身，而且醬汁均勻沾滿麵條，不過略為多油。另外還有魷魚鬚、韭菜、洋蔥、芽菜等配料。每天精選養生燉湯：海底椰雪梨乾蟲草花煲豬展湯原盅端上，燉湯滾熱，健康的潤肺止咳湯水，秋涼天氣適用的湯品，入面湯料十分多。家常料理主食：湖南土匪鮑魚雞煲鮑魚是罐頭鮑魚，每粒都是一口鮑魚粒，數量也有數隻，口感煙韌；雞件連骨，大大件， 醬汁入味，越吃越辣，十分惹味。另外配上白飯，相當下飯的菜式。跟餐飲品：凍檸茶

今朝小米在這邊有活動, 所以到附近商場1樓某角落的新餐廳來個豐富的早餐. 其實是將軍澳拿推介的!  晨咁早~8點半左右, 店門已經大排長龍, 看來這新店很受歡迎. 雪櫃都被清光, 就知道將軍人有几犀利!  等了十多分鐘, 職員就安排在內堂的梳化位就座. 職員還全主動呈上清水呢!      板燒美式薄牛扒  配~粟~退~炒~多    小米喜歡牛肉, 看到餐牌圖中大大塊牛扒, 就鎖定這個扒餐. 真身果然没有讓人失望! 個人覺得 : 係平時連鎖集團的得寶SIZE ! 小米看到牛扒後, 滿心歡喜地提著刀叉鋸呀鋸!  來到中段, 小米就話 : 呢塊牛扒真係好大份!  稍後活動是1000-1400, 小米真需要食多d.自己也偷來一件牛肉幫幫口.  牛肉雖薄但没有梘水味, 不太乾, 配蘑菇黑椒汁, 很和諧.     他他醬深海炸魚柳    配~粟~退~炒~多   小米點牛扒, 自己就點炸魚. 另一個原因:自己牙齒問題, 不喜歡太硬/需要多加咀嚼的食物. 魚肉容易咬囉! 炸魚真的很大件, 比手指還要厚身! 可能是魚肉夠厚身, 所以炸皮對比不太厚.    先嚐炸魚原味 : 炸皮鬆化不硬, 不會刮損口腔.

將軍澳新中心新開嘅茶餐廳，六點鬆啲到已經要排隊，我不嬲都好相信觀眾的眼睛係雪亮嘅，所以即刻拍埋一份。打開餐牌嚇一跳，超超超多選擇，唔係一般嘅茶餐廳，有好多小菜、燉湯可以揀。亦都有一般茶餐廳嘅公仔麵餐、常餐、小食、西多士，熱狗、雞髀。一個小菜加28蚊就可以有一盅燉湯同埋白飯，我覺得呢28蚊一定要俾，因為淨係個湯已經值回票價。好甜、好濃沃、好足料，飲完唔會口渴，應該冇味精。可惜冇得單獨叫，超想飲多盅。小菜叫咗咕嚕肉同埋半隻水門雞，隻雞好嫩滑，又非常之入味，高水準之作！咕嚕肉係脆口，真係脆口㗎，唔會揦到啲肉鬆曬，個汁夠曬黐身，真心好食過好多酒樓。由於太好食，最後叫多一份西多士，都係水準之上。真心推介！