四季甜品-外賣王

營業中

休息中

偏新派嘅 糖水舖 部分糖水 甜品 喺元朗比較少 有類似咁上下嘅 算係有少少偏新款 有新鮮感 喺元朗冇乜重複口味嘅舖頭 價錢唔算平 不過勝在有新鮮感 久唔久食下都ok 夜晚同啲friend hea下 吹下水食嘢都算係一個好選擇

10蚊8粒 燒賣魚蛋· 四季甜品-外賣王 (元朗)📍元朗鳳攸南街3號好順景大廈地下21號舖🌟$10蚊8粒 燒賣/魚蛋 ，6條芝士腸 $22$10蚊8粒魚蛋/燒賣，而家真係冇幾間，價錢平過$10蚊4粒一半，份量多$10蚊4粒一倍！呢度啲魚蛋燒賣比較特別唔同其他，係炒既！唔需要落調味料、已經夠味，香口！魚蛋亦係陳皮魚蛋嚟👍🏻好味 加埋芝士腸 一碗滿🫶🏻外賣拎返屋企食，我可當一餐🥇八爪魚卷配黑松露炒意粉 $58 今次專程黎食佢個黑松露炒意粉，呢度個黑松露炒意粉真心好食😋 個黑松露忌廉汁非常濃郁，意粉煮得啱啱好爽口，配埋八爪魚丸🐙八爪魚丸入邊真係有八爪魚，食到煙靭嘅八爪魚配鮮榨水果汁+15哈密瓜汁，鮮甜非常解渴，而且啲冰已經打碎左👍🏻榴槤奶凍加雪糕 $52+12榴槤味香、濃，新鮮好味😋奶凍 口感軟糯 奶滑香甜而且入邊配有、雲呢拿籽，又係酒店廚師傑作👍🏻 呢個出色 加埋雪糕食味道更佳！呢間甜品店，可以當正餐咁食😹 黑松露意粉真心好食😋

學完野 突然好想食窩夫甜品 係屋企附近行咗一圈 都冇乜心水 見到四季有窩夫就坐低解決我嘅為食癮😬 決心只食雪糕窩夫🤩 揀咗朱古力&曲奇雪糕 兩個口味 配搭即整熱辣辣窩夫 正😋窩夫外脆內軟 加少少煉奶&雪糕 簡簡單單 已經夠滿足我嘅食慾😋

愛吃小丸子既我，終於系元朗搵到間 有小丸子又好好味既糖水鋪🫶🏻 今日系為小丸子而來，卻令我發現到寶藏😌真心好味推介🌟🌟皇牌心太軟$59皮脆裡面有朱古力流心，再配埋冰涼嘅雪糕，一脆一軟、一冷一熱！有層次、豐富既口感，味道非常好，據店主稱系由酒店大廚👨🏻‍🍳製作架🌟 煙鴨胸黑松露炒意粉$58呢個出色，黑松露汁味濃、媲美高級西餐廳嘅黑松露燴意粉，呢個價錢可以食到真心好抵食，而且份量都好多👍🏻老闆話：唔好食 唔收錢🙌🏻 系信心既表現🌟芒果拿破侖$54基本上見到系有成個芒果既肉，一邊有半塊，拿破侖外皮酥脆、裡面有奶油連埋芒果、配搭得非常好味道，而且系特別嘅甜品、一般甜品鋪未必有啲款 👍🏻芒果小丸子$45小丸子粒粒分明，咬落軟糯、煙靭，仲系芒果當造既季節，芒果🥭熟透香甜，配芒果雪糕同沙冰，清新鮮甜，呢款系我鐘意食嘅甜品 。XO醬炒腸粉$36調味料落得啱啱好，唔會太咸，呢款都系抵食之選，另外仲可以加$8 加蛋炒，會香好多喔🤤四季甜品-外賣王，糖水款式都比較多，仲有小食選擇！其實之前我都嚟過、感覺系比較平凡唔起眼嘅一間糖水鋪，今次先發現有幾樣嘢都好好食😋 一試愛上😍本地人愛吃的糖水店·四季甜品-外賣王

買左紫米西米露+芋圓冇其他味道 得死甜 甜到不得了西米露少到見唔到芋圓 … 完全唔係芋圓 似食緊熟左嘅麵粉團唔煙韌 唔講都唔知係芋圓 唔知係咪佢哋自己整定點極失望又貴比錢買難受都唔知食咗啲乜嘢

芝麻糊 $24偏甜，夠滑同幾香有凍/熱食揀，建議熱食，無凍食咁膩~Tiramisu芝士餅 $42 2pcMenu上既新甜品款式，食物質素對得住價錢，算好食。Tiramisu味 未去到好好食個種～

拎外賣見到呢間甜品舖未食過所以一戰基本上元朗既甜品舖都食過而呢間比左驚喜我地已經好耐無食過滿意既甜品可能係甘岩得甘橋佢地今日無哂小丸子所以比左椰果我結果配埋份量都唔少既酸酸甜甜芒果肉成件事好夾 甜到入心不過因為天氣太熱我拎到返屋企食時 中間個雪糕已經融左一半不過外圍既芒果沙冰都仲好凍好好味一碗野有甘多唔同既口感如果個雪糕無融到堂食的話會更好食既其實我仲叫左個榴連甜品不過我未食果個已經好味到想留言呢間又唔洗排隊傳統同新式既糖水甜品都有真係想試多幾款不過老實講如果價錢平少少時更好啦

食完晚飯路過，見小店糖水，未試過支持吓。點知糖水甜品既頹又無誠意，無製作可言，求其將啲材料撈埋一齊搞掂。兼且定價確有酒店師傅出品的自信。錢多或愛劣食人士不妨一試。

之前成日都黎食，唔知係咪轉左手，愈做愈差！叫2樣野，都可以完全錯哂！叫完薑汁芝麻湯圓，覆我單話我叫芝麻糊？？好啦，叫心太軟要朱古力雪糕，返去落單之後，返黎問多次係叫咩雪榚，再手寫個朱字上單，送到黎竟然係雲呢拿？？真係有冇心做架？上次食過紫糯米，好似加左水咁，好難食！睇黎都冇下次！今次俾多次機會啦，個薑汁湯圓個薑汁辣到平時好食得薑辣嘅都食唔到，真心覺得唔係位置好，都冇可能咁多人食！自問唔會再黎！係咁先！拜！

專登由上水揸車入元朗食宵夜元朗出名多甜品食，因為好想食榴槤製造嘅甜品，兜下兜下就見到呢一間比較多選擇，就坐低喺街邊度食，佢哋會喺條街度鋪咗好多張枱，條街我覺得都尚算乾淨同埋有其他唔同嘅食肆，好熱鬧下！叫咗個榴金歲月，XO炒腸粉，墨魚丸榴金歲月：個榴槤味道超怪，好似有浸氣打咗落去咁，芒果都OK，但D榴槤其實真係唔好食，食咗三份一都冇XO炒腸粉：呢個唔錯好惹味，係油咗少少但正常嘅！墨魚丸：麻麻哋整體來講又未去到真係好差叫過得去，如果住得近當買下宵夜我都覺得可以繼續幫襯，但如果專登要揸車過去我就會選擇真係好食啲嘅糖水舖

好難食既糖水，好差既體驗，難食到嘔，俾錢買難受，完全諗唔到藉口幫襯第二次。打電話去叫外賣，嗰個人一邊傾計一邊接電話，我都唔知佢同邊個講，態度又差，中途仲將電話俾左第二個人聽，最後仲cut我線。最後再打電話去第三次終於叫到，等咗成個幾鐘都未送到，最後終於到咗。個兩碗腐竹雞蛋糖水成碗嘔吐物咁，見到都唔開胃，係冇味既糖水，得少少甜味。個心太軟簡直新突破，顛覆左我對心太軟既認知，心太軟冇流心，呢個只稱得上係朱古力蛋糕。

中秋有假期，行元朗打邊爐，沒想到偶遇這家甜品店，椰汁沙冰味道濃郁，比泰國餐廳都好飲，榴槤奶昔味道足也很順滑，太棒了，還點了兩個甜品都不錯，比b仔甜品好吃，晚上說露天

事緣我11：34分經Foodpanda叫左一個炒腸粉同一個炒墨丸，因為跟據過往經驗係會遲，但無今次咁差,我睇住個Foodpanda不停咁延遲左半個鐘，咁咪打去鋪頭問下咩事，點知第一個聽嘅男仔話未炒好，叫我等下，咁我話唔等啦，佢搵第二個男人聽，我忍得把聲係個四眼仔老細，佢係咁岩話“係講句唔等就得架啦，自己打去取消啦”我話宜家係你地遲左又態度唔好囉。佢又話“我唔會理架，你自己打上去搞掂啦,但宜家係你唔等囉，唔係我唔炒囉。”我都試過即場買，但真係見住佢地得閒都掛住吹水唔做野。好嬲。唔會再幫襯。#因為我住附近，都有親身去買，D人係懶散D，鍾意吹水玩完先做野，一個糖水都要等20分鐘以上，但鬼叫佢係我樓下又收得夜咩。

食過好多次，其實就一d都唔好食，只係因為住既村屋唔係好多地方送外賣，佢地肯送先叫。之前試過叫外賣，等左個幾鐘都未送，打話問又無人聽，最後要第二日中午先回覆，連唔好意思都唔講！今次叫但左平時食開嘅芒果杏仁豆腐，正正常常冇乜嘢啦。之後叫多咗個芒果椰汁紫米露同芝麻糊豆腐花。個椰汁芒果紫米露，紫米小，水汪汪，味道好食都無用。最難食係個芝麻糊豆腐花，個豆腐花根本就唔係豆腐花，非常硬，又唔似杏仁豆腐，又唔似奶動，豆腐花更加冇豆腐味，個芝麻糊又甜又滑，食咗三份一就已經食唔到落去仲話由酒店廚師主理，完全唔能夠接受。仲要唔係平，有選擇真係唔會食佢

以前去雞地嗰邊都係為咗食B仔，自從B仔搬咗舖去鳳攸街嗰邊，先開始發掘嗰邊原來都有好多舖頭食嘢。前排網上介紹一間台式餐廳正正係果邊就去一試，但今次想評價下嘅反而係一間幾令人驚喜嘅甜品舖～四季甜品。食飽飯經過呢間糖水小店，本來覺得平平無奇，但唔小心比佢啲小食名吸引咗望多2眼，什麼冬陰功XO醬炒腸粉、黑松露意粉等，但礙於已經食飽，只好試試佢啲XO炒魚蛋同燒賣，10蚊一份有8粒，仲要睇住佢即炒，價性比冇得輸。比起其他甜品舖更加用心，不過等嘅時間就比較耐。甜品方面揀咗個芒果拿破崙，見唔係周圍有所以一試，上碟見到2小舊，雖然同menu張相數量吻合，但比想像中細舊，話晒都要差不多50蚊，慶幸酥皮咬落夠脆口，芒果肉都算厚身。值得加分係上碟時待應好有心咁附上一對手套方便直接用手拎住食。初次品嚐呢間小店感覺還好，不過下次再來會想試下意粉同腸粉，因為一路食甜品都見有唔少人叫嚟食，奈可今次食飽飯先發現呢間舖，唯有留待下次再品嚐。