四喜麵包西餅

營業中

休息中

今年就只買了兩間的月餅而已。其中一間就是 四喜麵包西餅​！網上訂的，然後是經速遞送上門～不用特地去門市買也頗方便。訂了 - 迷你奶黃月餅 ($198/8個裝) & 迷你伯爵茶味奶黃月餅 ($110/4個裝)今年的月餅盒仍然是很有主題感！前者的是《堅有讀書》，後者是《伯爵奶茶》上年的盒子我仍然有保留著，可以用來裝飾物那些喜歡的話可以加熱來吃，焗爐140度焗5分鐘左右就夠了不過個人覺得伯爵茶味的話不要加熱比較好 ... 因為熱吃的話雖然茶味很突出，但相對甜度也變高。反而直接吃的話更能嚐到茶的甘香囉！月餅外皮香口鬆化，"奶皇"吃落不會很膩。話說沒想到會跟了一個紙袋，而且也太好看了吧！！如無意外下年會繼續訂這家 (笑)

.抵食嘅黃店奶黃月餅💛（趕得切中秋前出po👧🏻小編表示好感動TT）四喜主打傳統蓮蓉同奶黃月餅奶黃月仲有三款口味，分別係奶黃、伯爵奶茶同花生今次試左奶黃同伯爵奶茶整體黎講係幾好食，口感唔錯不過唔知點解焗完之後個月餅有啲散，皮同餡要分開食🤣味道方面都合格！（不過緊係冇之前介紹過嘅咁濃味）奶黃月餅入面仲有咸蛋黃(⁎⁍̴̛ᴗ⁍̴̛⁎)不過留意翻，四喜嘅月餅唔係流心㗎～始終先30蚊一舊，性價比算幾高😙.題外話～四喜嘅曲奇都好好食😍牛油味好香同埋夠晒鬆脆，性價比依然高！最少仲可以買1/4磅（可以參考下幅相～）除左中秋買月餅之外，其他時間都可以懲罰下四喜！💛.伯爵奶茶月餅（四件裝）$122奶黃月餅（二件裝）$68牛油曲奇（一磅）$70———不專業評分💯食物指數 🍴: 💛💛💛💛🤍環境指數 ⛱: 🚫抵食指數 🤑: 💛💛💛💛💛推薦指數 👾: 💛💛💛💛🤍———📍四喜麵包西餅長沙灣青山道500號百美工業大廈地下B6-8號舖———👉🏼 #ewhk長沙灣 #ewhk甜品 #ewhk月餅 #ewhk黃店#長沙灣美食 #長沙灣黃店 #黃店 #黃色經濟圈 #黃店推介 #黃店地圖 #美食推介 #吃貨 #食好西 #相機食先 #香港

上年都想訂，可惜錯過咗deadline ，今年總算可以買到泥試下😋😋月餅盒設計走懷舊路線，每種口味都有獨有既設計，真係好靚❤️迷你奶黃月餅月餅模寫住「四喜」二字，外皮無想像中焗得咁金黃，顏色偏淡，不過一啲都唔影響個味道。翻熱泥食，外層餅皮更香脆，入面既奶黃非常足料，真正做到皮薄餡靚。如果屋企無焗爐或微波爐的話，可以試下用電飯煲加熱，旆張廚房紙墊底，跳掣後再焗多一陣間就食得，簡單又方便😋😋😋

四喜依個名大家都聽得多，但一直都未試過，今年我終於訂到佢哋嘅月餅了，好感動🥺 四喜月餅嘅包裝一向以懷舊玩味為主，我就揀咗依款《堅有讀書》迷你奶黃月餅 8個裝😂😂 如果大家冇訂想買現貨就要留意佢哋社交平台喇🙂𝐈𝐧 𝐦𝐲 𝐭𝐮𝐦𝐦𝐲😋⠀1. 《堅有讀書》迷你奶黃月餅 8個裝($198) ❤️⠀因為雪咗落雪櫃所以要叮返熱食，而佢哋建議嘅加熱方法係焗爐 140度 5-10分鐘或電飯煲保溫模式15分鐘。叮完都有幾香嘅奶黃味，而食落口感鬆化亦都就唔算好甜，但如果鍾意重黃味嘅人應該覺得唔夠濃，但相對嚟講係冇咁膩😉 .⠀📍 四喜麵包西餅長沙灣青山道500號百美工業大廈地下B6-8號舖

四喜聽就聽得多 去就真係第一次想買月餅 但要訂唔想等 所以無買到反而比我發現左另一樣正野就係蛋餅 Quiche平時好少平價麵包舖有呢D野因為多數都係係Cafe見到 好似Starxucks個類個d最平都$30-$40幾呢個真心又好味又平好大個我買左呢個西蘭花蛋餅好彩手快 因為前面個客一次買左3件差d圓唔到番屋企用焗爐整番熱少少個Quiche有蛋香 整得有層次加上唔少西蘭花餡料 味道唔錯 同埋最係$22 算幾大個我比較唔係大食 食完都飽啦

呢一日係荔枝角附近散步行街,終於見到四喜麵包,佢係荔枝角站行過黎大約8分鐘左右順便訂埋佢既月餅~佢係呢區已經好出名架喇~分散投資嘛,今次就黎支持下~咁佢平時都有賣好多唔同款式既麵包,除左月餅出名之外朋友食過佢既牛角酥都大讚好出色,不輸給外國名牌同連鎖店火腿芝士千層亦都唔錯,酥香脆身,味道豐富月餅有奶黃,花生,奶茶,四件裝,可分四個時間取餅如果送人亦有提供紅豆沙月或雙黃白蓮蓉,都係200幾一盒常見既港式口味麵包,仲有健康包,我另外仲買左一個南瓜仁包佢既麵包每日新鮮製造,拎上手都好有份量,撕開麵包見到好多果仁香氣自然,食入口麵包香味慢慢散出黎,呢個價錢食到呢個水準,真係好有驚喜不過30幾度就試唔到佢既凍櫃甜品,因為仲要去行街有唔同款式既切餅,大福,蛋糕,另外仲有手做曲奇落筆呢刻諗返個味道都好想再去買麵包食

今日在四喜買了份餐蛋治，回公司打開看一下那片餐肉燶咗，雖然可以把燶的部分切掉，但感覺是不應該賣呢！幫襯四喜都一段時間，其他飽類水準都好高，尤其是鹽飽一星期總會買幾次。

最近草根妹妹公司搬咗原來四喜麵包店就喺附近咁梗係要試一試呢間有名氣嘅黃色小店💛個個都話買佢哋啲月餅今次草根就揀試佢啲曲奇先🍪可以1/4磅($20)、半磅($38)、1磅($70)咁買一共大概有7款口味今次就買咗半磅咖啡同雙重朱古力咖啡係唧花曲奇，口感鬆散而且比較乾咖啡味唔算太出，微微甜味，有啲小失望👉🏻👈🏻2朱古力味就比較硬身啲，中間有啲朱古力碎不過朱古力味又唔覺好濃郁🍫整體可以不過不失咁啦🤗

去開長沙灣 當然要拜訪一下麵包名店四喜! 😆我最想係試下四喜既蛋批🤤 睇相已經留哂口水💦 不過當日我四五點先去到 所以就無緣了!但當然都要買幾個包先走🤭黑裸麥芝士包 ($17)🧀芝士控既我 超級鍾意食有芝士粒粒係入面既包☺️ 呢個包既芝士粒粒分佈平均 當然如果份量有多少少就好喇! (明白既~ 一分錢一分貨嘛😌)黑裸麥包感覺健康 平衡番芝士既邪惡🤭 包體唔會有粗’鞋’既質感 不錯吃👍🏽蔓越莓五榖包 ($15)五穀包同樣係健康之選🌟咬到酸酸甜甜既紅莓乾特別醒神~~岩哂早餐個陣食😆$10幾蚊一大個非空氣包包 真係相當少見🤩拎番屋企烘一烘熱佢食 外脆內軟 正啊!下次黎開呢頭一定會再幫襯! 💛

星期六食完個靚早，去四喜買月餅卷，時間早既關係，有好多麵包賣！(之前每次經過都係冇乜款式)忍唔住買左兩個！餐肉包$7嘩！係細個食到個隻味黎架喎！厚切既餐肉，懷舊既麵包味，絕配紅豆包$7麵包既部分一樣係舊陣時食到個種，紅豆好滑，呢個包唯一既缺點係甜左d，但我知紅豆又點會唔甜先得架呢度既包又平又好食，下次要試下$5既菠蘿包先得！月餅早幾年都有幫襯買佢地既奶皇、伯爵奶茶~味道係正既，我個人都係覺得甜左少少咁樣~不過今年會繼續支持佢地！今年訂左雙黃紅豆沙~期待中秋拎貨既時候呀！

呢間店之前已經想試好耐，本身諗住食佢嗰兩款蛋餅，但2:30去到已經賣晒了😩😩😩⋯⋯我買咗牛角包，腸仔酥，兩個泡芙，兩個scone。牛角包食完我諗起灣仔嗰間Bakehouxx⋯⋯好好食好鬆軟，兩個泡芙又係好好食外脆內軟，D cream又唔太甜,$15兩大個性價比好高另外個scone就有啲乾...下次我會再試吓其他嘅嘢嘅

我覺得唔寫都對佢唔住好想大家都試下佢個花生朱古力！ 花生又香又脆層朱古力唔會太甜、唔會太多包裹得恰到好處！ 我買左20蚊4安士試下食唔停口但又冇乜罪惡感因為唔漏下次會買多啲我留左一細舊第二日食都仲係咁脆 另外買左20蚊6粒松露朱古力雪櫃拎出黎凍冰冰又軟軟的心都係唔會太甜但又食到可可既香濃，滋味好大粒，覺得好抵食 四喜成日早收鋪有幾次傍晚經過已經收左工有種可遇不可求既感覺下次有機會想試佢既蛋糕同面包都好吸引有品味的良心店

平時成日食四喜啲麵包、曲奇或者抹茶紅豆燒餅，今次終於可以試到佢個蛋糕。佢個芒果蛋糕有得揀迷你/ 一磅裝，今次我買咗迷你，啱啱好四個人分，唔會太多。如果佢個朱古力生日牌可以整靚啲會更加好，影相會影啲🤣

上次朋友俾我試左四喜嘅朱古力曲奇覺得好食，今次去開附近食lunch ，所以黎睇下仲有無！點知四個味都有，就買左個mix，試齊咁多個味！•曲奇係正方形，大概5mm厚，一磅$701️⃣朱古力曲奇🉐口感結實，唔甜，餅入面有粒粒朱古力2️⃣綠茶朱古力曲奇同朱古力曲奇嗰口感相近，綠茶味唔太濃，反而因為有朱古力粒，朱古力味多過茶3️⃣腰果曲奇哩個好鬆化，仲有少少鹹味同腰果粒4️⃣芝麻曲奇🉐芝麻味係驚喜之選！鬆化得黎，又有粒粒芝麻喺曲奇裏面

四喜餅店上年中秋人頭湧湧，個個都爭住買佢嘅月餅🥮。舖頭其實除咗特式月餅出名，生朱古力、泡芙、大福同蛋批等都好好食，隨便揀一款試都唔會失望。今日就試咗佢嘅Tiramisu，唔好睇佢細細件，密度都幾高，可以當半餐飯。四喜冇用傳統嘅lady fingers浸酒做餅底，反而用咗普通海綿蛋糕。初頭我仲擔心咁樣會影響口感，但四喜將海綿蛋糕整得好軟熟，同意大利軟芝士質地好夾。可能係冇用酒嘅關係，四喜揀嘅可可粉亦都唔太苦。成件事好平衡。強烈推介一啖放齊可可粉、軟芝士同海綿蛋糕入口，入口即溶感覺好幸福🤤。香港嘅小型餅店越嚟越少，有實力嘅要好好支持，大家一齊珍惜香港原味道啦☺️！