四合院 (已結業)

曾經同朋友嚟過一次位於灣仔的四合院，返去同老公提及乾鍋之後，老公一直都話要來一試。今次我哋終於嚟到呢度，而且仲訂左位唔使撲空。今次我留意到，原來呢度的午市套餐非常抵食，小菜配飯連例湯都係＄58，如果過開來呢邊做嘢我諗我都會來幫襯。乾鍋未上枱，先來一個毛血旺。毛血旺睇相已經睇得出辣到十足，滿滿的一層紅油係湯的表面。裏面的配料份量都唔少，而我最鍾意食嗰個薯粉，質地好彈牙。食咗一陣個主角終於上枱！呢個鍋一上枱我哋都俾佢嚇親，份量真係超級無敵大，其實兩個人食都已經好夠。成座山咁高的配料有半對筷子咁深。乾鍋裏面的材料好豐富，我哋揀咗自選鍋有六款配料。而且每款配料的份量都好多，目測有十件以上。個鍋炒得好香好夠火候，我哋揀咗微辣，少少辣唔太搶更能夠食到其他香料的香味。足料夠火候而且香料調味到家的乾鍋實在唔易搵到，呢個令我一試難忘，再試更難忘。

平日除了飲茶以外很少光顧中式餐館，坊間亦不乏辣雞煲或四川麻辣米線等川菜。而今次碰巧到了位於灣仔的四合院，以十三香乾鍋作主打的餐廳。從店內親切的服務可得知，食物也會有相對的質素。今次我們只簡單地點了兩款食物。十三香虎蝦乾鍋乾鍋內有孜然、芝麻、乾辣椒和辣椒等。味道主要來自辣椒醬，雖然只點了小辣，但勁度仍是十分爽。從整個乾鍋可看出廚師的功力，鍋底不會佈滿油光，亦無炒燶的味道，味道就是恰當好處。鹹、香、辣、麻統統在口腔內刺激味蕾。乾鍋配料可自由配搭，寬粉是必點推介!當然少不了配搭解辣的小吃，今次我們就選了拍青瓜。青瓜的爽脆再配上酸甜的醬汁確是解辣的好佐菜。其實份量以兩人而且的確有點過多，建議三至四個朋友多點一兩款小炒，能品嚐更多有水準的川菜。

三個女人一個墟，我們一行三人在灣仔喜帖街附近找吃，朋友看見門口有等位用的櫈便認定了要等位等如好😉估不到我們7:00來到已接近滿座，就坐了最後一張室內的枱，室內充滿了四川式香料的味道。餐牌大致分前菜、秘製乾鍋、小炒和麵類。我們初時以為乾鍋是像打邊爐之類的東西，但不明白何以是乾的，就向店員查詢，店員是說國語的，感覺很地道，朋友用半咸淡的國語跟她交談，原來她是懂廣東話的 wakkakaka! 原來乾鍋就是一以香料加食材炒成一大盤，食客可以隨時加點各類不同的配料，像火鍋配料般，但是是由廚師調味而炒的，可辣可不辣。我們點了鮮蝦鍋，再加了腐竹、䈑荀和冬菇，超 好 味，我很喜歡孜然粉的味道，蝦的份量很多，總之就是很大分，很抵食，見大部份的食客通常都是二人叫一盤乾鍋加白飯飲品便已足夠。但我們還加點了荷塘月色，名字漂亮，是清炒荷蘭豆加蓮藕加黑木耳，鑊氣十足，本來吃多些蔬菜也好，但無肉不歡的我，強烈要求加了一個孜然羊肉，微辣，加上薑、洋蔥等，很惹味，大大碟，結果食不完要打包。總的來說，這店極受歡迎，因為眼見室內的冷氣位滿了，有幾枱人願意坐在室外！

四合院條街係小路，晚上兩邊都可以泊到車係灣仔區黎講都算一個幾方便既位置8:00入到去甘岩有位就嗌野食 同我地落order個姐姐幾風趣係到講下笑好快終於d野食到啦嗌左個十三秘製乾窩，配肥腸牛肉落左好多花椒辣椒仔好香口好入味土豆絲呢個薯絲唔係辣既 酸酸地 好可以令人食多幾野野 好周到 如果樣樣都辣 都食唔得多比我想像中大碟好多 雖然本身我好鐘意食 但都食唔晒尖椒皮蛋無腥味夾埋d 蘿白絲酸酸地個味好夾糖醋裡脊呢個係乜都無晒貨 先嗌黎食下酸酸甜甜無乜特別 個汁夠味夠"傑" 都幾好食 酸菜魚好好食，好夠酸，d魚又好滑身，正食完又唔會覺得好口渴 應該無乜落味精都唔錯

好鐘意食川菜, 因為川菜集齊香、辣、麻、鮮幾種味道, 味道豐富, 令口中味蕾跳躍, 川菜佐酒一流, 送飯更是無得彈. 昨晚經過灣仔利東街, 新的建築, 新的街道, 給人耳目一新的視覺感受, 新建築物中間高高掛起的大紅燈籠在夜晚已著晒燈, 映照著兩邊的建築, 見到D人在大紅燈籠底下的食肆悠閒的吃著晚飯, 瞬間覺得這地方好舒服, 好Relax, 不像是在香港, 因為在香港, 無論做什麼, D人always都是匆匆忙忙的, 重建後的利東街有種與眾不同的感覺. 當行到來利東街新建築旁邊的小街, 竟然發現有一間叫”四合院”的小餐廳, 食川菜的, 頓時激起食欲, 要入舖頭去嘆個晚餐. 睇返這間餐廳的餐牌, 菜式不算太多, 但D菜式都頗有特色, 招牌菜是他們的十三香秘製乾鍋, 有虎蝦鍋, 鮮蝦鍋及無底鍋, 選了這些鍋底後可再選其他配料一起炮製, 配料的價錢有平有貴, 包括有帶子, 豬肚, 豬耳, 田雞, 牛百葉, 青椒, 枝竹, 土豆, 蓮藕等等, 很多配料以供選擇, 既然是招牌菜, 就一于試下啦, 我叫了個鮮蝦鍋, 再加枝竹及土豆兩樣配料, 另外再叫了個”酸菜白肉鍋”及”孜然炒羊肉”, 睇到這些菜

今次黎到位於灣仔的四合院,因為友人話想試食辣野,就黎嘗試了,見到店舖裡的都是大陸人,相信都幾正宗!點左招牌菜,酸菜魚$148 ,分量十分足,四個人食叫一碗已十分夠,魚肉十分嫩口,沒有骨,酸菜切絲方便進食,亦十分入味,湯底濃濃的酸菜味,辣也不算辣,不吃辣的絕對推薦點這個.水煮魚肉,喜歡麻辣的人必點,佢既麻辣係唔會令你食到咳,係會愛上,上癮個種麻會停留係口腔 十分刺激,魚肉都一樣很嫩口,裡面有大量既芽菜,好爽口,食落好有層次,大推!小食麻辣皮蛋,當配菜十分不錯 芫荽很香,皮蛋爽口,很入味,不錯,總括而言,價錢合理 ,位置方便 ,想食麻辣不妨來試!

老朋友約在灣仔食飯，揸車去到門口，原來就在舊喜帖街附近。店名好特別，老北京的風味，一睇就知道係食北京菜。裝修就係鮮紅為主，店主店員亦係幾位大姐，頗親切，應該是家族經營。朋友先點一款炸醬麵，看賣相是很傳純很地道。可惜麵條較軟身，唔多夠咬口。而我點的蔥爆羊肉夠份量、夠穫氣，好味。最後上的就係招牌菜：十三香乾鍋。一上檯已經香氣撲鼻，令人流哂口水。我地只係點左小辣，辣味唔太重，微微辣的感覺，好惹味。其實香料的味道麵好突出，菜如其名，味道很夠層次。麻、辣、香、鮮，刺激到味蕾的每一部分，非常精彩。而材料方面亦十分足，每款配料都有十件以上，兩個人淨食一個鍋都飽了。本是聚舊，無刻意留意食物，估唔到呢個乾鍋可以帶比我地甘大驚喜。

第一次黎到呢間餐廳，設計風格充滿了中國特色，座位亦分為室內與室外，坐位都寛敞，適合約埋三五知己來食野。而且職員非常有禮。前菜食了口水雞、海蜇青瓜、椒鹽皮蛋，口水雞的雞肉非常彈牙，加上辣辣地的味道10分嘢味。海蜇青瓜非常喜歡這前菜，因為清新得來很特別。我們還點了清炒萵筍，一絲絲的萵筍10分爽口，令人很回味亦可中和辣味。主菜是酸菜燉蛋肉，這個湯底酸酸的很開胃，這個也是來到必吃的，如果喜歡吃川菜的朋友又不能吃得太辣，這個很推介。還有點了水煮魚，辣辣的非常刺激，而且魚肉很滑，加上鍋裏有闊身嘅薯粉，薯粉浸滿了水煮魚的湯底10分入味。

今天是酷熱天氣警告，我和好友竟然相約去了吃炒香鍋。Happy Friday 走遠一點，到廈門街的四合院。真是好久好久沒吃過這家，通常都是在公司附近吃。大概一點到，沒有訂位，非常多人，而且要坐室外...沒有冷氣！為了這一餐炒香鍋我們到底流了多少汗水。餐牌選擇有炒香鍋、午市套餐和不同的小菜。飲料就都是汽水。我們是衝著炒香鍋而來的，當然要點十三香鍋了！我們要了原味鮮蝦底，因為無底鍋是沒有蝦可以選的。原味是原味十三香，照樣是有辣的呢！在等菜的時候，老闆送了我們一碟青瓜小食。是補償我們沒有冷氣吹嗎？！酸酸甜甜冷冷的，吃下肚很爽快！上菜速度挺快，等了一會兒大大滿滿的一鍋炒香鍋就上桌了！照片看不出來我們現場的震撼，它真的是很大盤！這家店的份量很足料，因為我們平時吃的炒香鍋份量都好像不太夠，所以今天不小心以平時的標準，點多了呢。先吃蝦。別看它的名字是香蝦以為是小小隻，其實是很大隻！蝦肉彈牙而且香甜入味！真的是必試這裡的蝦。還有就是一鍋有很多隻蝦，沒有從頭數，可能有十三隻吧，跟十三香的名字一樣嗎？我們吃了快一半還見到鍋裏面仍有數隻蝦呢！我們另外點了其他配菜。肥牛薄而入味。牛柏葉就剪得很少的一塊塊，要慢慢

說到『四合院』，自自然然就會想到老北京！而愛吃的我更想到以辣、鮮、香見稱的京川菜！！！得知灣仔正有一《四合院》就正正是間中菜館，更是主打川菜馳名的乾鍋是晚就帶著家中愛吃香辣的女皇，同到灣仔會一會這《四合院》紅噹噹的外牆結合工整的木製建築，與周邊摩登的建築形成強烈的對比！走進小小的《四合院》便已有店員姐姐迅速的大聲叫座並安排坐位，又主動的向我們介紹館內的特色菜，不難讓人從中感受到北方人的豪邁熱情既然來到，又怎能不點他們主打他們的“十三香乾鍋”呢兩母女食量不大，那就來一個涼菜、一個乾鍋及一碟清菜就好了！-“海蜇青瓜”HKd$48+10%酸辣開胃的醋汁配上清新的青瓜絲跟爽口的海蜇，無疑是個醒胃涼伴菜！“清炒萵荀絲”HKd78+10%炒得爽口不油膩主菜“十三香乾鍋”，我們點了“鮮蝦鍋”HKd$228+10%，另加寬粉HKd$28+10%及五香豆干HKd$28+10%一大盆滿滿的乾鍋，內含十多隻爽彈鮮味的大蝦，既辣又鮮，惹味非常！！另加的寬粉吸取了其香辣，送飯一流！所以在中途也加了個白飯喔吃了這些濃味刺激的，當然也少不免來個汽水“倨一倨”才舒暢女皇是晚吃得痛快，更說今晚由她萬歲！那就謝謝女皇嚕

平時食黎食去都係日本野/韓國野 今次朋友話想試下新野 咁搵下搵下不如試下川菜啦 搵左兩搵 見到呢間四合院好似唔錯 就決定去呢間佢個位置係灣仔 諗住難泊車啦但係出奇地店外小路都易搵位👍🏻岩曬揸車朋友餐廳門口裝修到成間四合院咁 所以 一行入去已經有一種去左中國四合院食野的感覺 但係入到去又溶合左唔少現代的裝潢 所以感覺唔錯👍🏻👍🏻可能係8點先食的關係 所以 想食的宮保蝦仁已經賣曬架😭 不過 落單個姐姐都好Nice咁推介左幾樣野比我地最後叫左個十三秘製乾窩，配肥腸牛肉 拍青瓜 土豆絲 皮蛋 甜酸肉 酸菜魚 蔥爆羊肉先黎D前菜拍青瓜 係可以的 正常唔會辣 開胃之選皮蛋 個味係比一般的淡味 可能怕香港人唔受得土豆絲 同樣地都係開胃之選 而個份量比一般的多 酸酸地 但係如果可以再辣少少就好喇個肥腸窩感覺唔錯 賣相好吸引 肥腸同牛肉都好入味 而花椒個味又會帶出左四川香辣個香味 唔錯 同時又唔會好辣 👍🏻👍🏻酸菜魚 個魚係滑的 味道都還可以蔥爆羊肉 呢個係驚喜之選 本身個人係驚羊'蘇'味 但係 好好味地個羊係唔蘇 同時蔥味又夠 鑊氣夠 所以好好食👍🏻甜酸肉 呢個係無得食蝦仁的替代之選 佢個味酸酸甜甜

十三麻辣小辣無底鍋要選擇六樣以上既食物，然後炒，我就選擇了牛百葉、豆干、寬粉、萵荀、四季豆、黑毛豬腩片。全部都係我喜歡的材料。小辣味道帶點小麻，食物味道很香口，寬粉是必點之選，因為較少食到呢個口感，好特別，而且非常好味。酸菜炖白肉必點菜式，幼嫩的豬肉加上酸菜及蒜泥的點綴，增添不少味道的層次，湯底把內裏的寬粉餚得很入味，真係好正！水煮牛肉鍾意食麻辣嘅人，一定要試佢哋嘅水煮，裏面都有一樣有我最愛的寬粉。

一向都超鍾意食辣野，可能同寒濕底嘅體質有關。係港島返工嘅朋友就推薦左呢一間四川菜俾我。今日有時間，就同男朋友早少少去行下消失嘅喜帖街，之後就Book定枱食川菜去寒去濕。鋪頭喺正利東街隔離，好易搵。好在有book定枱，因為鋪仔細細，去到都已經差唔多full左咁滯。鋪頭裝修都幾有特色。我哋就叫咗個中辣既十三香麻辣鮮蝦鍋，加肥腸萵筍蓮藕。另外就加個水煮魚冇咁dry。先上既係水煮魚龍脷肉質幼細，口感滑溜。油炸過後先至水煮，味道剛剛好唔會太辣，食開三小辣既男朋友都可以一件接一件。入面仲有寬薯粉，我哋都幾肯定唔需要叫飯都一定夠飽。 之後十三香鮮蝦乾鍋就上場我同男朋友都研究緊乜嘢係13香，上網一查，原來十三香 就係指13種各具特色香味既中草藥物。包括紫蔻、砂仁、肉蔻、肉桂、丁香、花椒、大料、小茴香、木香、白芷、三奈、良姜、乾薑等等。咁多種香料，難怪聞到已經流晒口水！而且有燈籠椒同小米椒，又香又夠辣！數一數鮮蝦都有12隻，而且全部開邊，食得方便而且好入味！麻辣得來香料令到味道更加有層次，好正！肥腸夠肥萵筍同蓮藕爽甜，正好中和辣味！男朋友到最後食到一頭都係汗，好似好辛苦咁。點知一行出鋪頭佢竟然話「嘩原來

今日和朋友往灣仔四合院, 我們點了一客虎蝦鍋加午餐肉,芝心丸、西班牙黑毛豬腩片及寬粉,醋鹵雞和拍黃瓜。虎蝦鍋上枱賣相不錯,份量,適中,有紅指天椒的辣香味,熱辣辣的是廚師即叫即炒的!虎蝦大大隻好彈牙,口感一流,有海蝦的鮮味,夾雜著麻辣及花椒八角的味道,而且非常爽口彈牙；鬆軟的午餐肉加上麻辣香味,突顯了餐肉的味道；芝心丸被咬開時會有䁔䁔的流心芝士流出來；黑毛豬腩片外表好似肥牛,有溶不了的脂肪及爽軟的豬腩肉配上麻辣的味道,非常惹味；最後寬粉食落爽口,有緩和辣椒的味道及中和的作用÷醋鹵雞是原隻的雞脾肉上枱的,仔細地看雞皮和雞肉之間有一層呈現啫喱狀的雞汁,雞肉食落有醋香酒味,嫩滑鬆軟,不容錯過；最後拍黃瓜是用了糖醋及麻辣酒醃製,酸酸甜甜的,令到我們胃口即時大增。總結餐廳環境舒適, 食物美味, 尤其是虎蝦鍋和醋鹵雞, 好惹味很有特色, 值得再來。

中午實在不知道要吃點甚麼，到處走走發現這家四合院剛好有位置，而且所有午餐都是58塊，在灣仔來說實在是得便宜了。我就叫了一個擔擔麵，還送了一碗湯，但實在是太咸所以喝了一口就算了。擔擔麵很大一碗，非常香，有很多花生米和蔥花，混一下再吃更美味！它不算辣，所以帶點點麻 另外朋友叫了魚香茄子，量比較少而且味道怪怪的，朋友說不辣而已偏酸，可能是這家的特色？反正不太合我口味就是了。這裡的空調不太夠，坐沒兩下就已經出汗了其實。