囍點心 (已結業)

有日行過見呢間餐廳新開張, 睇真d原來叫 囍點心, (起初以為係食西餐tim ), 心諗夜晚食飯又多個選擇 食點心, 幾得意, 所以記住, 尋日終於試左喇, 最衰唔記得影相啦,我地點左 :鳳爪排骨飯 : 用瓦碗, 夠香同熱, d 飯唔會 “腍 bat bat” (我最鍾意)鳳爪 : ok, 我比較鐘意食紅卜卜 (雖然係色素) 蘿蔔酥 : 熱辣辣, 比我平時去酒樓食o既更多餡料, (男朋友極力推薦)香茜牛肉腸: ok沙律明蝦角 : 熱到辣親個咀, 特別係佢比一般酒樓的皮簿, 簿到你會見到入面d 餡 (必食)綜合來說 : 原本以為係 “快餐店” 質素啦, 見到個價錢(都算平) ,都唔會有太大expect, 但質素竟然比一般酒樓好, 可能即叫即蒸 / 整啦……. 不過等得都唔算耐………… 如果夜晚想食點心, 值得一試

好彩老公放假陪我來，因沒拿著地圖左對對右尋尋，我一定花一些時間才找到，不是我此店難找而是我對認街名及位置比較差，今天有人帶總算吃到好野並推介給大家試試！！店子少少，簡單裝修坐得蠻可以！！！最重要是食物質素，其次服務，再配合理價錢，這幾樣這店子都好！值得推介，不像廣華街某點心店，我倆去了多次都沒有那份耐性等始終緣慳一試（有此店相信不會再去等位了）服務好除因我地在食覺好，主要是兩位樓面四眼姐姐都幾禮貌，尤其那位蓄短髮的四眼姐姐，我見有位應是附近店舖工作的中年女士，她應是同事先來電訂了食物，她負責來取點心，但數量可能頗多她必須來兩次才可取得晒，她第一次來時短髮姐姐已建議每種醬料給些她回去試，免同事要求時才來遂款取，幾好幾細心！又不吝嗇那少少的醬料！！食物方面，連對食物不多評語的老公都說新鮮好味！！！

本人係尖東返工, 食lunch 都會過寶勒巷搵反食, 有次經過哩間點心店知新開張, 見裝飾都ok, 個心就想試啦!!!今日放工相約男朋友一齊去食~ 6點30時間尚早, 所以好快有位. 入到去staffs好有禮貌, 做野有效率, 即刻倒茶比我地!!!我地叫左以下點心: 小籠飽, 菠蘿奶皇包﹐春卷﹐蝦餃﹐鳳爪及咖喱土"有"小籠飽: 皮唔厚~肉唔太鏈, 唔"掂"醋都夠味菠蘿奶皇包: 夠創意配搭, 好正, 好脆皮春卷: 炸得好夠脆, 放耐d都唔會太霖蝦餃: 晶瑩剔透既蝦餃皮, 唔硬~蝦肉好彈牙, 好鮮味鳳爪: 醬汁夠濃, 咖喱土"有": :咖喱好夠味﹐土"有"又唔硬, 雖然係少左d~不過重質唔重量初時等食物等到有點枯燥, 但見食物咁新鮮, 所以好快回復食野心情食左兩籠包好飽, 又坐得舒服, 整體好滿意埋單total: $80, 免收加一!!!好少食店會咁做, 所以好深刻.....

朋友介紹下得知寶勒巷開左間食肆係食點心既而我同男朋友一向都鐘意食點心.. 咁岩行開TST 就即管去試下 我地一坐低二話不說好快手咁點左5樣野蝦餃, 燒賣, 蝦腸, 棉花雞, 鳳爪排骨飯落單果時.. 侍應同我地講因為所有點心都係即叫即做所以製作需時唔緊要! 最緊要食物夠新鮮ma等左唔係好耐.. 食物都陸續上台大致上我地都覺得樣樣都好食..hahaa值得一提就係........蝦餃皮厚度適中!! 完全唔係出面酒樓食到一團厚厚既粉狀而蝦仲係大大粒, 有口感, 彈牙架!! 另外要推介既就係既腸粉真係勁滑呀.. 食過返尋味好抵食!! 埋單都係 $84食物質數好.. 用料新鮮 (蝦係彈牙架!!)服務OK.. 侍應會不時主動走黎加茶總括黎講係一間有heart既食肆下次出TST 我一定會再去呢間舖頭試下其他野

其實我去呢間囍點心嘅原因..........就係我十分唔鍾意去茶樓飲荼，但偏偏我又好鍾情點心呢樣野.今日本身係去寶荔巷間源記食河粉，行吓行吓點知比我發現一間叫囍點心嘅食肆，我好自然就八掛入去試試........1. 鮮蝦腐皮卷 - ,wow 好新鮮好熱又cripsy我地2個人都說正2. 千層馬拉糕 - 係呢到既特色嘢,好有懷舊feel3. 韮王鮮蝦腸 - 真係好滑好食, 係豉油較甜. 不過真係好得呀4.北菇滑雞飯 - 啲雞睇落有少少生,食落去原來係蒸得啱啱好,掂 無加一, 2個人食到包包都係$60餘元 真係平及正.是次消費: 每人約HKD$30 (夜茶)

前幾日同朋友係tst 寶勒巷飲野, 打算食返d野先去飲酒~咁岩就見到<囍點心>話新開張, 咪去試下囉!!!!個裝潢都好現代屋企感覺~都ok舒服...同朋友傾計聚舊唔錯選擇d點心係即叫即蒸, 唔怕會唔夠熱(因為我好怕)!!等少少唔緊要haha 因為我好大食, 所以叫到成枱野食~d腸粉好滑呀....又薄皮, 料又夠多; 我見每枱都有叫菠蘿奶皇包, 咪自己都試下~一個字"正" 熱食最岩~真係好好味!!!唔係講笑d咸水角都好脆, 因為即整?食點心係愈食愈過癮, so後尾都叫左一籠盅頭反, 真係好新鮮滾熱~兩個人食岩哂最好係收3 am~想食少少野落肚最佳之選員工服務態度唔錯, 夠主動~唔使下下叫fill 水, 已經好好最後, 兩個埋單都唔使一百元, 視乎食幾多野快d去試下呀....真係冇介紹錯架