囍雲軒 (雙子匯1期)

營業中

休息中

又係只知投資了硬件裝修那種混水摸魚酒樓。樓面人少，服務水平尤不及啟業村比較屋村街坊檔次酒樓。食物又係會充顯怪品味那種，芋角會加條餅話天鵝；蝦餃皮上掃了金油那種，整色整水但味道惡劣。芋角一上枱凍兼裡頭硬皮；蝦餃的蝦都覺得鹹。冇衣食一次咁多，芋角本身有三個，我們二人一人一個後，最後一個真係放低算。絕對黑名單。我冇特登醜化佢，食物與裝修影還正常，實際上佢d服務與食物品質，我絕對不會再去。sogo這間喜雲軒，軟硬件的投資極度唔match。香港有規模大舖食肆d老闆係好興咁玩，第一筆放進去的裝修舖租就以為好掂，但請人、來料那些就其實無異街坊酒樓咁經營。所以我打個po好強調「混水摸魚」呢隻路向。混水摸魚！

我地叫左 $248 午市小菜粉麵孖寶「喜馬拉雅岩鹽燒腩仔」+「瑤柱蛋白炒飯」喜馬拉雅岩鹽燒腩仔外皮夠香脆，咬下去會咔嚓一聲但缺點勝於優點，肉質偏瘦，唔係想象中肥瘦相間既肉瑤柱蛋白炒飯帶有鮮美既上湯味，飯粒乾身分明不黏連，炒得恰到好處配料豐富，絲絲鮮香瑤柱，配上蛋白同翠肉瓜口感豐盈之餘醬香味濃郁$108 雪菜肉絲湯米線一窩 魚湯的鮮甜完全滲進米線，雪菜微酸中和左膩感，不會淡而無味 肉絲切成粗條，份量比得毫不手軟，舖滿成個碗簡單一碗卻但滋味十足$28 櫻花蝦煎薄撐 餅底過於厚實，做唔出外脆內軟糯既感覺 有淡淡既蛋味，但作為配料既蔥花同蝦乾比較少，味道同口感都只能算是合格$28 香煎南瓜餅 外皮煎得微焦，內裏卻十分黏香！南瓜既清香 & 紅豆既綿密融合得啱啱好 一口咬落去，軟糯中帶點顆粒感，層次感好驚喜

一入門就畀水晶燈閃到眼💫裝潢靚到唔使多講！見到四圍都係講粵語嘅公公婆婆👵🏻👴🏻，就知冇踩雷～熱辣辣炸到金黃嘅酥皮一咬爆漿軟綿綿蘿蔔泥鹹香夠味，底層奧利奧碎真係畫龍點睛🤤上菜時煙霧繚繞超有氣勢！脆卜卜外層裹住大大隻蝦肉，夾雜芝士香蘸埋特調醬簡直絕配～燉湯清澈但濃郁好足料飲落鮮甜滋補，飲完仲可以撈埋裡面嘅食材食夠晒滿足👑一籠有 7 款點心💛下層傳統點心經典，中層黑芝麻流心軟糯，上層雪梨粿清新🦚

應朋友邀請出席百日宴午宴，喺啟德呢個新開商場一間酒樓，酒樓環境唔錯應該唔平，午宴開始。乳豬全體皮脆肉嫩，皮脆得嚟鬆化，美中不足有少少騷味。西蘭花蝦球帶子，好夠味有鮮味，蝦球大隻爽彈。北菇元貝節瓜甫，瑤柱味道相當濃郁。百花炸蟹鉗，外皮加粒粒脆米增加口感，唯蝦膠味道偏淡。海皇蟹肉翅，高湯好濃，蝦蟹都鮮，相當唔錯。鮑魚扣鵝掌，鮑魚口感有啲韌又無乜味，鵝掌超級巨型好食。蒸老虎斑新鮮脆皮燒雞雞皮超級脆，有雞味肉嫩。紅豆沙唔太甜煲得好靚。所有菜式份量都相對大，酒席味道係我食過嘅算高分。

呢間野點心外形花款多，除非好熟逐樣對，否則唔容易知道食梗邊款點心。結果一次過上菜既時候，上多左一籠無叫的點心，員工唔會即時核對有冇上錯。等食左一陣之後，會有員工行埋黎逐樣對，發現比多左之後，唔會道歉，會即刻話會加返比多左既點心落單，因為已經夾過。唔會再去，因為唔想飲茶都逐樣對單先食。

✨ 必食推薦*✨ ✅ 鮮蝦菜苗餃 $50蝦肉爽脆+菜苗鮮嫩，皮薄餡靚無得彈！ ✅ 玉龍吐珠（帶子牛肉餃）$40帶子意外地冇煮老🐚 牛肉粒大粒又多汁，驚喜之選！ ✅ 陳皮香菇牛肉腸 $40腸粉皮薄到透光！牛肉餡超足料，陳皮香氣畫龍點睛～ 🍲 湯品表現▪️上湯鮮竹卷：湯底清甜，鮮竹吸飽湯汁 ▪️花膠落柱灌湯餃：高湯鮮味十足（但皮煮過龍） ⚠️ 小缺點▫️灌湯餃皮偏硬（疑似蒸太久） ▫️大良脆鮮奶3件溫度不一致（1件特別凍❄️） #啟德美食 #高級點心 👉🏻 建議避開繁忙時段，點心質素更穩定～ （同場加映：有無人試過晚市小菜？求分享！） 後記： $400食到咁多款點心算抵玩， 最驚喜係全部點心都足料， 唯獨時間控制可以再改善💪

又係時候發掘啟德新餐廳😋位於新開啟德雙子匯SOGO商場，街上去食個飯啱啱好😚冇諗過SOGO商場性價比咁高，而且嘢食大份又好食🥰影埋餐牌俾大家參考～希望餐廳keep到水準，食物繼續保持到溫度！當日假日晚市光顧，到而家仲回味緊🥇#火山石炙燒 #叉燒王 🥈#玫瑰岩鹽炙燒三層肉下次再試埋佢嘅片皮鴨先～🧐建議座位可以再闊落啲📍囍雲軒九龍城啟德協調道12號雙子匯1期崇光啟德店食匯堂115樓#粵菜 #啟德 #晚市

上次試過12人套餐，覺得好食。所以今日帶埋家人嚟食晚飯。但係有啲失望。首先叫咗個六人套餐。叉燒係好味嘅👍芝士龍蝦伊麵 😢覺得佢一pat pat，龍蝦唔係好多金瑤花膠燕窩👌比較夠味火龍果蜜椒牛柳粒👍炒得嘢味，牛柳粒夠淋沙律棧避風塘鮑魚😢 呢個有啲失望，鮑魚完全冇鮮甜嘅味道，食起來好似咬橡筋咁樣蝦湯魚肚浸勝瓜👌 呢個過關 五個人唔係好夠食，另外叫咗個金銀蛋肉鬆浸時菜👌 都係好一般，份量又好細 瑤柱蛋白炒飯👌呢個過關， 沒有驚喜 呢一餐平均消費三百蚊，唔算有驚喜。勝在環境夠新夠舒服。

食物水平完全令人失望，食物不新鮮肉類入邊參了很多的粉，完全唔值呢個價錢，我就算住喺附近我都唔會再嚟，其實講真環境唔係真係好舒服，雖然係落地玻璃，但係景觀真的麻麻，你如果有預算不如去旁邊airside 我今次點了一個腸粉，一個所謂嘅沙律，仲有個牛肉，先講腸粉，出邊嗰浸皮完全係粉嘅，完全冇彈性，入邊嗰啲都唔知係咪叫做肉，冇味嘅，嗰個沙律上邊係一啲菠蘿，溝咗一啲沙律醬下邊就用過雲吞皮炸咗，幾有蚊我真係覺得嘥錢，最後講吓個牛肉，不知所謂，好大舊，如果你唔介意食粉嘅話，完全係肉加咗粉，跟住落啲芫荽，入到口完全唔知咩味好奇怪間嘢如果你大把錢，完全唔介意食垃圾，咁你就嚟啦，真係嬲到激死我，完全浪費錢

得蝦餃同燒賣係正常發揮。鳳爪係鹹到開眼，攞嚟送白飯就差唔多。最嬲嘅係紅米脆皮腸，本身係睇咗OpenRice先至過嚟就係為咗食呢碟，點知佢竟然夠膽個脆脆皮裏面係冇餡嘅，一般裏面都需要有蝦膠，反正就應該要有餡，唔係乜都冇！我真係想退貨，40幾蚊碟齋腸我！仲要唔熱架！叉燒包百分百係交貨嚟，係預製菜，因為個包一咬落去就粉碎，完全係冇包點應該有嘅彈性，唐記都好食過佢。呢間餐廳嘅價格只係完全食環境，可一不可再。

啟德雙子滙囍雲軒酒可能是開業不久，價錢仍算實惠，人均消費大約200蚊，片皮鴨兩食、招牌叉燒皇和大斑兩味。味道和賣相不錯，詳見圖片。招呼合格，缺點是座位較擠迫和嘈吵。

諗住畀多次機會佢 ，第一次去食 豚肉叉燒酥入面凍， 部長替我哋取消咗呢樣， 今次朋友再点左4個打卡点心諗住打卡，点知今次义燒酥入面一樣凍，，部長又要替我們换過，拎出來才熱， 上湯金魚餃暖暖地，凍左D皮會感覺硬，部長話冷氣大風所以快凍，打卡點心得個靚樣 ， 咁再叫海鮮鴛鴦炒米，得2，3粒海鲜，装米粉隻碟一樣凍好奇怪，三層燒腩肉， 燒肉皮好脆， 中間果層豬肉好肥， 食落感覺好漏，呢個厨房品質真係好差，以後不會再來，反而侍應 好有禮貌。

上星期已經想試但無位,今日早D去揾位先. 星期六11：00去到,唔算多人,唔使等有位.呢度D侍應服務麻麻. 茶錢仲收$18位,但無蠟燭盤慶住D茶😥點心選擇都多嘅,我點咗原隻鮑魚燒賣, 菜苗鮮蝦餃, 西班牙火腿叉燒酥, 肉鬆煎糯米雞, 上湯灌湯餃,上湯浸菜心.食物質素中規中矩. 特別係西班牙火腿叉燒酥,我覺得難食,咬咗一口,決定放棄😓. 灌湯餃好食,湯夠熱,雖然無蟹肉,有蝦,有瑤柱. 兩個人食咗接近$500. 以價錢嚟講,唔值得再去囉.

今次去咗囍雲軒真係超級驚喜呀！😍 佢哋嘅點心真係好正，特別係個蜜汁叉燒，真係好食到癲啊！啲叉燒外皮微微焦香，咬落去又軟又juicy，個蜜汁甜度啱啱好，完全唔會膩，食完仲想encore多碟！🤤 嗌咗一大碟，一個人食咗半碟😅奶皇包真係得意到爆！🐼 個造型係熊貓樣，真係萌到唔捨得食呀😃一咬落去，啲流沙奶皇即刻湧出嚟，香濃又滑溜，個包又軟熟，真係又靚又好食，打卡一流！📸✨ 帶埋小朋友過嚟食一定好開心👶🏻炸魷魚鬚每次過嚟都係必點！炸得金黃酥脆，咬落去好有咬口，完全唔油膩，仲有其他點心都好出色，傳統嘅點心佢哋用新式嘅方法去擺盤同埋煮法，樣樣都新鮮足料，食到好滿足！ 環境舒服，服務好，佢哋嘅職員都好積極，啲點心又精緻又好味，仲要價錢合理，絕對係屋企人飲茶嘅好地方！💖我已經plan緊下次再嚟啦！

難得老細請食飯一於去盡D食豪D，黎咗呢間酒樓，開頭以為佢得一間，寫食評時才發現原來佢有幾間分店，呢間D野都幾好食，不過人手真係唔夠，可能因為新開未請夠人啦。先來兩個小食，海哲同陳醋雲耳，兩個小食都比想像中大碟，起碼8個人都夠食，唔會太細碟搞到有人無得食。重點出撃第一度餸就係呢碟芝士焗龍蝦加伊麵底，呢個比起出面好多酒樓食到嘅好食好多，首先係D芝士真係芝士，而唔係求其落D白汁加少少芝士喺面就當係芝士。隻龍蝦D殼比較薄，好易咬得開，而且都幾多肉，連D伊麵都整得好食。重點出撃第二度餸就係呢碟魚翅撈飯，個芡汁做得幾好，有香味而且唔會一味得個杰字，個飯亦唔會好濕，魚翅就唔係食到好多，整體味道係唔錯嘅。要返碟菜清清地，魚湯浸，D菜好新鮮，呢個好食。最後梗係要食甜品啦，呢個荔枝造型嘅甜品入面係類似奶皇流心，都幾好食。