20
12
11
餐廳: 囍慶酒樓
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
電話號碼
2827 8803
營業時間
星期一至日: 11:00-23:00
付款方式
Visa Master AE 現金
其他資料
酒精飲品
泊車 詳細介紹
電話訂座
加一服務費
電視播放
招牌菜
大海班 乳豬拼盤 紅燒雞煲翅 鮑魚片
食評 (49)
等級4 2017-02-12
189 瀏覽
位於核心大樓2樓既盛讌酒樓~ 樓下正正係一粥麵, 不過星期日既晚上 佢無開店~科學園園區內基本上都充滿位置圖, 可以睇到各棟大樓既位置當搵到第1期既核心大樓後, 行到去見到一粥麵/OK便利店/永隆銀行/Starbucks, 就代表你已經黎到岩既地方~上埋呢條電梯就到達今次介紹既酒樓: 囍慶/盛讌酒樓囍慶同盛讌基本上係同一間酒樓, 不過分佈係同一層唔同位置(幾步之遙) 由於囍慶今晚有人擺酒唔做晚市 所以就入左黎盛讌啦~環境都唔錯~ 入座個陣仲靜靜地 點知坐到7點左右就全院滿座...極品吊燒雞(半隻) $128外皮燒得非常香脆夠味甜甜地, 非常好味!不過肉質就唔夠嫩滑 而且無乜雞味...份量偏小... 下面個層既雞都無乜肉食 而且有少少生好多件都見到血紅色既骨 好彩肉都叫做夠熟如果煮熟返少少同埋份量多返少少 呢碟雞就會完美好多~金盞咕嚕蝦球 $128蝦球只有6件>____< 唔夠食..哈哈蝦肉無乜鮮味~ 不過呢款甜甜酸酸既菜式都唔會難食...普普通通!欖菜肉崧四季豆 $88前兩碟份量好細 呢碟終於多返好多!!肉崧, 洋蔥粒同欖菜都好多 成個味道唔會太咸~ 唔錯呢呢碟上湯焗龍蝦伊麵係用晚市6選1優惠價$108叫既~~所以預左隻龍蝦唔會太大隻~~ 不過都算係OK呀, 每人都食到唔少龍蝦肉既!伊麵充滿上湯味, 抵食 :>最後 我地一開頭叫既淮杞響螺燉瑤柱盅$168壓軸出埸估唔到 好足料!! 淮山杞子瘦肉同響螺都有好多 好清甜飲到底先至見到有好多瑤柱 不過食得出係比較平價既瑤柱 無乜香味星期一至五晚黎食既話會抵好多....! 有8款好岩食既餸都有差唔多半價優惠...@0@!!!6選1既優惠真係好抵!! 可惜每次只可以揀1個黎叫...><服務:岩岩入座時上Openrice見到好多批評服務好差, 又收錯錢等等既評語... 個心都好沈重loll然後個呀姐又好似真係無乜禮貌咁... 我地初頭淨係落左個湯先隔左好一陣子佢突然行過黎問我地知唔知個湯仲有冇.....?___?好似當左我地係呢度既伙計咁.....不過後來的waitress反而好好多, 又會成日主動加熱水, 收碟禮貌都唔錯~所以我地覺得服務問題應該只係某d員工..其他大部分都OK既~ 繼續閱讀
(以上食評乃用戶個人意見 , 並不代表OpenRice之觀點。)
等級5 2016-12-25
1184 瀏覽
聖誕節一連四天假期,山長水遠帶著 B女來到科學園,目的就是為了一個冬日嘉年華。絕對相信除非轉工,否則應該沒有太大機會再來這裏,所以決定就在科學園午饍。Openrice 資料有點不太準確,原來公眾假期很多食肆都沒有營業。已經一連食了幾頓西餐、夜晚又將會係,所以即使中餐選擇不多,加上大部份都沒有開門,結果被迫去了飲茶。只有兩間選擇,其中一間主打婚宴已經被包了場,結果去了「囍慶」;以為是間獨立經營的酒樓,原來又是某小型酒樓集團旗下。酒樓位於科學園某幢綜合性大樓內,始終並非商場,室內設計貫徹科學園、數碼港等等類似建築群的特色,更似會展中心或科研大樓,非常簡樸。雖然只是同一間酒樓,但是分開兩個不同的區域及舖位,並冠以不同的名字,裝修風格並沒有明顯分別。燒味單拼飯(碗)($48)賣相已經唔夠吸引,尤其是最近兩個月分別在兩、三間唔同嘅酒樓食過質素相當高的蜜汁叉燒,就更加被比下去了。叉燒味道偏甜,但又完全沒有鹹味;用上了全瘦的豬肉,完全欠缺一點點脂肪,優質的叉燒無論如何都應該帶有一些肥而不膩的脂肪(採用西班牙黑毛豬肉烤制的叉燒可能除外)。食落口果然肉質果然粗糙、不夠鬆軟、兼很少肉汁,幸好未至於乾硬;唯一優點是勝在便宜,尤其是與點心的價錢作出比較。原隻鮮蝦餃(2隻)(中)($34.8)值得讚賞的地方是提供了兩隻一籠的迷你版本,迎合現今香港社會大部份都是只有兩公婆的小家庭。賣相叫做相當對辦,有明顯的摺紋、又沒有皮穿肉破。蝦肉夠爽口,但欠缺鮮味;餡料也沒有筍粒,不夠傳統;但已經是這一頓午餐最好吃的點心了。蟹籽燒賣王(2隻)(中)($34.8)也有兩隻一籠的迷你版本,但質素比起蝦餃差了一皮。賣相唔夠工整;雖然也有一隻小蝦鋪在表面,但不夠鮮明。餡料有不少冬菇粒,但切得不夠幼細;免治豬肉不夠彈牙,整粒燒賣的口感有點鬆散。陳皮香茜牛肉球(中)($34.8)算得上是合格,牛肉球夠爽彈。北菇棉花雞(大)($39.8)是五款點心中最差的,與普通街坊茶樓或平價點心店差不多質素。只有一小截人造蟹柳及半隻冬菇;沙爆魚肚只有爽口、但欠缺爽口中帶腍滑的質感,而且選用的食油質素不夠高,有一點點油膉味;雞肉軟腍、但欠缺質感及鮮味,很明顯是急凍巴西雞扒切出來的雞件,所以完全沒有骨頭。不清楚蔥花煎腸粉的價錢(詳見下文),味道方面只覺得非常油膩、而且質感很黏牙,應該是粘米粉及糯米粉的比例不太恰當。但也有一些值得稱讚的地方,就是蝦米份量相當多,表面也煎得夠香。可能位於科學園,接近是獨市生意,點心價錢定位一點也不便宜,貼近銅鑼灣及尖沙咀旺區的一線酒樓定價;但質素卻不可同日而諭,明顯有一段距離。茶價要 $15 一位,就更加不能接受;雖然市區很多酒樓可能更貴,但人家所選用的茶葉質素相對地高班很多,這裏的茶葉質素頂多只值 $10 一位。服務質素也有值得商榷的地方。第一次落單的時候剔選了燒味單拼飯(碗),但侍應嬸嬸居然沒有問選擇什麼燒味,需要筆者提醒她。本來也落了單 XO醬煎腸粉,其他點心全部到齊還沒有見到;查一查打印好並放在枱面的單據,才發覺原來酒樓落錯單,變成了蔥花煎腸粉。馬上追問,熱心的另一位侍應姐姐即刻跟進。不到3分鐘就送上了蔥花煎腸粉,由於趕時間,所以沒有退貨;但再過2分鐘,又送上了一碟XO醬煎腸粉,只好退貨。碰巧之前那一位侍應姐姐經過,即刻提醒一下,她再次馬上跟進。結果,埋單時候收到了下面的單據,兩碟腸粉都沒有計錢!結論是:一眾侍應的服務態度相當好、熱心有餘,但可能是放假心情太過高漲,能力有所下降? 繼續閱讀
(以上食評乃用戶個人意見 , 並不代表OpenRice之觀點。)
等級1 2016-12-24
580 瀏覽
行完山去到大約2pm,一入門口冇人理,跟著門口個侍應指一指叫我地搵對面個侍應攞位 👎坐低咗醒起要問有冇下午茶優惠,另一個侍應望下錶話2:05pm有,追問點優惠,佢竟然答埋單就知,走咗 👎點咗7個點心,傳菜嘅人同食物質素都唔差嘅 👏到埋單時朋友用信用卡比咗大約$300,到起身走時諗諗下唔對路,冇理由7個點心咁貴㗎,再搵侍應問係咪有下午茶優惠,佢話有但支吾以對,唔知係咪跟緊,我地3個忍唔住行去收銀揾人再計退款,點知負責收錢嘅女士黑口黑面話自己好忙,行出行入去幫人埋單都唔想理。👎跟住有個貌似經理嘅(都係黑面仲要油頭垢面囉)幫我地跟張單,知要退錢但我地企咗成10分鐘都冇解釋要等乜同冇歉意👎原來一路要等個黑面女收銀處理void單再打單退款,佢係我地面前一路整單一路念念有詞埋怨同好唔耐煩,最後退返$138,收多差不多一倍,冇一個侍應經理收銀肯表示歉意!👎👎👎我地3個都冇發惡走了,從來未見過一間酒樓啲前線服務員會個個黑面仲收錯錢唔認錯,好彩冇比佢呃到錢,但相信有人已中招,以後唔會再去喇 😓 繼續閱讀
(以上食評乃用戶個人意見 , 並不代表OpenRice之觀點。)
等級1 2016-10-01
1775 瀏覽
Very terrible experience during lunch today!Food here very average....service bad as people are not responsive and cannot get the order right as keep giving us the wrong food....the worst is the manager as his attitude is terrible and just don't seems to care at all..There is no other chinese restaurant around that area but even that i will never eat here again!! 繼續閱讀
(以上食評乃用戶個人意見 , 並不代表OpenRice之觀點。)
等級2 2016-09-05
1744 瀏覽
天氣好,心情好,一切很好,偏偏一個簡單的午餐就帶來了一大大的打擊....午市套餐看似吸引,好吧,一於打破傳統不點點心系列好了!鮑汁雞腳味道可以,調味咸了一點,尚有改善的空間,但整體還是可以的。但.....驚喜來了。燒鵝(例牌) 的賣相實在驚嚇! 個人認為這應改名為「油浸燒鵝」,肥膩的感覺完全可以想像得到,燒鵝就像放置了一段時間才離開廚房。沒有入口皮脆肉嫩的感覺,肉質過份結實,配合厚厚的肥脂,感覺實在恐怖。理論上燒鵝應該是「啖啖肉」的,但是,我能夠吃到的只是「啖啖肥油」,脂肪與鵝肉的比例不乎﹐真的有點懷疑是否以鴨充鵝。很認真的說,從未試過這樣差的燒鵝,難聽點說就是「趕客」。滑蛋蝦仁帶子炒河的賣相普通,茨汁雖夠但略為杰身。河粉的質感不夠滑,帶子及蝦仁的味道不過不失,調味略為不足。其實時間尚早,午市開始了不久,但豬仔腳卻已早沽清。於是我們另外單點了一客小食-- 薑汁豬手。但原來也是另一個伏位。豬手的肥膩程度跟燒鵝有過之而無不及,幾乎吃不到一點豬肉的質感。各自的吃了一件便宣佈放棄了。如果不是一開始就點了這個,感受過燒鵝的驚嚇,我是絕對不會追加這道小食的。自問要求不算高,只是沒想過簡單的一個午餐可以如此的失望...... 繼續閱讀
(以上食評乃用戶個人意見 , 並不代表OpenRice之觀點。)