嚐越 (已結業)

鮮黃牛脊河粉 (大) @ HK$40 - 牛肉粉...唉...除左個湯夠熱之外, 都冇邊樣似. 冇牙菜, 冇金不換之類的越式香葉, 牛肉又少, 話係大碗價錢 law! 但好似一般平時D碗咁上下law. 三越 (春卷、粉包、蔗蝦) @ HK$66 春卷就值得一讚, 因為炸得夠脆 庶蝦都做得好好味, 蝦肉新鮮, 因為好彈牙又有蝦味. 至於個粉包就比較鹹 馬拉盞炒通菜 @ HK$40 - 一般水準啦但最希望都係最基本既牛肉粉, 要整得好食law, 否則其他野好食, 都好難令客人再幫襯.

星期六與屋企人去食早餐, 唉~ 味道雖然ok, 但是等得太久, 三催四趕才把那些甩甩漏漏的飲料+粉麵+餸送到, 唉~~ 一個早餐, 我們等了15分鐘(起碼), 才吃了15分鐘; 一杯凍奶茶+一杯熱奶茶, 等了近25分鐘少送到, 還是要分2次送上.................. 無話可說!!!.等得耐, 坐個位仲係好熱好焗果種, 好似冇冷氣咁....

今日去左杏花村既嚐越食晏，人吾多，吾使等位！服務麻麻，企係門口等位時，無人招待，而且坐既位置較偏，每次叫人，都要好大動作先睇到！兩個人食，我男朋友叫左個午餐係個大蜆海觧海飯，有碟菜同野飲！碟蝦醬白菜仔好咸...係要送飯食都覺得咸果種！個湯飯味道吾差，可惜料吾充，d蜆殼仲多過d蜆肉！另外餐飲叫左個咸柑桔檬蜜，都吾錯！鍾意飲呢類飲品既人一定會鍾意！我就叫左個酸湯雞絲水晶粉，水晶粉qq咁好有咬感，可惜我厭佢有d "un"要咬好耐先斷，個湯得個酸字，鍾意食酸既人，應該會覺得ok!

5/5/2008 約11:45am上午的課完結後來個下午present前排練排完餓了吃飯去,悶熱天氣要吃些爽快好吃的大家都叫了學生餐,湯粉類($21) 、撈粉類($23), 另加一食送主要都係香茅雞翼、香茅豬扒、烤牛肉、烤雞肉等點菜的侍應真是,我地唔提佢唔覆我地要左咩,咁先發現漏了一樣 仲有湯粉類又唔問我地要咩粉,結果上曬河粉第一輪上左全部湯粉類,另包括一撈粉,佢話豬扒仲好醒記得係我點既但當我夾起第一件食送,有皮既就知係雞,知道佢俾錯左,應該係另一同學的唔該個侍應睇清楚先俾啦,好彩我都心水清姐最後一輪我個香茅豬扒撈檬到,都好大碗,幾個碗撈檬都大大碗多粉再落果個撈檬汁,酸酸辣辣的,好醒胃適合呢d悶熱天氣食豬扒則不太夠香茅味,但好在唔油膩囉其餘各位都吃得津津有味,係就係食左好耐,但又食得哂喎另一樣值得提既係間野會播住d英文歌,我識既有Memory, Loving You等Loving You冇咩問題,但Memory真係有點影響食慾 ,好彩果時剛剛坐下姐…

服務好差, 投訴比最高負責人, 佢粒聲唔走左去,態度好差!!!!叫野食, 等好耐等齊兩碟係同一樣野, 先上碟等左N耐, 都未到催佢, 點知又係等埋兩碟一樣既, 先上!佢地係都要, 整到成個盤係滿哂菜, 先肯拎出黎= =我好囧lor..野食咁貴, 份量又小, 唔抵食最好唔好食佢d野= 33=

難得成家人今日早上都係家,,一齊食個早餐如何??唔係飲茶我當然ok..呢家店自從半年前係度食完個又貴,,又細,,食物質素又麻麻既晚飯後..已經係我家既晚餐清單中除名..但早餐例外..一坐低睇meun發現第一樣野就係加左價(大勢所趨,,無計)第2樣就係美味既蕃茄豬頸肉包無左??咁食第2樣low..有新野wor..蕃茄湯粉系列配牛油餐包..炒蛋同飲品..一於就係啦..湯粉可選通粉,河粉,檬粉同意粉,配料可選香茅雞扒/豬扒..雪菜肉絲,沙嗲牛肉(仲有2樣唔記得左)(選一樣$22.選2樣$24)我要左沙嗲牛肉通粉同熱好立克..媽媽要香茅雞扒檬粉同熱華田..爸爸要左另一個餐..生熟牛要湯河配田園沙律,,炒蛋..蒜蓉包同熱咖啡($24)蕃茄湯好濃蕃茄味..夠酸夠甜好o岩我口味..沙嗲牛肉亦都好"林",,好味..炒蛋非常滑..唔錯..個包就有d美中不足..同d蛋放一齊..d蛋有d蛋汁,,整到個包底濕晒..差左少少,,不過個飽面係脆既,,加分..最後仲偷試左爸既蒜蓉包..香脆夠味!!好,,但同樣俾蛋汁整濕左,,唔係應該會更好..最差係杯茶..太淡,,如果唔係就好好啦!!飽到我下晝都唔使食野

2月3日，16:30在金鐘站送出糕點後，乘港鐵回家，順便到杏花村搵食。在這裡來份黃牛脊湯檬。黃牛脊：幼嫩的生牛肉，薄薄的肉味濃和鮮甜湯檬：幼滑配料：香脆蒜片和爽甜芽菜，還有青檸和指天椒，帶出鮮味。該時段客人不多，招呼不見差。牆壁掛上越南風光照片，檯面亦鋪有照片，夠特色。店內播放著柔和的音樂，好舒服。

同男友去杏花村度食飯,千揀萬揀,入左呢間,本來諗住食餐唔錯既越南菜,點知...未試過一路用手撥飛飛下既昆蟲,一路食飯囉!!!仲飛左隻落個柚子沙律度!!打死左1隻,又黎第2隻,仲飛左落男友杯飲左一半既紅荳冰度!!咩胃口都冇晒,都費事叫佢換過,快快食完走人好過!!!食左雞肉串燒,味道ok既,不過串燒得3,6,9串咁叫,2個人食好難share!香茅豬扒,都ok,但個柚子沙律好唔掂,唔覺有柚子味,似酸雜菜多d,另外食左個牛油焗青口,都幾香既,不過係一隻隻野飛飛下既地方食飯,食咩都唔滋味啦! 一定冇下次,食完都唔開心!

4個大人食,食左$550, 食完我老豆仲話唔知食左咩落肚, 都諗到又幾細蝶.食物又貴, 而且唔係太特別, 都無下次

下午去了杏花邨行海邊, 過一個悠閒下午.三點三, 找家價錢尚算便宜的地方, 下午茶小歇. 叫了越南春卷, 炒牛柳檬, 豬排撈檬最平既豬排撈檬大大碗, 越南春卷兩條炒牛柳檬細細碟, 但又係最貴早知走去食三文治, 飲咖啡算數.

因過幾日係我daddy 生日~所以昨晚預早食飯慶祝~一共4人, 叫了個4人晚餐~ ($398)前菜: (於指定餐牌上, 任點3款) 點了....燒豬頸肉扎肉粉卷炸春卷(每款各4件, 每人一件, 味道, 份量算可以)主菜: (於指定餐牌上, 任點2樣) 點了....豬仔骨(味道可以, 但估唔到咁.... 細件!!)西檸雞扒(太多香茅, 只吃到香茅味, 其他咩味都吃不到了! 十分難食!!)飯: (於指定餐牌上, 2選1) 點了....一個不知是咩名堂的炒飯.. (味道尚可接受)飲品: (共4杯)青檸梳打甜品: (有2款可供選擇, 4人份量)雪芭or 椰汁糕(我地叫了每樣一半, 即兩份雪芭, 兩份椰汁糕)(雪芭味道唔錯, 椰汁糕薄得可憐!!)4人餐$398 ‧另收加一‧補充: 價錢一般, 但份量太少....4個人根本唔夠飽!!

週一晚上約朋友吃飯，見其套餐尚可，就抱著不防一試的心態坐下。本來也不敢抱有不切實際的期望，可惜其水準本人和朋友只能嘆一句︰也只有在這競爭不大的安靜商場才能生存。套餐包括︰1. 沙律、扎肉-- 甚普通2. 主菜-- 胡椒豬肉︰深信這是水+生抽煮豬肉，沒有太多味道，再加上一條胡椒做裝飾3. 南瓜雜菜煲-- 友人說︰好像是罐頭湯加水再滾菜4. 湯粉、甜品-- 正常小女子一向烹飪技術麻麻，居然能有一間餐廳令我覺得自己煮得比較好吃，實在平凡得太...

三個人叫左個二人餐1. 春卷: 幾脆, 幾好食, 尤其點少少酸汁; 粉卷: 無春亃咁香口, 無咁好食2. 酸辣湯: 我個人認為D味道幾得意; 但係爸媽都話好難飲3. 馬拉盞炒菜: D菜好老4. 大頭蝦: 個樣好靚, 但係味道OK 啦; 阿爸話咁樣整浪費左隻蝦5. 沙律: 雜菜+酸汁, 我個人覺得OK; 同樣爸媽亦都係話唔係咁好食, 好似食酸菜6. 生熟牛肉河/雞絲河: 一般河粉lor, 加左枱面支汁好味D7. 乳酪雪芭: 酸酸地, 不過略嫌唔夠味, 懷疑係溝得太稀唔鍾意食酸野ge人, 好似我爸媽咁, 千祈唔好去食... 佢地一路食, 一路話唔好食...我就覺得味道一般, 唔值咁ge價錢...

琴日，同啊爸啊媽去杏花村，又未食過呢間餐\廳，咁就去食LO! 要了個二人餐\，有沙律、海鮮湯、*春卷、*粉卷、什菜湯、黑椒大頭蝦粉絲煲、泡泡飯、XX紫米露。 共二百多元正。

做完應做既事之後已是晚飯時間，三個人對杏花村呢頭都不太熟悉，於是打電話俾個friend問佢有咩推介。得到既答案竟然是杏花村無野好食，勉強要揀就只有呢間越南野。大家即時打左個"突"，但係難得來到杏花村，好又一餐唔好又一餐啦！依朋友的意見去了嚐越。都幾多客人喎！點了一份二人套餐，另加一客網絲墨魚筒。二人餐有越式粉卷、炒什菜、紅咖喱豬軟骨和2碗飯/湯河。越式粉卷幾好，唔好散晒咁；什菜真係好多款，有椰菜、西蘭花、椰菜花、磨菇、車厘茄等，不過不失吧！紅咖喱汁微辣，幾開胃；豬軟骨不太硬，可以接受。另外叫的網絲墨魚筒切開三件，幾大舊。剛剛炸起，仍是燙口，墨魚肉好厚身，口感幾好。Serve我地既侍應哥哥唔係無禮貌，只是太不醒目，要多加鍛鍊。