嚐樂煮意

營業中

休息中

5月22日, 今日同呀比食個late lunch, 見呢度唔算多人又1400已經開始有tea食就入去開餐~::: 特式熱狗 + 凍檸茶 ::: $22 + $2熱狗唔算好大隻, 用上普通既廚師雞肉腸做主角, 但就切開兩片攤開咁好似覆蓋晒成塊包咁. 熱狗包上搽上不太均勻既牛油, 配料都係普通過普通既生菜絲同番茄片, 再唧左d沙律醬上去. 基本上成個熱狗材料都係普通的, 但熱狗既特別之處就係就算用上質素普通既現成配料, 只要唧上沙律醬, 食起上嚟都係好味的. 當然相比起其他熱狗專門店或認真製作d嘅茶餐廳, 呢客熱狗一定好低分, 但作為一頓輕食午餐, 其實算合格的了~凍檸茶檸檬十分慷慨~ 茶味又夠濃~ 唔錯!::: 乾炒牛河 +凍檸茶 ::: $32 + $2乾炒牛河下午茶份量唔太大兜, 不過鑊氣與賣相都相當唔錯! 河粉炒得夠散, 色澤均勻, 豉油兜得勻夠入味實在難得~ 牛肉大大塊, 咬落算彈牙兼有少少牛味, 加埋其他配菜如韭皇同洋蔥夠晒惹味! 當然, 炒牛河多油實在係在所難免, 咁呢碟都唔算過份...鰂魚涌一帶食飯時間都總係人山人海, 難得tea time呢度唔洗等, 價錢同食物質素算成正

離定步行20步就到的茶記,晚上最近出了雞煲,但得1條友,食咩鬼但係見到晚市客飯有麻辣雞,個名好似雞煲STYLE,就叫了1個,大約50蚊味道少麻中辣,雞肉入味濃郁,滑度中等,醬汁中有豆豉,辣椒,花椒之類,很惹味食住呢個飯幻想下食雞煲也不錯但係個飯餐明明話跟油菜...我係咪被騙

又再一次來飯堂開餐, 今次又有我最愛吃的泰式碌冧汁, 見這間餐廳沒有食評, 就由我美女C9幫佢一把, 比個笑臉佢. 今天一行三人來吃飯我點了泰式碌冧汁雞扒拼扎肉飯, 同事分別點了咖哩豬頸肉和芝士焗肉醬意粉. 上次來有$2轉紅荳冰, 今次侍應話優惠做完了, 唔緊要啦, 因為想飲照+$7. 我叫的泰式碌冧汁雞排拼扎肉飯, 一上枱就有酸酸辣辣的香味散出, 很開胃, 無令我失望. 雞排煎得香脆有肉汁, 我最怕煎得過火, 雞皮會好dry. (由於我不太吃肉, 所以叫侍應比細塊雞扒我, 因為見隔離枱好大塊扒) 同事的咖哩我試了少少汁, 我一向食開中, 大, 辣這個辣度可以接受, 我最愛咖哩汁有薯仔, 值得一讚, 咖哩汁有辣味和香味, 合格啦.另一位同事叫了芝士焗肉醬意粉, 賣相唔錯, 不過我唔食牛所以有得睇無得食. 總括我咁多次食過這間餐廳的經驗, 以$38一個午餐有這樣質數, 在魝魚涌真是很超值抵食.

雖然間野係落街行1分鐘都到,但係我都懶行,連叫賓賓都懶所以叫外賣其中賣點係可以去他的網頁睇下佢地是日有咩款我就叫左個蔥油雞飯.佢同燒味店出品唔同既地方係個汁係用豉油汁,唔係甜既雞算係滑,但無咩雞味是常識,幸好帶點蔥油香加分,飯份量很多,O岩男仔食豉油汁係底,面頭好似好DRY,原來收埋左連凍飲40蚊,可以接受.