嚐囍清湯腩 (已結業)

剛食完一碗有濃烈酸味既墨魚丸，同老闆娘講，佢竟然第一時間話減我HK$5扣番d墨魚丸錢...心諗有點解唔係講唔好意思或之類既說話，仲要唔係即時幫我處理d變壞既墨魚丸...無奈！…查看更多

好耐無試過一瞓就瞓到晏晝，所以一起身就覺得好肚餓，但係又唔想食啲咁口味重嘅嘢，所以就嚟咗呢度食清湯腩，叫咗個招牌清湯腩飯，飯同埋清湯腩係分開嘅，但係我食嘅時候會將啲飯倒埋落去一齊食，因為咁樣啲飯就可以索到佢湯嘅味道，一啲都唔油膩，半肥瘦嘅牛腩簡直一流，肉汁滑身，一啲都唔鞋。…查看更多

真係如果唔係朋友講我知，話呢度有一間食清湯腩好好味嘅我都唔知道，都冇留意到。今次我就叫咗呢個清湯腩飯嗰啲牛腩真係好正，軟林林，同埋食得出啲湯加埋啲牛腩係好入味，好夾，又好清，同埋啲牛最緊要係冇膻味，而且又唔肥膩。所以我將啲飯倒左落啲湯入邊，變成泡飯，更加易入口。…查看更多

收工咗岩走過嚟食， 個招牌叫清湯腩，睇到以為會做得好出色啦～ 點知叫咗個番茄清湯腩就中晒伏， d清湯腩又韌又『鞋』口完全食唔到，咬唔到，好似平時煲湯d超級瘦肉最後食晒d番茄同米粉算數，個湯都清甜嘅！…查看更多

呢度既湯頭,可以用清來形容,呢個口味有點似家中既出品,帶少少肉香.但我唔係牛腩愛好者,所以都係叫牛肉同雲吞,另再加點菇.牛肉既肉味都幾濃,而且唔太FEEL到有化學變嫩既效果.質感好實在.雲吞細細粒容易食雖然加左菇,但湯無被改變.如果想要濃味,呢度不合適你…查看更多

好肚呀睇完咒怨，明明記得北角好多好野食，但因為唔識路是但搵間食。見到呢間好多明星相響外面又未食過即管試下。咁岩係下午茶時間，麵既價錢同餐牌一樣係多左杯野飲。入到去都坐滿晒人，唯有搭台，鋪面得疑似老細同一個伙記，又好多客，都唔多得閒理你。我想叫爽坑腩-賣晒，2點幾乜腩都賣晒😒唯有揀清湯腩😔男朋友就揀茄牛腩雲吞麵（覺得好怪個組合）個麵黎到，好少牛腩，其實我本身唔想叫下午茶，點知切到好細舊，仲要少😒試左個湯一啖，真係好淡呀大佬，要自己落豉油先有味（可能本身個人咸先咁，未必關間野事，但諗諗下去新仙又唔係咁）食蘿蔔，嘩，有渣，基本野都做唔好，我對牛腩都不存在任何希望，一食牛腩果然同是但一間食牛腩冇分別，咁我點解要入間表明專食牛腩既鋪頭食？如果因為係下午茶就做差個質素，我建議不如唔好放入下午茶餐單，以免影響到質素。另一碗茄腩雲吞麵，我試過個湯其實冇野，總叫有味，但個人鐘意澳門茶餐廳多d,因為濃味好多。如果個人冇乜要求又貪平都可以食呢間既…查看更多

因為有野要做，所以喺北角食 lunch ，得一個鐘時間又唔想去港運城 food court 逼，所以就揀左呢間試下:)果然個湯好夠清又唔會好咸但又有啲味，可以飲幾羹，但係食完就見到好多油嚕，牛腩都有六七舊，幾腍唔係好痴牙，少少肥可接受啦$33一碗我諗差唔多啦，附近都要三四十蚊食個 lunch。…查看更多

書局街的一間麵店,毫不起眼,但係就食到最簡單基本既蕃茄湯風味米線$43 蕃茄豬潤牛肉雲吞米線,湯既份量勁多,飲一口就知道好有HOME既感覺,蕃茄味好清,帶點肉湯既咸味,但絕不重口味,整體感覺唔到味精,好天然既湯.雲吞細細粒蝦肉就好爽身,豬潤煮得剛剛好,完全無過火.牛肉就無咩味呢個湯比我一種家的感覺,雖然我的家沒有這味道…查看更多

一直都有食開，堂食及外賣都有，味道不過不失，無特別。但最近外賣清湯腩飯就一肚氣返到屋企打開睇，赫到傻眼清湯腩80%係肥肉，係肥到只有肥肉果隻，之後心有不甘，回電詐型，竟然捉字蚤回答:【我哋無賣豬肉喎，係末你自己話要半肥瘦】乜D肥到白色界呼米白色既100%純正肥膏叫做【半肥瘦？？】做食品生意唔係Cup埋個蓋出咗門口就乜都唔理！俾你欺騙咗一次，重要唔認，我以後都不會再光顧！無錯，我一個不光顧不會令到店舖執笠，但10個100個都被欺騙，情況就不一樣。…查看更多

今日做完嘢都已經係下午茶時候，午餐都未食，出去搵食！北角食牛腩麵嘅食店都唔多！呢間都未試過！當時都只有兩三枱客！揀咗個門口卡位坐！地方乾淨企理！一邊卡位一邊圓枱！下午茶餐選擇都多，揀咗「秘製清湯牛腩河」（$33）包熱飲！我飲熱檸茶！食物好快送到！牛腩河份量不大，男仔應該唔夠飽！蔥花用湯匙盛住，呢樣幾細心，唔記得叫走青都可以唔落，不過我食蔥！所以無乜所謂！先食牛腩，每件都一半廋加一半肥！除咗兩件嚡啲之外！其他都夠淋！不太有肉味！應該都係雪藏的，白蘿蔔一塊！炆得淋身，食落無渣！雖然唔算甜！河粉比想像中好！幾滑！整體味道係合格！熱檸茶比較差！雖然無澀味！但好淡！好似用普通茶包開咁！因為麵店不大！只有一個阿姐做侍應兼收銀，只你响落單同比錢接觸兩次，態度正常！…查看更多

食清湯腩，北角天后多的是，但夜了走過北角，見還未關門，就坐下嚐一嚐。1. 雙寶河(牛腩、雲吞)牛腩較un，吃上來比較辛苦，下次試可以試爽腩。雲吞，普普通通，鮮蝦雲吞，拌了些豬肉，失了鮮蝦雲吞的精髓。河粉都是一般。2. 醉雞中翼四隻，還有些酒汁、香葉、杞子，看材料十足，香味也十足。吃下去就驚覺發現…此醉雞不是冷盤，而是熱的。我從未試過熱的醉雞，是少見試吧？但熱的，失去了一份冷冰冰的肉質滑溜。所以，整體是可以接受，但沒驚喜。…查看更多

"材記" 跟我從鰂魚涌慢慢地步行到北角，想起了上回未能一嚐的王記糖水，於是向書局街進發。到達時發現王記的大閘半開，似乎仍在準備的狀態中，一看牆上下午六時的營業時間，心知又要等待下一次的機會了。看到鄰店的清湯腩麵店，不如就順道一試吧！自從有了 OpenRice 的平台，在毫無資料搜集的情況下，嘗試未預算的食肆之機會，已變得少之又少，這趟就讓我們向未知的結果進行探索。嚐囍的陳設就如一般的麵店，右手邊擺放了小圓桌，而左手邊則是卡座。不過由於店舖狹長，就將麵房設置於店舖的最後方。"材記" 選了青檸七喜，我則要了至愛的鹹檸七喜，涼涼酸酸的味兒最適合高溫的炎夏。雖然已是下午茶時段，不過我們並沒有查看下午茶套餐的餐牌，反而一直留意著一些嚐囍的特色出品。於是我選了這款菌王坑腩米。清湯盛得滿滿的，半掩了坑腩與菇菌，賣相不算漂亮，不過對喜愛嚐湯水的我，就覺得店方份外的慷慨。一試湯頭，味道清甜，泛著清清的骨頭精華，也許老闆害怕洩漏秘方，因此未有透露清湯是由牛骨、豬骨或是雞骨熬製出來，不過就說明全店不使用味精，取材新鮮等。本以為菌王是採用雲南的菇菌，一看原來是採用了香港常見的鮮菇，如秀珍菇、雞髀菇等。鮮菇質量不差，爽口兼富彈性，更沒有菇菌的青腥味道，雖然跟雲南菇菌的香氣是兩回截然不同的感受，但總算滿意。坑腩牛味不錯，只嫌白色的脂肪部位較多，能放到肚子裡的坑腩便更少了。"材記" 選了四寶河，四寶包括有牛腩、牛筋、牛脷及牛肚。"材記" 欲多嚐一點牛筋，於落單前跟老闆提出要求，經過一番磨合，最後老闆提議將牛脷完全減去，多來點牛筋來迎合 "材記" 的口味，"材記" 對此未算完美的安排也沒所謂，唯追求一嚐四寶精髓的願望幻滅了，不過對老人家的一番美意，必需欣然接受。嚐了四寶之中的兩寶，牛筋切得幼長，牛肚也較平日的細小，兩者均透出新鮮的氣息，不過口感都顯得過份軟腍，缺乏了應有的嚼口。嚐囍的辣椒油香氣不錯，辣度一般，不過也不失。除了清湯腩外，嚐囍亦備有蕃茄湯底與咖喱飯類，選擇不算單一。這次散步下的探索，發現清湯不俗，唯在烹調清湯牛腩等食材中，仍需努力找緊進步的空間。…查看更多

This is the 2nd time i visit here. The first time was when it just opened. Same as the title that i'd keep its rating and say it can keep its taste and quality. The soup is clear and just the right taste, not too salty nor too plain. So the raddish are nice too, it got hold the soup and is soft enough. Then the highlight -- the beef brisket, are right too -- Tender and juicy. So there's nothing to complain about. But if i'm to compare (as i always do in my reviews), it won't be my favourite; still i'd come if i'm around north point.…查看更多

原來北角除左強記之外,呢間都系寶物沉底➨❶清湯半肥瘦 推介程度❤❤❤❤❤(哇,呢個半肥瘦入口即熔,個湯底好清,真系整得好林,味道又清甜,真系好好之選!!個河粉又吾會太林,爽身)總結:價錢合理又平民,愛好牛的人必定很喜愛!!回頭指數❤❤❤❤❤❤❤❤❤ 9分 (10分滿)外表♛♛♛♛♛味道♛♛♛♛♛環境♛♛♛♛♛服務太態♛♛♛♛♛氣氛♛♛♛♛♛上菜速度♛♛♛♛♛衛生♛♛♛♛♛情侶必到處✓✓✓✓✓♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥♥♥ⒿⓘⓜⒿⓘⓜⒷⒷ♥♥…查看更多

今日係我第一次去食"嚐囍",環境和店員既態度都很良好.我點了一碗牛坑腩米線($35),友人則點了一碗金錢牛肚河($26)加一杯coffee($6).等了3分鐘左右,咖啡來了,隨後,食物也來了. 份量不多(一眼就能看到有多少),我們都認為牛坑腩和牛肚不夠"林",湯底還算清,但noodle真的有點兒小.…查看更多