嘗聚一刻

營業中

休息中

今晚三位朋友聚會知道觀塘近來開了很多私房菜，但發現很多都要至少四位以上才有，結果我們找到嘗聚一刻沒有限制，用what apps 決定menu.. 八餸一甜品，$368一位，免加一免茶芥。店子在成業街工葉大廈，不是太難搵，而且入口也很光猛！店子裝修簡簡單單，不過冷氣略嫌不夠！尤其當我地飲咗湯，真係有點熱.一坐下就提供菊花杞子紅棗茶，感覺很養生也很有誠意，不是普通一壼茶!頭盤共有兩小碟！椒鹽豆腐有小小過火山藥杞子紅棗燉竹絲雞 燉湯就非常足料，好好飲！我哋三位也讚不絕口👍🏻👍🏻👍🏻太雕玻璃蝦球 -好香又好滑，花雕酒份量剛剛好！避風塘炒蟹-以為冇乜驚喜因為表面無乜特別，但是真是炒得好好丨因為蟹肉有味又juicy 不會炒到乾！砵酒野菌炒黑豚肉粒- 有鑊氣👍🏻👍🏻👍🏻黑松露鮮菌蛋白炒飯-很香松露，而且炒得好香，雖然已經很飽但也食了兩碗因為好好食!總括來說，食物有水準，環境可以！會再來！

近期愛試私房菜，趁著hubby 生日和家人到訪觀塘的嘗聚一刻 Good Food Good Time!坦白說網上comment 好少，我亦可能給店名吸引，但吾知會吾會中伏！幸好大家都很滿意哩！負責人Lily 爽快又健談，很快定下了4人menu!我們坐下，已送上菊花杞子圓肉茶，剛遇上喉嚨有點不適，飲後很舒服！嘗聚兩小碟：有機腐皮鮮淮山淮山爽口，腐皮亦是我喜愛食物之一，這碟我吃了很多！椒鹽百福豆腐脆皮包著熱豆腐，在口中滾動起來！湯(原盅位上)山藥杞子紅棗燉竹絲雞一啖燙囗的湯，清甜又滋陰。太雕玻璃蝦球玻璃蝦，很晶盈！底下嫩滑的蛋白不可錯過！金銀蒜蒸聖子皇聖子不是很巨大的，但味爽及鮮！當然，識食當然系已索味的粉絲啦！拔絲咕嚕肉這個是全晚焦點，師傅做到拔絲效果，肉質不會過肥，酸味不搶喉，十分非常好吃！（已隔了兩星期，咕嚕肉還在我腦海中）瑶柱扒豆苗瑶柱獻汁不要傑橽橽，但我愛清炒多D！黑松露鮮菌蛋白炒飯太飽了，但黑松露味吸引，也吃上大半碗，最後要外帶！木瓜雪耳海底椰燉桃膠第一次食桃膠，很不錯，但味較甜！全單1488,免加一免茶介開心相聚的時刻！

好友帶路，和朋友們晚上到這店吃私房菜。餐廳在工業大廈內，吃的不是環境和裝修。食物份量足，味道好，材料優質，一分錢一分貨。其實以一位三百多元，嘗聚值回票價，起碼我會覺得佢有番咁嘅價值，實話，外面搵間酒樓蒸條魚斬隻雞，花生酸菜茶介加一，加加埋埋都差唔多。當中最鍾意個拔絲咕嚕肉同砵酒生蠔盞，個咕嚕肉有拔絲效果，夾嗰時見到 d 絲大家都開心的嘩嘩聲，炸過外皮雖然滿布咕嚕汁但一咬脆卜卜，非常香脆美味。個生蠔盞就因為自己十分鍾情食蠔，所以必然推介。三鮮浸豆苗好味，配搭得宜，百合感覺好滋養，豆苗好嫩好滑。黃金蝦用嘅係海蝦，新鮮彈牙，不過略嫌咸左少少。餸菜份量好足，由於最初衝左一輪食得暢快，後段真係飽飽哋，但千祈唔好錯過個炒飯同甜品，最終食唔晒都要打包帶走。最初掛住食同傾計，竟然唔記得影個花膠燉湯同頭盤三小碟，個燉湯好足料夠火候。

同屋企人週末既活動係：搵食! 而我比較鐘意搵私房菜，貪佢假日都唔使等，約左個個時間就係個個時間～ 👍上到去一出lift, 就見到餐廳，入去坐低，啲頭盤就好似等緊我地嚟咁，好感動，終於係食物等我，而唔係我等食物了… 好似係屋企食飯咁… 😍個湯… 真係食不言，因為好好味，大家都好忙咁飲湯。飲完個湯，大家開始討論間餐廳了：湯同啲頭盤都出色，唔知主菜會唔會有落差… 正當大家開始擔心之際，主菜開始出嚟了：太雕玻璃蝦球 - 真係好岩我呢啲鐘意食得清淡既人，清淡得嚟又好香，真係唔捨得食完；豉椒炒聖子皇 - 哈，岩岩先話自己食得清淡，但係連我食得咁清淡既人都忍唔住不停咁夾；拔絲咕嚕肉 - 呢個真係唔食唔得，感覺係無粉的，香、酸、甜、脆，加埋既口感係點？真係要試!!!!黑松露鮮菌蛋白炒飯 - 呢個炒飯香到呢~~~ 加上岩岩上獲，真係食到好飽都忍唔住要食一碗!!結果，一餐飯，一家人又係食不言既情況下完成，食唔晒既，都要打包返屋企，因為好 呀！仲有樣野想講的：呢間餐廳，免茶芥的，佢地壺茶係有圓肉、紅棗加菊花，清、香、甜、潤, 每一道菜之間，呷一口茶，去一去膩，我覺得店主好有心思呀！

很少會去工業區吃飯，但獲朋友邀請去新開張的嘗聚一刻吃飯，真的覺得很驚喜。事關食物大大碟，而且真材實料，十分難得。黃金蝦未咬落去已飄來撲鼻鹹香，一咬是外脆內軟，肉質彈牙，是吃得出的新鮮。平日因為怕甜而少吃的士多啤梨骨，那天我都忍不住一吃再吃。只因士多啤梨汁用了真正的士多啤梨，不是甜得令人害怕的糖漿，放入口酸酸甜甜，味道清新，而且肉排肥瘦適中，不送飯都不覺得漏。另外還有蟹煲及黑松露炒飯亦令我食不停口。自問平日不特別喜歡食蟹也不太吃辣，但蟹煲煮得很惹味，很有四川風味，(真是又怕辣又忍不住想吃) ，吃後口腔留下點麻麻辣辣的味道，令我想起喝完紅酒後留下的after taste。而向來喜歡黑松露的我，黑松露炒飯更是我的至愛，平凡中流露不平凡。吃完辣蟹來一碗炒飯，對我來說，能淡化多餘的辣味，但黑松露本有的味道又不至於被辣味完全掩過。雖然餐廳在工業大廈裡面，沒有一般酒樓的華麗裝橫，不過感覺到餐廳老闆都把心思都投放在食物質素裡，這對我來說更重要，有種平民餐廳，高質味覺享受的感覺。用餐至今過了一個月，那味道仍在我回憶裡徘徊不去，這一兩個月有親友生日，我已決定一定要再去光顧。

嘗聚一刻 Good Food Good Time - 真材實料的老火湯, 經濟的午餐在觀塘, 要找個好的地方吃午餐, 不容易. 難得最近找到個好地方, 當然要記錄下來, 說的就是嘗聚一刻. 也是在工廈內的餐廳/飯堂, 環境算是幾舒適的. 午餐包老火湯, 兩款主菜, 以及飲品, $45一客, 很合理的價位.