嘉豪酒家

營業中

休息中

昨天是為我爸爸慶祝生日食飯,首先不說食物的質素,先說說他們的服務態度:1. 我們點了流沙奶皇包,但當我們落單時,侍應說已售完,那麼我們取消.點知我們食到中間的時候,竟然遞上奶皇包,之後我們說沒有點,之後那阿姐說有落單(語氣係好差)..之後我們看單時,單上真的有打上奶皇包此一項...咁我地好心要埋,但我說可否食完飯後上,那阿姐說落單時無講飯後上喎...我覺得他們實在太過份了,我們好心要埋,但又話我地麻煩之類的說話..真的食得谷氣2.我們點了冬瓜盅,點知過了十分鐘後,那侍應話賣0西,唔係掛,那時大約七點鐘左右,晚飯時間剛開始,那麼快就售完,還要係此酒樓的賣點菜色,我覺得有少少搵笨囉,但重點是..我們是落單比隔離枱的人還早,但不知為什麼別人會有冬瓜盅囉,我地同經理講,點知佢話不是他落單,他什麼都不知道,之後就一句唔好唔意都無說就走了..連經理都是這麼的態度,何況係普通的侍應呢3.餸菜上枱的速度快過乜咁...根本我地係趕住食咁,如我地唔食快一些,就連碗筷都無位放囉4.食到差不多最後的時候,另一經理走過來問:你們的菜齊未? 我說齊...點知經理用責怪我們口吻說:咁你地又話唔齊餸?我走入廚房問左一

主題同佢地既宣傳口號一樣, 平得有水準! 佢地真係做到呢一點, 不過d野食黎得比較慢同唔齊, 要成日追order, 呢一點真係要改, 因為之前食過好多次都係咁

禽晚０係淘大碌完Ling就來呢度食任食火鍋。我地一行9人，9:00pm來到等位，等左一個鐘頭至入到去食。０個時大家已勁肚餓，我地已經好醒目０敢一坐低就比張點菜單侍應，但d0野食好耐都未０黎，起碼等左四至五個字，等到我地催左兩次，佢一碟都唔上比我地！！～差ｄ想搵人投訴０既時候，ｄ０野食先到！～至於ｄ０野食就幾新鮮，味道都唔錯，款式不是非常多，但基本的都有！～大概有鯪魚肉、牛丸、火腿丸、魚蛋、芝士腸、豆腐卜、生根、栗米、墨魚滑、豬潤、豬腸等，不能盡錄，當然唔少得雪花肥牛啦！～飲品也是任飲的，有罐裝汽水、鮮橙汁、菊花茶及夏枯草。即食的也有碗仔翅，質素亦比好多其他地方的好！～值得一題０既係，我覺得佢地０的０野都幾乾淨，ｄ食用器皿”Ling Lap Lap”的，坐的環境都乾淨，但就較迫！～下次會早0的去，或者book定位！～

父親生辰, 來這裡試試小菜, 全部散叫1. 燒腩: 雖然皮不脆, 但肉肥相間, 而且沒有肉身不咸, 足証沒有隔夜2. 京都骨: 骨肉平均, 味道甜了一點, 送飯的話實在很好3. 白灼蝦: 每隻都好飽滿, 沒有軟殼4. 魚腐雜菜煲: 一般水準, 很足料, 湯底也不油5. 京葱炒牛仔肉: 葱跟肉很配, 加上一點點辣, 很惹味6. 燒乳鴿: 算是bb鴿, 肉很嫩滑, 沒太多脂肪7. 蒸老虎班: 敗筆之處, 不足秤, 百多塊的價錢, 魚身郤只有筷子長, 當然也不會厚肉吧8. 羅宋湯牛筋腩: 以鑊仔上, 有火溫著, 羅宋湯會越燒越乾, 味亦會變濃郁, 味道偏甜了一點9. 壽包一打: 即叫即蒸, 味道一般總結: 白飯2 個, 餸菜的份量也足夠5 人, 不過再來的時候, 還是只要小炒就好了. 整晚人手不足, 枱卡點菜入單後, 要等到上了3 個菜才回來, 茶壺當然也不會有人自動來補滿吧

$58火鍋全食,醉雞鍋吾駛另加$,抵.d食物都ok~又有混醬吧同任飲.埋單$85/人,ok啦~

5-1假期,好多人出去消費,連依間地區平假酒樓都好爆.等0左半個鍾先有位喎...一坐低,就叫0左野食..寫0左個點心紙俾阿姐...等候點心期間,見到推車仔的煲仔飯,就叫0左一煲雞脚排骨飯同一個油菜...個飯幾好,夠乾爽,排骨入味,豉油係煮過既,值得一食..油菜就冇特別囉.等下等下,半個鍾過0左,都未見d點心喎,一問之下,竟然!!! 冇入單,個阿姐收0左我地張紙,冇幫我地寫桌號,因為咁樣,我地d點心就冇喇...最緊要係,個阿姐一句對唔住都唔講,仲要好rude咁話"你再寫過張啦"...你老闆請著你真係多謝曬啦!!! 再入紙,等0左幾個子d點心黎啦..冇咩特別,唔難食囉...最好係燒賣同雞扎囉...以佢咁既價錢,佢既出品係算ok,我亦唔expect佢d service會好好,不過唔可以差到咁ga ma...

聖誕假同朋友去自助火窩，任飲任食都係$97 per head.首先，呢間酒樓非常寬敞，可能係因爲離開旺角一帶。我地七個人坐十人，而且同隔離有好多空位，完全唔駛逼。出去野飲，款色其多，汽水有十幾款，連特別版都有，仲有啤酒，五花茶等。叫野食，張單應有盡有，連駝鳥肉，羊肉都有，仲有要d加錢gei海鮮。我第一口氣叫左十樣倒，話gum快就黎到。順帶一提，d waiter/waitress 周圍都係，完全唔會搵唔到人serve我地，仲要個個都好有禮貌，有笑容。野食黎到，一d偷工減料gei感覺都無，每碟都好滿，各樣仲好新鮮。食落都發覺唔錯，d肥牛同雞好好食，d蝦好鮮甜，菜都好新鮮。最後，仲有得出去甜品糖水，真係食得好飽。下次有機會一定會再返去食P.S. 非假日平$10, 九點后入座又平d,好抵食

自大東江事件後, 大家工友5人都一致認同要另覓地方打邊爐, 要打得開心, 開懷大飲大食.當晚只係week day, 但晚巿的確幾多人, 仲估不到年青人佔多, 甚至有著校服幾個一打邊爐, 因為初到貴境, 諗住唔駛打電話訂位咁大陣仗, 但無預計全晚full house, $78 第一輪火鍋全爆, 於是惟有等至約9點打後第二輪$58 火鍋. 哇...當時都已經好多人排住隊等入去. 未食就領教到呢間唔通咁好?當真, 先來個鴛鴦湯底, 大家鑽研火鍋紙後, 一於大手交易, 火鍋紙料乜都齊, 應有就有, 海蝦, 片, 肥牛狂order, 而本人就劃埋鴕鳥柳, 個人覺得肥牛已老套, 鴕鳥肉似牛, 又好食亦更健康. 不出一會, 食物話咁快就到, $58 火鍋料依然新鮮, 真正任叫任食, 源源不絕, 長叫長有. 真係誠意十足, 食得快, 一掃大東江不愉快之陰霾.但伙計人手不足, 叫人比較困難, 飲亦係自己出去任斟隻, 以牛頭角呢頭, 有好食又抵食, 呢間可以繼續再去.

今日朝早要返學,放學後幾個同學都好肚餓,大家都拿拿臨搵野食。附近野食肆好多都食過,但係冇咩特別想食,於是當有人提議飲茶既時候,大家為左醫肚既緣固,就咩都冇所謂喇。之前有o的同學話呢間好食又抵食,所以就去左呢間。入到去,門口完全冇人,我地行左入去都好一陣,先有人理下我地,佢問我地幾多個,我地答佢4個,佢話幫我地搵下,點知答完我地之後就走左去,我地行入去,有個人叫我地搭枱,我地就是但啦,就餓死喇~~坐低就梗係拿拿聲叫野食啦,叫左牛肉,蝦腸,千層糕,麻蓉包,粉果同埋一碟芝士蝦炒伊麵。以上咁多樣真係冇一樣野好食...牛肉---呢樣都算叫做咁多樣最好架喇,正常貨色蝦腸---都ok既,不過特點又唔多值囉~千層糕----差差差差差,我食過咁多間酒樓佢都真係最差喇,林到好似水咁(人地o的屋村酒樓都好食過佢)麻蓉包---個包皮好唔掂,o的麻蓉好似糖水咁粉果--正常,算過得去芝士蝦炒伊麵---水到爆...o的蝦又唔剝,咁慳水呀!?間酒樓都幾dirty,地下好多圬垃圾,service麻麻~~我地order o的野食追左好耐先黎~雖然個價唔錯,但係我絕對唔會再去,我寧願唔去~