嘉豐茶餐廳

營業中

休息中

今日放假就約咗朋友係佢屋企附近食個期待左好耐嘅午餐 再順便上佢屋企玩由朋友帶路 好快就揾到呢間隱世茶記 不過原來一直住係附近既朋友都無食過一坐底我地就毫不猶豫咁叫左2個馳名豬扒麵 朋友叫熱檸茶 我就叫凍檸茶 飲品就冇乜特別塊豬扒真係超大塊 有成個碗咁大 小店都好體貼咁預先用剪刀將豬扒分成幾小塊先上枱 賣相唔差 豬扒煎炸得微焦 好香脆但係又不失肉汁 咬落去夠厚身又鬆軟 不過個麵底就好普通 有d失色呢間茶記門口對岀有幾張枱有好多阿叔係度打躉 附近又有人食煙 衛生環境一般 印象就唔係咁好

早前唔覺意係youtube睇到嘉豐嘅太子爺分享自己嘅心路歷程。佢話老豆開舖幾十年,幾個家姐接手之後雖然非常辛苦咁做都好似救唔返盤生意。所以決心返屋企幫手,同時唸計攪吓新意思;咁樣就打出日後(豬扒名牌)嘅名堂**小評一直都保持有話直說嘅態度同大家分享,希望得到多啲同好支持鼓勵下午三點左右嚟到剛啱靠牆座位有人起身埋單,坐落叫咗下午茶餐(豬扒沙律$30+豬扒烏冬$33)豬扒烏冬都OK嘅,大大塊炸得非常香口。有少少油膩,當然調味師傅就唔少得㗎喇。但總體都算係肉質鬆軟合宜。等到豬扒沙律上檯,問題就嚟喇。一睇果塊豬扒黑墨墨,好似跌咗落炭粉堆咁。即時唔敢食叫亞姐姐換過塊唔好咁勁嘅。點知亞姐面有難色咁回答話:唔知師傅肯唔肯換喎我即時話: 我完全未食過,炸到咁重口味我食唔到喎。個亞姐行埋水吧同師傅講咗兩句就返嚟話師傅話係豉油啫,無得換。我同亞姐講: 我同嚟食緊果份嘅豬扒同埋第二檯嘅都唔係咁(黑墨墨),師傅唔好推嘞。亞姐無奈行埋收銀同一個女人講,果個女人同亞姐一齊去水吧。兩個同師傅講咗一大輪之後又係維持原判。最後收銀嘅老闆娘當住師傅面將一份新order嘅豬扒同我(對調)解決咗依個難題。**相片睇到嘅豬扒已

好朋友話我屋企附近有好吃的豬扒麵⋯慚愧的是住甘耐我自己也不知道⋯和朋友各自叫了份豬扒麵跟公仔麵⋯豬扒賣相比較焦濃但非常有光澤⋯廚房巳為客人把豬扒剪開⋯塊豬扒的調味好好味⋯不柴不乾⋯我不怕肥膩⋯更特別喜歡肥美的地方⋯確是很驚喜⋯$33連熱飲⋯女生的份量來計很滿足⋯好似還有茶餐更抵食⋯下次再幫襯⋯

係慈雲山踢完波勁肚餓，諗唔到食咩，咁岩波友話呢間茶記唔錯，就坐低試下佢。叫左杯凍檸茶加個咖哩豬扒飯，值得一讚係豬扒燒得好香，外脆內軟，而且食落好juicy，真係好多肉汁。配埋咖哩真係好正，我覺得俾多一碟飯我都可以食得哂

難得星期6朝早得閒就起身去蒲崗村道運動場跑番轉，跑完肚餓就諗起慈雲山出名嘅豬扒麵獎勵吓自己先😏叫咗碗豬扒蛋麵🐷🥩🥚🍜獎勵自己，加埋杯飲品都係HK$34大大2碗都幾食如有興趣塊豬扒🐷🥩係另上嘅我就覺得比較好啲，因為會浸淋咗塊扒🐷🥩，不過塊扒味道的確唔錯，只蛋🥚如果係太陽蛋就更加正。等我記錄落嚟下次記住叫餐嘅時候同佢哋講先😜

正所謂：男人既浪漫係豆腐火腩飯。而本小姐既浪漫就係咖哩豬扒飯。由細到大都係慈雲山長大，而尼間嘉豐我都食過好多次。今次就為佢打番篇食評啦。一直做開街坊生意既嘉豐。你會見到佢既人流不斷，出出入入。可見，大部份都係街坊。而我每次都會一個人坐係到食lunch or tea time.必點咖哩豬扒飯再配上凍0tea 少甜。佢既咖哩豬扒飯除左好食之外，仲多左份人情味。佢個咖哩豬扒飯既咖哩係似日式咖哩，甜甜的辣辣的。而個豬扒佢都煎得好好，一點也不乾巴巴，仲好juicy.再加上豬扒本身既少部分脂肪，溶入在口腔中，滋潤著每一粒味蕾。所以姐食的除了是味道，還有感覺及人情冷暖。😌😌😌

今午因為做野耐咗趕唔切食晏晝,攪到2:15pm先得閒。一心唸住食少少下午茶醫吓肚嘅,點知入到去先知要等2:30pm先有下午茶餐供應咁睇過水牌之後決定食午餐$39嘅蝦醬燒腩仔炒飯。]因為普通嘅湯粉湯面都差唔多價錢嘛,而且睇個名都幾有gimmick坦白講,食落真係抵讚喎首先炒飯好乾身,唔油膩。粒粒飯都滿滿蝦醬香味最抵死就係燒腩仔,可能師傅先行炸過再燒。因為每一件嘅皮都脆卜卜,忍唔住口又要快快手再嚟一啖朋友叫咗豬扒湯面,夾咗一件試吓。都保持一貫嘅水準,腍身有少少咬口。OK嘅!]要彈嘅地方嘛就係碟飯食咗五份四之後先發覺有一啖咬到有條好似面條嘅野,但係又咬佢唔斷。終於覺現係(膠橡筋),咁都得。]埋單兩個人$80樓下都算合理]

早就係電視台睇過唔少飲食節目推介過佢嘅豬扒,聽講係選購靚野巴西豬扒喎。星期日早上11:45am左右要醫肚,因為剛啱09:00am先食完一份早餐又要趕住過關。驚返過內地同朋友攪啲手續都唔知攪幾耐之後先至有得醫肚,所以就入去食個漢堡包餐喇。嘩 嘩 嘩11:45am見門口企咗六七個容等位,心唸又唔知會等幾耐。不過剛有女伙記問:幾位?答佢:兩位。就被安排坐係門口果張四人小圓檯。(真係坐門口,因為我要半邊身阻住咗個入口,絕對犯晒消防安全條例㗎!!)坐落唔夠一分鐘就聽見有男客人周一個女伙記爭執。果個男客人大大聲話:亞姐,我無走位換檯,依家妳哋有得俾人換檯嗎?其實眼望又真係非常迫,咁細一個舖頭居然可以坐到五十幾人。嗱 嗱 嗱,靠左兩行各擺四張圓檯,右邊擺三張+收銀柜檯,即係13張檯每檯坐四人。咁樣爆滿就啱啱坐足52人,仲要有三個個女伙記行嚟行去㖭講番啲食物都一般茶記水準,OK嘅。豬扒可以接受,味道幾香口。但可以有客人嫌調味料比較重手,食完會口乾想飲水果隻。至於豬扒包比較啱食,包嘅外皮好香脆而包身好軟熟。至愛當然係一般茶記嘅咖啡奶茶喇,依間野嘅奶茶係成條食街最正嘅香濃茶味,入口滑溜,有餘香。無乜特別情

平時唔係樣樣咖哩都鍾意食，不過呢間餐廳嘅咖喱真係好好食。尤其係咖喱雞扒飯，配埋薯仔，用咖喱汁撈飯，可以令你平時唔鍾意食飯都可以清晒成個飯。佢嘅雞扒係炸過，好香口，好脆。

食物不及從前 而且要求客人不斷掉位 佢要做到每個細小既位都用盡 跟本冇理會客人感受 以住一個細台坐3個人 現隨時坐5至6人 點呀 屋企細 落到餐廳都要咁迫 我每次多數都係1人去食 每有3至5位人 就會叫我掉黎掉去 緊記我每次用餐時間都不超過5分鐘咁既態度 永久唔會再去囉 多一個唔多佢太好生意了 至於食物 幾年前出名豬扒 又大件肉汁又多今時今日 咬落去薄左一半 肉汁更冇以前咁多 一早已經改食其他 係個牛肉麵幾好咁 但唔係算濃沙嗲汁 本人已改食其他餐廳佢太好生意了 多我一個唔多 小我一個唔小

屋企附近的嘉豐茶餐廳，經過多次都冇乜幫襯意欲，直至近期遇見一位住了慈雲山多年的老相識，話此店既豬扒幾耍家，便決定一試。午飯時段來到，都幾多人，見是日快餐餐牌剛好有咖哩豬扒飯，啱晒。豬扒果然有料到，醃得挺入味（應有下香茅同咖喱粉），最欣賞其肉質，軟熟得來又唔似加左鬆肉粉，配搭港式咖哩飯，令其肉味發揮不俗。至於咖哩本身屬一般茶記港式咖哩味道，不會辣，普普通通啦。看菜牌呢間店果然是力Sale豬扒，又有豬扒公仔麵及豬扒包供應，看來下午茶時來到倒可一試。

間唔中星期六日都會過黎慈雲山搵朋友食午餐，毓華里最多野食選擇，唔洗擔心無得食，今日去左依間茶餐廳食佢馳名既豬扒麵，之前有飲食網介紹過，所以試下佢咩料子店內除左一般常餐麵餐之外，仲有是日午餐等選擇，我地叫左豬扒麵同是日午餐豬扒麵: 豬扒好重香茅味，煎得好香同食落幾冧身，醃得夠入味，公仔麵係一般茶餐廳用既公家麵，本身我都鍾意食冧身D既麵，味道OK滑蛋叉燒飯: 滑蛋汁淡而無味，好似食緊素咁，另外落左少少辣椒醬先有返少少味，叉燒得兩三塊，真係少過頭，下次唔會再叫整體上係得豬扒好食，但其他似乎都係普通到可以唔叫

之前每次黎都會食佢個馳名豬扒包, 豬扒鬆軟入味, 正!今次黎食早餐, 想食啲濕潤啲既野,一於食個醒神早餐D!呢到每枱只會比一杯水, 應該只係比食客浸洗餐具, 個人覺得幾好, 夠環保。如果要飲水既, 就要另外叫喇。醒神早餐 - 沙嗲牛肉麵配火腿蛋賣相有點失望, 煎蛋表面光滑, 似烚蛋亦都似小朋友玩煮飯仔果啲玩具。味道較淡, 咬到中間係半生熟, 蛋黃顏色幾吸引。沙嗲牛肉有4-5件, 鬆軟但有小小渣, 沙嗲咪幾香, 不過不失。熱茶走奶茶茶味幾濃, 不過唔夠滑。$26早餐, 感覺無咩驚喜, 都係比較喜歡佢地既豬扒包。

下晝食LUNCH~ 天時暑熱~ 入面明明有2個位，個阿姐就我坐出門口~ 我地要坐入面先俾我地坐。咁叫左兩個快餐，一個咖哩豬扒飯，無咖哩味，鹹到死食左一半就無食啦。另一個係梅菜扣肉 呢個ok既 分碟上唔會太鹹 不過扣肉都唔太肥 扣肉唔肥都唔知好定唔好啦 食完之後勁頸渴，倒好多水入口都係咁渴。

也有很久沒來過慈雲山一帶，這天想來回味一下炸魚蛋，可惜，我來早了，還沒開門營業。無意中給我發現這間嘉豐茶餐廳，店外貼上電視台曾經來拍攝過，連小儀，金剛，陳嘉垣也推介該店的炸豬扒？豬扒是尋常之物，但是要做得好，也不是容易的事情，，耀東街吃了多年，一向有感情。大角咀耀記]的豬扒算不錯，上環科記越來越貴，水準則不升反跌，銅鑼灣的勤記，我嫌肉質略為粗糙一點。早上已供應的豬扒麵餐，＄22，包一杯飲品。熱奶茶質素不濟，味道如奶水，非常稀薄。煎豬扒醃得頗入味，煎得香口，肉質鬆化帶爽口，不硬不韌，公仔麵底也是這樣子，湯底則與奶茶一樣地淡。如果我點的是豬扒包，一定會比豬扒麵更好聲譽。