嘉華咖啡小食 (已結業)

嘉華嘅涷檸茶同豬扒包，有幾好味，我相信可以講係大埔No. 1!！！！！！ 我差吾多每朝都會去食個早餐先返工，果度每朝食早餐嘅人客都係果D人，日日都好似返工咁。D員工仲勁，全部記得D熟客食咩又好人，而家好難搵到呢D大排檔啦！！！ 吾知幾時會開返呢，期待中⋯⋯講返杯檸茶，檸檬夠吾在講，D茶不苦之餘仲有回甘，同其他餐廳好吾同，係每朝醒神之作。 另外，個豬扒包呢，個包邊係脆脆地而成個包係軟淋淋，豬扒又夠味及淋，諗起都流口水呀！  不過最重要係，吾油呀！ 我好怕D野油淋淋架。 我而家最想係飲佢地杯涷檸茶呀⋯⋯快D開返啦！！！！！！…查看更多

我知道你哋要搬嗰陣時已經係十二月 我唔知有乜嘢心情去寫呢個食評又講下啲無聊嘢先啦， 呢度啲哥哥睇住我大. ,而我亦都睇住佢哋老!  嗰種人情味, 嗰種大家互相關心嘅關係, 喺出邊任何一間餐廳都冇可能做得到!!但, 當所有嘢你覺得理所當然嘅時候, 就忽然間有人話俾你聽, 佢地要畀人趕走喇!! 心情未算好沉重, 但係去食飯好唔開心凍檸茶係一定走唔甩嘅....經過詳細考慮之後我叫咗佢哋嘅雞髀意粉食開既話一定知道佢既雞髀係好好味一如既往, 大碟到食唔曬~~~佢嘅雞髀係生炸既, 我相信好多地方都冇檸檬茶根本係無敵!!!! 成個大埔都冇一杯檸檬茶好味得過你哋!!! 我亦都相信唔係得我一個人咁樣諗!!!!  點都好, 我會等你哋返嚟!!! 下次見!!! …查看更多

是日在大埔元洲仔的WWF上女童軍領袖救救海洋的課程，中午時間我地兩個小組的領袖去咗呢個冬菇亭午餐，主因係其中一位領袖係地膽😅😅😅一行入去見到成地都係紙仔，張枱的坑位多未能抹走的灰塵，真係好有舊式冬菇亭風味😅😅😅餐牌雖然好舊，但地膽已經極力推介公仔麵餐:):):)呢d舊式冬菇亭已經開始被迫翻新，諗起屯門友愛和三聖已經翻新晒，所以冇吸煙區，但呢度較入的位置係有吸煙區~~~我食雞翼麵，感覺ok啦！至於賣相係我整理咗，原本雞翼係亂放~~~豬扒麵~~~多士都幾厚~~~星州炒米~~~地膽推介飲奶茶和凍檸茶，所以我飲凍檸茶少冰（但好似冇少冰）叉燒炒蛋飯~~~香港舊式的餐廳有部份開始被翻新，但有些就決定結業，想懷舊的年輕香港人真的未必有好多機會去感受老香港的特色。…查看更多

之前寫過嘉華有關下午茶既食評，覺得下午茶麻麻! 今次食lunch就好好味啦!今次食左豬扒炒公仔麵 加 熱檸茶!個公仔麵好正，炒得好乾身，好有鑊氣，又唔油膩，唯一美中不足就係麵身硬左啲，軟返啲會好好多! 豬扒份量都唔少，兩樣加起黎完全可以飽既!熱檸茶，平時飲熱檸茶唔落糖，今次都唔例外，不過今次飲既感覺好似飲緊走甜既維他檸檬茶，好飲! 好掛住杯茶!…查看更多

因工作關係，每次去大埔總會想去這裡品嚐它的「炒野」和檸茶。今天點了個星洲炒米和凍檸茶，雖然一般的冬菇亭大排檔都會有抵食的午餐、常餐、麵餐，但我每次來到都喜歡散叫炒粉麵飯。筆者特別喜愛這裡的星洲炒米，咖哩夠香、夠辣、夠鑊氣，炒得幾大碟，亦可以獨個清碟。另一大愛是這裡的凍檸茶，秘方已是歷史悠久，它那獨有的茶香，感覺就是比一般茶餐廳的更香。喜愛檸茶的朋友，絕對值得一試！…查看更多