嘉寶漢堡 (嘉寶大廈)

營業中

休息中

嘉寶漢堡一直都好出名，今次終於有機會試吓。外賣自取咗兩個漢堡包返屋企食，買咗一個芝士牛堡同泰式蝦堡，兩個都有配薯條。芝士牛堡可能我對佢太大期望，所以覺得冇我想像中咁好食。牛漢堡唔係我想像中咁Juicy，但係都厚身同有牛味。泰式蝦堡蝦堡配泰式辣醬，感覺幾新鮮，好少見市面上有咁嘅配搭。食落去都幾有驚喜，蝦餅都夠彈牙同大塊。兩個漢堡包個size都係偏細，如果好肚餓去食嘅話真係會唔夠飽，一定要配埋餐食埋薯條就啱啱好。

原本以爲夜晚得麥當勞食了，點知仲有呢閒嘉寶漢堡，招牌黑松露芝士牛堡，黑松露醬層次好突出，俾既醬汁都唔少，芝士熔係肉度，夾埋番茄蔬菜，好味好味，麵包帶少少煙韌，我中意；烤布里芝士牛堡都幾好食，一啖落去爆漿芝士，夾埋鷄蛋，人均40-50蚊，同麥當勞差不多。

（沒有享用任何用餐款待及試食）泰式蝦堡🍤 @嘉寶漢堡🍔星期六同幾個fd 去party room打牌唱k🙊咁岩附近都多party room!! 外賣叫嘉寶夠哂方便😋最開心緊係玩到肚餓嘅時候有好野食啦🤣嘉寶嘅泰式蝦堡俾我幾深刻印象😳因為佢個蝦餅真係幾彈牙，食落覺得個蝦滑都幾新鮮🫶🏻配埋個泰式甜辣醬真係幾好味😋但係個包嘅size就真係有點細～如果肚餓食嘅話會唔係幾夠飽🍔🤏🏻個蝦堡下次有機會再食都會再嗌 (⁎⁍̴̛ᴗ⁍̴̛⁎)薯條可能因為外賣所以送到黎就有啲淋🙈不過炸野外賣都預左嘅～有機會下次堂食☺️

知道貴店食飯時間一向多人，所以避免等太耐我都有選擇係外賣app上叫好個餐先，等到時間差唔多我就到店去拎餐。去到同我講個餐差一樣嘢未有，咁我咪等等囉，一般都唔會好耐嘖。點知就瀨嘢 一等等左半個鐘，之後我忍無可忍再問先話介唔介意蒸燒賣換炸燒賣，我立刻有啲著著地，先唔講你半個鐘蒸唔出一底燒賣，如果係需要等咁耐嘅，會唔會一開始畀個option個客人揀一下，問問個客人要唔要換item。半個鐘嘅等候時間期間我亦有問過個餐得未，係直到最後先有一個人問一下介唔介意換。啲員工處理問題真係好有問題囉！

黑松露芝士漢堡$44-黑松露🍄醬漏晒出嚟，一啲都唔慳皮。辣味煙肉蘑菇芝士漢堡$46-煙肉🥓肥小肉多，可以放心食。雙層芝士漢堡$52-啱晒大食或食肉獸🦖。套餐薯條$15-連皮薯條超好食，一啲都唔粉。凍飲加$2特飲加$5雞翼（原味）-新鮮炸，皮脆肉鬆。總括-呢間嘢有水準，雖然係油膩咗少少，但係肉質好，新鮮，用足時間煮到全熟，溫度夠熱。間嘢12:00點開9:00關。離葵興地鐵站遠咗少少，不過食完幾開心😃。

D包係好食但唔好放耐左先食因為個底會出油浸到個包淋曬，但蕃薯條係大伏，而雞翅只係普通雞翅仲要有啲乾過頭，芝士條係唔錯既，食落有時會有D汁唔會真係好乾咁最大問題員工係會全程黑口黑面，唔係1個咁簡單，係全部都係咁，有次去收銀位想落order，之後見有2個員工吹緊水，我叫佢地唔該想落order，原本開心傾計即刻變個黑面厭世樣過黎同我落order。外賣唔叫number直接放喺架，自行認領，隔離職員全程撳手機懶得理你，澳牛起碼都有人吹你食快啲 依間你只可以望住D員工一係撳手機一係黑面。

心血來潮突然好想食漢堡，同事們推介公司附近有間嘉寶漢堡，佢地嘅自家漢堡唔錯，而且人氣高企。雙層芝士牛堡 $52漢堡大大個，牛肉厚身，牛味濃，配上芝士、蔬菜、蕃茄等，整體不錯。

奧牛？但我從未試過 🤷芝士牛堡、薯條、炸芝士、雞翼bbq味。牛堡及薯條都不錯吧。炸芝士：有拉絲卻厚實偏硬 🤷雞翼：不推介，有一隻還是不夠熟 🤢完全不清楚有些東西要自助，沒有提示，只看著大家怎樣做就怎樣 😆。接過花瓶捧餐後，一言不發的她，冷漠感加分。沒有餐具也沒有茄汁，問也放棄了，只想快快吃完離開吧。目測職員都很年輕，態度冷漠之餘帶點散漫。大家都忙著撳電話；收銀的可算是個花瓶，沒什麼表情只有外表。同事之間就有講有笑。沒有服務的服務業。整體來說，價錢合理，食物還好。堂食就不了，自助點餐是有必要的，至少螢幕上會有多謝那字句。人呢？什麼也沒有 😂

如果大家想食漢堡包我真心推薦嘉寶漢堡😋真心唔錯，個漢堡包大大個！個人最鍾意係：芝士牛肉漢堡加薯餅：佢有香濃芝士加美味牛肉再加薯餅，極度鬆軟滿足！大家冇試過一定要試下！加咗薯餅唔單增加咗漢堡嘅口感，而且咁樣食薯餅仲冇咁油膩，好過一啖漢堡一啖薯條咁熱氣😂😂而且炸燒賣外脆內軟，值得一試！雖然價錢係比快餐店貴啲🧐但係嘉寶漢堡真係真心值得比！因為味道係完全兩個世界！ ps：外賣要留意，如果嗌套餐外賣一定要留意「罐裝飲品」要自己係雪櫃度拎唔好唔記得拎啦！😂

多年前就已經非常想來潮聖，終於在某一大雨天來到，還叫了完全不是二人份量的大餐！-黑松露芝士牛堡🐂脆口的漢堡包，配以大量黑松露醬和肉質豐富的牛肉，可想而知有多好味！（但個人來說，其實很想試一下含有菠蘿🍍的漢堡）-炸燒賣✨（勁力推豬肉，叫的是鴛鴦）薯條、番薯條也是一絕（但很飽😂）炸芝士、香脆粟米片雞塊🤤💦（超超超愛）-📍葵涌青山公路葵涌段499號嘉寶大廈地下營業時間：12:00-21:00電話：61258419

嘉寶漢堡是香港其中一間老牌連鎖漢堡店,今次路經葵興，難得見到排隊的人不多，就進店一試。今次試左辣醬蛋雞堡，雙層芝士牛堡。辣醬蛋雞堡用的並非一般紅色辣醬，而是橙黃的特製醬汁，帶點黃芥末味道，與雞排十分搭配。雞堡是雞肉做的漢堡扒，帶點軟骨，口感豐富。至於雙層芝士牛堡,名副其實雙層芝士令牛肉口感更豐富。兩塊扒都有相當的厚度， 加上滿溢的醬汁，賣相吸引。牛肉不會太乾，加上芝士同醬汁，每一口都juicy。總括而言,嘉寶漢堡價錢平，漢堡選擇及質素都不比其他漢堡連鎖店差，要說有什麼缺點就是經常要排隊，店舖位置比較偏僻。

欣賞餐廳提供英文menu俾男朋友睇服務態度非常好出餐亦好同準牆上面壁畫亦好睇舒服燈光設計亦係令人舒服的推薦大家食cheese burger 加caramelised onion 同埋hash brown 加$15有餐跟小食同汽水小食方面，推薦大家食炸燒賣同蕃薯薯條男朋友話同five guys差唔多 但👌🏽fg 個扒啲肉散啲同個包牛油多啲。 呢度個扒厚身啲飽肚啲，但個包如果可以再烘熱少少就好了，另外整體感覺係有啲偏咸，如果有少鹽option 就更perfect

🍔日式芥辣雞堡 裡面仲有芝士同生菜🥬雞肉幾有咬感，芥辣醬嘅存在可以將成個漢堡包變得冇咁單調，有一種刺激感。🍔烤菇芝士牛堡我比較深刻喺個菇度，真係幾juicy，幾想幾紮實。牛肉唔會難食，係冇咩特別～🐮不過菇牛組合都幾夾。

👍🏻抵食: 10/10😘回頭: 9/10🛋️環境: 6/10呢間漢堡飽😆簡直可以稱之為葵興名物！Lunch Time基本都會滿座要等位，有咩吸引之處先？！就係佢價錢合理而味道又正囉！當M記都要4-50蚊既時候，呢個包質軟熟、Juicy到滴肉汁既漢堡包都要係$46，加多$15就可以轉餐有埋小食同野飲，同快餐店價錢唔爭得遠，但味道就領先一籌喇！⋯♡⋯⋯⋯♡⋯⋯⋯♡⋯⋯⋯♡⋯♡黑松露芝士牛堡$46[+$15轉餐] 凍檸茶(+$2)、炸燒賣炸燒賣唔係周圍有，仲要有7-8粒，咪話唔抵📍 嘉寶漢堡 (嘉寶大廈)地址: 葵涌青山公路葵涌段499號嘉寶大廈地下A&B號舖電話: 61258419

Overall, it is very good. Tasty experience, better then many basic burgers. NOT a soggy grease bomb! Worth it.First, the good thing is it's not a total soggy mess even after delivery. Burger meat is substantial and the cheese is really well melted but not overly so, as many other shop melt the cheese onto a greasy mess. Bun is a nice, albeit basic white bread type but not too thick and not too spongy. high quality bun! I got the double cheese so some of the sauce squeezed out, of course, but no