嘉寶漢堡 (嘉寶大廈)

營業中

休息中

一直有聽聞呢間漢堡包店性價比高，但因為地點不便，一直未有機會試，今日出開荃灣，就特意過來一試。 叫咗一份惹味辣醬蛋雞堡，加芝士食落第一啖有少少辣醬味，陣辣醬味唔係好辣，但第二啖就無咗；雞堡個雞做得唔錯，都juicy；蛋係流心，外面煎脆；而個漢堡本身有配生菜同蕃茄，可balance 返成個包，所以個漢堡唔會好乾。 不過個包唔算好出色， 雖然夠軟熟， 但烘得唔夠脆， 烘多陣會好好多， 前幾日食豬仔包間cafe 好過佢，同埋加錢塊芝士好細塊，真係唔係好覺食咗。另外加左14蚊轉套餐，食炸甜蕃薯，飲伯爵茶跟餐炸甜蕃薯好甜，似係自然甜味，炸得唔會太油而且份量好大份同埋一杯伯爵茶，茶包，無特別仲加左份小食，炸豬肉燒賣（因為魚肉燒賣賣晒，所以無得叫鴛鴦燒賣）看外表，炸得唔會太乾咬一啖，真材實料， 不是全粉團同肥豬肉同炸甜蕃薯一樣， 唔會油林林總括， 可以一試， 這個價錢，這個質素，性價比高。不過， 今日係無咩人可以直接入去，但如果係要排長龍，咁就不值得了順帶一提， 佢哋道趟門好有問題， 我走時， 因為開頭拉唔郁道門，最後大力少少拉，就夾到我隻手指爆血。希望你哋搞搞道門

Happy Fatty Holiday❤️尋日放假享受左一日拍拖日👫🏻晏就避開左人多嘅時間去嘆返個肥仔肥妹餐😆.📍嘉寶漢堡.🍔B7. 烤菇芝士牛堡套餐 ($65)-超級勁爆juicy!!!烤菇多汁唔乾牛肉又唔dry!仲有2塊芝士夾係入面🤤簡直可以比美貴價漢堡💯套餐叫左一份薯條同一杯凍檸茶(走甜懶健康🤪)🍔P1.蜜糖芥末菠蘿雞堡套餐($44)-🙆🏻‍♂️又為左增肌於是食雞堡~夾左菠蘿中和口感好fresh好正😆雞唔會太乾味道啱啱好~套餐都係叫左薯條同健康到爆嘅熱齋啡🍢炸魚肉燒賣($12)-好新穎😆炸到外面脆但入面係煙韌魚肉~點埋個辣豉油🥰🥰正啊

水準大跌，黃店又如何？  態度差又漏野今日5月3日， 中午時份我叫了兩份餐打電話去叫外賣自取，新來的妹妹，"慒慒性性"算吾怪佢，但d 態度已經好差叫左芝士牛堡、烤蘑菇芝士牛堡到達店到，出面好多人等緊，我地入去取外賣時，個妹妹覺得我礙住佢反入櫃台，係我後面叫我「吾該借借」，字面上係好有禮貌，但d 態度真係好差，好心你地吾好打著黃店旗號，就可以比d 甘差質素服務態度既員工入黎做啦，我諗住入黎買個漢堡姐，點知要受你呀姐氣！嬲我明白做野有時會做到火，好多麻煩客會加單問e 樣問果樣，但係你地d 服務態度可否專業少少？如果受吾住就吾好做服務性行業啦！拎外賣反到屋企，發現個漢堡又漏左個蕃茄、又吾記得比竹簽、最離譜個啡蘑菇細到係個漢堡包既一半體積，我食左一半個包都未咬到個啡蘑菇。你地再係甘，食物質素又下降、員工態度又差，我自己都中意幫襯黃店，但今次對嘉寶漢堡真係好失望，就算黃店又如何？ 唉

嘉寶漢堡一向都好多人排隊，所以一直都無機會試。見今日早左小小放lunch就同埋一班同事去搏下運氣睇下食唔食到去到之後店舖雖然都係好多人，但我地好好彩馬上搵到位比個建議大家，可以係去之前用GULU 手機app 拎定飛先，咁就可以減少等位時間講下環境先，嘉寶漢堡雖然店舖唔大，但十分之乾淨企理。食漢堡好多時d 汁會流到成枱都係，張枱會痴立立，但嘉寶完全無依個問題，值得一讚店員服務態度都好好，落單時仲同我地講下笑，十分之熱情野食方面我自己唔係好大食就叫左一個經典漢堡跟套餐。食完無令我地失望，非常好食，真正既平、靚、正味道方面先講個漢堡，雖然我只係叫單層漢堡，但個包黎到十分之厚，証明十分之足料！一拎上手d肉汁已經係咁滴出黎咬落去啖啖肉，而且好juicy，一食就知唔係雪藏味，令人食到停唔到口跟餐可以揀一個小食，我揀左炸燒賣。本來以為跟餐應該得兩三粒，點知一開見到有成八粒咁多味道都十分唔錯，唔會炸到過哂龍，保留返燒賣既彈牙最後埋單我一條友成個餐只係40蚊，有包有小食有罐裝野飲，真係超級之抵！除左多人排之外可以話無得輸，各位有時間經過荃灣依頭記得要去試下，包你食過返尋味

前日(3-5-2020 Sun)同老公場特登嚟支持呢間黃店,都有11年冇再踏足呢頭喇,由於知道呢喥成日排長龍,所以朝早同老公都唔食嘢,11點半嚟到等佢12點開門.都好嘅,喺等嘅時候詳細睇佢嘅menu,研究食咩嘢,夠鐘開門喇,我哋要咗$31.00嘅P1,蜜糖芥末菠蘿豬堡,轉雞堡,加$13.00要薯塊同汽水.老公要$45.00嘅L2香辣煙肉蛋羊堡,加$25.00要蝦堡,又加$13.00要炸燒賣,再加$8.00要4粒炸芝士.買完入去坐低等,7分鐘後,有齊食物,然後自己出去攞,茄汁餐具同汽水等.開餐了.炸芝士係唔大粒嘅芝士波,外脆內軟又唔太鹹,正常.味道:4分三角形嘅薯塊,內裡有粒粒薯仔,其實即係切細咗嘅薯餅,都係正常嘢.味道:3分炸燒賣外脆內裡亦正常.味道:3分老公嘅香辣煙肉蛋羊堡加蝦堡呢?都幾辣,味道同口感正常.味道:4分蜜糖芥末菠蘿雞堡,蜜糖芥末醬份量啱啱好又惹味,個包有烘脆,正. 味道:5分呢喥重有好多特色漢堡可試,原本諗住預訂有糉人和你包,咁就可以有藉口再嚟食,但已經賣晒,要我哋再特登嚟同呢頭冇嘢行,動力就可能唔夠.以前喺呢喥返工咁多年,都冇呢啲出色嘅食肆,真係相逢恨晚.服務:買完找

真係好多人，外賣預等半個鐘，用APP pre-order，就唔洗等咁耐。羊肉堡真係好好好好食，好似好少地方有羊肉堡。真係食上引，食咗2次都係食同一款，間唔時都會諗起又好想食。仲有有唔係好多地方有嘅蕃薯條又有可以配燒賣真係好正，唔係成日想食薯條ga ma。

路過幾次 都見到大排長龍 今次一早叫男朋友去拎住票先 等左40min 左右呢到係 先揀漢堡 (牛/雞/豬/羊)都有 每款肉類都有唔同口味 選擇很多。揀完漢堡 可以+ $13 套餐 有小食 同 汽水 可以+ $10 追加雞翼 2隻 (原味/Bbq味)蜜糖芥末菠蘿豬堡 價錢 : $ 31食後感 :漢堡有 番茄同生菜食落好fresh 平衡左豬肉漢堡嘅油膩 加埋菠蘿甜甜酸酸好滋味 唯一挑剔嘅係 個蜜糖芥末醬 味太強烈 搶左foucus 麻醬雞堡價錢 : $ 27食後感 : 雞肉漢堡 比起 豬肉漢堡味道淡少少 但係都幾好食 呢款個醬汁就冇咁霸道 整體恰到好處薯塊價錢 : 套餐 +$ 13食後感 : 不囉嗦 💥💥必點💥💥好好好食 外脆內軟 好彩有叫 🙈燒賣價錢 : 套餐 +$ 13食後感 : 燒賣如果你冇特別 request 就會比 鴛鴦 (豬肉+魚肉)食後感 : 同街買差唔多 我自己就鍾意食魚肉多啲 男朋友就鍾意食豬肉多啲 雞翼 (原味/Bbq味)價錢 : 最近小食+$ 10 @2隻食後感 : 原味 水凖之內 bbq味 太多醬汁 over左 但如果你鐘意bbq醬 咁呢個啱你🔹 嘉寶啲漢堡 岀

呢間漢堡包嘅餡料款式異常地多，牛豬羊雞乜都齊，仲有蝦同素食🍔全部肉扒以慢煮方式烹煮，更能鎖住肉汁，由於即叫即做，要等大概45分鐘先有得食⏱💗麻醬雞堡($27)塊扒又係用免治雞肉🐥肉質一定柔軟充滿水份，但欠缺雞味，好似食咗三塊一模一樣嘅漢堡。如果用雞扒嘅效果會好好多，起碼有咬口。酸酸咸咸嘅芝麻醬同雞就好夾，但醬汁過多有d漏。配埋生菜同蕃茄，即時中和油膩感。番茄厚切都幾鮮甜🍅但生菜就有臭青味唔夠fresh🥬💗BBQ蛋豬堡($31)由免治豬肉捏製而成，肉質唔會鞋，肉汁依然充足🐷不過肉碎太蓉，冇哂口感，完全食唔出係豬，似係食緊塊冇牛味嘅漢堡扒。好彩用BBQ醬令整體更惹味，再溝左少少千島醬，甜甜酸酸咁。最值得讚嘅係煎蛋，蛋白微微焦脆，咬開蛋黃仲係流心架🍳💗薯格(升級套餐+$15)外層顏色呈焦香，口感更加扎實脆卜卜，用咗辣椒粉、鹽同黑胡椒預先調調味，食落超級惹味香口🌶唔洗點茄汁已經好正，不過薯味相對較淡🤔

呢間已經成日聽過好出名但一直都好多人唔想排今日嚟買外賣，由排到攞餐都接近1小時麻醬雞堡餐， 孜然羊肉漢堡，跟餐加13蚊薯條真係要趁熱即食，外賣買番去已經林晒，不過都炸得好大碌，普通人食一個餐都足夠既。通常食雞堡一係一塊雞扒或者鞋到死既免治雞肉。呢度都係整碎雞肉，但幾滑。不過肉味偏淡，但內裡都juicy，而且加芝麻醬係好夾，襯起嚟非常fresh孜然香辣羊堡，羊味好濃，同樣好juicy，咬起嚟仲有一粒粒肉粒，而唔係就咁用機攪既免治肉，加孜然粉又係好夾，令羊味更出，好食整體雖然排左好耐，但值得既因為真係性價比好高

非常之唔錯嘅一間漢堡店，比起某連鎖漢堡店的質素真係差天共地。今日晏晝諗唔到食乜嘢，疫情底下又費事出街食...所以就去咗嘉寶漢堡買個包返屋企食。已經係常客唔係第一次食，次次食嘅質素都好好...未曾失望！平時晏晝lunch time時間通常都排晒長龍，今次亦唔例外。今次叫咗個最基本嘅「經典牛堡」，牛肉質地唔會乾澀有汁，配埋醬汁別有一番風味，醬汁味道有啲似千島醬。總括而言哩間舖頭係價錢相宜質素高超的一間漢堡店，絕對會令人忍唔住經常過嚟幫襯

雖然抗疫應該留係屋企 但因為已經太多日留係屋企 所以今日點都出去食個午餐 相信葵涌之友對這間漢堡包店一點也不陌生 而我呢個大鄉里卻第一次食嘉寶漢堡 見到佢有兩間分店一間係葵涌 另一間係尖沙咀 但因為驚佢今日冇開門 於是打左電話去確保有開門先入葵涌食我同友人每人叫左黑松露芝士牛堡 個包都幾大個 而且芝士半溶包住牛肉 一望已經好吸引😍一打開個包見到勁多黑松露醬 😍😍 而且味道好香濃 忍唔住即刻食一啖 OMG!!!好好食😋 黑松露醬一啲都唔吝嗇 俾左好多 而且令呢個包加左好多分 不過個人認為牛肉可以有少少改善 就係牛肉口感應該要實 現在牛肉比較散 所以冇咩口感除左叫左兩個黑松露包 另外我地仲加左番薯薯條 +$4 和薯格 +2友人比較鍾意食薯格 炸得好香脆而我就最鍾意食番薯薯條 🍟最後我地加左個鴛鴦燒賣 係豬肉和魚肉燒賣 $10有6粒 性價比非常高下次再過黎試埋其他漢堡包🍔 聽聞日式芥末脆蝦寶都好好味

之後返屋企每次都搭巴士返去都睇到呢間店，咁就上網查下佢食乜啦，點知道係我最鍾意食嘅漢堡😋😋😋。好野一定要同朋友一齊分享啦，雖然有疫症，但係朋友都要見架嘛。我叫左香辣煙肉磨菇芝士牛堡配薯塊，牛肉厚而又有咬口，又重牛肉味。麵包鬆軟但係個皮有少少脆口，芝士磨菇一直都係最好嘅拍檔😂😂點整都咁好食。個薯塊都一粒粒非常好食，感覺同薯餅一樣。環境是是正正咁都幾好、雖然係開放式廚房，但係一啲油煙都聞唔到😆可以安心咁進食都聞唔到油煙啦！

我之前係葵興返工都返咗好耐，次次經過嘉寶漢煲都見到好多人排隊！所以每次我都無話特別想吃，之前我都聽過有同事講好好食，不過自己一直無機會試，不過最近老公竟然專登等咗30分鐘買外賣比我食，估唔到真係幾好吃！第一款係經典牛煲，升級套餐+$13加埋薯塊同野飲，$40牛煲味道好好，好濃牛肉味，完全同好多出面既舖頭無得比，感覺有啲似手打新鮮牛肉的味道添，相信食完短時間都唔會對同類型牛煲有興趣！第二款係麻醬雞煲，同樣升級套餐+$13加埋薯條同野飲，$40宜家懷孕中我唔係太鍾意麻醬味，不過估唔到食落都幾好味呀！同樣係照濃雞味，亦好似手打雞煲咁，好正！薯塊我覺得份量唔算多，價錢都屬於比較貴。相反薯條份量就多好多，性價比高好多添！依間漢煲真係唔錯，食完之後已經心思思又想食第二次添！

今次黎到葵涌食隱世漢堡包🍔，之前仲係一間鋪頭仔已經開始出名，裝修後吸引好多人慕名而來，而變得更加出名，住係附近嘅人對於呢間店絕對唔會陌生，加上有多個YouTuber係裝修前已經成日幫襯加持，裝修後更加有香港人氣YouTuber 大J(Jason)拍片介紹過，究竟依間漢堡包係咪真係咁好食呢？🤔我叫左黑松露芝士牛堡($45)+$13套餐(薯條+ 罐裝可樂)，屋企人叫咗經典牛堡($27)+$13套餐(薯條+ 罐裝可樂)。未講食物之前，依間店真係好多好多人去食，點解咁講，本身我哋係2019最尾嗰日去食，但係個日多人到不得了(看上圖)，至少要等成個幾兩個鐘去排，之後個幾日去又因為太遲而賣曬，食咗幾次白果今次終於可以食到了⋯⋯—————呢間野其實都幾偏僻，真係夠曬隱世😅，搭地鐵嘅話最近就葵興站，不過都要行3個字先到，A出口過馬路就見到許大同學校跟住一路向前行，到時真係唔識先再問人啦⋯⋯—————呢間係先買後拎，好在買完有部機提示你野食幾時到，可以搵定位坐喺度慢慢等，前後加加埋埋都等左差唔多成半粒鐘先有得食，不過好食嘅嘢不嬲都要付出時間等咖啦⋯⋯黑松露芝士牛堡($45)，💰價錢算平，不過係依區周圍黎

想黎呢度好耐架啦，但係次次經過都爆多人，係爆多！難得呢排無乜人出街食飯，諗住黎撞下彩，雖然都仲有一定數量既人，不過等一陣就有位🤩望住個餐牌再望下人地食既野，價錢同份量，除左好抵之外，我諗唔到第二個形容詞。兩個餐加三份小食，嗌到成枱都係，每人都只係七十幾蚊😂黑松露牛肉漢堡，黑松露醬都幾多，黑松露味幾出。惹味辣醬蛋雞堡，個汁幾特別，好少食呢種辣味，但真係幾惹味👍🏻朋友最愛炸燒賣，話有童年回憶喎。我就偏愛炸芝士，可惜佢唔曉拉絲😢BBQ雞翼就不死既😂Overall性價比都不差既，係多味精囉😂