嘆撈

營業中

休息中

我又來寫d野......平時見位於屯門的Tans Desert排長龍, 但ㄧ次都未試過, 但上open rice 見好評如潮, 今次剛去Austin, 便試試看, order purple sweet potato waffle with vanilla icream plus a molten chocolate cake with green tea icream. I have asked ice cream are not home-made.好, 先講講waffle, 焗嘅紫薯片吾錯可惜有d靱, cream無乜紫薯味及扁淡, waffle都是ㄧ般的, vanilla ice cream 較綠茶的好味。再黎就講下個朱古力心太軟, 係好流心, 但個cake texture 吾係我想像的, 外層好似pan cake皮, 其實, 我都係半個pastry chef, 總括, 比想的兩個樣。

難得入到屯門 當然要搵下有咩好食啦朋友話想試下呢度既窩夫 因為唔係度度都有得食紫薯味食完晚飯就過黎等位 由於舖頭比較細 等位時間相對地長賣相好靚 仲畫左隻貓貓雪糕有得揀香蕉味 但香精味都幾重 建議揀返一般味道會好d紫薯味好濃 上面既紫薯脆脆都好味 我覺得窩夫一般 冇想像中咁好食

其實果日食完米線都已經勁飽 但行過間甜品店 俾佢吸引左入去 唯有食盡埋第二個胃為左切合果晚「毒自去開餐 食得好精彩」既心情 我叫左「心花怒放」 首先 有幾種鮮果 其次中間有個雲呢拿雪糕球 跟住係底部 有唔少既蒟蒻（應該係荔枝味）咁樣既組合只係35$ 依家好多甜品鋪 閑閑地食個黑芝麻核桃糊+2粒湯圓都可能要30$+ 再精緻少少既甜品 分分鐘貴過食餐飯 隨隨便便都60-70$+ 我覺得高性價比既甜品已經買少見少 所以好慶幸自己行左入黎 發現左呢間甜品店 雖然每個人對食完果餐飯值幾多 個個都唔一樣既 對於我黎講 35$唔係特別平 不過個質同量都對得住個價錢店內既佈置都有心思 掛左好多喵喵畫 加上不斷播放既流行歌曲 成個環境好relax 同有活力 難怪吸引左一班青年人聚集不過店內既台唔多（唔知有冇7-8張？） 人流高峰黎果時可能都要係門口等一陣如果住屯門夜麻麻 冇咩做 又勁想食甜品 呢個清清地既甜品都考慮得過架

景峰虹橋一帶一向不乏美食，今晚來到近年才開業的嘆甜品。晚上人流不少，幸好我們早來早享受，等了幾分鐘便能入座。店舖不大，座位略窄，但環境乾淨。店主應該是愛貓之人，店內盡是貓咪的裝飾，連甜品的伴碟圖案也是貓！焦糖脆脆香蕉鮮忌廉窩夫 配抹茶雪糕 $48雖然對抹茶和紫薯窩夫都很感興趣，但還是點了最愛的香蕉味。我和朋友各點了一份，甜品一樣但伴碟圖案不盡相同！我那碟（上上圖）好像比像美，是彩色的。賣相非常討喜，配料堆得高高，快滿瀉的感覺。原味窩夫配新鮮蕉肉、焦糖脆脆和抹茶雪糕，窩夫頗鬆脆；焦糖脆脆跟天使蛋糕的一樣，口感豐富；抹茶雪糕則一般，沒甚麼抹茶味，而且很硬，吃光了窩夫它還未溶化。抹茶麻糬鮮忌廉窩夫 $56這客是朋友點的，但我當然要試試味～賣相不及其他那麼搶眼，沒有一大堆配料，焦點就是抹茶窩夫！！抹茶味頗濃，窩夫鬆化軟糯，原來裡面有煙靱麻糬！不得了！其他窩夫都是原味的，只有這種是連窩夫漿也加了抺茶粉，不用依賴任何配料醬汁已經味道香濃！加些紅豆和煉奶點綴一下也行。焦糖脆脆花生醬甜奶鮮忌廉窩夫 配芝麻雪糕 $50花生醬加煉奶這個組合令我想起奶醬多，果然吃下去也像奶醬多，只是多士換成了窩夫和加了焦糖

去過兩次，窩夫係必食的……大大件，兩個人食都夠食……店員事先會將個窩夫一開幾……易食d幾有誠意既一間甜品店，款式都好新鮮而個綿綿冰，小朋友都讚話好食唯一要講就d座位有少少逼……但都可以接受的

呢間嘆甜品係位於紅橋機緣巧合之下 有一次食過之後就念念不忘當中令我念念不忘嘅 就係佢既花生醬窩夫平時對窩夫嘅喜愛度都不大 因為覺得太飽肚 而且太似食麵包不過嘆甜品嘅窩夫 竟然令我食過番尋味嘅感覺 一吃在吃窩夫考得好香脆 外面脆卜卜 裏面亦非常鬆軟今次食嘅係花生醬口味 食物有啲似夾餅 花生醬好香龍 又唔會太甜 夾埋雪糕同忌廉食就啱啱好 而且花生醬味上面有啲焦糖脆脆 相當之好味我最欣賞嘅就係廚師嗰一份心思 每一份窩夫都會畫上唔同既貓貓圖案大家真係要大力支持一間心嘅一間甜品店啊

雖然食了一個豐富晚餐，已好飽，但唔食個甜品，點會滿足。店舖不大，店內6張枱左右，可坐約30人，但晚上11點後，可在店門外加開枱，那就方便多了，而且駕車來的朋友，可停車在門口，方便，但注意抄牌。店裝飾主要是喵星人，好可愛，雖然地方不大，但不會有擠迫感。餐牌設計幾靚，主要是圖多字小，看見圖片已流口水啦。決定好找店員落單，店員人手不小，有2個員工，他們都好快及主動，首先叫飲品【菠蘿柚子沙冰】$28，外表顏色好靚，底部綠色(應該是柚子汁)上層黃色(菠蘿沙冰)，而最頂處有4片菠蘿，味道呢，攪拌好，不會太甜，好香菠蘿味而當中有了點柚子的微苦(甘)，甜度剛剛好。不錯的份量控制。【特濃阿華田沙冰】$25，外觀設計好正，上枱時會有驚喜感。頂層忌廉幼滑。味道呢，好濃郁的阿華田，本身怕會太甜，話晒都是用粉沖出來，但實試後，控制得好好，相信怕甜的朋友可大口大口的飲。【北海道芝士蛋糕解果窩夫】 用新鮮水果 ，加上芝士蛋糕 ，外觀設計好吸引 。水果非常新鮮 ，沒有放在雪櫃嘅味道 ，芝士蛋糕味道還可以 ，但整體上比較失色 ， 太軟， 如果用較硬嘅芝士蛋糕口感會更好， 窩夫外脆內軟水準之作。【焦糖脆脆花生醬甜奶鮮忌廉

紫薯窩夫 $56評分：🌟🌟-啲cream既味最remarkable，但窩夫太淋似蛋糕，紫薯片唔太脆，雪糕都有啲硬望落似白朱古力球😳eh.. haha但貓貓朱古力畫好靚，完。

食完任食火鍋，非常飽，但唔夠滿足當然要離個甜品先啦在屯門，想食個滿意甜品，我會來這家門口泊車（要走鬼），但食得咁飽點食甜品，當然可以，因為有另一個甜品胃，此店，最人氣是，窩夫，今次先點窩夫，下次要試試，綿綿冰

💜☺️🍠做乜解究日日都引誘我食紫薯😋？！！聽朋友講好好味搞到我成日心思思過黎屯門都想試☺️本身仲以為係近住V city，原來仲要轉輕鐵，最近嗰個站係澤豐🚋落車之後⋯⋯⋯⋯⋯⋯⋯穿過隧道上天橋再過天橋就到啦，行5分鐘左右咋嘛～事實係咪咁好味呢!?? 嘆甜品 推介之紫薯窩夫((HKD $56))可選雪糕一球，有朱古力、雲呢拿、抹茶、唔記得仲有幾多味、我就揀左芝麻味🍦好香芝麻味，都唔會即刻就溶。不過重點都係講窩夫～正！性價比都幾高，窩夫上面除左有紫薯cream，仲有我好中意既紫薯乾😍同原粒紫薯粒🍠🍠🍠窩夫好香軟，不過略嫌凍左少少，如果可以熱啲同埋個外面香脆一點會更完美☺️屯門元朗的紫薯迷必試～但又未至於要特登入黎食既～ 炸燒賣((HKD $18))因為見隔離枱食又心思思想試，都幾抵食，18元有12粒😙而且無失望喎幾好味！炸到外脆內軟，以為佢好乾？其實入面好似一般魚肉燒賣好軟又有煙韌口感，外面加左少少華鹽，唔點醬都好夠味～ 其實仲有好多款，下次再食😁（朋友話糖水麻麻地，所以我無試到～）地方細細，大約只有有5 6張雙人枱～

見到👀呢間屋企附近嘅甜品舖出咗紫薯甜品，所以就決定孝敬爸媽👨🏻👩，請佢地食甜品我地有三個人，不過叫三野就太多喇，而爸爸又唔鍾意食紫薯，所以紫薯燉蛋就留番下次啦等咗一陣，紫薯窩夫終於上枱喇即製嘅窩夫表面脆脆，入面就好香軟上面就有濃濃嘅紫薯忌廉同紫薯乾，不過夾埋抹茶雪糕一齊食，啲抹茶味就有啲俾紫薯味蓋過咗喇不過呢到嘅另一個買點就係碟邊仲有朱古力醬唧出黎嘅貓貓🐈，超得意啊~~爸爸就選擇咗呢個焦糖脆脆花生醬甜鮮忌廉窩夫，個人覺得呢個窩夫仲好味過紫薯嗰個~窩夫都一樣外脆內軟窩夫上面揸上花生醬，之後再淋上甜甜嘅煉奶，最後再放啲蜜糖脆脆同雲喱拿雪係面，增加咗脆脆同凍冰冰嘅口感，但係自己一個人食曬都幾漏，因為全部嘅材料都係好甜，真係十級邪惡嘅甜品黎啊

經過比佢D 裝修吸引左，呢度鋪仔細細，但有好多貓既擺設同畫，好CUTIE 咁。我地叫左一個窩夫同一個心太軟。認真，其實對於呢D 有主題既食肆無乜期望，但呢間都算係OK~~窩夫幾好味，上面有爆谷，綿花糖同杏片。窩夫熱辣辣，焗得好香好脆，牛油味好重，加埋雪糕食好好味；不過略嫌朱古力醬唔夠多.. 碟上面畫左好可愛既插畫，認真有心機總括而言，呢間甜品鋪都幾有HEART，值得支持。

之前夏天已經到這甜品店食過熱哄哄的糖水，還記得店外還放左幾多枱俾人食雪花冰，窩夫，只可惜個陣太飽食唔到。不過今晚天氣咁凍，決定要來食窩夫。叫左2個窩夫，一個《Baileys朱古力醬窩夫配雲尼拿味雪糕》一個《焦糖香蕉鮮忌廉窩夫配曲奇味雪糕》，侍應話要等15分鐘，但是同朋友傾下計，不知不覺食物就送到了。先來《Baileys朱古力醬窩夫配雲尼拿味雪糕》($48)，仲以為窩夫係圓形咁送上，點知已經分了四份，仲好靚咁排列一齊。未講味道之先，我想講，我坐係店咁耐，只要一有客人點菜要窩夫，成間店就會充斥住窩夫的麵粉味，真係好香的。先試一試個朱古力醬，好濃好幼滑，而且份量好多，真是剛剛好讓四件窩夫都夠充足的朱古力醬。朱古力貓貓拉花整得好靚，當我想試下當中的朱古力，卻不容易俾我吃到，因為不是用稀的朱古力整出來，所以朱古力黏住碟，吃不到。窩夫除左好香，切落去第一下係聽到D好脆的聲音，之後咬落去係又暖又鬆軟的窩夫，加上朱古力醬，少少雲尼拿雪糕，又冷又暖的感覺，真係絕配。因為我是好鍾意食朱古力，我食甜品好多時都會點朱古力味的甜品。 至於雪糕，真的到我食第2件窩夫先開始融到個雪糕。我同朋友傾開，唔知雪糕是不是那

晚上九時多去食甜品，需要等三張枱，只等了大約十分鐘。因為店舖細，人們都有自覺食完後便會快離開，不會坐太久。我本身被他的貓貓朱古力畫吸引才去，但原來他們的甜品都不錯，屯門又增添一個食甜品好地方了。綠茶心太軟$38(7/10)因為臨緊萬聖節，所以會配合節日，畫了一個南瓜，上面趴了一隻可愛的貓貓。這個心太軟時間焗得恰好，流心程度令人滿意，意想不到綠茶味都幾濃郁，但曲奇雪糕就太過冰，令雪糕口感變硬，曲奇味道都很淡。綠茶麻糬紅豆鮮忌廉窩夫$52 (8/10)窩夫的綠茶味香濃，而且裏面充滿麻糬，口感外脆內軟又帶些Q彈。紅豆粒粒飽滿，份量剛好足夠食完一份窩夫。而雲尼拿雪糕味道和曲奇味一樣，味道好淡，又是太冰太硬。總體來說，心太軟同窩夫味道都是不錯，亦做到應有的效果，只是雪糕質素不太好，口感太硬，味道又淡。不過價錢與其他甜品店比較相對便宜得多，還畫了貓貓在碟上非常吸引貓奴和“相機食先"的人。

雖然晚餐已吃得有點飽，不過人類是有「兩個胃」的，一個是「正常胃」，另一個是「甜品胃」（說笑而已）。我早前從網上得知《嘆甜品》，店子會用朱古力醬於碟子上畫畫，還要是款款不同的手繪貓貓，對我來說非常吸引。跟大家提議前往，細妹及她男友早前吃過，那就由她們帶路。然而，麒麟徑往井財街的距離說近不近，眾人大概步行了十多分鐘左右便來到了。當時室內及室外均頗多食客，幸好剛好有大夥兒離開，「企咗一兩分鐘就有位」。店內掛了不少貓貓掛畫及跟貓有關的陳設…熊貓與貓…就連「營業時間」的牌子也是貓頭，看來店主也是位貓奴。甜品款式也不少，我這次為了手繪貓貓而來，所以主力選窩夫類別。香芒蜜語（$35），這客是我媽媽的。細妹的可可雪山（$38），淺嚐了一口，朱古力綿綿冰食味濃郁而帶苦澀，非如坊間某些店子般只有甜味的出品。來到萬眾期待的雜果鮮忌廉窩夫配黑芝麻雪糕（$50），窩夫中間是黑芝麻雪糕，旁邊則有蜜瓜、芒果、火龍果、香蕉及西瓜，並以朱古力醬及熱情果醬點綴。也許受偏濕的食材影響，窩夫質感較腍、沒啥蛋香，不過碟上那「閃閃眼貓咪」實在讓我愛翻了。加上水果份量不少，原以為只隨意把窩夫表面鋪滿，實際卻堆疊如小山丘，以五十元來