嘆撈

營業中

休息中

📍嘆甜品 (屯門)😋住屯門既大家都一定有幫襯過既糖水舖!! 除咗抵食之餘 佢地仲好有心機 💗 每次最期待嘅就係佢哋嘅擺盤 每次見到佢哋畫上去嘅公仔都會好開心𝐼𝓉𝑒𝓂𝓈 𝑜𝓇𝒹𝑒𝓇𝑒𝒹:💛 岩鹽拖肥Oreo鮮忌廉窩夫($59)窩夫係即叫即整嘅 食落去外脆內軟 而且上到黎仲係有少少暖暖地☺️令到上面既Oreo雪糕慢慢溶化 再加上大量嘅焦糖醬 夾埋一齊食好正 😆 極度推介佢哋嘅窩夫!! 賣相亦都好靚 𝒜𝒹𝒹𝓇𝑒𝓈𝓈:📍屯門井財街15號金銘大廈地下4號舖Shop No. 4, G/F, Kam Men Mansion, 15 Tseng Choi Street, Tuen Mun

呢間係黃店啊 仲係我最最最鍾意的甜品店去開屯門都一定會去食因為佢嘅窩夫真係好好食尤其是嗰個吉時窩夫個吉時嗰個cream真係冇得頂我係一定會返去再食唔係淨係黃店咁簡單係超高質仲要每次都有唔同圖案即叫即整熱辣辣再配埋雪糕 正

朋友推介去呢間鋪頭食甜品起初見門口排咁多人拎飛又等成十幾張臺我地決定叫外賣但想叫既野全部都無🙄綿綿冰無 baileys既窩夫又話無最後揀好哂比哂錢都等左半個鐘以上等到最後到我地本身拎堂食果個號碼我地決定轉返堂食算🙄焦糖脆脆香蕉鮮忌廉窩夫窩夫都夠脆 但以我食過咁多間窩夫黎講其實好食水平只係一般但呢個價錢咁大份算係抵食既芒果蘆薈小丸子以上既野好足料👍🏻小食拼盤薯條唔好食雞軟骨好乾身燒賣同雞粒都正常又係大大份好抵食

講起黃店真係不得不提呢間嘆甜品，有良心之餘食物仲相當有水準！今次食咗焦糖脆脆花生醬甜奶鮮忌廉窩夫，雖然聽個名就覺得卡路里超標，相當邪惡但係真係要講一聲好好味呀！一嚟到已經聞到好香嘅花生醬味，再配埋焦糖脆脆一齊食，相當有口感之餘個窩夫仲唔會太乾身，另外仲叫左個baileys朱古力醬鮮忌廉窩夫，平時相當鍾意食朱古力嘅男朋友都覺得好好食，朱古力嘅甜度剛好，唔會太甜亦都唔會苦，再加埋鮮忌廉同雪糕一齊食，呢餐實在太滿足啦！

中秋過後，緊係要黎番餐飯後甜品🍮✨ Oreo窩夫🧇最愛食窩夫🧇今次食餅乾味🙆🏻‍♀️再加Oreo嘅雪糕🍦啲cream唔甜一凍一熱，感覺好棒👍🏻✨心太軟一切落去，啲朱古力🍫流到不停爆多朱古力🍫流心既程度好滿意🥰但有啲甜🤦🏻‍♀️再配上自選味道雪糕🍦

又有黃店介紹喇！！呢間小店雖然一啲都唔起眼，而且唔係住屯門附近既人都唔會識同埋專登去。屯門既街坊都知紅橋有好多好野食，甜品店都有好幾間。今次就去左試呢間專做waffle既小店，呢間甜品店細細間，員工得2-3個，但係佢地超有心機整，每份waffle既擺盤都好有心思，都會係碟上面畫貓仔或者其實圖案，好cute😛😛味道方面，waffle 係即叫即整，所以外脆內軟，蛋味好香，朱古力醬味道一啲都唔假，cream既份量都好多，成個配搭好平衡。

呢間通常都多人等位，難得見唔算多人就等一等嘆甜品馬路邊呢間總店係係門口自己寫幾多位同拎飛既第一次試宇治浮島，作為抹茶控表示滿意，特別係個抹茶底好濃茶味，好似仲濃過個抹茶雪糕加上西米，小丸子同紅豆都好match！Baileys 朱古力 waffle 之前都食過，waffle 即整好香脆，個baileys朱古力醬好正，微微baileys 酒味瑞士雞翼撈麵都好味，味道同濕度都剛剛好今次係一個人晚餐+一個宵夜份量小店無咁寬敞，但防疫措施都OK，同一枱有隔板

食飽飽 時間又好早最好就係食個甜品朋友建議黎呢間嘆甜品 仲話佢個窩夫好好食但岩岩先食完晚餐又唔係好食得落啲太濟既野所以決定一齊share個窩夫黎試下叫左個芒果忌廉窩夫$64 諗住芒果當造季節芒果份量好多 酸酸甜甜咁 幾清爽雪糕可以揀口味有好多口味比你揀 今次就揀左曲奇味😋窩夫果然好好味 外脆內軟配搭忌廉芒果 口感好豐富值得推介👍🏻另外仲叫左杯百香果白桃梳打 $27味道又係酸酸甜甜咁係夏天飲真係好消暑解渴不過飲到尾就有啲酸 所以飲唔到味但呢間野性價比都唔錯 窩夫真係值得推介👍🏻

甜品！甜品！甜品！😍甜品梗係有第二個胃裝得落啦！😊朋友介紹呢間真係好唔錯！好多人去食，雖然要排隊，不過好快就可以入座啦！😃我哋朋友叫咗一份窩夫一份芋圓嘅甜品，兩份都超級驚喜！！😉😉窩夫好好味呀！！！朱古力醬同窩夫超級夾！而且好大份！😋雪糕球都好正！芋圓甜品都好正！！！芋圓好煙韌好好味！😝下次我會再嚟試其他甜品！😄

天氣炎熱，食完晚飯自然想食Ｄ涼浸浸既甜品降下溫，呢個時候糖水就係一個非常之好既選擇！呢間嘆甜品平時經過得多，次次都好多人等緊位，今晚都唔例外，所以我地決定都係買外賣番屋企食快D。睇餐牌.，中西甜品都好齊，仲有好多款小食可以揀，岩晒我呢Ｄ口痕痕喜歡食宵夜既人。睇黎睇去，最後揀左２碗糖水＆２隻小食糖水-芒果小丸子加蜂蜜水晶：第１次食蜂蜜水晶，感覺好似食緊蜂蜜味既啫哩，不過就冇啫哩咁林，幾好咬口；小丸子有勁多，有一半食唔晒要放棄，再食埋Ｄ芒果肉真係好飽。-芒果涼粉芒果汁底：朋友話個茫果汁底唔夠甜同唔夠杰，涼粉就正正常常小食-炸雞翼：超香口，好脆又夠辣，配埋Ｄ凍野飲好夾-炸雞軟骨：份量略少，味道幾好，炸得好脆

跑完步經過嘆甜品，買個返屋企試下啦🥰每次經過都好多人排隊😅仲喺好近嘅地方開埋分店，都係好多人排隊嘢食ok啦未算係話真係好好味！點咗呢一個蘆薈芒果都幾fresh 份量都ok啦. 下次醒目啲打正電話order之後先去攞哈哈

經朋友介紹，一行四人去左嘆甜品食糖水。入到舖頭，店員有禮，店面整潔，無異味，冷氣夠。枱面有酒精搓手液，呢期怕菌，一坐低就即刻消毒洗手，再加上枱面無糖水舖黐立立嘅感覺，很好。 夏日炎炎，天氣悶熱，我就叫咗個楊枝甘露。楊枝甘露 $33芒果新鮮，就咁睇落好似好細碗，其實個碗好深，又足料。西柚新鮮，有該有嘅澀味同甜味。美中不足係我覺得個糖水唔夠凍。呢個價錢有如此質素已經好好。小雞拼盤 $40雞全部都係雞，食左兩件我覺得冇咩特別。小食拼盤 $51其實我覺得呢碟唔值$51，而且薯條唔脆，係淋嘅。特濃阿華田心太軟 $48呢個係朋友叫嘅，我覺得幾抵，阿華田口味有創意，而且有香港特色。如果唔係依家非常時期，我都會叫佢分一啖俾我食。唯有下次有機會我再去試。法式焦糖燉蛋 $43呢個係朋友叫嘅，佢話幾好食。雪糕係豆腐味。特濃朱古力沙冰 $29呢個係朋友叫嘅，好似幾好飲，賣相又好，而且唔貴，有機會想試下。朋友係熟客所以打咗九折，個人覺得就算唔打九折都算抵食，畢竟食物質素唔差。

返到屯門點可以唔去呢間黃到金嘅甜品鋪呢嘆甜品係區內都出名平時都多人排隊甜品種類多又平靚正因為好多人排隊所以叫左外賣-焙茶珍珠窩夫 $61（自問焙茶控，上次食完已經上癮，出面嘅焙茶甜品好多時都成百蚊，所以真係勁抵食，上次堂食好脆口架，不過今次外賣返去就林晒，但都有口感架，林得黎有啃口）-香芒蜜語 $40（芒果雪糕+新鮮芒果+芒果乾+牛奶布甸+椰果+芒果牛奶+芒果q果，連阿媽都讚好食話下次encore)*啲memo紙貼到張晒門口重有煲底見貼紙唔同嘅文宣黃金卡

衣間甜同舖真係平日同週末夜晚都咁多人排隊，不過食過就知點解，價錢合理，餐牌選擇多，有中式西式揀，岩晒同班朋友尼食乜都有，想食咸野又可以揀炸燒賣炸魚蛋，淨係咸食都有一版menu豬師奶今日叫左個芒果蘆薈小丸子,好足料，好多小丸子同西米，芒果汁同花奶比例非常好，芒果汁好香，好濃芒果果，成個甜品唔會過甜，小丸子好煙韌，好有咬口，芒果肉都算多，蘆薈亦好好食，非常推介芒果控試衣個甜品，女仔食次個岩岩好，食完好滿足^_^

喺屯門虹橋呢個位置 ，一個上每晚都會見到呢間甜品舖有人喺門口等甜品選擇有好多，有西式至中式甚至小食同埋台式飲品都有！選擇有好多我哋今日就嚟試咗佢嘅窩夫同埋香芒沙冰岩鹽拖肥Oreo鮮忌廉窩夫🧇望落去個買相呢非常之吸引呢個窩夫呢上面有焦糖醬啦其實好邪惡 ，但係呢啱啱好窩夫嘅熱力令到雪糕慢慢咁樣溶令到食入口非常之滑😍😍😍芒果牛奶沙冰芒果嘅果肉非常之多牛奶沙冰呢入口即溶非常之滑😍沙冰比較特別唔會好容易溶真係唔知食得邊樣好啊，下次一定會嚟