喬妃齋 (已結業)

今晚有緣上璇姨呢間喬妃齋一試佢既齋菜，我地兩人無訂到，但由於時間尚早(我地6:30pm上到)都有位；但一過左7:00pm就開始多人啦，佢菜都幾清,但都夠味，因我好怕味道太濃，食完會好口渴！兩個人要左一個竹笙素翅、一個金姑扒西蘭花、一碟素魚雞粒飯同一碟齋鹵味。食飽左仲有碗雪耳番薯糖水送，真係好飽。面張餐紙仲有首詩：春有百花秋有月，夏有涼風冬有雪；若無閒事掛心頭，便是人間好時節。旁邊還有：心安茅屋穩，性定菜根香。仲有璇姨親自招呼，好開心。

昨晚和朋友食飯，因為朋友食素，所以來了這裏試試。佢位於尖沙嘴某商廈2樓，雖然有電梯，但因大廈門口都有十幾极樓梯要行，所以行動不便的人士要前往可能會有d困難。我們七點就去到，可能時間尚早又有訂檯，一去到就有位。地方較細，有d迫，但為我這類細細粒的人就冇問題啦！我o地六個人，叫咗兩個小吃(芝麻手撕雞、齌老味)、粟米魚肚羹(一般)，彊茸蒸鮮竹(好味道!)、清炒菜心、脆玉瓜雲耳炒雜菇、椒鹽豆腐(好味道!)、沙彊鹽焗雞(超好味!)、半打壽飽(蓮茸，幾好，不太甜)，送甜品(紫米露)。我們當也有”刷”得之人，但都食唔晒。食物質素不俗，不油，味道不錯，抵食！會再去!

上次食過好食, 今日又來到試下唔同既野.今晚來了一個紅燒翅, 鮑魚刺身, 琵琶鴨, 咕嚕肉, 一個什麼豬扒.值得推介鮑魚刺身, 又是一個能以假亂真的, 口感跟鮑魚一樣, 加上Wasabi, 仿以真的刺身, 但要$68, 貴左少少.今日蘇杏璇姨係度, 由璇姨親自招呼, 服務更周到.

今日尖沙咀看海運燈式, 行完, 回去亞士里道搵食. 花多眼亂加上到處人龍蛇餅, 阿哥突然記得街尾上樓有間齋鋪.八點鍾, 辛好有位, 看見鄰檯的煲仔菜不錯, 我們亦主攻煲仔.枝竹羊腩煲, 貌似高僧的一位伙計推介, 味道(因為腐乳品好夠), 貌似, 形似, 味亦似.魚香茄子煲, 我的最愛, 雖然少了魚香味, 但茄子一流, 兩個煲熱辣辣, 食到汗流滿面.另外一個咕嚕肉, 口感幾乎可以亂真. 芋頭魚, 芋頭蓉夠細嫩, 可以說是入口即溶.飯後送甜品馬豆糕!另一邊鄰檯十多人, 內有大師高僧數名, 有寺院僧侶幫襯, 證明好野.阿哥, 冇介紹錯!行出門口, 午餐$40一位, 算是經濟.

是夜6個朋友去食反, 有朋友見意黎依到食齋, 環境都幾好, 朋友因有訂位, 一去到就有位, 但原來真的好多人黎依到食, 不停有客人入黎..我地點左酥炸荔茸餅, 粟米粥,什齋,雜菜煲, 泠盤"分提" ,腐竹蒸上蔬,炒粉及芋頭魚, 基本上都幾好食, 泠盤一碟真的食不出是用什麼做的, 好像不是素菜, 最好食是酥炸荔茸餅, 值得再點,原來素食都有咁多花款, 食完仲有馬豆同紅豆糕送TIM, 埋單時, 請埋一個朋友都係70蚊,價錢都算可以接受的, 應該會再去食多次..

這裡素菜款式很多, 有炒, 有炸, 有”煲仔”, 有點心, 有焗…位置不多, 假期晚市人也頗多, 最好訂。1)枝竹羊腩煲–羊腩是用冬菰和黃豆做的,還有生菜同枝竹,十分像真正的羊腩煲。自己不太喜歡吃“扮”的素菜(我喜歡菰, 菜, 薯仔, 豆腐…, 不喜歡用黃豆做到像真的肉, 感覺怪怪的), 但覺得這個也好吃, 又有腐乳味, 很香。2)南乳雜菜煲–本以為這個很普通, 怎知很好味啊,南乳味濃, 仲有多款蔬菜, 值得一試。3)白汁焗香芋四蔬–不記得名字, 有芋頭, 西蘭花, 菰…白汁焗, 感覺像吃西式菜, 味道不錯, 很特別。4)豉汁雜錦炒河–很多”扮”的食物, 有牛, 豬, 魚…我反而欣賞豉汁炒, 很香, 河粉亦很滑。如果選了煲仔, “送”白飯好d. 這裡的菜都不算油, 上次跟朋友來吃過炸芋頭魚都不太油。最後還送甜品, 是糕點。

本人本不太鍾愛素食, 因為款式不多. 通常都是那幾味. 但友人極力推介, 又指這裡的素食模仿葷盤, 味道和口味偕十分相似. 終於決下心, 試試喇!是日六點多到, 只有三數枱客. 點了:--什齋: 太油了一味, 但咖喱齋十分出色, 很惹味, 坊間沒啥味道的絶不能相比.--素翅: 一般, 一向不太好湯羹類, 感覺似喝生粉水--味菜牛柳絲: 真的很不錯, 很惹味, 口感和味道跟葷菜很近, 用素菜來煮該健康點吧!--薑蓉蒸腐竹: 很清淡的一味, 把薑蓉放在腐竹面蒸, 再淋上熟油豉油, 很家常的一道菜. 可以在家一試. 味道也ok.由於是次感覺不錯. 於是幾天後再到訪, 於其他齋舖, 通常只有粟米粥可以揀, 但今次竟然有艇仔粥. 最驚喜的是吃下的感覺跟平常的艇仔粥無異, 也不會很淡. 未吃過素艇仔粥, 真係第一次, 估唔到都幾好喎!但點了另一個炒什菇之類的就太油了, 不太健康.

上星期同學黎呢到食飯,整体上都唔錯.環境ok~唔太迫,亦乾淨~服務態度好.食物方面,點左:酥炸荔茸餅: 炸得好鬆化~而且有芋頭味~推薦(可是比較熱氣)齊咕嚕肉: 食落好似真既一樣~不過冇骨~哈哈~(記住趁熱食)台灣涼伴豆腐: 豆腐上加左齊蠔油同素肉鬆,味濃.同清淡既豆腐好夾,推薦~仲叫左其他炒飯麵~味道都唔錯~但沒有什麼特別,所以唔講咁多價錢呢講都ok~不過對我地學生尼講略貴..一家人黎食會開心d(因為唔使我比$)不過坦白講句~呢間店真係難找...係樓上鋪~而且個招牌係尖咀黎講比較細..= ="

位於海防道的喬妃齋館是由無綫藝員蘇杏旋所開設, 店舖位於商業大廈2樓, 很不起眼, 也找錯了另一橦大廈, 去了沙嗲皇去送貨的後門....但水準一流, 我們不懂叫, 只叫了套餐B: 翅(原來是粟米豆腐羹,但因本人的手正在看跌打而不能吃豆腐, 換了a餐的湯),味菜牛柳絲,鮑魚菇燴茄子, 白飯好大碟, 好味(不過有點濃, 因為我喜歡淡野), 也見到蘇杏旋, 佢仲問我隻手做乜事添~~很好味, 但吃不下, 杏旋鼓勵我們帶走, 但奈何我有下場, 所以......對不起FOOD FOOD了強力推薦給大家, 這間對食物對客人都有感情的齋館

素食巡禮﹝十三﹞有時會以為自己放下了，但感覺會忽然湧出來，要做到「無事掛心頭」，很難。在尖沙咀吃素食，吃印度的還比中式的更易找，因為前者至少有三幾間，中式的話，可以坐低慢慢吃的，就只一兩間，這裡就是其一，故時常也其門如市，不難理解。但見主理人洗盡鉛華﹝對不起，我刨電視時正是那年代！﹞，忙碌地在招呼。一個人來，不想這麼多了，就在「是日午餐」中四裡選一，就要了個川式涼瓜西芹炒腐球。對中式素食的例湯，因為是全素，從來沒要求，但是日喝到的還不錯，如沒有認錯，應該是牛蒡的味道，當然還有點味精；主菜上場，就是「川式」，看樣子是一點也不像，片片涼瓜浸在厚厚的芡汁中，零星的還有幾條西芹及豆豉，腐球，原來也是切片的素肉，失望。涼瓜又硬又爽又苦，切合此時的心情，卻又不錯；芡汁又濃又鹹又多，怕怕，隔了一輪才可以下箸。是一點川式的感覺也沒有。另外要了碟羅漢齋腸粉，羅漢齋反而是老老實實的粟米芯、蘑菇、木耳、紅蘿蔔等，雖然不夠熱，也算是意料之外的不錯。連茶芥貼士，埋單72蚊，以食物計，有點貴，不過附近只此一家，也沒有什麼可以選擇。離去時，口腔內味精的感覺，良久不能散去。記起這裡的墊檯紙上的幾句：「春有百花秋有月，

又試素食了~ 從其他網站得知是前藝員蘇杏璇開的,相信不賴吧!二人餐有粟米豆腐羹, 味菜牛柳絲, 鮑魚菇燴茄子,白飯兩碗和馬豆糕,基本上味道都很好, 湯羹用料豐富,但最驚喜的反而是馬豆糕,滑而香, 為晚飯寫上了完美的句號!!當晚其門若市, 遲來的客人甚至要等,幸而上菜速度十分快,點菜後不消10分鐘己全上齊~ 勁~

ok好食，服務良好，但價錢略貴一個紫菜草菇羹，一條芋魚、一個薑茸蒸腐竹、3個壽包、3隻粉果，1支靈芝水、加茗茶3個人食，要差不多$240（但其實幾味菜都係簡單到無技術係屋企都整到）

上周六新發現，吃素菜好地方！開胃的冷盤小食，美味可口的主菜，色香俱備的炒粉麵飯，加上份量十足，價錢合理。侍應態度熱誠招呼，實在值得一去再去。

一間樓上素食店，是夜與友人到這裡吃飯，點了咖喱腐球煲，艇仔粥及台灣涼伴豆腐。咖喱腐球煲，索了咖喱汁的腐球用來送飯一絶!!艇仔粥，材料多份量足，一碗足兩人食。台灣涼伴豆腐，在即食豆腐上淋上醬油和素肉鬆，濃淡得宜。唯豆腐不太滑!侍應姐姐服務亦殷勤!

朋友推介, 於是上個星期三去一行四人去食dinner. 地方唔算大, 不過坐得都算舒服, 二人枱既話會比較迫.齋滷味- 我第一次食熱既齋滷味, 平時都係凍食, 原來熱食係咁好味既~芝麻手撕雞- 唔錯, 有d紅綠椒絲咁, 爽爽地粟米魚肚羹- 普普通通羅漢齋炒麵- 好多菇, 勁大碟, 我冇食到, 唔知好唔好食南瓜鰻魚煲- 非常好食, 雖然唔係真鰻魚, 但口感唔錯酥炸荔茸餅(唔記得個名係咪咁, 不過我諗大家應該知我講邊樣) - 炸得好鬆脆, 好食~我地總共叫左六餸一湯, 價錢唔貴, 而且每碟餸既size都幾大下, 比起好多齋鋪黎講好抵食, 埋單只係$351上菜速度快, 服務唔錯, 我一定會再去~