喜茶 (時代廣場)

營業中

休息中

芝芝芒芒 平時我都係珍奶愛好者🧋既然水果茶為主咁今日就想試吓飲呢個出名嘅芝芝芒芒 飲落去個芝士奶蓋個質地都好香滑🧀蓋奶味濃郁 帶有鹹香 同芒果溝埋都幾夾😋不過我覺得太多沙冰啦 好似好結咁 唔係好啜到但係個芒果味就唔係話好濃🥺同埋冇咩果肉 我加咗啲好似爆珠咁嘅嘢食落去有啲口感補償番冇咩果肉🤣再比我選擇我會飲番佢其他產品🤣另外就係收銀員態度係超級好💛話說有個人佢個口罩帶得唔好基本上佢拉低落嚟咁濟但係個侍應哥哥就好有禮貌咁叫佢帶返好口罩而個客人態度勁差同埋睥住佢有時喺度諗點解啲人嘅防疫程度咁差

以前成日飲呢到嘅珍珠奶茶，今次嚟見有新嘢，夏天咁熱一定要飲返杯凍飲🫐酷黑莓桑今期新品黑莓系列，飲品紫紅色，濃濃黑莓味神秘黑色果粒混入莓莓機密配方，粒粒多肉，手剝桑葚果肉MIX新鮮士多啤梨，多汁好飲🍑多肉桃桃鐘意桃嘅我點會唔飲呢款呢，桃肉沙冰好冰涼，好多新鮮桃肉仲有啲啫喱，清甜味道，夏天飲沙冰特別涼爽～🚩喜茶 (銅鑼灣) @heyteahkmacau 📍銅鑼灣勿地臣街1號時代廣場B2層B216號鋪

其實呢間嘢咩事？今日行完街好口渴，諗住買啲嘢飲，點知等勁耐都未有！你做唔切仲接咁多單做乜？整嘢飲嗰啲係好密密手整，但pack嘢飲個男職員，仲要慢手慢腳！啱啱睇原來啲人等個幾鐘？三個鐘？有冇咁值得我浪費人生呢個時間去等你杯嘢？個幾鐘，我搭車返到屋企飲乜都飲飽咗啦！其實呢間嘢咩事？接幾萬張單根本做唔切！最離譜係pack嘢嗰個人，勁慢手腳，幾十杯嘢飲擺晒喺度等佢pack，佢仲可以pack完攞住人哋袋嘢喺度同隔籬嗰個職員傾偈，都唔遞俾人🙄

一向叫開外賣平台，好少喺鋪頭度自取， 今次第一次入舖頭，入到去有一陣好甜應該係芝士奶蓋嘅味，但臭既意思係佢可能冇清潔乾淨啦， 感覺就係用布抹完d甜野，冇洗乾淨塊布。所以覺d得野飲工具都唔多衛生，唔知係咪香港先係咁，定係咁岩我個日去先係咁?但我記得去過k11 musea一定冇咁既感覺。所以飲落都唔太好感覺。 都冇咩好兜㗎啦 ，總之就陣味就係你出去飲差少少既茶飲店，覺得佢唔係新嗰啲味囉。而家就算上網叫定都等好鬼耐，半個鐘都拎唔到。希望佢地改善下個衛生情況啦。

I ordered my 2 drinks online as to save time, ordered and paid at 18:52 on 17Jun and was advised to pick up by 19:21, I intended to arrive late like 19:40, but shocked to see that they didn’t even prepare my order at all!!? I asked for it and complained it was totally delayed for 20min after waiting for 30min, they didn’t care.I asked for their manager on duty on 17Jun, a guy with curly perm hair, was terribly rude- ‘ well, it’s normal being delayed, we haven’t got enough manpower’, and he absol

以前每次返大陸嗰陣都會狂飲喜茶依家香港已經開咗好多分店lu😝今日咁啱經過有啲懷念就買咗杯嚟飲啦🥭 芝芝芒芒 $45 呢款係人氣必喝榜入面嘅no.2 上層鋪滿厚厚嘅芝士奶蓋，味道好濃郁～然後用大飲管飲下層嘅芒果汁！幸福感滿滿 再將奶蓋同芒果汁混合又係另一個味道🤪飲一杯就有三種層次嘅享受都真係幾滿足🥰另外芒果果肉亦都夠香甜，果然係真材實料！不過可能因為呢杯係沙冰嘅關係🫣即使嗌咗少冰，冰嘅份量依然偏多雖然價錢係貴，但真係幾好飲哈哈❤️買唔買就見仁見智了，推介！⭐️ CP值：🐘🐘🐘.5⭐️ 打卡able：🐘🐘🐘⭐️ 舒適度：N/A⭐️ 再食指數：🐘🐘🐘（5 星為滿分）

“芝芝莓莓”($47)飲過咁多間茶飲店都係最鍾意喜茶嘅芝芝莓莓🧀🍓果味同奶蓋味平衡得岩岩好入面仲充滿果蓉真係好掛住以前一出新味就返大陸飲嘅日子🥺喜茶銅鑼灣勿地臣街1號時代廣場B2層B216號鋪

一直以為疫情原因已全部結業的喜茶原來還有幾間門店,呀Ju跟朋友逛街經過看到有新品推出買來喝喝看~新系列名為生打椰,分為【生打椰椰奶凍】和【生打椰椰芒】, 生打的意思就是新鮮榨制,用椰子水和椰肉直接榨制的生椰乳,椰香味超濃厚,口感絲滑,層次感非常豐富。椰椰奶凍主要是生椰乳配搭QQ彈彈的椰奶凍和魔芋波十分爽口好吃,而椰椰芒則是採用芒果和椰子這對絕佳CP,香甜的熱帶風情~

好耐冇飲奶茶🥤，黎次經過睇到就解解渴點佐多肉葡萄🍇呢個都算是多人推介多人點嘎。大杯，份量都幾多，可能是我點佐少糖，不是好甜，酸酸地，有沙冰，葡萄果肉，果汁茶。加上芝士蓋，其實都OK。另外仲點佐個芝芝芒芒，黎個都是爆款，超多人推介，個人覺得芝芝芒芒比多肉葡萄好飲。芝士奶蓋，濃郁口感芒果味。都是少糖，真是好好飲

今日經過諗住好耐都無買過，試下新野，買左杯爆打椰汁凍$36。其實買的時候都唔算多人等同前面都係幾杯。15:45買，等到16:05都未有。足足20分鐘，慘過等位！真係係度罰企🙄結果忍唔住問種有幾耐，原來一早整好放係枱，只不過前面未出杯，所以唔比住，但我見到十杯嘢，等到出緊倒汗水⋯交比我種話記得半個鐘頭內飲，心諗你擺都擺左成15分鐘，你種好意思講出嚟⋯杯野飲⋯味道一般，唔太甜，岩清解渴既人飲，因為話冇加糖。但等到咁，完全唔值！店內鋪面有6個人，收銀1個，整嘢飲1個，另一睇住個嘢飲，出茶一個。其餘係企係到吹水，咁不如快快手出茶做嘢啦！都係果句，買一杯預20分鐘起跳，完全唔值。其實依家好多鋪頭比佢好飲，更有特色更多。再買唔買，你話呢？

一直都鍾意喜茶嘅芝士奶蓋飲品，但無奈分店縮到只剩呢間…呢日就趁放假過嚟支持下，相隔一段日子過嚟發覺多咗啲新產品，包括期間限定 - 爆檸茶。甜度調整同冰度調整，都有好多級數選擇，感覺好friendly，另外亦提供了原創零糖選擇，對一啲唔喜歡甜嘅客人多一種選擇望完人氣必喝榜，就揀了 芝芝莓莓，奶蓋依然出色，鹹鹹香香，香滑非常，莓莓就滿滿士多啤梨味整體而言客人依然不少，飲品維持到水準，希望繼續保持，大家繼續支持！

試過坊間許多 水果茶和珍珠奶茶之類的飲品店，但始終都係喜茶最好，不但經常有時令水果茶推出，而且品質控制到位，衹是每次都要排隊，讓人有點兒氣餒。今次的芝芝芒芒 顧名思義飲品上層是厚厚濃郁芝士層 ，下面佈滿啖啖芒果肉，先喝一口芝士，再用 大飲管吸食下層芒果肉，之後又可以芒果肉混和芝士一起吃，喝一杯飲品有三種層次享受，所以能讓我心思思經常要返來幫襯，嘗嘗不同口味。其實一杯果茶滿滿芒果肉加芝士飲完已經飽曬，絕對可以作為我的代餐。

以我所知銅鑼灣呢間係全香港最後一間喜茶， 到得返最後一間嘅時候我先來第一次飲！點左最出名嘅芝芝芒芒！ 一路以嚟都唔係手搖杯裝飲品嘅捧場客，今次第一次試呢個芝士奶蓋，好友驚喜！芝士奶蓋之味濃郁，少少鹹，配落杯芒果茶沙冰係史無前例咁夾！ 一路飲，有少少嘅芝士鹹味加香甜嘅芒果味，非常正！如果下次可以再試，會試吓芝芝金鳳茶王， 因為想試吓平時飲開嘅茶配落個芝士奶蓋嗰度會有啲乜嘢味覺新感受！不過個人認為佢個價錢有少少貴，相較起其他同類型嘅舖頭競爭力唔係咁大，所以都係順路嚟嘅時候先會飲。

喜茶喺大陸嘅時候飲得多，香港真係第一次飲。香港喜茶好特別，好似Lab既design，有個bar枱位。啲飲品好特別，用多款材料mix埋嘅。飲品會附上一張紙卡去介紹飲品嘅成份。▪️徠斯利 LESLIE呢款飲品主要由威士忌、陳皮、金玉同玉桂調配而成。威士忌嘅味道入口唔會好濃烈，相當容易入口，檸檬味道令成杯酒既香味再提升，有種清新嘅味道。配埋玉桂條當飲管，每吸一啖都帶有玉桂嘅味道。▪️夏會醉 SUMMER SIESTA呢款飲品主要由日本梅酒、蘋果汁、四季春、青蘋果冰粉、酒釀、小丸子調製而成。梅酒入口非常順滑，梅味十足，因為加左蘋果汁同四季春做茶底，味道變得非常有層次。先係梅酒嘅香醇，繼而係四季春嘅甘香，帶有果汁嘅清甜味。另外小丸子非常軟糯，冰粉幼滑彈牙👍🏻📍喜茶HEYTEA銅鑼灣勿地臣街1號時代廣場B2層B216號鋪

喜茶⭐️喜茶⭐️時代廣場GO店好耐都冇飲過喜茶，今日無端端好想飲番一杯！之前一直都對喜茶好友期望，每次飲都唔會失望，但係今次真係一般般！！⭐️多肉葡萄呢個都算係餐牌裏面比較多人推介嘅一款，叫咗之後份量都係好多，而且大大杯，呢個價錢來講係可接受嘅！但係呢度嘅提子真係太酸啦！真係每一粒都非常酸，就算加埋杯飲品一齊飲，但係提子嘅酸味都cover唔到！！芝士蓋係可以嘅，但係用飲筒飲飲唔到啲芝士嘅味道！😂