喜惶點心專門店

營業中

休息中

一直都知道呢間點心店喺旺角好出名，今日星期日難得想飲下茶，一於就試吓呢間！一去到見到門口已經好多人等緊，舖頭幾貼心喺出邊擺咗啲櫈俾人坐喺度落定單，慳返劃點心嘅時間～同同行朋友叫咗四款嘢食😋竹炭熔岩流奶黃包 $26呢款可以話係呢間嘅必點點心之一～一上到黎熱辣辣，但唔可以即刻擺落個口度，唔係會俾啲流心奶黃辣親條脷🤣食落奶黃味好香好濃郁！完全係以平價嘅價錢食到高質素嘅奶皇包！蔥花炸兩腸粉 $26蔥花炸兩腸粉亦都好好食！最令我哋滿意嘅係個炸兩係即炸嘅，再配合埋腸粉同埋啲醬汁真係好好食！魚肚四寶滑雞扎 $32雞扎相比起其他點心較為普通，正正常常嘅一款～粟米煎牛餅 $28呢個粟米煎牛餅個人認為都係呢間點心店嘅招牌菜之一～首先佢都係即叫即整，一嚟到都係熱辣辣🔥牛餅十分之彈牙，同埋好香牛肉味🧡配合埋啲粟米粒甜甜地都幾夾整體來講雖然呢間點心店入座要等好耐，但係無論質素同性價比都十分之高👏🏻等幾耐都值得🥰

芋香流沙包 芋頭的味道沒有到很濃郁 微微淡香蒜香蒸肉排 裡面帶著軟骨吃起來脆脆的蟲草菌菇土雞湯 多種菇類 熬很久的土雞湯匙一動整個就化了 湯頭濃郁整個食材的精華

鍾意飲啖茶食個包既朋友仔可以試下呢間點心店，主打用百份百新鮮牛肉製作，部分點心有特色得來味道又唔錯😋，質素真係好過好多酒樓嫁😉另外仲有兩張coupon，堂食滿$100即減$10，有興趣既朋友仔歡迎PM我😊用得唔好浪費乾蒸牛肉燒賣$32食第一啖已經食到牛肉真係好新鮮，好香牛肉味，亦無任何牛羶味，口感軟硬適中，連我麻麻牛肉都覺得唔錯。薑蔥牛柏葉$33牛柏葉冧左少少，但好夠味，而且湯汁好清，食落唔肥膩。燒汁牛肉蝴蝶餅$35必食☺️👍🏻軟棉棉麵包皮，夾住充滿燒汁既牛肉餅同埋青瓜一齊食，一啖同時食到三樣食物，口感好豐富🤤咸香既牛肉餅好香濃，配埋青瓜食真係好夾😋粟米煎牛餅$28推薦👍🏻脆卜卜既外皮包住嫩滑牛肉，外脆內軟☺️仲有少少爽口既粟米粒🌽味道甜甜咸咸😋原隻鮮蝦滑腸粉$31推薦👍🏻腸少幾滑溜，鮮蝦爽口彈牙，仲有片翠肉瓜，加埋少少豉油食完一舊又一舊😋蔥花炸兩腸粉$26推薦👍🏻食落口油炸鬼仍然好香脆，滑滑腸粉上面沾滿甜醬花生醬，仲有豉油，味道豐富又有軟同脆既口感😋酥皮焗叉燒包$29必食😋👍🏻熱辣辣包，一咬落去就爆漿😋包皮好軟熟，叉燒好足料，味道適中，食到真係好滿足☺️尋味沙汁墨魚餅$33推薦👍🏻墨魚餅加

旺角通菜街真係好多唔同選擇 有cafe有韓國菜有茶餐廳 又點少得中式點心！呢間成日經過都好多人排隊 見到話出名食牛肉 而且係新式點心 幾得意 就排隊入去食 點知第一印象麻麻( ´^`° )之前有次試太陽蛋牛肉飯 但唔知係咪味精粉定鬆肉粉太多(?)食到有少少拿喉…( ᐪ꒳ᐪ )之後去食就試返正常點心…🐄 粟米煎牛肉餅🦐 晶瑩鮮蝦餃🍞 竹炭熔岩奶皇包味道正常發揮奶皇包雖然流心 但比較淡味同埋奶皇比較稀…整體味道不過不失 見到有一人餐都幾抵食 如果唔使排隊又係附近想食點心 都會再食( ｡･-･｡｀)

見幾多好評,加上住在附近,所以走去買外賣。係抵食嘅,份量也足,不過味道好一般,特別是山竹牛肉,師傅幾重手,勁咸,相對义燒包比較正常。等咗足足二十分鐘,侍應態度麻麻,問下都唔得,試一次就夠。

人大咗更喜歡飲茶🫖去點心專門店，無論朝早定夜晚都可以嘆一盎兩件🤭呢間有唔少特色點心🥢，仲主打用百分百牛肉🐮🌊喜歡就記得CLS 再加Bookmark🔖🙂#小胖遊旺角🐠—————————————————🔹粟米煎牛餅 $28煎得好crispy，好似粟米片，🐄牛肉味都幾濃，入面仲有粒粒粟米🌽🔹蔥花炸兩腸粉 $26腸粉皮薄，油炸鬼新鮮炸勁鬆脆，配上甜醬同麻醬真係超邪惡😈又好食！🔹芥末沙律汁三文魚春卷 $32中西合璧🤤春卷一咬索索聲，三文魚🐟配上芥末沙律汁十分開胃🔹蜜瓜炸鮮奶 $30十分有趣🤣係紙包飲品熟悉嘅味道，濃縮咗蜜瓜奶落炸鮮奶，又脆又滑🍈🔹 脆皮沙嗲牛肉包 $30 包少少油🤏牛肉比例較少🫣不過沙嗲係香口🔹燒汁牛肉蝴蝶餅 $35牛肉軟腍入味，唔會dry🐮包就蒸得少少濕，但夾埋一齊幾好🔹竹炭熔岩奶皇包 $26流心奶黃💛比較稀身，包鬆軟但有點痴牙🤣🔹海苔香煎蘿蔔糕 $23正常好食嘅蘿蔔糕，再加少少紫菜係面🥕💡茶芥 $6—————————————————🧜🏻口水度：🌕🌕🌕🌖🌑🤑性價比：🌕🌕🌕🌕🌑🧚🏻打卡值：🌕🌕🌕🌘🌑🥰舒適度：🌕🌕🌖🌑🌑🤤回頭率：🌕🌕🌕🌕🌑.♟Overall♟煎炸野特別好食🤤夠熱脆

呢間新式茶樓之前同朋友都食過幾次，次次食完都心心念念想再食多次，今次咁岩出開旺角就梗係嚟呢度食啦每次嚟多數都要等位，不過餐廳好貼心放左凳係門口比客人坐住等，大概等20至30分鐘。餐廳有兩層，環境有別於普通茶樓嘅圓枱，只有卡位。一坐低侍應就會問你飲普洱定鐵觀音(得兩種茶揀)餐廳主打牛肉，除咗普通茶樓有嘅燒賣蝦餃等等，仲有唔同創意點心酥皮焗叉燒包，大推！好鬆脆，好夠餡蜜瓜炸鮮奶，唔會一夾就散，好滑而且蜜瓜味好出，鍾意蜜瓜味可以一試蝦餃，皮薄足料海苔蘿蔔糕，蘿蔔糕配紫茶味道幾夾，蘿蔔糕煎得好鬆軟唔會硬，唔油燒賣正正常常冇乜大驚喜小籠包，皮偏厚同硬，唔太推薦甜品方面叫左斑斕椰汁糕同芒果布甸，椰汁糕建議同侍應講定後上，因為攤凍左會好痴整體椰汁味都出，有淡淡斑斕嘅味道芒果布甸會後上，建議加花奶，味道正常夠大杯

星期日飲茶旺角冇咩好選擇，上OpenRice 見到好多好評就過嚟試吓…都要等位…大概等咗半個鐘。真心抵食，好耐冇食過咁大件嘅點心，比好多而家嘅酒樓一籠點心得一兩件，仲要細細件相比，性價比好高。每一粒點心都好大，足料。味道不過不失，唔算好特別，但係水準平均。以size，碟頭，價錢公道取勝。可惜嘅係餐廳位置及餐廳環境並不適合大夥人。飲茶都係適合多啲人先可以試得多唔同嘅菜式，加上碟頭大，叫幾個點心，其實已經好飽。

旺角鬧市都有點心食(⁎⁍̴̛ᴗ⁍̴̛⁎)同frd經過旺角，突然好想飲茶就搵呢間bookmark咗好耐嘅點心店食~一入去店中間有個好大嘅牌匾「牛肉世家」睇嚟佢地嘅牛肉食品應該好好食!!!但可惜朋友唔食牛 所以無叫到(´･_･`)☁️蝦餃好彈牙夠味外皮好薄 都做到晶瑩剔透有四粒 ~☁️竹炭流心奶黃包基本上每枱都叫 賣相靚(⁎⁍̴̛ᴗ⁍̴̛⁎)黑色嘅竹炭包上面有金色嘅三橫搣開一半 都真係做到流心效果!!奶黃會流出嚟 趁熱食!!(˶‾᷄ ⁻̫ ‾᷅˵)推薦!!☁️炸雲吞好香口!!!估唔到佢嘅炸嘢幾好食~中間嘅饀唔會好細粒 點埋醬好好食呢個都推薦!!(˶‾᷄ ⁻̫ ‾᷅˵)☁️牛柏葉☁️菜心正常發揮 無特別驚喜~總結，經過可以一試(⁎⁍̴̛ᴗ⁍̴̛⁎)但唔需要特登過嚟食~

剛去食下午茶，侍應的態度給人感覺是那種你只坐下幾秒鐘就非要你馬上告訴她喝什麼茶，我還以為自己走進了計限時的餐廳。。。沒好氣理那侍應，我照看餐牌有什麼好吃的。看的時候那個侍應要又邊跟人說我沒有叫茶又邊問我吃什麼但一路問一路彈到九丈遠。。。原來服務性行業是這樣跟客人說話的，我真是大開眼界！心想反正都只是吃個下午茶就沒有必要和人理論吧！總結，1*下午茶是ok的2*那位侍應應該是一位很愛趕客的員工。。。。

牛肉球出名咪試下，味精勁重，食一啖要飲勁多茶，最慘連茶都冇味，咁多好評睇黎都係假😩冇心做食物就唔好set成$3x一碟。試左蝦餃，墨魚餅魚肚。都係味精勁重。唔推介來，仲有連餐具都係洗唔乾淨

1️⃣晶瑩鮮蝦餃 （$35）蝦餃餃皮厚簿適中🥰唔會一夾起就爆開或者爆餡😆而且蝦肉十分大隻亦好鮮甜🦐 完全無急凍既味道，就連個皮都好有鮮味架！2️⃣鮮肉灌湯小籠包 （$32）小籠包皮簿 ～肉質鮮甜🤪但係好似蒸得耐左少少🤣 蒸到D湯乾哂 ～如果有返D湯汁就無得彈~3️⃣醬皇金錢肚 （$30）金錢肚奄得相當入味😚醬油味又唔會好咸～金錢肚亦都相當爽口同煙韌😜值得留意嘅係佢墊底嘅蘿蔔都係超級入味同鮮甜！正！4️⃣金翅瑶柱灌湯餃 （$42）灌湯餃真係啖啖翅架！！ 湯底十分鮮甜～加埋有好多唔同既配料包括豬肉冬菇等等🤣口感十分豐富 勁滿足！5️⃣栗米煎牛餅 （$28）作為整牛肉起家嘅喜惶，煎餅完全唔油～ 上碟時係熱辣辣好明顯係岩岩煎起唔係煎定架😍而且好足料，牛肉份量又多🤪牛肉奄得剛剛好，夠入味又香，加埋粟米超有口感！6️⃣蜜瓜炸鮮奶 （$30）當甜品食一流～食落比較重蜜瓜味反而唔覺有牛奶味😂 而且唔會話好甜～對唔鍾意食太甜既人完全岩哂，好有飲蜜瓜奶嘅感覺呀😚總括而言～ 勇者們都強烈推介呢間點心店😘😘不過平時都好多人排隊，繁忙時間限時60分鐘～所以去到都可能要預左排一陣 同埋無得坐係到慢慢嘆返幾個鐘🧐不過CP值咁高值得瘋狂en

2022-8-29 美好的星期一，因為有得放假😙 於是就一行二人去咗旺角食早餐，諗來諗去都未諗到食咩好，行到附近見到呢間點心店，咁就不如飲茶啦😋 點心紙上有整整一頁係牛肉點心，原來呢間店有「牛肉世家」嘅稱號😆 可惜我唔食牛，所以睇返其他點心，好彩點心種類同選擇都好多，唔使怕無嘢啱食😊 瑤柱杞子燒賣皇 $33燒賣味道一般，不過有杞子有瑤柱，亦夠大粒，一穩4粒都只係$33，都算係咁😀 竹炭熔岩奶皇包 $26望落同平時酒樓嗌貨嗰啲好似差唔多樣，但食落有分別，奶皇餡好明顯比平時食開嗰啲色水淡d，好似稀d咁，味道一般，奶皇味唔太夠。 脆炸韭菜餃 $29超好味😍😍😍 好味到唔捨得一啖食晒佢😚 炸得好脆好香口，但唔會乾，仲有肉汁爆出黎😆 好滿足啊💓😋 海苔香煎蘿蔔糕 $23唔錯唔錯！ 煎得脆皮可口，有少少焦嘅脆脆，但唔會煎到燶咗，加埋甜醬就perfect啦😋 蜜汁叉燒腸粉 $28普通水平，無咩特別，不過都足料😊 皮蛋瘦肉粥 $21不錯喔！ 味道挺好，尚算足料，略嫌蛋皮唔夠多🥲 環境都乾淨，唔會太迫，性價比高💓茶位$6一位，total $172，平均每人$100都唔使，好抵食喔😋😋😋

➖ 瑤柱杞子燒賣皇·晶瑩鮮蝦餃·鮮蝦府皮卷燒賣用左半肥瘦豬肉(瘦肉較多)小小淋既肉質又有點肥肉香。蝦餃佢既皮都算薄而餡就唔係好夠爆皮入邊仲有空位，味道可以但有一粒有塊碎骨差啲咬爆牙。腐皮卷啲餡多到跌哂出黎，入邊有大量雜菜蝦粒但調味上佢重手左有啲鹹如果唔係會好好食➖ 蜜汁叉燒腸粉·芥末沙汁三文魚春卷腸粉既叉燒好食小小甜小小淋，但個粉皮就唔太滑同埋比較散。春卷夠香脆配上沙律醬青瓜同煙三文魚食落幾清新又唔會油膩🪧 之前係附近返工成日叫熊貓黎食，半年後依家再食感覺退步左。呢到仲有個XO醬炒蘿蔔糕好好食唔記得左嗌，唔怪得食完硬係差啲野咁

今日12點嚟到旺角落車行咗幾個街口到咗呢間點心專門店門口唔洗等位就入得😆-第一時間點咗呢度最多人推薦的—竹炭熔岩流奶黃包無論賣相同味道都不錯👍🏻包皮軟熟，搣開滿滿的奶奶流出嚟，奶黃好香蝦餃皮唔算太薄，但就好煙韌餡料嘅蝦好爽口，而且粒粒都咁大粒，正呀呢度出名食牛，梗係要試返幾款牛點心山竹牛肉球好足料勁大粒牛肉食落新鮮彈牙牛肉腸粉個粉皮好煙韌至於瑤柱杞子燒賣王又係大大粒係比較少見的配搭，有杞子同瑤柱加持成粒燒賣味道昇華咗酥皮焗叉燒包有驚喜包皮似墨西哥包咁甜甜但外脆鬆軟摵開餡料十足，叉燒肉粒調味好好整體點心好食，全部都熱辣辣上唯獨茶一般下次同埋屋企人嚟試多幾款點心先～