影片
招牌菜
食評 (21)
間餐廳俾大家贊得咁好咁掂,我昨日晚咪去餐廳度試試...點知間餐廳細細得二張二人枱,嗰侍應請我去近收銀處付近張枱坐,我就好快落單叫野食叫咗個 牛肉定食--味道普通而且唔算好食仲同相片介紹有出入 串燒-- 牛舌OK不過有啲難咀嚼,明太子雞翼好汁,豬頸肉,牛肋同露筍都不過不失 壽司--OK可以一啖食完的大小而且好新鮮 不過最失望的是服務態度,個女侍應態度好差得閒掛住同男侍應傾計倒米!同小公主講的一樣啲嘢食上桌極慢失望
繼續閱讀
見好評如潮，決定同太座去試吓菜...點咗手卷、壽司、剌身及串燒...最滿意係串燒----六點後一律$10串，勁抵食！特別係牛脷，前後叫咗兩個order，至今仍回味無窮...刺身每款$38四大塊，三文魚都幾厚身及新鮮，OK抵食啦...惟手卷($10一客)及壽司($10一/兩件)整體質素略遜，下次定會主力吃串燒和剌身...另外，侍應服務亦不錯...惟餐廳面積大，五人以上宜先致電訂座。
繼續閱讀
今日同我媽子9點點半先出去食野又想唔到食咩..上去吉芝島~今日剛剛再開業...點知d野全部都把鬼...都冇野好食前幾日上來openrice睇下有咩食又見到幾多人講這間野幾好就同我媽去試下真係唔錯喎食左個$138餐d刺生都好新鮮~再叫左..好多野呀得我同媽兩個人食..真係嚇人叫左燒牛舌x2(我覺得ok,我媽就話有味)燒鰻魚x2燒白果x4燒青蕉仔x6燒煙肉露荀x2炒雞肉烏冬~係日本烏冬來的燒青魚定食海膽壽司x2活赤背再叫多個$78刺生有三文(好肥美),帶子(鮮甜),同活赤背第一次去食真係唔錯會再去差d唔幾得叫左兩個外賣$38有鰻魚壽司x2,鱆紅壽司x2,唔記得係咩x2,同3件加洲卷正!!!!!之後多謝$684叫左咁多野真係ok重叫左啤酒買2送1不過位唔多最多可以坐20個人到
繼續閱讀
尋日喺我個ｆｄ屋企整完蛋糕，就落左樓下揾野食．．．由於我嗰一刻"超想"食壽司，見到佢門口個牌係 ＄１０ 壽司呀～媽呀／／勁抵所以我諗都冇諗就入左去喇．．．坐低之後先諗"萬一好難食咁點呀～"（我承認我係有少少衝動）但我睇下周圍都ｆｕｌｌ哂咁我諗都唔難食得去邊卦～（雖然間鋪幾細，但我覺得種ｆｅｅｌ幾ｗａｒｍ呀）入正題．．．我叫嘅壽司有三文魚＄１０兩件Ｘ２鰻魚＄１０兩件Ｘ２劍魚腩＄１０一件Ｘ４海膽＄１０一件Ｘ４喜卷＄３５三件（裡面有帶子同甜蝦，鋪面嘅係三文魚蓉沙律）為你卷＄３５三件（我最愛嘅軟殼蟹，我點可以唔食，仲係即炸架）蝦餃＄４５兩件（裡面有海膽，墨魚，甜蝦，仲有個籠，勁得意）（壽司最重要係咩呀？？新鮮囉！！！我覺得１００％無問題）我叫海膽嗰陣都諗左諗，＄１０一件喎～好極有限喇～但都叫左兩件．．．我唔知係我個人ｌｕｃｋｙ定係佢ｄ貨嚟得好～我覺得超正呀！！跟住問樓面個四眼哥哥有咩好食，佢介紹我哋食森之丘豆腐＄６８同湯烏冬～森之丘係豆腐同魚生加芝麻醬，都ｏｋ呀我兩個ｆｄ話好開胃喎．．．我就覺得ｏｋ喇～都係魚一丁個拉麵沙律ｄ芝麻醬好食ｄ烏冬有牛肉＄３８同天婦羅＄５８，我哋揀左天婦羅嗰個，ｄ烏冬係手打烏冬好彈牙，同埋個湯底超正呀串燒＄１０串，但同款要叫兩串起，(咁即係每款＄２０喇～我哋叫左雞軟骨．豬頸肉．煙肉年糕～３款都好好味埋單＄４８５，除番４個人都係每人＄１２２～但食左好多野又好味同勁勁飽～我下次會再黎試其他野～
繼續閱讀
又到左每月一度既紀念日。今次揀左西灣河既日本料理，因為開飯既食評有12個好。7點去到未有人，鋪仔細細，價錢唔貴。 先黎蠔仔(3隻)$78及翡翠螺$38 咁袖珍既蠔，都係第一次見，味道竟然幾甜，唔錯。 枝豆$10 特別日子，叫了啤酒慶祝。$18 (做緊買二送一既優惠，算係好抵﹗) 壽司拚(6款)$98 $10客既壽司 牛肉烏冬$38，湯底好味，烏冬好滑。 晚餐既定食係$38起，個人覺得比北角京味仲抵食。比較唔方便係—只收現金。
繼續閱讀