喜喜冰室

營業中

休息中

環境一流，地點又好。裝修有舊香港的感覺。員工服務亦都保持舊香港水準，大聲講粗口，無禮貌，建議小朋友唔好去，大人都ok,食物質素一般，食物衛生情況要多注意，腸胃好先得，我腸胃麻麻食完就肚疴

話說學校前排有份功課，係要拍一條推廣香港既片，我地好快就決定左做美食主題，寓學習於娛樂係人生一大樂事👻係網上面見到呢間冰室既格局同設計幾得意，就揀左佢做其中一個拍攝場地🎬果然室外有張乒乓球檯🏓️室內又有紅色小巴座位，見小巴有位我地二話不說就坐左上去😎呢度既野食有啲都真係第一次見，夠曬有新意👏🏻野食上檯之際，當然係要相機食先，店員見到比建議我地點影，以冰室黎講服務態度都算係咁👁‍🗨 脆皮菠蘿油（7/10）💲18呢個菠蘿油烘到金黃色，都靚靚仔仔架🤭表皮尚算酥脆，但稍微易散碎，配埋大舊牛油，脂肪爆標🐷👁‍🗨 黑白多士（6.5/10）💲26黑芝麻醬配煉奶既多士，應該係比較少見啦掛😳食落都有香濃芝麻味，而且又唔會太甜，味道同創意7分😍不過睇相都應該知，個多士唔多掂頂盡6分，偏腍同韌身，同我期望中既烘多士脆底有出入👉🏻👈🏻👁‍🗨 雞批浮台（6.5/10）💲33青豆蓉湯配雞批，又係另一大膽挑戰👀食落出奇地唔會突兀，青豆蓉湯既青豆味都真係幾重，不過要預左雞批濕濕地，外皮唔會好腍，但就必定唔會好香脆，個人始終都係鍾意傳統雞批嗰種食法多啲😂👁‍🗨 出爐蛋撻（6.5/10）💲9其實個人鍾意酥皮蛋撻多一點，但係

環境:餐廳主打懷舊冰室風味, 室內室外環境都經過設計, 好有心思. 餐廳門前擺左一張乒乓波枱, 仲有幾個懷舊擺設, 未入去都有d 80年代感覺, 入到餐廳, 當然唔少得佢出名既小巴卡位, 的確整得幾靚, 都難怪咁多遊客專程黎到呢間冰室打卡.食物: 第一次黎喜喜冰室, 叫左佢個招牌黑白多士, 雞肶西炒飯同冰室必食既紅豆冰. 首先講講佢個黑白多士, 我個人認為味道一般, 唔係特別好食, 同平日茶餐廳既多士差唔多, 可能用番花生醬會好食d. 至於雞肶炒飯, 我覺得整得唔錯, 不過不失, 雞肶炸得脆口, 炒飯底亦唔錯, 茄汁味濃. 最後要講下呢間既紅豆冰, 本身見佢用刨冰整紅豆冰都有期待, 但飲完覺得味道一般, 仲有少少怪味, 可能蓮子或紅豆唔夠新鮮, 所以紅豆冰係有d 令人失望.價錢:價錢比坊間茶餐廳貴, 紅豆冰$36, 多士同炒飯$20-$50, 可能名氣既關係, 不過論餐廳設計的確有心思, 可以黎試試, 至於食物質素, 我認為要花多點心思先對得住個價錢.

What happen for that waiter? His attitudes really terrible. Looks like we kill his parents before. Bad face, bad spoken attitude and horrible put down two cup of water to us. My friend and me feel scare and very not happy. By the way, their table utensils not clean enough. Still has some rice on spoon and fork. Ah!!!

午餐時間來到百德新街搬鋪後的喜喜， 無錯環境改良左， 裝修更花心思， 食物水準滿分； 依然找到茶餐的蹤影， 但價錢更是離地， 十一點半後茶記更加收加一。隔離枱阿姐食到一肚火，幾位阿姐叫個焗豬扒飯，上菜時都俾個店員嚇親。 如果你勁鍾意懷舊， 在這裡找不到服務和人情味， 只有堆砌的裝修和不錯的炒蛋， 銅鑼灣店只此一次。

這茶餐廳配有懷舊裝修, 猶如搭緊巴士食午餐一樣. 知道佢0既叉燒意粉配多士炒蛋係最出名的, 故今日點左呢個同個每日精選午飯和蛋撻一個. 叉燒意粉配多士炒蛋份量對女仔嚟來說是非常多, 一定會食唔晒. 幸好有男同事幫手清埋. 味道幾好, 無失望. 至於個蛋撻都不過不失, 係牛油皮, 但唔夠熱. 帶位職員指示我哋兩個人坐四人卡位枱, 就行開左了. 但枱上放了個最低消費$150的牌, 令我倆都唔知應否坐下0既感覺. 最後個位職員再示指我哋坐低. 感覺應該在煩忙時段先放個最低消費牌先比較合理. 堆單收銀姐姐態度友善及風趣, 令成餐飯的感覺很輕鬆舒服.

Home sweet home, 落街第一件事梗係整返個港式茶餐嘆返杯茶。歐洲返港坐當地中午機一般比較辛苦，因為差不多想瞓覺嘅時候就係到達之時，所以每次從倫敦返港都盡量搭夜機，呢頭起飛嗰頭就瞓著，但馬德里呢類需求較少嘅航點就冇得揀只有一班中午了。在家瞓醒就揸車落銅鑼灣，去到百德新街濃濃八十年代港味情懷裝修嘅喜喜，配合埋一位年紀相若茶記樓面隨店內音樂同場獻唱劉華“絕望的笑容”和黎明“對不起我愛你”, 呢個茶餐，除咗一向都好飲嘅奶茶同招牌炒蛋多士外，亦食得特別有feel。

放工去銅鑼灣行街,搵野食既時候,路過一條好暗既橫街,發現左張好大既poster寫住"懷緬香港光輝歲月",我哋抱住好奇心行入去,見到一間冰室,門外中間有一張乒乓波枱,真係好有趣,入到去餐廳環境仲特別,見到好多香港昔日事物,每一樣都充滿著懷舊嘅味道,坐低無耐就睇有咩食,menu係一本習作簿一共有8題習作, 可以將menu design到一本習作既形式真係好特別,最後我哋揀咗常餐(包括多士,炒蛋同蕃茄牛柳粒通粉)同埋脆皮雞髀西炒飯,話咁快我嘅常餐就送到,炒蛋真係好好食,口感軟滑,蛋味香濃,通粉好大碗,而且仲有好多牛柳粒,真係好抵食,朋友嘅雞髀 炸得好脆,又唔硬又唔油,入哂味!!西炒飯炒得粒粒分明好乾身,無油膩感,而且仲好熱辣辣,真係唔錯!!呢度處於銅鑼灣比較偏僻嘅位置,環境寧靜又坐得舒服,係一間高質素冰室,下次再嚟銅鑼灣,我一定會來呢度食!!

想懷念香港的那些年，銅鑼灣名店街後巷的喜喜冰室令人帶來滿足。這些年的滿足不是從食物而來，是從冰室的氣氛和態度而來，貫徹始終的香港冰室風格。由於太早幫襯，簡單選了一份早餐，太陽蛋加西多士。水汪汪的太陽蛋黃上加點鹽，然後一淡吃入口，這種地方，這種質感，這種味道，從細到大仍然不斷回味。沙嗲牛肉汁很香甜，不過牛肉給梳打粉攪得過鬆。在冰室一定要喝一杯冰飲。老實說，冰室已不再是便宜餐廳了。甚至是貴價吃低檔食物。這裡也不平，但裝修和佈置是誠意十足，侍應的態度也很殷勤，保持著那些年的港式冰室特色。CalvinCanEat

喜喜嘅裝修係玩復古，入到去恍如置身係六七十年代，好多影相位，每次嚟到喜喜都會食喜喜三寶飯，但今次就試下佢地嘅茶餐，常餐有兩款，一款係叉燒湯意粉（可轉通粉），另一款係貴少少嘅鮮茄牛腩粒湯通粉，今次試晒兩款，先講叉燒湯意粉肉質鮮嫩，唔乾，湯底濃郁，非常好味，鮮茄牛腩粒轉咗通粉，湯底非常濃郁，酸酸甜甜味道出色，牛腩粒問得好淋，唔使3分鐘就已經請咗食碗，茶餐附上火腿䓤花炒滑蛋同埋香滑炒蛋都同樣出式，仲有個半塊厚多士都好好味，會再幫襯！

好耐無食喜喜，所以今日同男朋友去食飯就提議食喜喜🤤。第一次咁早去食，以前同男朋友黎親食都一定係九點打後。不過就算係七點幾呢啲食飯時間，喜喜都唔算好多人，都仲有好多位。如果有位揀，識坐一定係坐卡位🤣，每次都覺得自己好似坐緊小巴咁。喜喜冰室既裝修行既係懷舊風。講明先，本人對於一啲打住懷舊既旗號，但裝修新簇簇既餐廳，係會覺得好奇怪同突兀🤦🏻‍♀️。不過喜喜既裝修係有落苦功，佢地有啲真係以前既既卡式帶同poster做擺設，再加上一啲香港本地特式既擺設，我係覺得做得幾好既。係門口仲有張乒乓波檯，比人等位或者食完飯玩下👍🏻🏓。除左裝修有特色之外，連檯面既調味盤都有特別。好似菲林筒既係牙籤筒，另外佢地有真係一舊舊既方糖，我第一次見🤩。今次我嗌左乾炒牛河轉米粉（炒米粉愛好者🤣），男朋友就嗌左揚州炒飯。味道上唔算特別好食，不過炒得幾香。份量就岩岩好，夠一個人食飽肚。材料落得好足，我碟乾炒牛米有好多塊牛肉👍🏻。想提既係喜喜既員工服務態度都好好，仲記得第一次去食個陣仲請我同男朋友食蛋撻🤣。同埋係呢到可以食到好多舊式茶記既特式野食。次次黎到都想試佢地既特式野食，但兩個人一人一個碟頭飯就飽曬，根本食唔落其他野🤣。

本人平時都好少寫食評，今次忍不住要寫一寫，哩間食店服務員的態度十分差十分無禮貌，又吹你走，又黑人面，又不夠冷氣，認真不知所謂，比錢買難受，以後都不會再來光顧這家店

隱蔽在繁華銅鑼灣的一條後巷裏，這間喜喜冰室就會像一架時光機，把你帶回 90年代初的香港，令你感受當時的飲食文化和人情味。店舖內的裝飾已懷舊為主題。小至鐵盒方糖，經典廣東流行曲，去到紅色小巴的座位設計，每一個角落都能夠喚起你一些童年回憶(如果你的童年是在90年代😂)。他們的蛋撻，雞批浮台和奶茶是必試的。而我每一次來到都會點喜喜三寶飯。三寶就是蜜汁叉燒，煎蛋和一塊半吋厚的午餐肉，可以說是鐵一般的組合， 無堅不摧的味道。千奇百趣熱狗更是把熱狗直立放在不銹鋼杯內，賣相十分有意思。就這樣簡單的把一條熱狗，一條青瓜和少許沙律醬放在熱狗包內。簡單和純潔的味道，提醒大家知足，就常樂。

收工在港島區找吃的，突然想起了久違的喜喜冰室，銅鑼灣店搬遷以後都未有食過，所以便決定一來。夜晚八時左右，喜喜冰室人流很疏，所以在餐廳內幾乎是自由選位的，我被室內的小巴主題吸引了，便找個寬闊的卡位坐下。點了全日餐，是港式的all day breakfast ，很有風味，賣相不錯。很喜歡薄牛扒上配以豉油膏，厚多士上有芝士粉之類再烘，所以非常香口，球狀的是薯蓉，美中不足的是火腿薯蓉這些都是室温的，沒有熱烘烘剛做好的感覺。室外有乒乓波枱，很喜歡這句。

鬧客既伙記，啲野幾好食都冇用請叫啲伙記記住，個客叫乜都好唔好係客仲係度時評論，好難聽我次次叫鮑魚公仔麵，次次出菜前都聽到伙記講「邊個叫？幾頭？咁巴閉」我想問佢地我叫鮑魚公仔麵到底得罪佢地乜野