喜來軒 (已結業)

亦是食譚x 食悶了,故試下隔兩三間的日本食店晚上都食到$23义燒拉麵,抵! 拉麵夠彈牙,不過义燒有些不夠稔,湯亦只有普通的白湯,沒有做豬骨湯,亦好少粟米螺肉壽司兩件都只是$6,螺肉好食,亦夠多,但紫菜就偏硬

之前有一排同bf 都手緊, 而官塘價錢相宜o既地方(如譚仔) 又食到有d悶, 搵新地方時, 行o左入呢度.晚飯時段, 居然有$18 一個拉麵/烏冬, 仲都幾多款揀, 連湯底都有得揀Miso定醬油... "食送"就揀o左汁燒雞扒, 其他就梗係叫最愛的麵豉湯烏冬啦!! 開心死~當然, $18 一碗, "食送" 少係expected 的, 麵+"食送"+配料加埋夠飽就好. 雞有三四件, 而配料有日式魚蛋, 粟米, 海帶都有! 實在算係咁嘍~加多$7有o野飲... 仲係勁大杯o個隻... =_=我諗有仙x岩大杯o既size~ 個杯好似o個d beer glass o架~最正o既係, 有一次我叫草莓綠茶, 第一啖飲落去, 咦, 好似好淡咁o既~ 飲真d, 個strawberry 味好好, 應該係用鮮果汁做而唔係糖水加茶, 所以甜度近似fresh fruit, 會無咁甜!! 讚!!另外有次飲蜂蜜綠茶又係好好咪, 唔係糖水味, 而真係蜜糖味o架! 個茶都幾甘香... 加$7 大大杯仲要好味, 估你唔到!佢個店都幾乾淨, 夠光猛. 而且播收音機聽港二, 食飯時聽都唔錯o架~ Staff 唔會特別好招呼

我細細個果陣時讀小學,,,係果頭附近~我記得果陣時去食野..好平..又好食我一路都有keep住去食..由細到大~每年去幾次咁~但而家已經愈黎愈差~d服務仲好衰添~而家係果度嗌一碗叉燒拉燒,d材料愈黎愈少~味度雖然ok~但咁多年黎都冇進步過~嗌三文魚sushi 果d sushi唔係好新鮮~washibi <~~仲睇得出有d過期添~果d價錢又抵wo~閒閒地嗌埋野飲都要40~服務態度差~果d waiter 人多果陣呢~如果你嗌佢...佢會黑面~總之就差啦~不過咁既價錢..係咁既質素家喇~但我以後都唔會再去食lo!

食左個生薑豚肉飯定食,薑好少,冇薑味,D豬肉幾肥,但我接受到,個汁就真係肥過D 豬肉,層油厚到呢,食完條喉嚨好辛苦,食左一半就頂唔順.

呢度日式食品加台式飲品, 有幾十個排得密密o既座位, 中午時間坐滿一半人時你一咀我一句都幾嘈吵, 睇餐牌都唔少選擇, 下午餐有幾款定食, 不過最底食都係設定午餐, 叉燒拉麵同埋滑蛋豬扒飯。冇飯癮o既我就選拉麵再加杯蘋果紅茶, 先講碗麵, 湯是清清的, 沒多肥油浮面, 麵樣好似"入後十丙", 略硬, 牙菜, 好快淋o既紫菜同埋日式魚片都有齊, 而主料叉燒有三件, 肉質味道還可以, 雖帶不少肥肉但又唔會好膩, 杯凍飲就唔多有蘋果味, 應改作蜜糖紅茶, 大大杯又夠凍, 呢度比起工業區o既茶餐廳巳較好, 如係附近搵唔到食咩o既都好以試下。

今日係到叫外賣,好鬼多人,等左成3個字,個鰻魚炒飯都幾好味,幾大兜,不過鰻魚少左D,同埋油左D.

次次都係食呢款, 雞翼同面分開上... 另外台式飲品都有水準, 官塘區應該係得呢間有...

食過兩三次, 無乜投訴又冇乜驚喜啦.台式飲品味道幾好, 又大杯.

天婦羅拉麵都ok...有兩隻蝦,蟹柳,青椒,蕃薯,個天婦羅汁都幾好甜甜地,有d蘿蔔蓉,兩隻蝦大就幾大,但都係d粉多,蝦肉就得好細。有個肉丸拉麵d 肉丸好唔掂,咬落勁林,無肉既質感,唔掂。燒三文魚頭得好少肉......三文魚魚生都ok新鮮.....一板海膽,好細,好似B B 海膽,亦唔太新鮮。壽司拼盤就唔得喇,d 熟蝦都有d黑黑地,而壽司飯仲係熱既。珍珠奶茶d 味幾好,但d 珍珠林左d,無口感。間鋪都幾細,有時都好多人,好迫下,而且好多人食煙。

推介這個食肆的蜜糖雞翼拉麵!好入味、有蜜糖味、有少少辣、好好味!尤其2-10時段$18好抵食!其他珍珠奶茶等飲品都仙跡岩水準一樣,好飲!不過海膽就麻麻地新鮮,不過人地收60蚊,1分錢1分貨.

食物都算ok~不過main point 係抵食!2:00後拉麵18蚊碗~不過係好少位咁