喜來稀肉 (登龍街)

營業中

休息中

平日經開登龍街，第一次行入去光臨，一試難忘。本身想食韓燒，然後見呢間前菜（泡菜，沙律，醃醬菜） 同生菜無限任加，真係好吸引。七點去到都幾多人，我地點了四樣食物：牛舌$148 喜來稀肉$138石頭飯$85 豆腐湯 $80以豆腐湯味道最正，濃郁，鮮同辣都十分到位。必食推介。石頭飯牛舌喜來稀肉燒肉就睇落細細碟，其實份量真心大同好食。我點既牛舌同喜來稀肉厚薄同醃得入味，令我一試難忘。侍應做事好快手呀，會主動幫你加生菜，仲有三份前菜都係任食架。老公就好鍾意食個沙律（左上），我覺得泡菜夠辣超正（右上）。蛋蛋到尾聲就可以食得，慢火煮真滑口，一邊係泡菜蛋，一邊係芝士蛋。

話說已經有一段好長嘅時間冇去食過韓國嘅燒肉，今次難得嚟到銅鑼灣，一於同我朋友一齊食呢間咁出名嘅韓國燒肉，店舖係由韓國人處理，所以呢就會有韓國嘅侍應非常有地道嘅感覺😆✨護心肉(牛)護心肉一向都係喜來稀肉最正嘅肉，而今次都冇例外😛牛味濃烈，食完一件又想食一件，完全冇油膩嘅感覺，正！✨喜來稀肉以店名而命名嘅燒肉，唔洗諗就知道一定係必點之作。喜來稀肉經過奄製後卷成玫瑰花嘅形狀，非常有心思，外型滿分！味道都相當唔錯🤪甜甜地又夠哂大件！✨真雪花牛肉價錢最貴嘅一款，呢份雪花牛肉嘅花紋夠哂靚仔，平均分佈係牛肉上。可惜好似冇乜點醃過，味道比較偏向牛肉原味，由於本人係重口味人士所以比較中意其他兩款🤣

雖然宜家夏天好熱，但係我同幾個朋友都想去食比較熱氣的韓國菜，原本我哋係想食燒肉的，但見到比較貴，所以就選擇左熟食。我哋一行三個人點左一份泡菜湯、薯仔煎餅同抄年糕一齊share食。我哋三個男人平時都大食，但估唔到喜來稀肉的份量都幾大，食完都十分飽。我最欣賞個薯仔煎餅，首先佢真係煎得好香，但又唔會落得太多油。其次，佢的薯仔好足料，咬落去啖啖薯肉，非常滋味。泡菜湯都唔錯，以我食得辣來講，都覺得有料到。相對遜色的係個抄年糕，唔算好入味，口感亦普遍。

有個唔食牛嘅朋友突然約食燒肉，我第一時間就諗到喜來稀肉，因為佢哋嘅豬絕對唔會比牛差。今次我哋就要左呢個壹頭豬套餐，可愛嘅豬型木碟上面，放咗五款肉，包括脂肪分布平均嘅豬頸肉，必食嘅五花肉，原塊燒到差唔多熟嘅時候再用鉸剪剪開小塊，令佢更加香脆，仲有助燒走啲多餘嘅油脂咖。然後係韓燒必食，煙煙韌韌嘅豬皮，同樣係原塊燒完之後剪成細細條，口感會更加好。燒完既豬腸外脆內軟。最後仲有呢度必食嘅護心肉，就算燒到過晒龍都仲係好淋，豬肉味有夠濃，真係真係必點！哎呀唔記得咗呢個set仲有一大塊梅肉，佢就係好似一塊薄身豬扒咁，食落都好淋咖。所以其實食晒成個餐，加埋前菜，任refill既包肉生菜，仲有泡菜同芝士爐邊蛋，2個人真係好夠食！

喜來稀肉其實係好多地方都有，都食過好多次，我覺得係香港連鎖韓式燒肉店鋪比較好食既一間。黎自助燒肉店既樂趣就係可以自己燒，好玩又好食。而且所有前菜都可以任添，個人最中意鍋邊既蛋，燒到中間呈流心既狀態就最好食啦。2個人食其實燒肉叫2款都已經夠，今次叫左牛護心同真雪花牛肉。呢2款都係無咩點調味既，可以真真正正食到牛肉既味道。另外仲叫左個水冷麵，夏天食一流。尤其食完燒肉熱辣辣既時候食就仲正！價錢相宜，非常適合一班朋友黎食。

因為疫情關係無得去韓國,太掛住韓國既燒肉.所以今日lunch都唔放過要去食返轉韓國嘢.喜來稀肉一向都非常盛名,肉質一向唔差,單單泡菜都非常好味.其實lunch黎講都唔貴.仲會有D前菜食.加上份量都大份.因為最近真係太熱,揀咗食烤肉拌水冷麵.冷都超級滑溜.加上好冰涼,好啱呢D天氣食.肉質都OK,如果份量可以再多D會更好,HAHA.但其實好多麵量,所以一定會飽,而且lunch唔算多人,唔駛等位,加上坐得都舒服.如果大家都掛住韓國嘢就一定要試下喇.

我真係好鐘意食韓式燒烤，因為本人十分之鐘意食肉，呢間超級地道就連職員都係韓國人嘅韓燒店，肉類都超新鮮，質素好好，環境衛生無問題，仲會見到我地爐底煎到好黑就自動幫我地換個新嘅今次試吓肉眼扒，冷麵，仲有當然唔少得嘅五花腩。酸瓜、生菜、泡菜做開胃菜😙芝士爐邊蛋、泡菜爐邊蛋是必備的肉類唔會切得好厚，每邊煎2分鐘都就食得。生菜做底，少少白飯，泡菜，一塊肉再加埋蒜頭同醬料咁炎熱嘅天氣下，加上熱辣辣嘅韓燒，再食一啖冷麵，絕配！今次仲叫埋啤酒🍻，最啱係食熱氣野嗰陣時飲，清下熱氣！

十分韓式嘅裝修風格，木櫈木枱，仲要係韓國人開，價錢親民，完全覺得自己身處係韓國。我地一行兩個人，叫左4樣野，五花腩係必點嘅，仲叫咗牛舌，超人氣嘅石鍋拌飯同海鮮蔥餅。前菜有好夠辣嘅泡茶，生菜沙律，酸瓜，生菜任添。爐面有一舊肥豬肉代替食用油，個人覺得煎出黎嘅肉更加香添。牛舌切得好夠薄，每邊煎10秒已經食得，五花腩就煎耐少少，配上生菜同餐廳提供嘅辣醬加蒜頭，簡直絕配。食左一陣，爐邊蛋就差唔多熟，有芝士味同泡菜味，夾埋同肉一齊食仲正。至於個石鍋拌飯好夠熱，底下仲有金黃飯焦，飯食唔哂仲可以配埋肉一齊食。

看完韓劇，韓國癮起，特別想吃燒肉烤，也很久沒有跟朋友聚會，這晚約了朋友過來吃韓燒吧，滿足一下慾望。沒有點很多肉類，因為朋友不太吃牛肉，所以點了雞肉及魷魚。而且這家餐廳有環邊的烤蛋爐，終於一試在爐邊烤蛋的體驗，韓國人流行的吃法，在燒烤爐兩側烤蛋，烤爐發放熱力，並讓餘溫慢慢烤熟蛋漿。不過蛋漿倒是要待很久才熟透，所以吃烤肉的中途，才開始吃蛋。蛋漿一邊加入泡菜碎，另一邊則加入芝士粒。吃完還可以追加，爐邊蛋質感像蒸蛋，蛋味偏淡，蛋皮帶點脆口。泡菜那邊的讓蛋加添味道，而配合芝士吃更能凝固蛋汁，做到微微拉絲效果，令蛋更有口感，個人較喜歡這款。除了烤肉外，還有其他韓式料理供應，我們還點了一份小食，海鮮蔥餅。餅皮較為乾且韌，蘸點醬汁會較濕潤，如果入面加多點蔥，更惹味。

朋友約食飯，建議食韓國燒烤，朋友上OpenRice搵下有乜好介紹，最後我哋決定去銅鑼灣一間韓國燒肉店叫「喜來稀肉」；由於餐廳用餐時限係1.5小時、我哋盡量等齊人才入去餐廳我哋一行4個人，叫咗：1️⃣ 壹頭豬 (護心肉、五花肉、豬頸肉、韓式烤豬大腸、韓式烤豬皮、梅肉) $4202️⃣ 喜來烤肉 (180g) $1383️⃣ 牛護心肉 (150g) $1504️⃣ 石鍋拌飯 $85泡菜爐邊蛋 及 芝士爐邊蛋 可以添加任食；壹頭豬可以讓客人一次過嘗試不同部位，這個idea幾好；喜來烤肉由薄片捲成一朵花的形狀，賣相相當吸引；牛護心肉味道唔錯，肉質又鮮嫩；最後梗係要食埋個石鍋拌飯整體來講，食物質素相當唔錯，唯一要改善嘅地方係「冷氣唔係好夠」價格💰：$872 ($793 + 服務費$79.3)味道😋：唔錯

韓燒還是要韓燒，漢陽苑呀。。。韓舍都吃過了。。。我其實對韓燒不太大感興趣，是真的。每次吃都覺得很肥膩，這次既然要韓燒，就選間不錯的吧！喜來稀肉！護心肉當真，就是要來吃這間元祖，不二之選，還是要決定Encore "韓店小二 來多一碟😍"。護心肉既口感認真不得了。另外點了的五花肉跟喜來烤肉也好評😎韓啤日啤？還是要選日啤。。是我的最愛。韓啤太苦了吧😉。。除了滿足和享受，我是愛上了吃韓燒了吧。一定會再來的，超好吃的護心肉。

上次食喜來稀肉都吾記得系幾耐之前嘅事，自己本身都食過兩次喇，一次系同朋友食，一次系同男朋友食，同男朋友食戈次兩個人食咗千幾蚊😂真心好痴線！近排限聚令終於放寬番喇，之前好多人都吾敢食嘅自助餐、火鍋、韓燒等等嘅野食總算多番人食。位置系登龍街，即系 Time Square 後面，都算易去呀。一入到去就見到一個bar嘅area，仲記得第一次黎到戈陣，心諗：吓？一個客都冇？！😰🤯 後尾先知原來系要喺隔離行樓梯上去。燒肉主要分為豬肉同埋牛肉，價錢都系意料之內嘅範圍，多數都系以150g~200g嘅重量計算，百幾蚊都算正常。另外仲有燒肉套餐同埋各款飯麵，燒肉套餐一份就有曬好多款牛肉同埋豬肉，啱曬有選擇困難症嘅人，吾洗逐款逐款揀。好耐冇食泡菜喇，喺香港嘅韓國餐廳黎講，多數都會用黎做前菜。吾知點解今次會想推介一吓佢嘅泡菜，食落口真系幾辣🥵不過咁先系正宗嘅泡菜，仲要有少少酸酸哋嘅味道，會令人覺得開胃。分別叫咗兩份肉，一份系喜來烤肉，一份系護心肉。喜來烤肉系牛肉，先吾好講佢其他野，包到成朵玫瑰咁真系幾靚喜來烤肉嘅厚度系偏薄，所以擺喺個爐上面燒好快就會熟，我諗幾秒就可以，呢樣野要注意吓。不過講開又講，以肉嘅厚度

繼之前吃了和牛後，對燒肉念念不忘😍今日趁著早放工，便約朋友吃晚飯敘舊😆-喜來稀肉一直是朋友的愛店，貪它位置就腳，而且韓式食物味道正宗，他還說特別喜歡前菜，必試！-1. 壹頭牛 $520大家都是牛魔王，當然要食餐全牛宴滿足一下！剛好看到這個二人套餐，提供五款不同的牛肉菜式，什麼都有，就毫不猶豫點了🤤-生肉以牛隻模樣木盤盛上，特別趣緻！五種肉有喜來烤肉、牛五花、特級牛頸、牛肋骨肉及調味牛排骨，各有特色。最愛的是捲成玫瑰花型的「喜來稀肉」，簡單經醬油調味，肉味特濃；朋友則喜歡牛五花，質感似腩肉，吃起來油脂香重😋-爐邊蛋有芝士及泡菜口味，配料則有泡菜、辣雜菜及醃酸瓜，還附一籃生菜，按傳統吃法，用生菜包上飯、肉、蒜頭及配菜，味道配合得剛好之餘，更是完全不膩，最推介辣雜菜，甜甜辣辣又特別爽脆，口感味道滿分😋👍🏻

韓式燒肉係香港人熱愛嘅菜式之一，今次嚟到銅鑼灣呢一間韓式燒肉店品嚐一下佢哋嘅美食。小編同女朋友order左護心肉、喜來稀肉、泡菜餅同埋韓式石鍋飯，韓式燒肉不嬲係呢間燒肉店嘅主打，佢哋提供嘅牛肉同豬肉亦都相當高質，每一件肉都相當新鮮，相當美味。至於泡菜餅同埋韓式石鍋飯亦都烹調得10分出色，尤其是韓式石鍋飯配埋秘製嘅醬汁，每一啖飯都充滿質感同埋味道，而泡菜餅方面，小編建議唔點醬汁，因為咁樣先至可以試到佢哋嘅原汁原味，大家不妨一試。

家中有個好鐘意食韓燒既姐姐，問親佢想食咩，佢都話想食韓燒。今日我都想燒一燒，就搵埋姐姐去食下。姐姐帶我食正韓燒喜來稀肉。坐底後枱面既燒鍋已經準備就緒，鍋頂的嚿肥豬肉，鍋邊既蒜片、一格kim chee加蛋漿，另一格芝士加蛋漿，全部都令我既肚咕咕聲。仲有3碟前菜，泡菜，腌青瓜，椰菜花絲，泡菜我最鐘意食。枱面仲烤肉必備數款醬汁，包括韓式辣醬，豆辦醬和海鹽，仲有韓燒不可缺既新鮮生菜。掛住食，有兩款牛都唔記得影相添，食到呢款喜來烤肉先記得。成朵玫塊既牛肉，又靚，肉質鮮嫩。無限添既蛋蛋再食多個石鍋拌飯，真係享受，難怪姐姐成日都話食韓燒。