影片
喜樂雞蛋仔係近年慈雲山新開嘅小食店，上次食過一次覺得好好味，加上係屋企附近，所以咁快又第二次幫襯。今次外賣左一底朱古力味雞蛋仔、原味格仔餅同埋炸魚蛋返屋企食。………………………………………………朱古力味雞蛋仔 ⭐️⭐️⭐️⭐️今次雞蛋仔就無上次咁熱辣辣，但係都仲外脆內軟，不過朱古力味都係唔太突出，如果可以放啲朱古力粒落去就更加好啦。原味格仔餅⭐️⭐️⭐️⭐️格仔餅就熱辣辣，應該係收到order 就即做嘅，口感好軟，都算唔錯，不過我偏好食落要有啲咬口，外層要少少鬆脆。奶醬之中練奶比例比較重，花生醬味就略為唔夠。炸魚蛋⭐️⭐️⭐️⭐️⭐️炸魚蛋有意外驚喜，幾彈牙，有魚味。………………………………………………作為黃大仙街坊，難得附近有好味嘅地區小店，一定要多啲幫襯。
繼續閱讀