喀什米爾咖哩屋

營業中

休息中

查實沒來過，本身這一中次來深水埗都沒有計劃要吃什麼，但有時候，晚上出到來，又再次吃車仔麵，好像挺悶蛋，於是竟然打叠吃了咖喱👳🏾‍♂️👳🏾‍♀️咖哩牛腩，縱使這個好像家用飯碗🍚一般，盛着細細碗的咖喱，牛腩看似都只有三四件，但是色水看起上嚟較深，不像上次在佐敦亞龍咖喱吃過那種有很多洋蔥粒在內的咖喱。幾件牛腩質地，不會太過老，有一兩件牛腩，大件得來，上邊又有皮，香得來又可口，而且不會太過瘦或是痴牙，即使是煮較久的咖喱的牛腩，亦都不見得太老，相當精彩。這種咖喱，有香料在內，可以見到椒粒，但又不會吃到太多洋蔥，亦都不見到香葉，比較杰身的咖喱，用薄薄的餅去沾咖喱汁來吃，味道相當好。咖哩雞相對起咖喱牛腩，味道好像多了一層酸味，這種酸味就像是番茄的味道，想不到，咖喱雞反而呢咖喱牛腩多了一層酸味。雞肉，肉質就比較普通，雖然內裏的雞肉還算給了一點咖喱味，但是翻開雞肉，還是有少許雞肉是白色的，沒有給到什麼咖喱汁醬。芝士naan，反而比起即食的那種普通餅來得快，相信是師傅在廚房內經過炮製而製成。但是，想不到，原來芝士的含量相當少，反而，這款芝士naan，令我想起它像是OK便利店那些的薄餅底一般。麵粉的味道還算香，

到深水埗必往北河街食豆腐花和煎豆腐，今日稍為肚餓，每次路過這咖哩屋都沒留意有印度師傅在整餅，可能是肚餓關係，好香，看進去有兩張長枱座滿人，入啲有雙人枱，有位姐姐出來招呼，熱誠有禮，我倆人唔知點叫，就點咖哩羊、咖哩雞、烤餅、咖哩角，姐姐話:不如咖哩羊套餐有兩塊烤餅抵食啲，要埋咖哩角先唔夠才要咖哩雞吧！我要求不要太辣，她說我們可以接受的，並介紹我們飲芒果汁和奶茶;芒果汁非常好飲，先來咖哩角，好大隻，不是平時食開用春卷皮炸的，饀料是咖哩薯蓉味道適中不濃不淡帶出香料味，食咗一隻已半飽，咖哩羊有四大嚿，是近羊膝很淋滑，加埋烤餅已飽得很，合共$105, 二人平均五十幾元就享受到特色美食。

耐唔耐咖哩引又會返黎，就好似耐唔史想食拉麵，又想過對面海食蛋包飯咁。bookmark左呢間印度餐廳差唔多一年，一直未有機會過SSP，期間有食過第二啲印度野，有一間係對面海，pulao rice好好食。言歸正傳，今次終於都試到同事話好食既呢間印度菜，今次叫左波菜雞咖哩chicken sagwala,靚過佢餐牌張相。可以配paratha薄餅或者白飯。薄餅好煙刃。個人都係鍾情食butter chicken。呢間喀什米爾咖哩屋仲有另一間分點係SSP。自己覺得食印度菜都係多啲人一齊開心啲，可以叫多幾樣唔同既share食。

兒時住响深水埗唐樓，對於呢個地方總有少少情意結，久唔久就想去食吓豆腐花，行吓黃金商場。喀什咖哩就响平日食開嘅荳品店附近，平日自己一個人嘅話就一定買份咖哩牛肉薄餅邊行邊食！二人以上就入去食豐富嘅印度餐。位於深水埗嘅食肆有個特色，就係份量比坊間多少少。一般午餐份量一定夠飽！喀什嘅午餐有咖哩牛腩，咖哩免治牛肉，咖哩免治羊肉三款，配白飯或者2塊酥油餅，價錢都係$4X。咖哩底用上多種香辛料配搭而成，辣味唔會太重，但味道濃郁層次豐富，口感順喉，無論配白飯或者酥油餅都係絕配！肉類方面，牛腩，免治羊肉就最受歡迎，牛腩炆得軟爛入口即化唔黏牙，羊肉味濃滿口羊肉騷香烤雞又係另一皇牌推介，雞肉用香料，乳酪醃得入味，肉嫰多汁，係我每次必點嘅！酥油餅層次分明，香脆得嚟又煙煙韌韌，每份都即叫即煎，次次都熱辣辣，甜食鹹食都得！食物方面就超水準，唯獨衛生就要改善一下

今日同同事去開深水埗做野，路過這間印度餐廳，便走入去試試。餐牌上都有相當多的款式選擇，例如印度咖哩、抄飯、土耳其卷等，但我個人覺得第一次食的話，最應該試的始終係印度咖哩（最出名的印度菜嘛），所以我點了咖哩羊肉，同事則點了馬薩拉咖哩秋葵，個餐有飯同印度薄餅選擇，我們都不約而同點了薄餅。先講講我的咖哩羊肉，味道唔算好濃，但都夠辣的，同堆羊肉都幾大件下，雖然唔算好多件。至於同事份秋葵都幾特別，唔多汁，但相當入味，你問我的話其實係比我份羊肉更好味。不過間餐廳最特別的位係個薄餅的甜度，同其他印度餐廳比再甜少少，個味道係有趣的，同埋相當大份。

突然好想食印度菜，哩間算係唔錯既選擇，價錢便宜，食物質素又唔差，叫左咖喱牛肉飯，飯粒係長d，食落其實同傳統食開果d冇咩分別，反而個咖喱好正，我覺得唔算辣，唔知係咪調配過，伴飯食真係一流。

呢間食就食得多，終於的起心肝出食評，地點就位於深水?北河街，喀什米爾咖喱屋。深水?食店價錢相當比其他市區便宜！但不失水準，所以決定幫佢地出番篇食評。地點唔難搵，就係正坤記斜對面，入到去已經見到兩位印度廚師，再外加一位香港本地既人。坐底之後都發現地點乾淨，只係發現我個個位有少少冷氣機滴水，不過唔緊要，野食食主要，由於五臟腑不停拍門。所以就冇考慮太多叫埋平時食開既野，加上今次帶埋女朋友去。都唔想佢餓親～落單既時候都發生少少有趣既事，個廚師見到我地舉手，佢眼神就示意比我地知道有人會幫我地。之後佢大叫番個位本地既侍應姐姐番黎幫我地落單，但係個姐姐可能聽唔到，同其他南亞裔既朋友傾計。情面都幾好笑，等左一陣佢番黎就幫我地。三兩下就幫我寫好個落單紙。牛肉咖哩角　呢個食足我好幾年，次次黎一定叫。入面有薯仔肉，咖哩牛肉餡料。空氣成份少！整個咖哩角都比餡料包住。味道唔太辣，加上整個咖哩角熱度十足，怕熱既朋友就要等一等，一陣辣到個嘴就唔好啦～咖哩羊肉配印度炒飯　炒飯帶有黃薑，葵花籽同埋一堆我唔太認識既香味，總之好香！令人垂涎三尺～咖哩羊肉唔太覺得有膻味。而且味道都準都維持非常好，唯獨份量夠多。份量多番少少就

我都幾鐘意食中東野，見到由當地人主理，就真係要同老佛爺試試佢。舖面門口長期放有好多箱巴基斯坦芒果，好大好肥美，一箱6至7個，為起15元左右一個，算幾底。店內吾算冷清，但吾會話爆，可能本地客見是外籍樓面，吾敢入去，其實待應哥哥幾nice, 仲識講廣東話架😂，野食還不錯。我們先點了，两隻羊肉咖哩角，餡料多，但冇咩肉汁，比較乾身，一般。再來點了咖喱秋葵，係套餐來的，可配白飯和薄餅類，我配了油酥餅。咖喱好醒胃，配油酥餅食，好味。再來是咖哩牛肉配炒飯，牛肉煮得好夠味，咖喱有辣勁，夠晒野味，用油酥餅沾汁吃，超正。炒飯用修修長長印度米，煙煙韌韌。飲品要了芒果酸乳和香蕉酸乳，真係好有果香，酸酸地，正好減減咖喱辣度，可惜它沒有加雪，吾夠冰凍，吾係就一流。埋單206元，人均100元。p.s.: 今次忘了影單，吾知係米計多了錢，該190左右，算吧！可能我睇錯，整體ok 的。

今日口痕想食烤餅，就揾下附近有冇賣烤餅既餐廳。一揾之下，就發現到呢間印度餐廳，由印度人主理，主打咖喱，炒飯同烤餅🙌🏻-店員識聽識講廣東話，完全唔需要擔心溝通問題。當時都幾多人排隊嗌外賣，我排隊排左5分鐘左右。我嗌左薯仔咖喱🍛配普通烤餅。咖哩汁份量慷慨，質地較稀身，味道香濃，但又唔會太辣，可以接受。個人覺得味道普通，食落有啲油膩，唔太啱我口味🙅🏻‍♀️薯仔幾入味，唔會太硬，可以接受！比起咖哩，個人更鐘情於烤餅，熱辣辣幾好食。原來呢間餐廳有各式各樣嘅烤餅，我決定下次要試埋香蕉烤餅，仲有炒飯都應該相當唔錯！

叫左個CURRY FISH SET, 配的是油酥餅CURRY FISH都幾大兜, 入面好`多舊魚, 但咸左D, CURRY 汁香, 但一D都唔辣 (明GE, 已經LOCALISED 哂)油酥餅好多, 應該是3大塊切開, 抵食。我唔食油酥餅,所以叫多塊NAAN, 有麵粉香, 面頭仲烤到有D 脆脆地`, 如果面頭唔茶咁多油更好。

上次吃過之後，一直心癢癢，今天終於鼓起勇氣，又再來試試，首先今次的店舖比長沙灣道的大，較闊落，比較好坐，而今次我點的是「菠菜咖哩雞」跟飯加凍的印度奶茶！菠菜咖哩其實不辣，只是淸淡，而印度奶茶比港式的奶茶淡，但我反而喜歡，因為不太甜！這些小店一般人情味濃厚，老闆娘也比較熱情，而店家內其他顧客也少中國人，一般都是南亞人，不過老闆和職員也會懂得說廣東話的，所以不用擔心，有任何問題都可以提出，我下次希望可以再到此店試試其他菜色！

這天週末跟太座落街食午飯已經是3點半過咗D, 本來想去附近的"一京"試下係咪同食評講的咁出色, 但這店原來會落場的, 剛好3點半開始落場, 無計之下見旁邊有間都算係未食過嘅印度人開嘅咖哩店, Why not try it? 店內亦有兩個中國人的待應嘅, 而門口同廚師都有印籍員工, 所以佢地亦有唔少鄉里入來幫襯, 這冶老闆好識做生意, 門口放有專門做外賣的食物, 因為店位置在北河街街市排檔旁, 來這附近買開東西的街坊順便買些小食上樓係好自然亦合乎羅輯, 在我們坐的期間所見, 外賣生意幾好, 十多個的決漢堡飽到我們走的時候只剩兩個, 我們叫咗Mangp Lassi$20 已經是比較貴的芒果乳酪飲料, 大致上做到了,但芒果可以再落多d的話會更美味! 另外我自己叫咗印度奶茶(熱)$8呢個價位好多地區都做唔到啦, 咖哩羊的味道相當傳統, 套餐配簿餅兩件 $60, 羊肉切中件質感有硬有淋, 沒有太騷羊味, 反而簿餅要講下, 雖然這店門口有個印巴籍師傅即做油酥簿餅, 但可能師傅呢家野,功力有高低, 呢兩件簿餅酥鬆唔起變成有少少似我們的武大郎燒餅口感!! 那種一層層的層次感出不了, 還有唔知係節儉用料

其實以正常的情況來說 , 通常午餐我是吃 南亞 食品為主的 .... 多數食 印度 式的 ( 因為我多印度客戶 ) , 但就比較少食清真的 .... 不過當日就到了這家位於 深水埗 - 北河街 的喀什米爾咖哩屋 , 吃個午餐 ~略略講一講 , 這家 客什米爾咖哩屋 是我的新客戶 , 咖哩屋的 "幕後老闆" 當然知道我是誰 , 但店內的職員並不知道 , 所以我都是正常付款的 , 而且真正可以試得出 , 究競他們有沒有好好的去運用和處理我公司的貨 ~ 咖哩牛腩飯 : 這是最最最普通不過的 , 家常式的 清真咖哩牛腩 , 也是他們的基本功所在 .... 端上桌時 , 新鮮香料的香氣撲鼻而來 , 咖哩汁的質地濃稠 , 那種富層次感又複雜的香料味道 , 為味蕾蒂造出無限刺激 , 這證明了他們使用了上乘的香料來烹調 , 牛腩煮得入味而且肉質軟綿 , 整體上的味道都好 balance, 味道雖然未算得上是有驚喜 , 但就合格有餘 , 算是好吃 ~本篇完 ~

今日一早就同屋企人過黎食午餐，入到去都已經幾多人，我地叫咗一杯巴基斯坦芒果汁，一杯芒果乳酸，好好飲！味道好濃好香好正！食物就叫咗一客咖哩牛肉角，真係好足料，好大隻，熱辣辣，好好味！仲有，咖哩牛腩好入味，又夠冧！d汁用唒黎撈飯&烤薯仔餅！之前有同朋友食過一次，係佢地介紹我黎食，因為試過覺得好味，所以就帶屋企人過黎試下，今次再返黎，味道仲keep得好好！而且店員都識講廣東話架！出面仲有一支支嘅芒果汁賣我會再返黎試其他食物！等我！

朋友介紹我嚐試此店，點了印度咖喱炒飯和印度奶茶。個人很少吃印度風味的食品，嚐過後感到咖喱炒飯十分香惹，辣味比我平時嚐的更辣，但是是很有風味和香惹的味道。另外的就是印度奶茶，應該是用了印度香料特製的奶茶味道，清新而香口，是美味特色之作。朋友的確介紹了好吃之選，值得嚐試。