唯一麵家

營業中

休息中

二日前經過唯一門口,俾佢門口d煎鍋貼味吸引,之後買一個北京餡餅食,一食之下發覺好正,個餅皮煎得金黃色,皮薄餡多and韭菜好香,不過d油就多左d,不過$6都算係咁,總體上到唔錯

路經此地，買了枚「北京餡餅」（$6）。趕時間，邊走邊吃。材料比想像中多，亦無想像中油膩，味道比想像中好。餅身不算油膩，皮算薄。餡料頗多，韭菜香噴噴，肉碎濕度適中，挺juicy 。唯味精略重，吃半枚巳經開始口渴。以此價錢，能吃到這麼皮薄餡多的餡餅，都算係咁啦！吃三分二枚巳經覺得飽肚！

十幾二十年前o係荃灣區讀書,經常經過唯一,每次都俾佢門口陣陣既煎餡餅同煎鍋貼香味吸引著,亦幫襯唔少.後來搬離呢區後,都冇再食過.尋日路過,又見到呢間鋪,煎野既香味好似冇左(通風好左?),即管再試.叫左酸辣麵加煎鍋貼.酸辣麵個湯都ok,但麵身實在太淋,唔係好得.煎鍋貼不復當年勇,只覺得太乾身冇汁,味道同以往差一截.如果冇再幫襯,佢o係我心目中一路都係好好味.

同幾個朋友去食其中三人叫粗炒兩個先黎色水好深，而且食落勁鹹!係鹹到苦果隻!我出名食野食得味濃都覺得頂唔順後黎果個色水就好淡據食果位朋友講味道好淡......又嗌左幾杯豆漿我覺得好似係行貨開出黎既......其中一杯入面仲有人發現有條綠色有環狀紋既野......

叫o左個餃子面, 面底，加$5.再叫個鍋貼不過餃子同鍋貼既分別係煮同煎~~結果我就食o左好多唔同煮法既dumplings 啦.佢既面有別於其他，有d 魚鬆. 幾惹味.

都ok大o下, 不過好油, 感覺唔太好。個皮軟熟, 而且唔厚, 豆沙餡唔係我like o個type, 量都唔少, $ 6一個都食得過, 不過我唔會再buy lu ~

煎餃味道十分好，煎得金黃色，不會太多油，$6 三個好抵。豬扒麵就一般，可能我自己不太喜歡雪菜，個湯又淡左少少。

之前同朋友買完聖誕禮物,經過門口,朋友外賣餃子($6/三隻),我買左個餡餅($6/個)。雖然個餡餅唔係新鮮出爐,但依然熱辣辣,面積約一個漢堡包包面面積,加上皮薄多餡,有別於一般街外皮厚餡少,作為男仔而言,食一個都有少飽肚既感覺。建議熱食,當時塊皮都重鬆化,估計凍左塊皮會硬。*註: 因為外賣,環境,服務,乾淨比唔到分(用番3分算)

好耐無試過佢地既出品，叫左碗淨水餃食下，水餃皮比已往厚左好多，我只好放棄D皮，而D肉重係甘好味，但係我覺得一碗有10隻太多，一個女仔未必食得晒，另外重叫左個豆沙煱餅同朋友share，問題同出一處，皮邊太厚喇!

今日去食,唔係話好好食,普普通通啦塊豬扒都幾大塊o既,麵都幾彈牙...$23 一碗...

我上年暑假0係唯一麵家樓上返工~差不多日日中午都落去食麵! 雖然間鋪頭好細~ 但可能我午飯時間早~都唔算太多人! 呢度d 豬扒真係好脆好大塊呀~ 唔想d 豬扒浸"淋"可以叫阿姐分開上碟! 我鍾意叫水餃豬扒粉絲~有時唔想食咁飽就會叫豆卜粉絲...d 豆卜裡面有少少瘦肉~ 好食!我無論要咩配料都一定會轉粉絲~因為我覺得粉絲吸埋d湯同辣椒油會好入味...我仲會叫阿姐走青走冬菜.另外呢度0既蔥油餅同北京餡餅都好好食~ 只不過係六蚊件!抵! 喵...我好掛住唯一呀!!

荃灣o既唯一麵家好就腳，不過舖位好細，坐得唔係咁舒適。沙田o個間o既舖位就大好多，比荃灣坐得舒服o的...我男朋友就至鍾意食骨打麵，佢o地o既雲吞同水餃都大大隻，o的餡都幾豐富，但係我覺得o的皮略厚...碗麵好大碗，小o的胃口都食唔哂！至於o個度o的小食熱辣辣，都幾好味，不過就略嫌油o左o的！

星期日都要開工，約左在荃灣地鐵站等，早左到，在附近搵早餐食。喜見呢度都有間唯一，以為又可以食到鹹豆漿。坐低至知原來呢度無鹹豆漿供應，只有凍或熱的甜豆漿，其他麵食反而有幾多選擇。吃了北京餡餅及蔥油餅，餡餅剛剛煎起熱辣辣好好食，餡有肉同韮菜，咬落又有肉汁，雖然係油左少少，但六蚊個真抵食；蔥油餅都唔錯，但比起肉汁豐富的餡餅是單調些少；又叫了個豆沙餅，豆沙餡唔太甜，又係六蚊個，水準之作。連埋杯豆漿，食到好飽都係廿零蚊，連下晝果餐都可以唔使食。

我都有食過荃灣呢間, 唔知點解好多人等位, 都唔錯0既. 而家間唔中都會同男朋友食下沙田0個間. 佢d麵幾好食, 不過都幾鬼大碗, 好辛苦至可以攪掂晒. 我個人覺得酸辣湯雲吞麵好食, 但係要幼麵喎. 我食過佢d粗麵唔係好林. 酸辣湯夠味, 又多料. 雲吞d餡好多, 皮就厚左小小. 另一最愛係排骨菜飯, 我係勁鍾意食菜飯, 唯一d菜飯做得好好, d飯唔太爛, 而且菜好多, 唔油. 仲有好多排骨. 不過唔係全日供應, 上午11時後至有. 反而佢d餅就麻麻, d皮好厚, 好怕咁樣. 十零蚊碗麵, 算係咁啦.

個日去左食個酸辣湯麵同飲左豆漿,點不知到左唔夠兩個鍾就痾同我一齊食既小海豚都中左招......大家就咁入左醫院.....(一定係因為個日除左吉野家同佢就無食過其他野,而吉野家既朋友就無事)大家小心d啦!