唐 (已結業)

兩個星期前我已預訂了位跟好朋友在這裏慶祝生日，訂位時才知道星期六分兩輪時間，於是就訂了六至八的時段。點知，朋友記錯訂了六點半，仲要在將軍澳駕車出發，一路上仲要不斷塞車，千辛萬苦終於七點十分來到。原本侍應說最遲八點半要還枱，點知朋友坐下來一陣後，侍應居然提議我地調去其他位置坐，甘我地就可以坐耐些了。餐廳真係好貼心啊！我真係諗都無諗過可以甘架！係等朋友黎個個幾鐘，我叫了杯Baby Osmanthus飲下先，我要少甜少冰，味道都OK。之後再叫左個意大利蕃茄水牛芝士配雞心豆多士。蕃茄都好味，加上黑醋剛剛好，再配埋水牛芝士一齊食都幾得意。朋友到左後我地再叫左菠菜蝦湯，香草焗青口同燒牛肉意大利風腸配扁意粉香草醬。菠菜蝦湯有一隻蝦，湯有很濃的蝦味，不過就無乜菠菜味了。青口我地要了中的，兩大一小的我地真係好夠多，我食左好多。青口肉很滑，細細隻甘，味道佳。至於意粉，份量都夠，有三塊牛肉，肉不算好淋，但都幾好。意粉有香草味，幾好食，麵條軟硬適中。由於今次係幫朋友慶祝生日，所以我訂位時已訂了甜品，加一個牌寫生日快樂。點知，原來加20元唔單只有一個牌，還有蠟燭，仲有人在我地枱前唱生日歌，同埋有一張即影即有相片

點解會話隱世？Venus家住新界多年都唔知原來有咁靚既餐廳，仲要佔地5000呎，除咗睇得之外，食物質素都非常高，好朋友平日經常光顧該餐廳，果然無介紹錯^^ 「唐」座落於元朗唐人新村，佔地5000呎。「唐」的設計意念源自歐美漁人碼頭。海鮮市場內的海產是採用世界各地最時令的種類，每日新觧空運到港。 門口位有巨型餐牌及搶眼招牌，一定唔會擔心去錯地方 餐廳範圍內可供泊車，當晚有不少家庭駕車前往 餐廳門口位有呃like 佈置 必影南瓜車～俘虜大人小朋友 另一必影點～花草佈景(Venus無帶相機，太黑影唔到靚相) Reception 旁邊有嘉年華特色指示牌 「唐」座落於元朗唐人新村，佔地5000呎。有露天及室內用膳地方可供選擇 Venus會推介露天用膳，氣氛熱鬧，加上店內有專人即燒BBQ菜式點選，陣陣BBQ香味，未食都流定口水 BBQ 區 多款不同肉類選擇 歐美漁人碼頭設計意念，讓客人可以體驗傳統漁港風情，以供應最新鮮食材為本。 當日Venus同朋友係室內晚餐，環境較寧靜浪漫。朋友一致認同下次會選擇露天感受熱鬧氣氛 開飯la~~~ 海鮮拼盤(細) $8xx 食材新鮮

最近都好多老友生日.....而今晚呢個生日嘅主角....係我哋認識10年嘅同學....加上佢將會係外地工作都唔知道幾時先返香港....所以今晚柴娃娃帶佢食餐好嘅要飲飽食醉過一個開心快樂難忘嘅晚上希望帶比佢一個美好嘅回憶呢間餐廳想試好耐不過知道價錢都有返咁上下呢間餐廳位於元朗唐人新村....環境清幽典雅大人細路來都會好開心因為佢有戶外嘅枱燈就算細路仔黎活動空間都好充足而且更加可以俾你感受下大自然嘅氣息我哋頭盤叫咗個生蠔黎到真係相當吸引....而且好新鮮我自己一個人都食咗四隻再嚟一個芝士pizza個Pizza啲芝士起絲架食到人舔舔脷呢塊牛肉嘅肉汁都恰到好處尤其是佢哋自家製嘅特龍醬汁試過令你一試難忘最後我哋叫咗一個甜品代替生日蛋糕點起蠟燭我哋就成班人唱起生日歌啦 happy birthday to uhappy birthday to you 今晚我哋join左會員仲有洒送添不過計埋Q point其實都唔係好貴暏今晚真係過得好開心....又食得好暢快....其實呢度仲有好多招牌菜一一未能盡錄等我下次試過再話比大家聽

在附近見完客，路經一間寫著「唐」的餐廳，看看竟是吃西餐的，而且有蠔，好像很吸引，決意吃頓好的滿足一下自己。小人乃蠔怪一名，可以獨自享用一大盤的生蠔，自認為一大樂事。生蠔隻隻肥美，厚肉多汁，吃下口裡是滿滿的海水味，過足蠔癮！蘑菇忌廉湯濃厚順滑，蘑菇味很出，調味亦夠，烯杰程度均勻，不會吃到一口的糊，喝罷差點想再安哥多一碗呢。安格斯肉眼扒豐厚肉味濃，半熟狀態烹調得恰到好處，所以牛肉甚嫩；此外底盤是可以一直熱著扒肉，不用怕越吃越凍，是個貼心的設計。有機會的話一定拉友人再來。

香草大蜆，點知一入口，很多沙。第二隻，又全口沙！相信係有一隻已經死咗嘅無被發現！結果成煲汁個底都係沙。同待應講，反應不錯，馬上說不如換青口。青口十分嫩滑！正跟著700g 嘅燒肉眼。兩個人，食唔晒，打包

本人很喜歡去露天茶座嘆下午茶，知道元朗唐人新村有一間露天餐廳，故專程去飲下午茶，當日約三時到達，餐廳仍人山人海，室內座無虛席，故我們選擇坐室外較靜的露天座位，餐廳設有多項兒童遊樂設施，故特別多一家大小，星期日餐廳設自助午餐，$328/位，食物種類算多，以這樣的設施環境其實不算貴，是一家大小假日的好去處！我們只叫了一客pizza、蘑菇湯和兩杯飲品，pizza 夠熱和很鬆化，材料亦很足，湯和飲品也不錯，還有現場樂隊演唱，氣氛和環境一流，更有免費泊車。餐廳亦提供各式海鮮，但是價錢不算便宜，看來吃自助餐性價比會較高！😅

今次去好似差過上次，首先地方咁大但好似唔多夠人手!青口啲肉細粒過我手指尾，黎左啲湯，青口同pizza先黎蠔?係咪咁唔識分次序?啲蠔都唔介紹下，淨係話黎自紐西蘭同法國，咩品種呀?不過問應該都唔知!支酒雪唔夠凍，黎到都仲要再chill下!澳洲和牛?好韌，唔通澳洲種爭咁遠?星期一仲咁偏僻都算係好多人，生日送即影即有加有駐場歌手唱生日歌。價錢話佢貴又唔算，不過真係好麻麻囉!

說要來元朗唐人新村這間佔地很大的唐西餐已經很多次，今日正值親人生日，六人便即動身來試。餐廳佔地很廣有室内及戶外，據說平常還有live band獻唱但我來這天剛巧周日沒有歌聽，但見環境好開揚，格局唔錯所以也不以為意。周日可能人多訂座要分二輪六同八點，訂好八點，早到十分鐘等安排入座時行了一圈，見有高温爐時已打定心要試薄餅。行行看看，見座無虛席，不時有小孩笑着追逐着，父母拖年幼的仔女嬉笑着，到處都洋溢着天倫樂，喜樂歡欣的氣息。在這氛圍，人也變得暢快起來。今天店内有優惠用東亞信用咭點指定的餐有七折及點一杯無酒精的飲品買一送一。於是點了個有湯，二前菜，二主菜，一甜品的四人餐再加了一全份香草白酒青口配蒜蓉包及一個pizza。侍應細心地用窩上忌廉黑松露磨菇湯並分給我們每人，好濃的黑松露味，味蕾大享受。二款前菜都好很醒胃，意大利蕃茄配水牛芝士，火箭菜，清新得來，酸，甜，苦，爽，綿，菜纎維，好多層次，好特别，胃口大開。黑毛豬，風腸配哈蜜瓜，擺得好看，食得美味。香草青口及白酒味配搭得宜，突顯鮮味。個pizza不出我所料整得香脆可口，值得encore。主菜上場，碟美國安格斯牛，medium rare肉質一流

🌳之前聽過很多朋友介紹這間餐廳。他們都喜歡一家大小到這裡嘆Brunch，因為餐廳有露天及室內的地方，也有提供小朋友玩樂的遊戲場。這次我是晚上到來的，餐廳有提供泊車服務。一下車便感受到很濃厚的戶外餐廳氣氛。白色小帳篷、點點燈泡、還有live band，老實說，還未開始晚餐，心裏已經暗暗滿足。炸溜心蛋沙律-溜心蛋炸到剛剛好新鮮生蠔美國肉眼扒-450g,我地點了五成熟，肉質鮮嫩多汁西班牙海鮮燉飯- 每一口燉飯都充滿海鮮味，感覺清新餐廳的招牌火炎雪糕旦糕，奉上時還有專人為您拍一張即影相餐廳雖然不在市區，但是就是遠離繁密市區才有這樣的戶外餐廳。這裡的確可以讓您放下手 機，與一大班朋友家人大吃大喝，好好享受一頓不趕時間的豐富晚餐。

最後一篇元朗食記，竟是難得的晚餐：密密往外跑的甜魔媽媽，真的不多在元朗吃晚餐，這間純因約了中同預祝生日，才於一眾目標中，選出了這間位於屏山站唐人新村的 唐 Tong's Road House。 餐廳地方很大，分為室外室內兩邊，晚間室外還有 live music 演出呢～ 要照顧孕媽媽關係（不是我...），這晚點菜避過了海鮮併盤。首先是要收費但很香、挺好吃的 Twisted Soft Bread ($40)，配上小紅莓製作的忌廉牛油，相當好吃的！ 加了流心蛋及雞肉絲的 Caesar Salad ($148)，用料新鮮、份量又大，挺合我口味的！ 半份裝 Mussels with Herbs, Garlic ($178)，青口又鮮又嫩，很容易就清光。 用上新鮮芝士、份外吸引的 Margharita Pizza ($128)，薄薄的批底也令它不會太膩～ 再來一份小份量的 Seafood Jambalaya ($328)，口味微辣、相當刺激；不過份量也真的挺大，說是2-3人份都這麼多，大的方4-6人份估計要填飽十個人了！ 餐廳有切餅費 ($10/位，最多收$80），不貴但反正店內有賣相漂亮奪人

難得情人節老公有興緻想食大餐，臨時起義的情況下市區的西餐廳估計一定沒位，所以就近兜過來，由於抵達時間未到19:00，所以仍有少量現場位，好幸運。店舖裡比想像的還要寬闊，有室內位也有露天位，當晚情人節有佈置每桌又點上蠟燭有些情調。Tong's的菜式是西式fushion，不同於傳統，入座後我們點了生蠔半打、涼拌炸蝦芒果青木瓜沙律（好開胃）、澳洲西冷牛10oz 、法式烤春鷄燉飯、甜點香蕉船、兩杯飲品。生蠔新鲜是每桌必點的項目，青木瓜沙律對於不愛食生菜的人是個冷盤好選擇，西冷牛夠厚身先煎再烤控制得不錯肉質剛好，最驚喜的應是法式烤春鷄燉飯，烤鷄不柴不油燉飯（茄汁底）也夠味，簡單美味，是當晚我們最滿意的一道菜色。現場仲有歌手演唱，雖然消費以元朗地區的西餐來說是中高價位，但以菜品的質量、環境來說值得，尤其慶祝生日或是好友聚會都很合適。

跟朋友約食飯，佢講開屋企附近有間餐廳好唔錯，又可泊車，雖然對我黎講真係遠左啲，不過一次半次無所謂喇，由公司放工出發，巴士轉西鐵再坐私家車入去，用左個半鐘時間，遠唔遠，見仁見智。一入去餐廳見分戶外室內，因客人不算多，可以讓我地揀位置，天氣清涼加上入黑後都凍凍地，揀番坐室內穩陣。如果一大班朋友坐戶外，氣氛應該相當唔錯。坐低打開餐牌，賣相吸引，樣樣都想試，但胃只有一個，最後朋友推介巨型T骨，再點個煮蜆，3個人叫住兩樣先，諗住唔夠再點。先上蜆，味道清香，蜆數量可以，我連湯汁都飲埋，當湯咁飲。跟住就上T骨，比想像中厚身，原以為3名女子會食唔晒，點知食下食下連骨都想食埋，肉質林滑，揀6成熟火喉剛好，有牛香又唔會乾，肉汁保存係內裡，最愛盤底是熱石，唔怕塊肉好快凍，呢個貼心位值得一讚。食完T骨仲想食其他嘢但已經有78成飽，最後多點一個自家制麵包，微暖，咬落好有飽肚感，實的的，配上creamy紅莓芝士醬令麵包更生色。本身已經飽飽，但因為一開始食時已講起想試火焰雪山，最尾都係唔理飽唔飽好任性叫左先，黎度先知道雪山內裡有綠茶雪糕，只能淺嚐，真係飽到頂住個肚走人。餐廳侍應服務貼心，換碟上菜影相都非常到位，是一

好小有這麼大嘅戶外地方用餐，可惜這晚有點凍所以冇坐到室內外。US Claims in Herb Broth $205蜆肉非常鮮甜新鮮，仲有幾件蒜蓉包同吃。Side dishes: Grilled Mushrooms $75Australian Wagyu Sirloin （280g) $320很有肉味的西冷，肉汁非常豐富。Iced Volcano $120甜品非常之大，兩個人真係吃不完。內裏有雪糕同埋蛋糕，六人吃也可以！如果日頭同小朋友來，可以有地方玩耍，空間感真係好大。 大人又可以舒服用餐！

是日大日子🙈我親愛既姪女兩歲生日係咁重要既日子之下，咁岩又可以開完會早收，二話不說即刻去玩具反斗城買玩具😆雖然今次食飯遠就遠咗d🙈但係我為咗我姪女唔介意將d玩具由銅鑼灣搬入元朗😂 我好辛苦咁拎住d玩具上咗巴士，仲要撞正收工時間六點鐘🕕 巴士迫爆人🚍好彩一落車就轉的士，唔使5分鐘就到👌🏿姪女收到禮物好開心但係我見到嘢食仲開心😊首先一去到環境好大，佢有分indoor 同outdoor, 而且佢仲有live Band😉食物方面，最令我印象深刻嘅就係鹽燒鱸魚😍因為佢真係用好多鹽焗出嚟之後仲人手幫你起埋骨😆條魚大細適中，焗出嚟唔會太老。仲有嘅就係佢羊架, 佢有啲芝士忌廉薯仔薄片係底，之後再去拎去焗。所以本身薯仔片上面已經有層脆脆嘅口感。😋最後因為生日所以有蛋糕送👏🏿佢呢個係雪糕蛋糕，我哋一台12個人都覺得好開心。屋企人咁岩有人揸車，呢度又可以免費泊車唔需要擔心拍街俾人抄牌👏🏿👏🏿推介比如果下次有一大班人生日嘅你❤️

平安夜一行六大三小黎諗住食個fine dinner.黎到發現環境氣氛不錯，人不太多，兩小時要離坐。開餐既心情就由好味既前菜一路滑落，三個主菜羊膝，豬ribs,肉眼扒完全唔好食，甜品好細份，個焦糖燉蛋三匙羹食完。待應服務本來不錯，但係會長期有意無意提你時間，吹你交枱。我們六點去餐廳，大概約七點問野食齊未，我地話差一個主菜未到，之後佢就問我地要唔要叫定甜品，心諗主菜都未到。叫定甜品叫佢遲啲先上，佢就七點半到拎甜品黎，問都無問。一個窩夫，加個焦糖燉蛋十五分鐘都食完啦，甘早拎黎想點?我地主菜都未食完，無位放，佢就問邊啲野食唔要，同我地收左佢，我地食都要時間嫁，仲有少少薯蓉都比佢收走左。七點四十五分話要比錢先，果時我同朋友仲食緊野，又問我地有無乜野野食唔要，同你收左佢。八點零五分話要收枱，話有客人訂左枱。但當時餐廳得一半位有客，點解唔可以比人坐耐少少?出到門口咪又係一個人都無。食左二千幾蚊仲要比人趕走，心情極度不好，呢啲餐廳無下次。