唐記包點 (港鐵大學站)

營業中

休息中

今日有啲懶，唔想煮飯，所以決定買外賣。因為都好耐冇食過中菜，心血來潮想食下唐記包點，咁我大概去買嘅時候係夜晚七點鐘，都有幾個人係我面前排隊，我諗大家都係一樣唔想煮飯。咁我就叫咗個章魚肉餅飯，因為我好鍾意食章魚。另外之前試過佢嘅不顧雞飯都唔錯，大家可以試吓。職員雖然一次要處理幾張單但係都非常之迅速，值得一讚。咁返到屋企我打開個飯，個飯都幾熱，咬落去啲肉餅夾雜着章魚,非常有口感。但係個肉餅係比較似肉丸嗰隻質地，我自己個人認為不顧蒸雞飯比較好食，因為冇咁乾身。不過將肉餅飯亦都係值得一試嘅😀

唐記既包就食得多，但點心就未試過🤭全部點心都係熱辣辣新鮮出爐，價錢唔太貴，估唔到質素都唔差🤣整體黎講都算幾抵食！燒賣Total有4粒，上面有粒杞子，應該係裝飾用途😄呢個唔係魚肉燒賣，而係豬肉，口感幾彈牙，味道就不過不失🙂鵪春蛋燒賣Total有3粒，上面有粒鵪春蛋，幾特別既配搭，味道都唔錯，可以一試😊山竹牛肉球Total有3粒，好大粒，都幾彈牙，味道唔錯，不過略嫌有啲鹹，如果有埋鮮竹會更好🤭

忙碌了一星期，新年過後少不免的加班期，連續幾日都九點十點，放工後只好快靚正。終於碰到限時片期間限定的糯米飯，糯米飯給人的感覺是香噴噴，粒粒分明，咬落黏牙，暖笠笠，冬天吃最工，而唐記的臘味糯米飯加了臘味更加提升了香味。這趟亦點了兩個點心鮮竹卷及雞扎與家人同吃，平日在酒樓吃的點心唐記提供便捷化，鮮竹卷是媽媽最愛，腐竹皮包著木耳等等的蔬果，而雞扎與平日食的不同，里面是芋頭，雞件，豬皮，薄薄的腐竹包著，大大件很滿足。另外值得一讚的是店員姐姐非常有禮貌，主動向食客推介新產品，就算客量頗多都密密做，抵讚。

中大人除了CANTEEN，最平的選擇就是到山腳唐記買包食，或者豪一點可以吃個臘味飯，才＄２２！大大的招牌，就在上中大的車上，見到超多讀中大的同學仔來買包吃今日比較窮，只買了２個飯２人吃，一人只要＄２５！有一大塊肉餅，一大碗飯跟椰菜，非常均衡的料理，章魚肉餅飯的菇香味很濃，因為冬菇超級多！一個人吃完其實也飽了～臘味飯比較乾身，臘肉雖然不是很多，但卻有很多花生，帶出了飯的油香總覺得姐姐的服務態度是一流的，以服務態度來說，性價比很高完全是其他平價餐廳沒有的服務

夜晚去上堂，有時好急又沒時間慢慢食，最方便係去唐記買野食，呢間都幾受我們同學仔歡迎架價錢方面比起以前係慢慢貴左，但比起出面都仲係好抵今次叫左幾款同同學仔分享🤤🤤我最鐘意呢個糯米雞價錢$27係好抵食首先，佢都幾大隻，女仔一個人食都夠飽第二，入面好多料，又雞翼，叉燒都有2舊，蛋黃又大舊，仲有其他料第三，好入味，又好軟淋，好滋味😋😋另外仲點左呢個雞扎！同樣係好食飽肚之選！個人十分喜愛芋頭，也整得好粉，其他配料都好入味最後仲有個鳳爪，十幾蚊都算幾多隻！好鐘意個醬的味道，食得津津有味

今日呀媽話沒時間煮飯，做女的我，唯有放工去買飯，諗左好耐買咩外賣，都係覺得買唐記最抵食$27已經有一個飯，比起出面閑閑哋食個晚餐都$80-90，就算連鎖快餐店，都要$40-50個晚飯，簡直係超值!2個人食，買咗兩個飯，又驚唔夠飽，所以買多個鵪鶉蛋燒賣做點心。埋單都係$72 兩個人食，抗通漲呀😆😆呢個鳳爪排骨飯，排骨同鳳爪都幾多，最鍾意佢個飯都有唔少菜，唔怕因為食外賣而食少左蔬菜🥬個鳳爪整得好軟淋，好入味！北菇雞飯味道唔錯，而且原來一人食一個飯，都好夠飽可能女仔又細食啲啦🙈加埋呢個鵪鶉蛋燒賣，可以話係畫龍點睛！淨係食個盅頭飯點都覺得有啲悶，但加埋個點心，兩個人一齊食，又唔會太飽，份量啱啱好👍🏻👍🏻而且鵪鶉蛋燒賣系出邊已經好少有得食，呢度十幾蚊就有一個，好抵食， 又好懷舊呢！

今日返學好趕，所以揀左快靚正既唐記！平時食唐記都係飲豆漿，今日見佢有新野出，所以就試下啦！左邊係蜂蜜紅棗生薑茶朋友order既，佢話都幾薑，重紅棗味，唔係好甜，幾唔錯，如果有熱飲會更正！左邊係海鹽檸檬柚子蜜淡淡既海鹽同檸檬味，柚子味相對較重，亦唔算甜，有啲柚子肉，幾岩飲，唔錯！糯米雞大大隻，有荷葉香入面材料豐富，有叉燒、雞翼、咸蛋、冬菇同肉碎等。糯米夠稔夠lim，好夠味！雞扎有芋頭、雞肉、魚肚同豬肚。芋頭好好粉，好稔，雞肉好入味，夠嫩滑，竟然有少有既豬肚，加分，唔錯！鵪春蛋燒賣肉調味剛好，唔會太咸同少肥豬肉。如果好似燒賣甘有四粒就更好啦！蕃薯包蕃薯creamy ，不是太甜，好食！麥饅頭好大個，夠鬆軟唐記係快靚正既選擇！

好多時都會去唐記買包做早餐，因為貪佢好多地方都有分店夠晒方便，而且店員動作非常快，效率好高，唔駛一分鐘就可以拎到份早餐，啱晒啲趕時間既香港人。今晚放工後已經好夜，所以都係就咁買啲點心返屋企食。足料糯米雞                                                            不嬲都鍾意食唐記既糯米雞，因為佢大大隻，餡料夠晒多，裡面有雞翼、叉燒、冬菇、鹹蛋黃、肉粒等等，熱辣辣冬天食最好，食完成個就好滿足。雞扎兩件雞扎又係大大件，雞扎用腐皮包住豬肚、豬皮、芋頭、雞肉，腐皮好淋身，同豬皮一樣都係吸晒啲汁好好味，豬肚好淋，芋頭好粉好靚，雞肉正常但好大件。鮮竹卷除左糯米雞，我都好鍾意食唐記既鮮竹卷，鮮竹卷有三條，三條都係大大件，好足料，食落好豐富。金錢肚個汁好濃，蒸得好淋好入味，反而白蘿蔔就唔夠淋，但食落都幾甜。海鹽檸檬柚子蜜見佢新出左飲品所以買黎試下，飲一啖已經有唔同味，有海鹽既咸、檸檬既酸同柚子蜜既甜，飲落都幾清新，唔錯，而且係香港製造，點都有信心啲。值得一提既係店姐姐啲服務態度好好，而且好好笑容，手腳亦好快，所以效率非常高。

阿魚一向都好喜歡食點心，當中最喜歡食既就係雞扎!!!!🍴因為入面有魚肚，還有滑雞!!!重有腐皮，吸收晒D汁!!!正!!!🍴但今次唐記包點既雞扎真係令人好失望....🍴因為佢沒有「魚肚」!!!!!!!!!!!!!!!!!!!!!!!!!!!!!!只係有豬皮.....🍴「魚肚」係雞扎既重點 = = 點可以無「魚肚」架......... 🍴而雞扎入面重有：🍴好「鞋」既滑雞 = =🍴芋頭🍴豬既內臟等......🍴本身無「魚肚」就已經係好SAD!!!🍴重有唔滑既滑雞...真心希望唐記包點可以改善下.......T^T🍴雞扎($18)🍴不過我係OK唐記包點既菜肉包($7.5)同奶皇包($7.5)🍴🍴🐟📝：6/10🍴🔉想睇更多餐廳🍴相片請到fb page！🍴🍽🐟📝📌唐記📍沙田港鐵大學站6號舖📝🍴#美食游蹤 #唐記包點 #點心#美食游蹤在唐記包點 #TongKeeBaoDim #DIMSUM #CHINESEFOOD #魚肚#雞扎 #菜肉包 #奶皇包#fishfishgoround #hkfoodie#hkigfood #hongkongstyle #hk #foodie

🥩沙嗲牛肉包$7.5🥩這大概是我最喜歡的唐記鹹包🙈❤️不會像榨菜肉包那麼鹹，但又比菜肉包重口味😌不會辣，但又很惹味~.食物質素: 🌕🌕🌕🌕🌘食物顏值: 🌕🌕🌕🌕🌘性價比: 🌕🌕🌕🌕🌑回頭率: 🌕🌕🌕🌕🌘

趕住去上堂！但又好肚餓！見到難得唐記今日冇咩人排隊！就決定買個飯上堂食啦！咸魚肉餅飯係另一種浪漫！$25 就有一盒！勁抵食！份量又足夠！成魚唔算好大舊！不過勝在夠哂香口！撈左落d肉餅度時，整到個肉餅咸咸地！幾好似！食食下個肉餅發覺有d爽口既野係入面！原來係加左 馬蒂係入面！仲切到細細粒！令成個飯好有口感！咸魚夠香！馬蒂夠爽！再加埋啖啖肉！真係好正啊！另外仲叫左個奶黃包食！嘩！$7就有一個！又軟又香滑！好食！

朝早趕頭趕命出門口成日食唔切早餐好彩車站附近有間唐記包點唔算好多人排隊，所以快快趣買左黎食見佢菜肉包好似多人推薦所以揀左菜肉包包身都好大個，而且都幾軟身皮唔會厚，而且餡料都多，$7黎講算幾值

差不多每天都會經過唐記包點，每逢經過都會有一些蒸氣噴出，新鮮出爐的食物特別吸引人注目。有很多不同的中式包點丶點心或飯類供人選擇。其中我最常點的是菜肉包丶蕃薯包丶香芋包及麥皮饅頭。而今天我選擇了麥皮饅頭($4.5)作為我的早餐。又便宜又充飢。饅頭裏頭是很扎實的，不像美X的麵包。

今日大學站買排骨飯,收銀問:要唔要豉油?回答:不要! 點知買完個飯坐低食既時候,打開盒發現淋左好多豉油已經唔係第一次了,上次買魷魚蒸肉餅飯加蛋少了一個蛋, 有收加旦錢。再之前一次買蕃薯包,食打開個袋係無左個包, 錢就照收。好谷氣,甘大間公司無官網或fb. 想比意見無門路。唐記無提供收據。

唐記D包就食得多，今次就買了鳳爪排骨飯打開一看，份量太少，排骨得五粒，鳳爪得一隻，飯太諗，吾爽，味道頗好，吾太重味精，排骨有少少雪味，鼓油甜度適中，但真太细份，吾飽，真惨，都係D包抵食D。