唐記包點 (港鐵太子站)

營業中

休息中

在糧尾時特別喜歡吃唐記，因為唐記幾乎等於７—１１，區區都有，既便宜又非常方便。而且區區的唐記都各有特色，比如中環有丼飯，至於太子這間就有套餐可以點～＄４５套餐有飯有點心有飲品，其實真的是很便宜！至於凍包則是買來自己蒸的，那為什麼我不買百佳？因為這裡的包包真的好大個！買上朋友家一起開餐，不是區區都有的咸蛋肉餅飯，肉餅厚實而且有馬蹄，絕不馬虎，加一籠沒有偷工減料的牛肉球，吃完超飽！鮮竹卷又是很多料很飽肚的點心，配個肉質軟稔的鳳爪排骨飯是不錯的選擇。看，這就是包包，超巨大！一個都很飽了吧～而且餡很多，不用擔心吃完不夠飽或者只有包皮這裡的份量已經夠３人吃了！

放工有時收9點、10點☹️都唔想番屋企煮野食😩索性買外賣🥡快快手手番屋企休息仲好過😔呢間唐記位於太子地鐵站🚉真係好方便買完搭地鐵番屋企一條路🚇見到有組合優惠🥳只要買一個蒸飯🍚一個點心🥟呢個組合就送飲品啦🥤今晚買左北菇滑雞蒸飯🐥同小妹最愛嘅燒賣😍都係$45北菇滑雞蒸飯🐣以為細細盅😎蒸飯都幾多下成個飯盒係塞滿哂🤩雞肉全是雞腿肉🍗有4、5塊😆無咩肥膏燒賣一客有4粒🤓都幾多蝦肉

今日較忙，所以同同事叫外賣返公司食，最方便而又最近既就係太子站既唐記包點！本身都無物期望，但打開見到份量多，包又大個，有驚喜！有飯、蒸包同點心，總有幾款岩心水！講下價錢先，呢度全部加埋只需100蚊！夠三個人食！鳳爪排骨飯份量好多，啲飯幾靚，粒粒晶瑩剔透，有兩只鳳爪同五六件排骨到，好稔，夠入味！最正係佢有好多既菜，唔係剩係得肉！糯米雞大大只，夠醬汁！餡料有雞翼、冬菇、肉碎、叉燒同咸蛋！糯米夠稔，食晒一只超飽！香芋包好大個，朋友買，無食過，但朋友話好好食，每次去唐記都係食呢個包，芋蓉好稔又唔太甜！饅頭又係好大個，白雪雪，好鬆軟！趁熱食更佳！新品！好多豆既砵仔糕！唔算好甜，豆夠沙夠棉。加埋支豆漿就剛剛好啦！有豆味，甜度剛好👍🏻整體上唔錯！

平日要返工返學，無咩機會可以飲早茶，放工後亦唔係一個食點心既適當時間😂所以唐記絕對係一個方便想食點心既忙碌一族的偉大發明🤣。佢價錢尚算平民，食物味道又幾好，平時返工返學都會去買個包同點心做早餐，所以今日都唔例外！自己好鐘意食佢既蒸飯，尤其是鳳爪排骨飯，又平又好味，不過今日早上竟然所以飯都賣晒😔所以唯有食《糯米雞》$27糯米雞確實幾足料，有叉燒，雞翼同東菇，仲有好多咸肉碎👍🏻糯米粒夠濕潤，軟熟得黎帶少少咬口，好味🤤《燒賣》$18大大粒，食落爽口有彈性，不過略嫌有啲咸。《鮮竹卷》$18足料多汁，入面有好多蔬菜同埋木耳，口感好爽脆，配上薄身腐皮十分惹味！《馬拉糕》$7.5一直都係唐記馬拉糕既擁躉，質感好鬆軟，蛋香同椰汁味都好濃，唔會偏重某一邊，仲食到奶黃香，甜度又岩岩好，個人黎講好鐘意！🥰《蕃薯包》$7.5蕃薯包都係最愛之一，蕃薯味道好天然，甜度低，感覺上好健康，又飽肚，如果蕃薯蓉實身返少少就更好。

平時返工諗唔到食啲咩，都一定會嚟幫唐記，一個人嘅午餐都可以好豐富㗎！Order咗個北菇蒸雞飯加燒賣四粒😚😚😚😚熱辣辣出爐啱啱好蒸起，香噴噴睇見到即刻想食呀！

其實已經幫襯過好多次唐記包點，因為覺得佢又方便，又無處不在！好似便利店咁，又唔使叮叮，仲要係熱辣辣！服務好快捷，服務員好禮貌！未比完錢已經執好俾你，方便我呢啲成日都講時間返工既人！🤣我最鍾意就係菜肉包，白饅頭，同埋叉燒包！佢嘅菜肉包餡好多，細細啖咬開就已經食到菜肉～ 整得唔會太鹹，成個包好大舊，超足料，性價比高！只要白饅頭，比一般茶樓食嘅好大分別，佢呢個食落去有少少甜美，如果熱食嘅話更加好食，唔會覺得好dry!! 只要叉燒包，我覺得係份量多，意思即係包大個啲一般茶樓，所以食完都會飽肚嘅感覺

夜晚搭地鐵返屋企，順便去買嘢食！經過唐記包點，見到佢有新產品出咗廣告～ 所以好奇之下，又可以試吓！之前都有食過唐記包點，已經覺得佢快靚正 佢嘅包類都好好食！尤其係菜肉包，香菇雞包，同埋奶皇包！麵包都係大大嚿～今次叫咗佢嘅梅菜肉餅飯，諗住試一試，估唔到買麵包嘅一個鋪頭，都咁有創意，加埋買飯，見佢又好平，淨係$26，感覺好抵！分量夠晒一個女仔食～ 而且質素唔錯，啲肉都幾多，足料，係乾咗少少～有返多啲汁就好！飯都唔會太硬，唔會食落肚之後頂～ 咁嘅價錢有咁嘅質素算係唔錯

今朝匆匆忙忙趕去銅鑼灣做嘢，所以喺太子地鐵站臨出發之前就幫襯左唐記包點～其實都唔係第一次幫襯㗎啦，有時超級趕時間，然後做嘢嗰邊有冇嘢食，就喺呢度買早餐我通常都叫包加嘢飲！有時會叫菜肉包，最多就叫白饅頭 菜肉包就唔多講啦，佢嘅料好足！輕輕一咬就會見到一大包都係餡 而且價錢唔貴，如果早餐唔食太多真係好選擇！我揀白饅頭既原因，喺呢度嘅饅頭係好好食！佢係有少少甜嘅味道，唔係淨係普通一舊麵包！ 尤其是熱食，最好就係啱啱喺暖爐拎出嚟，你就已經食到👍🏻好滋味，唔會覺得好dry~ 反而越食越想食！我嘅 建議係千祈唔好凍左先食，如果唔係就反差好大，變咗有少少難食 而且價錢最平！就有一大歌，性價比好高

趕住去覆診無時間坐起到食，地鐵一出就見到唐記包點感到安心，因為有得食。正當考慮食個蒸包好 還是 蒸飯好嘅時候，俾我見到原來出左新口味蒸飯---家鄉風味梅菜肉餅飯，即時下決心買來一試梅菜肉餅飯$26肉餅雖然機攪出來，但都幾彈牙，肉味香濃，有肉點，所以都幾有口感。抵讚嘅係佢嘅梅菜味道很好，係我喜愛嘅甜梅菜。數量多但無令肉餅過咸。每啖肉餅有梅菜香，的確有家鄉風味，有像外婆整嘅味道。不過有樣野就扣左分，就係d飯..無焦到，但好硬，好像蒸過龍咁，真係咬爛d 先好吞。

落足成朝雨，但又吾黑雨 ; 打足3日風又吾掛八號，無假放 。。。實在心情麻麻，無咩食慾。。。😑行過唐記, 今日就買個北菇滑雞飯 (例牌叫靚姐俾多菜多豉油) 做午餐喇 😆唐記嘅蒸雞好好好滑，夠入味，又少骨，食落啖啖肉，果然係招牌飯 ，無得輸👍👍👍加上D椰菜濕濕地又清清地 (我個人唔覺得淡) ，令盒飯食起上嚟無咁濟 😊2大匙甜豉油就更加係錦上添花啦 ，點少得㗎 😁結果 。。。我嗌住無胃口。。。都成盒飯清晒囉 🤣🤣🤣

奶茶好味道，可惜永遠也是室溫早上姐姐們為了方便取飲品，會把所有豆漿，奶茶，紙包飲品放在蒸櫃旁邊，無雪住。此舉不但影響豆漿奶茶味道，亦會令細菌有機可乘，希望姐姐們不要貪一時方便，危及市民健康。

$7其實無論天氣凍定唔凍我都好鍾意食蒸包🤣而比起唐包點我更加鍾意唐記包點因為硬係覺得啲包大啲軟熟啲😙今朝早餐食咗好耐無食嘅蕃薯包啲蕃薯蓉仍然係好滑之餘仲有啲蕃薯絲同蕃薯粒☺️最重要係佢食落真係有蕃薯味佢咁受歡迎係有原因的🤤 $7今朝早餐又係唐記食開真係有鋪癮🤣今次食嘅又係大受歡迎嘅甜包就係香芋包喇😙香芋蓉同蕃薯蓉一樣又滑又綿☺️一切開仲好大陣香芋味飄出嚟每次都要糾結食蕃薯定香芋包🤤 $7無錯又係唐記大家應該睇到悶🤣但係今次無嗌蕃薯包同香芋包而係無咁多人食嘅蓮蓉包😙其實蓮蓉包都唔錯入面啲蓮蓉好滑又好食☺️另外佢仲好足料蓮蓉嘅比例可能仲多過包🤤 $7今日真係最後一個唐記post大家睇埋今日啦🤣因為發現有一款甜包未食過所以再買多次😙最鍾意呢個豆沙包會食到一粒粒紅豆而唔係淨係得一pat蓉咁☺️食落亦都同平時嘅豆沙唔同無咁甜之餘紅豆味係出啲㗎🤤

黎到太子站約左朋友交收d野橫掂佢未到，咁就拿拿聲買野食啦見到新出有蘿蔔金錢肚，咁買1個外賣攞走啦！原來份量都唔算少，蘿蔔都有幾舊，金錢肚都算淋，唔會咬唔開汁黎講都算入味下次再買其他點心試下先