唐記包點 (港鐵元朗站)

營業中

休息中

去開元朗有野做，落左西鐵見到唐記竟然有臘味糯米飯食，就比佢吸左入去啦！真係估唔到會有糯米飯食超開心，仲要$22咁抵！另外竟然仲做埋套餐，一個蒸飯加野飲一個點心先$45 好抵啊！咁我順便叫多個餐比媽咪做晚餐啦！飯就叫左鳳爪排骨飯 點心叫左燒賣。反正黎到我就買定聽日早餐叫左個麥皮饅頭$5 蕃薯包$7。見到仲有奶茶叫就順道叫枝黎試下～燒賣好好食，係我既點心至愛！豬肉夠實仲有蝦tim!另外仲叫左個雞扎食，有芋頭、雞同豬皮 好好味啊！臘味糯米飯 仲有花生係面 花生好香口 仲好脆！糯米岩岩好 唔會太淋 啖啖仲有臘味！饅頭好實正，足料！蕃薯包中間超多蕃薯蓉，好好味啊！最驚喜係枝奶茶，好香滑！似茶餐廳飲到既咁～

放工攰攰地，真係好唔想煮飯，經過港鐵站，竟然見到有間唐記，俾佢嘅陣陣飯香吸引左埋去，一於打個電話問吓老公食咩好啦。而且仲有好多套餐，真係覺得呢個價錢平靚正啊。蒽花卷有著蒽油的香氣，縱使卷內沒有任何搭配，也不會顯得單調和寡味糯米卷香而柔軟，糯米飯黏口，絕不生硬，配搭香脆花生簡直錦上添花雞包子肉汁飽滿，蔬菜去其油感，外皮厚度恰當，是本人最常吃的包點。馬拉糕，食完真係唔使減肥啦，但係真係好香好鬆軟，都忍唔住食咗半個。

一落元朗西鐵站電梯左邊，就見到唐記包點，為方便起見就係最就腳的地方買個飯返屋企食😝前面有三個人排隊好快就到我了，我揀了鹹魚肉餅飯$24再加$10鮮竹卷再加$3.5 coke 😁實在太過肚餓了,一個飯我不夠飽的😝回家路程大約3分鐘，返到家個返依然熱，但是可樂不夠凍，於是我立即放入冰箱😌飯質比較林身，肉餅都有鹹魚味，因爲鹹魚在肉餅上面一齊蒸，所以味道深入瘦肉👍🏻👍🏻但是鮮竹卷味道就較為遜色，有一點鹹，乾身😢

大家都經歷過糧尾嘅日子， 剛好喺兩個月之前一個好凍嘅朝頭早， 仲有一日先至出糧，所以我只係帶咗身上僅餘嘅20蚊出街。搭完西鐵 ，喺元朗X記我買咗兩個價值七蚊嘅菜肉包做早餐。 由於太過肚餓，我一路行一路食，食完第一個包跟手咬第二個嗰陣…… 我聞到有一陣薄荷味喺我個口度 縈繞著。 我嘗試抆開個包，結果見到個包居住有拉絲？！？！望真啲居然係一粒相信係比人𡁻過既香口膠，周圍重要有黑色一點點嘅野喺上便……我望住個包當堂必咗啲眼水出嚟， 雖然我預咗夜晚都係返屋企煮公仔麵，但係餐早餐你都唔洗咁玩我嫁！！‌我即刻打左去食環度投訴，重有人即日就收左我個包去化驗。期間我有打過去問化驗報告出咗未，得到嘅回覆係「過年所以會遲啲」…好！我等。3月頭嗰陣時打畀佢，佢同我講，「政府化驗所好多case，要多啲時間先至有，三月尾有架喇。」好，我又等……今日終於忍唔住再打去，衛生督察鄭生佢終於答我化驗報告出咗。 話報告上面寫著 「化驗到有香口膠成分」。 咁我問佢係唔係要告嗰間嘢，佢話唔係，原因係唔夠證據…… 我問佢菜肉包入面有香口膠唔係證據係咩嘢？然後佢同我打官腔話要研究。佢重自己爆响口提到有半年起訴期限……呢件事上我認

今日十二月十七日晚上十點二十分咗右去到唐記包點，諗住買消夜返屋企食，去到收銀有個女仔買緊野食，個女仔買菜肉包同啊姐講，佢超無禮貌話無，得萬頭，個女仔話咁仲有無其他，佢點曬面話都話無洛，之後個女仔話咁要萬頭囉，之後到我買我話要燒賣同鳯爪，個啊姐話無鳯爪得雞扎同金錢肚，我話仲有無其他，佢話都話無，之後最嬲爆就係佢話快啲啦，我諗咗都無5秒，佢黑曬面話，佹收工收工，我噢曬咀，好唔該我唔食喇，唔做生意一早唔好比我入嚟拉閘丫嗎！真係嬲爆，本來想打去佢總公司反映，點知原來無投訴電話的！

經過聞到好肚餓，結果買左返屋企試，又幾好味WO，可能真係太肚餓。豉椒排骨飯飯軟硬適中，排骨可以大同多D，對我黎講個飯就細左小小。好彩仲有隻糥米雞，好大隻，多汁，好味道，可惜是叉燒，如果係雞翼加臘腸會更吸引。食完.......飽曬....

晨早流流入到去元朗拜神，早餐都未食！！！經過元朗站地下，有麵包鋪，又有貴價果汁店，睇落最簡單/最平嘅都係唐記包點。近幾年佢開到成行成市，但其實我無咩食過，本來想死平平$5 饅頭，但已經賣晒，試左紅豆包，幾好，好軟熟，又唔太甜。寶寶個菜肉包就正常，佢話係菜肉包咁嘅味喎。至旅枝豆漿就堅普通，有貼唐記嘅標籤架，不過唔甜可能係優點，畢竟而家現代人好似食得太甜。而蒸包都比西式焗包炸包健康。最後又係例牌果句，兩個人$30 有野食，你仲想點，

自從屋企樓下的"至友美點"結業後, 附近都沒有以食點心為主的食肆 (當然酒樓除外啦!)。是日放工後發起點心癮來, 想起位於元朗西鐵站下層的"唐記包點"。以連鎖店式經營的"唐記包點", 賣的不止是包類, 還有點心和蒸飯。放工時間大排長龍, 原來, 無飯家庭不只我倆呢!(哈哈!)先選擇食物, 後排隊購票, 再等店員叫號碼。不知道食店的壽桃包品質好不好呢? 老人家生日可以考慮一下呢, 食傳統的壽桃包, 有意頭又健康。雞蛋牛肉飯 $23飯的份量不少, 一盅蒸飯倒進外賣盒中, 飯幾乎佔了一半的位置。飯粒軟硬度適中, 不是太過腍身那種, 可惜是醬油加得頗為少, 伴開飯後不是太著色, 唯有安慰自己食少點醬油健康點吧! 還有椰菜鋪於飯底, 蒸椰菜的味道雖然是甜甜的, 但質感始終與炒出來是截然不同, 算是有肉又有菜, 有點纖維平衡一下。雞蛋顯然是全熟了, 蛋味亦不太有, 當然這個價錢也不能奢求是高品質吧! 牛肉餅方面, 牛味不算太突出, 不過肉餅鬆軟, 肉質不韌又有嚼口。蒸飯來說質素是中規中矩, 這價錢算是便宜, 亦難以要求太高吧!糯米雞 $23大大塊荷葉包著, 打開後, 入面的糯米雞造型不算是討好。糯

唐記包點已經越開越多分店了，今次迪迪就選了近家裡的元朗分店試一下。雖然唐記以包點為店名，但除了熱乎乎的中式包點之外，迪迪比較經常會吃的多數都是飯盒平平地$23就能買到，有時夜收工就會買回家中醫醫肚，方便快捷又夠飽肚呢❝ 門外裝潢跟其他分店的大同小異，雖然不甚特別，但至少很好辨認度。開在山崎的旁邊，不難去❞❝ 餐牌也很簡明，有條不紊的❞❝ 承上所言，迪迪所點的是【章魚肉餅飯】（HK$23），因為時間也不早了，所以不用等很久，1分鐘內也就弄好了❞❝ 以前剛開張時，唐記包點的飯盒是很精美的，啡色的。現在的只保留了原本的LOGO，變成白色的普通發泡膠盒，可能之前的成本太貴了吧！❞❝ 看看飯盒裡面吧，章魚肉餅飯是這樣的，因為原本是一盅盅的，所以倒到飯盒裡去就會有一個圓形的肉餅。味道方面，迪迪覺得還不錯的，章魚肉粒很多，跟肉餅比例平均。飯粒是比較硬的，但是也能入口，只要飯後多喝點水就可以了。另外，因為加了豉油更覺味美，最抵讚的是唐記包點的飯盒都有很多菜絲的，很注重客人的健康呢，哈哈哈❞◉◉◉總括來說，唐記包點對迪迪來說，真是一家非常便利的快餐店懶得自己煮飯吃的時候，就靠它了