唐包點 (已結業)

2人行趕時間首選一定係食麵包～通常都係食西式包多～少食到中式包～因為唔係度度有得買～呢間基本上好多港鐵站都有分店～有賣六款點心、五款蒸飯、十款蒸包～蒸包有咸包、甜包任君選擇～咸包有：叉燒包、菜肉包、香菇雞包～甜包有：奶黃包、番薯包、香芋包、紅豆包、蓮蓉包～仲有白饅頭、麥皮饅頭健康之選香菇雞包有雞肉蓉、香菇、木耳粒～包面有黑芝麻～每日新鮮出爐～包皮唔會濕～包又唔會乾～食落軟林林～香菇雞肉餡唔會太鹹～早餐都幾適合菜肉包有椰菜絲、豬肉蓉～食落都唔會好咸～所以話呢熱辣辣嘅蒸包先好食

平時行街買唐記就買得多，呢間唐包點都係第一次試，發現呢度啲嘢食都幾好味同埋新鮮❤️❤️包點方面就叫咗白饅頭同埋番薯包，呢度嘅包裝都幾得意，係有紙包住個包所以食落都好方便，最啱趕時間一路行一路食番薯包裏面有好多番薯蓉，而且食得出未到好天然，而且番薯蓉含有豐富纖維，所以食落成個感覺好健康🙈🙈點心方面仲叫咗鮮竹卷同埋燒賣，每粒燒賣上面都有一粒好大嘅鮮蝦，食落好爽口同埋新鮮，而鮮竹卷嘅調味都做到啱啱好，好味道❤️❤️

早兩日經過旺角地鐵站，見到開咗間唐包點，諗起阿媽好鍾意食包，於是就買d包返去屋企食喇。店員介紹佢地既黑芝麻豆漿都唔錯，買咗一支黎飲。飲落去芝麻味都幾重，好香既豆味，覺得飲落都幾健康。我仲試埋佢地既香滑奶茶，味道都幾易入口，雖然比唔上茶記，但係呢隻樽裝奶茶好味過超市d罐裝。買咗d香芋包同埋蕃薯包，3件裝自己返去蒸都係＄19，蒸返熱食好香噴噴，入面d香芋蓉仲有蕃薯蓉都好濃味！紅豆砵仔糕係我最愛，好多紅豆，好有口感，下次經過買多兩件食！