唐包點 (港鐵中環站)

營業中

休息中

落雨天的中環早餐選擇不多，同事推薦了這間由地鐵出閘上office必經的「唐包點」，見價格十分相宜，仲平過連鎖快餐店，便決定一試。鋪面不大，只供外賣，但餐點的選擇卻相當豐富，提供多種甜鹹包點，蒸飯，有汁飯，粥品和廣東點心等。本人早餐習慣清淡一點，選擇了皮蛋瘦肉粥（$16）和蕃薯包（$7.5)。粥料足夠，有半隻皮蛋，啖啖有瘦肉，味道剛剛好，不會過鹹。蕃薯包好少見，雖然屬於甜包，但只是有淡淡的甜味和蕃薯的香氣，很天然。在店員姐姐的推薦下，亦試了新出的樽裝奶茶（$12）提神，出乎意料之外，甚有茶餐廳風味。同行的男仔同事清早剛剛做完gym，選擇了飽肚的咖喱雞飯（$29），飯和咖喱分開裝，咖喱一開蓋香氣十足，同事說味道亦不錯，微辣，白飯應該多過一碗份量，雞肉足足有5-6塊腿肉，我想即便是午餐應該也足夠了，況且呢度全日同價，是中環打工仔的好選擇。另外打包咗一隻足料糯米雞（$27）做晚餐，回家後用微波爐叮熱來食，口味不減，亦真的十分足料，有鹹蛋黃，雞中翼，叉燒同冬菇。而家就算酒樓都很少提供懷舊糯米雞，呢度卻可以隨時外賣，真的方便又美味。

今天放工途經中環地鐵站K出囗， 發覺「唐包點亅竟然在寸金尺土的中環地鐵站裏面開了分店！what's a surprise！有讀開我食評的都應該知道 ，它的蓮蓉包是我的至愛！難得它開了在中環，我當然要支持！ 今天就一於順道買多幾個 不同的包款，放在冰格慢慢吃！看到它還出了新的蒸飯。。。梅菜肉餅飯， 而且只售27元 一盒， 是中環絕無僅有的「大包價 亅。好！今晚的晚餐有著落了。再打包一個熱賣糯米雞給爸爸做晚飯， 不用多費心今哈思想吃什麼！今天很懶，就寫到這裏收筆了！+ ==============================福福郎希望可以寫一些。。。有自我觀點，並非人云亦云的食評 ！！也希望和你分享「戀戰中環亅的苦與樂丶貓頭鷹的人生觀丶美食和「金句亅！ 有興趣可以按左上角「福福郎的貓頭鷹頭像亅 。。。閱讀/訂閱我的其他 餐廳介紹文章！Relax，and just subscribe！ 。。。🦉==============================

呢日想留返係公司食飯，所以近近地落左中環地鐵站呢間唐包點買野食～ 平時早餐都會買包食，lunch就真係少d，見到原來依家唐包點除左一般蒸飯蒸包點心，仲多左d有汁飯呀粥呀咁，蒸飯都多左d新款式！ 所以今次就揀左個新款蒸飯-牛肉餅飯加多個白饅頭同枝奶茶😌上返公司即刻趁熱食💁🏻‍♀️見到店內poster寫新既蒸飯系列，豬肉既肉餅食得多，牛肉既自己黎講真係少d，所以一於試下個牛肉餅飯！ 蒸飯會比埋蒸飯豉油，用晒個味道都唔會太鹹～ 唔好睇佢望落好似好細，其實飯既份量都幾多架，絕對夠食～如果驚唔夠食可以好似我咁要多個包🙊 白饅頭真係好抵！大大個都只係5蚊！而且都好鬆軟～ 味道甜甜地，就咁食都唔會覺得口寡！至於個奶茶，今次我第一次飲，都幾得，有平時茶餐廳個陣奶茶味，好香亦都幾滑～ 240mL有d唔夠喉🙈 下次再買黎飲先😏3樣野夾埋50蚊都唔駛，真係平靚正又夠飽！當唔想同人迫又或者想慳錢既話，唐包點係好選擇呀絕對👍🏻

#唐包點 (中環)中環港鐵中環站CEN K8b號舖-----🥰番薯包-$7 雖然係連鎖 但係價錢唔貴 7蚊雞就可以食到 包裝亦都幾精美～番薯蓉味道恰到好處 唔會太甜膩 除左番薯餡 連包個皮都有番薯味😄中意食番薯ge人都會中意呢個包 而且因為係蒸ge 比較健康 又無牛油 做冬天ge早餐好唔錯 食完又溫暖又飽肚 😊-----B仔整體評價：8.5/個👍🏻B仔抵食程度：8/10個👍🏻B仔環境評分：外賣呢B仔味道評分：8.5/10個👍🏻B仔回頭機會：9.5/10個👍🏻-----#swallowhk 跟住我一齊吞食香港啦！#swallowcentral

食完自家製的飯盒後仲有小小肚餓，到了康包點本想買個包。但見原來除左包外，佢地有賣糖水嫁！買左腐竹薏米雞蛋🥚糖水 （$15）。另外見佢仲有蕃薯🍠糖水賣。賣外賣返上office 食，碗糖水仲係熱的😚個糖水好多薏米。雖然佢個不是太大，但食完粒雞蛋🥚即刻飽左。不過我個人覺得如果5好咁甜就好啦。同埋比起佢地平靚正💰的包來說，個糖水不能稱霸呢個平靚正美號。不過佢始終以包起家，或許糖水不應有太大期望吧😗。

近中秋比較忙，夜晚要留係公司加班，又唔想食飯，於是就諗起落中環地鐵站內近K出口間『唐包點』，買咗個菜肉包及饅頭，價錢係中環嚟講，真係好抵！分別只係$7及$5，當俾完錢後，店員打開蒸櫃門取包時，竟然見到每個包都已一早用紙包住咗，張紙摸落又唔會濕，只摸到熱，而且張紙仲印咗包嘅名，如果買得多返去食，都唔驚食錯，就算請同事食，都覺得好乾淨，好方便！唯一覺得不太環保，而用紙袋入起嘅蒸包，感覺好似食緊西式包咁。當我打開包裝紙後，第一時間食饅頭先，因為饅頭無餡，可以最快食到蒸包嘅麵粉味，然後再食菜肉包，未食菜肉包都已聞到菜肉嘅香味。總結：價錢超抵，味道都可以，唯一就係蒸包嘅外層塊皮唔夠軟，有啲硬，而饅頭內層如果可以再鬆軟啲，咁就真係“平、靚、正！

經過唐包點，見佢出左好多新包點，所以買左個香芋包試試。見佢係蒸櫃拎個麥當勞包裝紙出黎，放入麥當勞紙袋，有一刻覺得自己買緊老麥。雖然幾新穎，不過有少少唔環保呢。打開包裝紙，值得讚嘅係個底唔會有張中式包紙貼住，所以望落個包好圓滑好presentable。香芋包淺紫色，咬落已經食倒有芋蓉，而且分量唔少，食到最後一啖都有，果然足料。不過味道方面，芋頭味唔算好突出，要仔細品嚐先食倒芋頭味，但熱騰騰嘅包真係加分唔少。而且芋頭包標榜高纖，希望佢係低糖系列，咁對減磅人士真係一大好選擇呀。

朝早趕住出門口只係食左好少嘢, 返到公司先有時間買早餐, 唔知係咪食得太多西式包, 成日都覺得熱氣, 都怪自己為食, 連鎖包店既面包有時係幾好食既..不過大食既我, 好多時只食一個包真係唔夠, 食完兩個鐘又餓, 最近改為食蒸包, 發現mtr另一邊有唐包點, 即刻沖去買個包, 估唔到有少見既蕃薯包, 即刻要左個, 太肚餓同埋唔方便影相, 不過咬開裡面真係好多filling, 同宣傳單張一樣, 蕃薯好甜呀, 食完成個超級飽, 佢仲有香芋包, 下次要試下, 同埋想講返個包裝感覺衞生好多呀, 唔會就咁喺個爐度拎出來就放入膠袋, 仲可以保温, 7蚊一個包食到飽, 個人覺得好底食! 

I have to give it to Tong Bao Dim, i never expected to eat a nice pork bun in the MTR. I was pleasantly surprised to find the stall as i was at the time very hungry from all the walking we were doing exploring HK. Me and my family agrees, its money well spent as the pork buns were very delicious, and in fact, they needed no sauce to savor the sweet meat filling. i wouldnt mind eating pork buns from Tong Bao Dim every single day. heck, i can probably eat up to 6 in one sitting.

如果您有一直看我寫食評的話，便知道我是一個喜歡吃西餐多過吃中餐的人。所以，如果我獨自一人去吃東西，我多會選西餐！如果要吃包，都是會選麵包，永不會選吃唐包😅不過，凡事也有例外😅今天食晏時間，有些事要去銅鑼灣辦，做完嘢才有飯吃，但食晏時間無嘢落肚，我怕我會暈倒在街！（不是講笑！我真係試過暈倒在街。）搭地鐵經過這店😅我有很多同事光顧過，口碑都唔錯！好！一於試一試😅菜肉包：熱辣辣的，味道不錯！只是$7，真係頂到肚餓😻大家真的可以不妨一試😋

最近聽同事說中環地鐵站開了一間點心店:唐包點專門做外賣生意而且價錢尚算可以接受的終於便一去買外賣回公司一試🙆🏻🙆🏻🙆🏻大部分點心約$16我買了兩款點心(鮮竹卷跟燒賣)跟一個白饅頭一共$39白饅頭超大一個可惜沒有鍊奶提供😣不過味道還算可以鮮竹卷十分熱辣辣🔥回公司的路大約十分但吃的時候依然在霧煙😧😧😧而且味道很好入面有超多木耳👍🏻相比鮮竹卷燒賣遜色多了沒有甚麼味道可言十分失望😭

筆者早前看過報導, 說着數位星級美食家肓試叉燒包, 結果唐記包點的叉燒包更勝其他大酒樓的出品, 排名第一名. 是日筆者沒有愛心飯盒, 即管一試其水準, 點選了叉燒包(HK$7.5), 足料糯米雞(HK$25). 打開獨立的包裝紙, 叉燒包的包面呈滑身, 跟傳統的不一樣. 試一口, 包的外層頗軟熟, 內裏叉燒醬的味道調配得宜, 甜中帶香, 很impressed, 果然實至名歸. 足料糯米雞, 雖然沒有人推介, 但竟然有驚喜. 打開糯米雞香味撲鼻, 試一口, 糯米夠煙韌, 重點是糯米雞內有大量醬汁, 沒有蒸到乾乾的, 很讚! 糯米雞內果然非常足料, 有咸蛋黃, 原粒香菇, 大量肉碎, 叉燒, 還有重點的滑雞, 那件滑雞真的既香又滑, 很有水準. 唐包點從此成為筆者的新飯堂.

中式包的新包裝同漢堡包相似，食起上黎好方便，好干淨，抵贊！但點心用既膠碗就唔掂，食過燒賣，鳳瓜，都系水汪汪的，d蒸汽水積系入面，浸到d燒賣爛曬！好唔掂，鳳瓜情况亦相似。d蒸飯唔錯，合格，但跟同行的質素相近，冇大特色。糯米雞的料好足，唔錯！比起同行更好味。有一點不好的，就是中式包點店竟沒有筷子供應，不論係蒸飯，還是糯米雞，點心，都只係供應叉子，沒有筷子，食起上嚟，好唔方便。

朝早番工連眼耳口鼻都未必有時間執，早餐更加唔會有時間慢慢食早餐多數食麵包，但大連鎖店既麵包我唔太喜歡。比較喜歡小店新鮮整既包包多d最近幾日試左新開既唐包點佢有好幾款選擇 $7食過香芋包，蕃薯包，餡料份量都多，唔會太甜，亦都好香。今日就試左菜肉包 同樣都好味豬肉唔會肥膩，麵包好軟熟每款獨立包裝，拎上手暖暖地 好有誠意職員都好有禮貌就算多人排，都唔駛點等用黎做早餐的確係一個唔錯既選擇。我介紹左俾同事試佢試左香芋包都覺得好味，亦夠飽肚

講起中環食飯，大家一定會覺得又貴，可能仲要唔飽。今日OT,而公司附近都係啲中價或貴價餐廳，所以去港鐵站新開的唐包點睇吓。Menu與唐記包點大致相同，不過無咁多款。有飯、點心、中式包點及飲品出售。每朝返工經過，起碼有十幾人排緊隊。是日晚上八時就無顧客，服務員也有禮，打包速度很快。點了章魚肉餅飯（$25）。外賣盒比唐記包點精美。調校得不錯，不會過鹹。肉味不錯，加上馬蹄提升了爽口程度。肉眼睇都見到章魚。外賣還附有一小瓶豉油。最重要係又平又快，好適合繁忙嘅上班族。