唐三樓Cafe (已結業)

特登reg個account寫第一篇食評讚一讚~之前搞party都會book party room希望同D frd 可以有多D私人空間可以relax d大聲講大聲笑都唔洗怕嘈親人, 但出面平平地三個鐘party room 都要$9x, 重要安排食物，唔係到會就外賣D例牌野，左度右度搞一大輪，埋單坐底都要$200但淨係食外賣野。所以我既終極目標係搵一間可以包場/房既餐廳/cafe, 坐得耐又唔洗煩野食又有人serve又唔洗走果時清潔 揾揾揾終於俾我揾到呢間得10個人都包到場既cafe!!! 佢地除左二樓主要場地之外重有個4樓v.i.p 房可以book。周日包場價$178 /位(未計加一)，可以包場玩4個鐘+party set 既食物飲品，價錢公道！佢地仲做緊優惠like同check in 佢地facebook 會送任飲~而最令我感激既係，佢地本來minimum 要有10個人先book 到場，後來因為有幾位朋友病左出席唔到，多次改人數已經麻煩左佢地，我諗住應該都要俾番10個人ge minimal charge 架啦，點知佢地老板都體諒，肯通融計我地人頭，只係無左fb打卡任飲優惠，實在太好啦!!!!去到坐低地方都唔錯有屋企feel好warm, D職員好友善會問你想幾時上菜又介紹game玩。食物方面D意粉味道唔錯，醬汁都係D大路野但意粉煮得煙韌，朋友就幾鐘意D蜜糖雞翼甜甜蜜蜜(sorry 無相因為太肚餓忘記相機食先)。我地加左10蚊叫任飲，但其實食完野都飽飽地，都無飲好多，玩左一輪board game之後臨尾食埋個甜品就好飽。本身叫左個花茶想清清腸胃，但好似都偏甜無左清一清個口既作用XD總括覺得呢度都值得推介~~ 坦白講之前經過都人唔知有呢間樓上cafe,希望有心經營ge舖頭有多D人去試la…Read More

朋友book 左呢間cafe ，7個人。好像係party 餐呢，我地加左十蚊升級做飲品任飲，連加一，207元一個人。我地包左個場，環境都幾好。不過。。。雖然係7個都女仔，但唔係好飽，份量真心有點少。小食係食左幾舊先影相既食物好食，但真係少左啲服務生服務很好，有禮貌熱心仲教我地玩card game …Read More

約了朋友仔聚會，三個女仔想傾下計食下飯，樓上cafe係最好嘅選擇😆這家唐三樓雖然喺唐樓裡，但樓梯間光線都充足，唔會比人好屈質的感覺。入內裝修佈置好有屋企嘅感覺，好舒服。可能因為平日夜晚，一開始擔心無位所以都有book定枱，但整晚連埋我枱都只有三枱客人，可能因為星期一晚😮雖然我地book 7:30，但因為早到了，7點先同其中一位朋友上去，女店員好好，比我地入內坐低睇住menu先，亦都無催我哋落單，主動提出我哋可以等埋朋友仔先決定。（可能咁岩人唔係好多先可以😝）環境方面都幾安靜，只有輕輕聲的背景音樂，不太滋擾，枱與枱之間有距離，客人們都互相尊重，唔會大大聲傾計。食物方面：餐湯：薯仔湯似係真係用薯仔打嘅，好稠身，有點煙肉吊味，好飲飲品：熱蘋果玫瑰花果茶一行三人都叫熱飲，雖然無凍飲咁大杯，同埋都偏甜咗少少，但整體都唔錯P.s. 我地要求想要水時，女店員好細心問我地要凍定暖水，然後帶咗一樽比我地自己裝，加分☺️黑松露忌廉雜菌意粉黑松露味好香，creamy，意粉軟硬適中，唔係好林好唔開胃嘅口感，覺得三個主菜呢個最好食❤️蒜香焗雞扒配薯菜雖然店員話要等半個鐘，但感覺都跟住兩碟意粉咁上下時間就上菜了，雞扒厚身夠Juicy，個汁唔會太鹹岩岩好，薯菜份量都好多🤤黑椒鴨胸意粉朋友唔係太肚餓，但最低消費每人一個dinner set，所以叫了個最平嘅，味道無另外兩個咁突出，但意粉都係煮得好好味最後坐到十點半先走，係最後一枱走嘅客人😂整體來說，平日夜晚想搵地方食野傾計，鬧市中係唔錯嘅選擇，會Encore🙆🏻…Read More

之前來過兩次唐三樓，兩次給我的感覺都很不錯。朋友都好喜歡，無論是環境定係服務都係十分唔錯。👍🏻 今日放工後同男朋友去食餐飯，諗左好耐都諗唔到要食乜，我就提議去唐三樓回味當初的味道。個門面都好靚，擺設好有心機！😀 一入到去好彩唔洗等位，我們是第三枱的客人。 一睇個餐牌唔同左，一問之下原來轉左手，只是名同個環境是一樣的，都來到就試一試啦。 一個set大約八十到一百的價錢，包沙律及$38以下飲品一杯，價格合理。我地選擇了一個黑松露意粉及一個焗雞排(店員當時告知要等待約半小時)。當想叫飲品時，女店員告知未有飲品餐牌，等了接近十多分鐘才拿過來。😅 其他客人開始到來，全場坐滿約六枱。其他客人點餐後陸續上菜。我們等了一小時，還沒有食物，因此忍不住問店員我們為什麼還沒有食品。店員進去廚房詢問後才告知我們她沒有下單😦😦😦😦😦😦一時又說下錯單，所有食物去了隔離枱。😓問題來了:第一，整間店一眼就能看完，人客又不多，為什麼可以有一枱客人等了整個小時也不知道？第二，我們問了兩次後，店員才進去查單。進去詢問後沒有主動向客人解釋，要客人再問下才說沒有下單。第三，女店員其後稱雞排係要等耐少少，我明白，但意粉可以先上都得掛。 店員的訓練不充足，完全沒有注意客人的需要！事後也沒有道歉😤😤，另一女店員見狀才說送上小食俾我地「食住先」。 由7點20分等到8點40分，第一碟意粉終於來了。黑松露意粉味道不錯👍很香的黑松露味，意粉的硬度適中，很creamy很好食。焗雞扒汁太多太水，而且味道很重，完全食不到其他味道。另外，薯條浸在水汪汪的汁內，變得很稔，加上茄汁是直接放左碟內，整體變得很奇怪。👎🏻👎🏻👎🏻👎🏻 最後，在九點多終於食完晚餐可以離開餐廳了。當晚，食了將近兩個小時的晚餐，佔了個半小時都是在等待。我明白，有其他客人的點菜，廚房也要時間準備食物，但店家無論在食物的質素或者店員的培訓上，也有極大的進步空間。 如果閣下有空閒的時間，想用上兩個小時享受一餐不怎麼樣的食物，你可以來。如對態度和食物有一些要求的，相信附近有其他更好的餐廳。放工後想食一些美食來犒賞自己，還是與朋友約會，都希望能有一個好地方聚會，無謂使自己餓得飢腸轆轆。 轉手後環境依舊美麗，但質素卻下降。真是桃花依舊，人面全非。👎🏻👎🏻👎🏻👎🏻👎🏻 …Read More

前幾日早收工，咁啱朋友又係附近，約埋去cafe坐下吹下水咁！近太子始創旁舊唐樓有間有花心思嘅樓上Cafe! 未入到去已經見到d decorations ，幾靚唔係hea搞。入到去有一下發現新大陸嘅感覺，坐位坐滿應該有三十幾人左右，攞設燈光效果配合有休閒家居風！鍾意最入面位置排放一排攬枕同小飾物。小食叫左份薯格，幾脆，不過特別在有五款sauces，有茄汁，沙律醬，蛋黃醬，忌廉芝士汁，芥末醬，好評！我就點左西班牙咖啡，朋友點左chocolate drink。感覺好休閒好hea，啱晒想relax一個下午嘅朋友去朝聖一下！哈哈…Read More

有日同朋友喺始創中心行行下見到有一間cafe店 二話不說就行左去睇下有咩好食 呢間cafe店裝修得好靚 入到去就覺得好有家嘅感覺 話大唔大話細唔細 同啲friend黎開party簡直一流 入到去無耐有店員出黎歡迎我地比我地坐近窗邊嘅sofa位 由於嗰日我部手機無電 所以問下店員有無得叉電 佢二話不說就拎左條iphone線比我去叉 服務超級好 之後店員比左餐牌我地睇 成個餐牌都整得好有心思 個餐牌背景完美地襯托返個餐牌入面嘅種類 我地點左個party set 有appetizer ，小食拼盤 ，主菜，野飲 甜品 都係啲基本野appetizer 係一個基本嘅 caesar salad 小食拼盤係薯條 洋蔥圈 咖喱角 同 春卷無估錯嘅話4樣都係炸出黎而且唔係即整 唔可以話太好食又唔可以話難食 都過到關到main course 我叫左個carbonara 煙肉煎得幾香 意粉個軟硬度做得岩岩好 Perfect! 而我朋友因為好鐘意食菇就叫左個黑松露雜菇意粉 黑松露佢地好似係用15%嘅(因為無乜臭味) 而且黑松露佔成碟嘅大部分 睇落店主都好dum本 最後我地嗌左杯唔太甜嘅芒果乳酸作最後嘅總結 (由於嗰日手機無電所以無影相，有機會再去多幾次)…Read More

每日臨收工都要諗呢個充滿哲學性既問題：究竟收工去邊好？咁岩老友又得閒，係Openrice搵下附近既Cafe，於是就試下太子呢間唐三樓。上到唐三樓，店員安排我地坐係門口左手邊既梳化位。柔和既燈光，如果唔係約左老友磨刀真係隨時訓著😂講返正題野食先：我地三個人分別都叫左個餐再加左個蜜糖雞翼蜜糖雞翼：好多蜜糖汁，唔係乾爭爭。有陣淡淡既香草味😋跟餐附送既忌廉薯仔沙律：口感幾滑，食得出撈左洋蔥我就叫左呢個紙包焗檸檬牛油三文魚配青口蘆筍薯仔片：個名咁長我都打哂😂可見我對呢道菜既喜愛三文魚扒出其既好味，檸檬牛油汁食完唔會太滯。薯仔片同蘆筍都有好香牛油味，青口就普通、不過不失。野食要挑剔既地方就係賣相唔係最靚果種同埋等個三文魚都要半個鐘左右，但overall味道認真唔錯👍👍女店員話依家推廣Like Facebook有得任飲，於是我地都叫左幾款飲品，值得推介既係奇異果綠茶，味道幾特別，出面比較少飲到最後同老友們大戰完三小時之後就各自歸家了，希望每個禮拜都可以有機會再出黎聚頭，下次有機會都會再相約上唐三樓。…Read More

第3次到訪唐三樓 貪佢就腳 野食精緻好味可惜2試無妨 再試真心恐慌真係憤怒到要長篇大論先由訂枱講起 慣性以whatsapp訂位 但聯絡時對方說「我地無做啦 或者你可以網上睇新contact」咁我諗住係以前個店員無做 咪聯絡新whatsapp 對方好快覆有位 confirm 晒但 我們到店時 店 員 說 沒 有 留 座（但我係早兩天訂枱並已confirm的）那女店員說可能有同事跟漏左 好 我同佢對女店員發現 那根本就係 佢自己個whatsapp..揾晒全本簿都無留過booking 好在有位 照坐 但全店未開冷氣⋯好熱我地一行4人慶生飯 咁未齊人睇住menu啦餐牌完全唔同晒 變晒頹野咁店員推介party set啦 話like n share FB就送野飲 但係只包2款主食（都係頹意粉）那小食拼盤也感覺流流地 所以我地散嗌餐湯- 南瓜湯 好杰 有渣 南瓜件偶爾冒出但味道口感難以理解蜜糖雞翼 $52 正常 想叫水牛城雞翼 說無（懷疑其實只是在menu充當有）轉蜜糖啦味道正常 熱的期間仲上過一個卡邦尼忌廉濃汁煙肉扁意粉$88 差到無影相賣相差 一睇就係乾既 （唔係濃汁係乾塘）意粉無味 煙肉過老 一個成本低又易整既意粉都搞成咁⋯唔容易:(黑松露薯格 $54 我地明明要黑松露薯條 店員後尾話唔夠薯條溝啲薯格得唔得 我地OK等左好耐 女店員路過 問：薯條味道如何？我地：⋯⋯⋯⋯ 原來薯條被男店員送錯左㕦另一枱 女店員說：已經無晒薯條 轉晒薯格可以嗎？ 好 等左超耐終於到啲醬同薯格分開晒架喎 而且好難食最吸引已經係無難度既茄汁⋯⋯⋯⋯黑松露醬忌廉雜菌意大利粉 $98 意粉 完全係純潔得很 清純無味說好了的黑松露醬呢 很「君子之交」雜菌？幾條相同的小菇就係了 盛惠$98⋯俄式燴牛柳絲配扁意粉 $108 呢個係全日主食最「有味」既一道而且另類地「fusion」了無論賣相 味道 都係 純潔乾意粉底加⋯⋯榨菜肉絲起面⋯⋯俄式 榨菜肉絲創造力量同幻想⋯⋯特飲- 環遊世界 飲很入口但無法理解友人說有點麥皮味道？！女店員(堅定): OREO黎架嘛原來OERO係麥皮味 又學到野了雪糕椰子奶昔- 入得口的怪味相公說有「偽」椰子的味道 並不懂那雪糕女店員：雲呢拿雪糕賣晒 所以用了豆腐味比較特別係既⋯⋯特別唔夾雪糕香蕉奶昔 -人工精油之極致 能入口既說到服務 除上述種種真心友善的對待外，1）店員們不但不會收食完的碟子盤子（是想我們玩層層叠？）2）上特飲 女店員說大滿倒了些出來，說罷拿紙巾抹後 把紙巾0猶豫丟在那碟子山⋯仍然唔收碟⋯⋯（原來已經變為垃圾場？）3）友人慶生想上蛋糕 但無人理會由我地自己拎蛋糕插蠟燭拎返位 那時男店員才走去我地枱：SURPRISE~~~~~真的很驚訝4）食意粉時比過3個膠碟我地（我地明明4人）最終我地無用過這些膠碟但有條意粉非常明顯跌起個碟（詳見下圖）分蛋糕時 女店員說：我唔再比碟啦 都係你地既 你地自己分啦（好 意粉條蛋糕 很fusion)真的很失望 原來轉手了但又無任何通知完全影衰了唐三樓:(是晚 強行評為可取既有：1）唔會催你走 因為根本無客⋯2）本身玩緊 誰是牛頭王 店員推介「機密代號」有清晰咁教我地玩 同係好玩既精神創傷太大了 再見了 唐三樓…Read More

actually wanted to find a little bit to eat before the gymand came across this placeon openrice. I've looked at some of their photos and find that it seems to be a rather decent place, therefore i went to try it out.the place was very garden style designed, very cozy for the theme which made it a suitable place for a nice afternoon tea to spend a weekend.during lunch hours it consist of a main menu with appetizers, snacks, and drinks along side with a spaghetti menu just for afternoon occasions. First came the coffeeAmericano: this turned out to be a good surprise! the owner of the store seem to be a fan of coffee just like myself. he has suggested this imported coffee he has purchased from Thailand. The americano was good! and i mean really good! it has a strong caramelized taste. but it also has a sweet scent at the after taste which makes it extraordinary!Salted Prawn with Grapefruit Sauce: this taste better than it looks. the prawns were nicely seasoned and freshly pan fried. made it nice and hot. served with organic vegetables and a wonderful grapefruit salad dressing. The salad also had some chimes to bring out the seasoning scent of the salad which makes it more exciting. Smoked Salmon truffle mushroom sauce spaghetti: Absolutely wonderful dish! spaghetti was cooked just to the right temperature, not too soft not too hard. it had 2 pieces of smoked salmon, was seasoned nicely and rolled into a rose shape, giving the dish absolute finesse. the salmon tasted delicious and the truffle sauce just made the dish super good to eat.i was so obsessed with the coffee beans i was served today that i had to get the name of the coffee bean to share.the service was great! only a few people on the floor, but gave me 100% attention, therefore this place really satisfied my needs and appetite. I will return to try out their imported coffee beans in the near future!Overall: 10/10 …Read More

和不同朋友圈 愛吃的 追求的都會有所不同是日共食的友人 相識逾10載 我們追求的是一個舒適 光線温和 食物服務佳 性價比高近地鐵站防迷路既地方要求太多？是的 所以我們像候鳥一樣 地方總是不斷轉換 想停靠嗎？很想 但 這些機會 終於被我們找到了！店就在太子地鐵站附近 很好找 而且唐三樓這地方 會讓你有在家一般的放鬆感 來吃晚飯了啊：新鮮手打雜菜湯 感覺健康自家製薯球沙律 上次和相公來也吃過水準賣相依然理想！加多左個黑松露紅米飯 黑松露的香配上熱辣辣紅米飯 新奇好味黑松露薯條 蜜味燒雞翼 友人也大愛呢餐單經常隨時令更換 今次試了 「玫」五花腩好香 搭配蒜泥 醋洋蔥 梅菜 露荀心心眼啊😍😍友人點了「艷」：黑虎蝦及青口都正最深刻係個飯 係用 紅菜頭+忌廉做汁燴糙米藜麥紅米珍珠飯 比平日的意大利飯清新得多與友人愉快的晚餐 以甜品收結最為滿足未食完呢餐 已經同友人期待緊下次再來了❤期待更多新菜單！！…Read More

這次又黎了呢個比較旺中帶點舒服既安樂窩，因為在旺角太子邊好難找到一間環境，食物飲品，服務更用心既地方，真希望呢班年青人可以繼續努力落去。今次食發覺餐單不同了，比上一次食貴了一點，但好似食物材料都唔同左，所以同姐妹一同3行叫了三個唔同既晚餐，一個魚，一個和牛，仲有一個鴨胸，另叫左個松露飯同螺絲粉主菜前仍舊係自家湯，不過係西式既手打西蘭花湯，本人不太愛，不過味道同厚杰度都好適中，飲得出無添加！👍🏻之後係前菜薯仔沙律，依然係好出色，口感綿滑！主菜一上，我地都嘩左一聲！擺碟就好似去左高級餐廳咁，大碟擺菜置中，睇落好小，所以加左的飯同粉就岩岩好！魚係配南瓜忌廉，最特別就係混了百合，味道配得好好和牛五成熟，食落好林，好有牛味，配埋其他配菜，女士其實一定夠，再加埋這裡好好食既甜品😱👅鴨胸為三道菜最為特別，小許甜，略帶回甘，因為配左藍莓醬同香橙同朱古力，好好食，肉肥而不膩！仲有花茶同咖啡。好玩特別好味 就個人喜好甜品，因為生日就叫左寫點字！聽講百香果慕絲蛋糕係新出既，menu仲未有，係請我地食，講真唔多仲意食甜品既我都覺得好好味，因為口感好新鮮黎緊都會再黎，不過應該會計劃下包場，聽說10人都可以，真係好喜歡有家的感覺🏡唯一不足，今晚客人都很多，感覺有點吵雜，不過都幾warm,建議先落單。…Read More

舒適環境係呢間Cafe 既大絕！！講明係食評我就講返嘢食啦泰式冬陰公海鮮意粉雖然係冬陰公但係唔算太辣我order嘅時候有講我怕辣意粉嘅味道唔算太濃意粉帶出淡淡嘅冬陰公味而冬陰公係偏酸嘅冬陰公 正合我胃口 有機會值得再去一試其他菜式…Read More

第一次食，十分推薦!場地十分乾淨及精緻的式!而且員工服務態度好好食物味道唔錯,非常適合一大班朋友聚會!下次會再黎幫襯…Read More

之前由朋友帶來，今次決定由我帶朋友來主打有機、公平貿易、健康膳食，就這樣聽會以為貴夾唔飽，但我和朋友也吃得很滿足（大食人士可能要加些小食）前菜薯仔沙律和南瓜粟米湯賣相如雪糕的薯仔沙律，內有紅蘿蔔和粟米粒，健康精緻湯亦非常足料跟餐的咖啡及茶，均是有機及公平貿易，喝下去也感覺相當高質漢堡包的包因為缺貨而換成牛角包，反而覺得幸運XD漢堡扒雖啖啖肉，卻一點都不膩可能因為我是薯控，薯角點不點茄醬也非常美味流心蛋相當吸引醬汁creamy而不膩，煙肉份量適中，加上一圈菠菜即使怕肥亦可放心吃～震撼的大鰻魚！醬汁及珍珠飯也很有誠意，還有兩片煎蛋卷絕對不輸給貴價日本餐廳來cafe最好就是玩board game點了是日精選的藍莓芝士蛋糕（只不過+$12）和朋友邊嘆飯後甜品，邊玩board game我們隨手拿了這套來玩，當中牌上的紅色和橙色，因為柔和的燈光而變得不清楚但店主竟細心的將每張紅色牌都點上黑點！想不到連board game都如此照顧周到…Read More

樓上舖都係第一次惠顧😂😂太子呢間樓上舖、好特別，好c服。年青人做主廚，估吾到甘有心思。好令令。今晚同朋友一邊食，一邊傾計，不知不覺兩小時，店員仍然好好服待我們，真係好開心，如果在餐廳未必可以坐足兩小時😁最喜歡朱古力慕絲，好像在食雪糕的感覺😊😊連皮的薯角吾落茄汁的話，仲好味！我喜歡！下次再黎食過，再黎擦過😉…Read More