唇茶 (旺角中心第一座) (已結業)

平時飲開都係啲珍珠奶茶 芝士奶蓋 呢類嘅肥仔水 今次就飲呢間叫做新啲嘅茶飲店 今次嗌左杯月滿花香 個名好靚好有詩意哈哈佢入面係有桂花 玫瑰 烏龍 同茉莉 清清地又不失茶香 最特別嘅係佢有加養顏嘅桃膠 有啲野咬下 欣賞佢唔會好甜 感覺上都健康啲 下次會再試下佢地野飲

已經係第二次專登嚟幫襯今次仲叫埋男朋友嚟一齊飲真係忍唔住影上嚟讚吓佢哋十分驚喜嘅係佢哋嘅嘢飲真係好足料十足屋企飲嘅靚料補身湯咁夠晒滋潤有雪梨乾、桃膠、棗、南北杏等等飲完又有得食埋真係超正店主員工又好nice，知我苦惱唔知飲咩好，就主動畀一杯仔我試飲佢哋仲十分支持香港人！係良心小店嚟正

呢輪都冇乜心情吃喝，茶飲都少飲咗好多。依家開始揀食咩餐廳要check清楚先慎入！🔸金桂花茶 $24🔹荔枝紅茶 $24呢間之前都知係巴打開，sell真材實料香港特色茶飲。冇珍珠乜乜，反而係桃膠、奇亞籽、玫瑰西米、手工啫哩，啲配料都比較有益養顏，似呀媽會煲嘅野。飲落都真係天然味道，唔太甜但係有本身嘅茶味，我地兩杯都仲要再嗌少甜，配桃膠都好夾，桃膠就同一般糖水食到嘅一樣質感，成杯都好養生feel，本土野值得再g持！不專業評分（全5星）味：⭐️⭐️⭐️⭐️⭐️價：⭐️⭐️⭐️⭐️唇茶旺角彌敦道688號旺角中心2樓SB06號舖

同朋友係旺中行街，行到攰決定買杯野飲，見到呢個唇茶好似幾健康就試下啦。呢到主打飲品可以加桃膠，但我同朋友都無咩興趣，所以叫左其他配料。我地叫左兩杯飲品，兩杯都走糖: - 金桂花茶加玫瑰西米 (左)玫瑰西米係旺角限定，西米份量幾多，咬落有淡淡玫瑰味，茶底清清地咁，整體ok。.- 荔枝紅茶加奇亞籽 (右)奇亞籽份量好多，飲完成杯好飽，其實呢杯飲品可以當一個早餐荔枝紅茶就算無加糖都有微甜嘅感覺，不過對我黎講有少少濃得濟。飲落其實唔算太特別，可能飲一次就算。

已經唔係第一次試唇茶，每次感覺都覺得佢哋嘅店員好有禮貌。今次一去到就問佢有冇啲咩飲品係比較潤喉，店員仔細諗左一諗就推介左兩款比我飲落去唔太甜，茶味好出，雪梨乾既清甜同茶味好夾，一d都唔怪。飲落去用心嗒真會飲到無花果味。飲完唔夠喉可以打開杯蓋食埋入邊嘅咋，有一片雪梨乾、一粒無花果乾同埋其他材料。不過無花果乾比較多核，唔太建議食

月滿花香（桂花、茉莉、玫瑰、烏龍）茶底十分豐富🤤四種味道各有特色 互相配搭非常融洽👍🏻仲要加埋奇亞籽（幫助腸道蠕動🙈）唔好成日飲咁甜嘅嘢le 可以黎試唇茶👄#summer#foodiehk#hkfood#hkfoodlover#hkig#hungry#yummy#food#hongkong#hkigdaily#foodie#hongkongfoodie#foodtruck#2019#teaonlyhk

旺中裏面多嘢食就係人都知 呢間茶飲店成日幫襯但從來冇介過🙊店內既茶都係新鮮當日煲 menu上有吾同既配搭 其中呢杯Double may係洛神花配菠蘿 酸酸甜甜好岩而家熱到溶既天氣飲😆每杯飲品都會配大量奇亞籽/桃膠 冇記錯仲有玫瑰西米 自己最推薦奇亞籽 飲完翻到屋企好暢快😂玫瑰西米都好煙韌 好香玫瑰味👍🏻 仲有買3送1優惠 試吾同茶飲絕對吾成問題😏

當滿街茶飲店都賣緊黑糖珍珠鮮奶、水果茶，幾位老闆選擇左賣手調茶🍵用唔同既茶葉、花茶、生果等等既健康食材調出各款飲完都冇罪惡感既茶飲😍----------Doublemay 中杯$28 大杯/熱杯$32唔係講緊飲完會身材好，係話杯野有菠蘿咋🍍除此之外，仲有洛神花同香六安🌿綿羊揀咗熱飲，不過老闆話熱飲就冇桃膠，建議飲暖既🙂於是就嗌左暖飲，既有養顏桃膠又有富營養奇亞籽✌呢啲真係飲得越多越開心💕飲落有菠蘿甜味同洛神花既酸味，互相平衡，咁就唔會甜到膩，酸酸地又開胃👍最重要飲既時候，桃膠滑嘟嘟咁，好正👍仲有少少咬口既奇亞籽，成件事好夾😍

成日飲珍奶 人都肥幾(十)公斤但出街又想有野拎起手飲下見到旺中依間主打健康養顏嘅飲品店一於試試佢都幾多後生哥排隊幫襯幾多選擇 唔知點簡就點咗佢推介嘅飲品😂左面係Double May 右面係冬瓜茶Double May係由菠蘿同洛神花製成我就無特別飲到洛神花味 就係好似飲緊一杯飲完都唔知飲乜嘅野飲😂但真係好足料 好多桃膠!!! 希望真係有養顏嘅功效啦🤪冬瓜茶就無桃膠嘅 但唔會太甜幾好飲個人黎講我覺得就ok la🤔 可以再試熱飲嘅 始終凍飲感覺唔夠健康😂 最後順便一提 門面幾靚ahahahaha

今次係第3次飲黎間店，終於滿意啦成日經過旺中兩樓，黎間店舖ge職員都會好熱情拎比我地試飲，次次試都ok，所以之前都買過兩次，但唔知係咪比我地試係a款，但因為自己唔想咁齋，次次都揀b款微甜熱，所以到自己買果杯都會太甜(本人極怕甜，連可樂都唔飲因為太甜)。但試d fd少甜凍又ok wo,唔知係咪因為有d冰。因為今日朋友唔舒服，我一諗就諗到黎間係少見健康d ge茶飲，就帶佐朋友試。佢叫佐好似b2少甜，佢十分滿意，唔膩解渴唔甜，話原來旺中d野都正咖wo，仲叫我下次再帶佢黎。之前試過六月飛霜同double may微甜都太甜，但發覺佢個a1好似係全茶底應該唔甜啦掛，特別叮嚀店員姐姐要最少甜，結果今次十分滿意，真係唔死甜仲令茶底好甘香甜，好茶ge我覺得好正，我以後黎旺角就飲佢啦外邊茶飲肥就一定有d咖啦，但黎個我覺得肥極有限，仲有桃膠我呀媽成日話好健康養顏，講到係平價燕窩咁款，女仔真係可以try try.依家通街都開晒咩黑糖珍珠同奶蓋同鮮奶乜乜同芋頭乜乜，黎個真係另類好選擇。因為黑糖同奶蓋一杯我就算微微甜都等如1碗半飯，即係我為佐飲佢杯野，我要跑佐2個鐘步，我又真係唔會敢飲囉(仲要有d店舖話黑糖同珍珠

今日落大雨,我同朋友都離不開行商場,既然點都要留在室內,不如行旺中可以一邊行街一邊掃街!我們行左半個鐘開始口乾,所以去這裡買野飲!門面最搶眼就係牆上有個大大的紅色嘴唇!掛牆畫都以嘴唇為主!外面更放了一個黑板,用粉筆畫左一杯茶和寫上各種優惠!Menu上見到除了一般的茶外,還有特色手調茶和唇限定!!最驚喜配料有近年人氣好高的桃膠和亞麻籽選擇!一定不會錯過!諗左一陣,我決定選擇小冰小甜,好有feel的<月滿花香>!<月滿花香> 用桂花,玫瑰,茉莉和烏龍手調出來的!因為選擇左小冰小甜,茶的味道更加突出,3種各有特色的花味溝埋一齊配合得好好,再加上桃膠,爽滑煙韌,增添口感!十分好飲!整體來講,小店的手調茶味道絕不輸比連鎖店啊!

今次係第三次飲唇茶 之前飲過深山黑熊&Double May 今次飲情蔘安六香(少糖少冰)讚：桃膠超足料 每一啖都飲到 好正👍🏻唇茶專賣養生茶 一樣價錢 好過飲出面糖份超標嘅化學肥仔水😂彈：飲唔到熱情果、香六香嘅味（深山黑熊都飲唔到紅棗、黑糖味）有待改善💪🏻

食飽飯經過旺中，無意發現呢間新店。見到原來是桃膠飲品，感覺比現在開到成行成市既黑糖珍珠奶茶，清新得多。店員俾左一小杯月滿花香試飲，又幾好飲啵看到menu有好多選擇，最後我買左杯Double May試下，見有菠蘿，洛神花，香六安，配搭幾特別。飲品均配有桃膠，而且桃膠份量都唔少，有M/L size選擇，亦可選少甜少冰。而且聽店員介紹係採用冰糖唔係用糖水的。如果大家都係用咁上下價錢買杯飲品，真係寧願選擇這間，健康養顏d , 下次再試下其他口味先。

平時行街口渴口痕都只係得珍珠奶茶同奶蓋茶哩啲選擇，飲得多都會膩。但今日係旺中竟然遇到間別樹一格嘅小店。每杯手調茶個名都好特別，店員好親切，不斷介紹飲品，而且亦有提供試飲。DoubleMay洛神花配菠蘿陣味原來都幾夾，好清新，唔太甜，而且加左唔少份量嘅桃膠，對於女士黎講好吸引，唔肥之餘又養顏。下次會再嘗試佢地其他手調茶，支持有創意嘅小店。

終於唔再係珍珠乜乜乜啦🥳而係女人恩物 桃膠🤩🤩🤩或者係我本身唔太鍾意食珍珠關係同埋覺得比30蚊食珍珠不如食桃膠😁呢杯#月滿花香入面有桂花，玫瑰，茉莉，烏龍陣陣嘅花香，茶味好出味道唔太甜最重要係啖啖都飲到桃膠🥰當日嘅男店員(唔知係咪老闆呢)服務態度同笑容都十分之好👍🏻👍🏻👍🏻係旺中呢啲地方都有咁好嘅服務真係難得💪🏻