一諗起台式飲品店，就會聯想到過江龍嘅春水堂，迷客夏，又可能係新派嘅輕時光，nuttea，長洲角酪，唇茶等等，而今次就介紹唇茶嘅副線-唇品。 唇茶嘅創辦人Asum與3人6年前辭去酒吧員工一職，一同創立品牌，主打100％真材實料嘅台式健康飲品，最出名有月滿花香，double may，材料獨特，有桃膠，桂花等，而且無添加糖分，較受女士歡迎。 上幾個月前唇茶創立咗副線-唇品，同樣位於旺角中心，主打台式刈包，再結合日式/港式等食材，形成一家掃街小食店，幫襯埋唇茶當然會有優惠啦。 （冇任何 sponsor架）鰻吞吞$ 42刈包每款都好特別，但胃口有限，啱啱先喺附近食完poke，所以只叫得一個。 份量就係小食嘅size，唔會一野整飽你。 賣相幾colourful，好吸引。 中間嘅炸物並不是鰻魚，而係穴子。 鰻魚係淡水魚，穴子係海水魚。 鰻魚天生係肥仔，適合燒肉;穴子天生係瘦底，冇咁多油，適合天婦羅，用黎增加油脂度，就好似呢度嘅做法。 雖然魚肉較薄，但都有兩條。 粉漿唔係天婦羅嗰隻，呢隻就比較光滑。 炸嘅時間剛好，金黃香脆，粉漿調味亦都足夠，有少少粉香。 內裏肉質鮮嫩，有少少骨仔，魚皮黏中帶滑，唔錯。 白包外層有烘過，變得啡啡地，多一層口感，幾有新意。 包同餡係成正比（唔會食到一塌糊塗），口感鬆軟有咬口，味道唔寡，已經好過好多台灣菜刈包。 醬汁類似蛋黃醬，但佢一D都唔甜，食落咸咸地帶些少creaminess，所謂「鰻魚」蛋黃醬應該係落咗照燒汁咁解。 再配上飯素同黑芝麻增加鹹香，紫椰菜增加色彩同爽脆，成個配搭都好make sence，非常之推介。…查看更多
叉lunch梗係要支持返香港隊🇭🇰見佢寫住人氣一於試下！叉lunch主要材料當然係叉燒仲有菠蘿 醃紅菜頭 青瓜即叫即製所以都要等5-10分鐘拎上手好大個叉燒份量都有兩至三片有一大塊菠蘿刈包口感同味道似饅頭甜甜地偏鬆軟夾住半肥瘦叉燒咬落一啲都唔柴啖啖肉冇豬腩肉咁肥膩糖漬菠蘿唔會過甜又多汁加上酸酸地嘅醃紅菜頭菠蘿同紅菜嘅酸甜同鹹鹹嘅叉燒好夾加埋甜甜地嘅日式醬汁好正！不過可能太多餡同汁嘅關係個刈包比較軟包唔哂即刻食嘅話店員只會用包裝紙輕輕包住好唔穩陣會一路食一路漏有啲呢hea 希望呢方便會改善下
