哦吧OPPA & POCHA

營業中

休息中

元朗大西北有好食韓國菜，仲要好足料添!位置係有少少偏左D，不過係近YOHO架。先黎前菜幾碟，前菜反而又冇咩特別。呢個生醃章魚，口感超彈的，辣度就小辣到中辣左右。老闆娘話要配飯食，可以中和返小小辣。牛肉辣湯，超大碗的，個味好正宗，算是偏辣的。牛肉絲一疏疏，辣辣的味蕾好刺激。海鮮煎蔥餅，係勁大個，超足料。蔥都係勁密集的，唔多粉，同埋點佢個醬甜甜地勁好食。原味炸雞同甜酸炸雞都好食。炸粉唔厚，雞肉又好滑，甜酸炸雞更好食，食落仲有少少似肉桂味。食韓國食當然配韓國飲品，甜米水同梨汁都好飲，不過就比較甜的。

同朋友去左元朗國行街，試左一間好有韓國特色嘅餐廳～環境舒適，裝修好靚，如果食韓燒嘅話，爐邊就已經可以抽氣，所以油煙味唔會好大，而且唔會有一支支煙囪係枱中間，阻住同坐對面嘅朋友傾計成間餐廳主要都係由韓國人打理，店員之間都係用韓文溝通，無論係食燒肉定係火鍋， 店員都會幫手處理食物，服務態度好好，所以平日都見到好多人黎食落完單之後店員就拎左5小碟前葉俾我地食，圍咗一個圈喺前面，好豐富好開心😁今次我地試左烤牛肉火鍋，牛嘅份量超多， 遠超佢嘅價錢水平，CP值極高，牛肉味好重，口感好實在，重有大量嘅蔬菜吸晒牛肉湯嘅味，不知不覺就食咗好多菜好健康咁～煎蛋卷層次分明，放落口就會分開一層層，蛋味好香，蛋嘅質感好厚實，好滿足～石頭鍋飯好夠熱，另外仲有兩支醬汁，一支辣油一支麻油，除客人喜好鍾意落幾多就幾多，如果想食飯焦嘅話可以等5分鐘，個底就會變咗香香嘅飯焦，牛肉嫩，而且入味加埋配菜就剛剛好哦吧OPPA & POCHA (元朗)元朗鳳攸南街9號好順利大廈地下74-76號舖#天天飲食_元朗#天天Foodies評分：8/10#哦吧 #OPPA&POCHA #香港美食 #元朗美食 #打卡 #韓燒 #韓國菜 #hk

正宗韓式料理，店裏都是說韓文的「哦吧」🕺🏽和「哦列」💃🏽🤭上線，經營著有家常味道的韓式餐廳。下單後，泡菜姨姨立馬上了六道韓式小菜，有韓國魚糕、蘋果🍎粟米🌽沙律、蛋煎翠玉瓜🥒、辣泡菜🌶️、鮮冬菇炒蒜芯🍄‍🟫和白飯魚干🦈，很豐富。🍲🥓烤牛肉火鍋大約是3-4人份量。天氣炎熱，特別想多吃蔬菜和濕潤的湯粉。這個雖然叫火鍋，但一點也不「熱氣」，9款蔬菜🥬加牛肉湯底，煮出來都是蔬菜的甜味和牛肉的鮮味，吃得很舒服。烤牛肉可沾特制的韓式醬汁提味。🌮海鮮煎蔥餅好吃欸！非常足蔥！一株株的青蔥鋪排在麵糊上，相信食完會「蔥」明好多😂而麵糊煎得香脆卻不油不膩，上面加有各款海鮮碎如魷魚🦑、青口🦪和帶子。🐥🍗原味炸雞半份原味是很純粹的植物油香氣炸雞，很酥脆，帶微微鹹味，部位有雞全翼有雞胸，還附送水醃白蘿蔔一小碗以解熱氣。

金菇牛肉粉絲飯個汁好好味，啲韓式粉絲索晒啲汁，超好送飯，牛肉都好多，仲有金菇同韓式年糕，另外仲配埋3小碟前菜紫菜包飯 老闆娘話用左9種食材，要餸多先好食架，又真係好足料好好食，有好多舊，午餐$68係超抵！海鮮蔥煎餅通常食嘅都係啲蔥碎上，但佢係原棵！成條蔥混埋落啲粉度煎，我有錯覺自己食緊棵菜，但係好正！海鮮有魷魚、蠔仔、元貝等，都好足料餐廳好大坐得好舒服，老闆娘好nice好好傾，同場都見到唔少熟客嚟幫襯，夜晚嚟食燒肉飲酒應該好有氣氛！

B1濟洲五花肉+ 濟洲豬肩肉+ 韓豚調味排骨+ 生菜$ 620入到去間餐廳每一位侍應都好友善！知道我地第一次試，每一個Menu都好細心介紹。揀好咗會同我哋講每一種肉要燒幾耐同埋點樣燒！見我哋笑得雞手鴨腳，又會過嚟幫我哋！同埋老闆娘係正宗韓國人，所以氛圍好好！ 豬肩肉香比較重，比較有嚼勁！五花肉油香豐富，更適合配生菜！仲有排骨已經調咗味，不需要配其他汁醬！值得一提嘅係佢有一個濟州魚汁，重魚乾味！感覺類似韓式版蝦醬！小編勁鍾意！大家可以由瘦到肥依次序食！食韓燒叫豬比牛更加地道正宗！份量亦比想像中多有氣無糖紅茶 $200卡飲品好吸引， 飲起上嚟無負擔另外如果揸車嘅人去佢哋餐廳食嘢嘅話呢，門口會有閉路電視可以睇到門外泊車情況

元朗韓國人主理正宗韓餐午餐每位有三碟小菜，除左泡菜，仲有魷魚絲，薯蓉。魷魚醃製入味，小小辣味非常開胃，薯蓉混合左沙拉醬，好特別，有濃濃奶香味，冰冰涼涼，適合夏天食。韓國老闆廣東話好流利！推薦了夏日必備—冷面，特登讓我地試一下湯頭再食，果然麵湯超級好飲，係用牛骨熬製，又有其他藥材香味，淡淡酸味。我地又嗌左牛肉雪濃湯，有送一碗飯，湯入面好多牛肉，超級足料！食肉獸必食！小食我地嗌左芝士蛋捲，香軟滑嫩👍

朋友推介元朗Yoho 附近開咗間新嘅韓日餐廳，由韓國人主理，主打濟州嚟嘅豬肉。雖然餐廳座位十分闊落，雖然好多枱都燒緊肉，不過唔會好大陣油煙味。點完菜會先上韓式小菜，一啲都唔hea有6款，仲可以refill，當中最推介魚乾仔！📌濟州五花肉 $180 🥓餐廳主打濟州豬肉，當然要試試佢。 豬肉嘅色澤均勻，睇顏色已經覺得高質。 一開始燒已經聞到陣陣肉香，個人鍾意燒耐少少，迫咗啲油出嚟食落會冇咁油膩，燒到外表金黃帶少少焦香，配埋老闆娘特製嘅辣椒醬，更加惹味！😍📌豬皮 $138 🐷呢間係食過香港少有好食嘅燒豬皮。豬皮本身有少少鹽，胡椒粉同蔥調味，燒落唔會啪啪聲四圍彈，食落口感煙靭，有滿滿嘅骨膠原😋📌牛肋條 $260 🥩一碟份量都幾多，牛味濃郁，簡單點鹽食已經好好食！📌 1000馬格利酒 $98 🍾推介唔係好飲得酒，但又想試下嘅朋友。呢款馬格利酒酒精濃度算高，飲落甜甜地帶少少酸，配燒肉解膩一流！

今日晚餐係元朗好順利大廈呢邊既韓國美食哦吧Oppa Pocha！店面幾大幾企理，環境舒適。超級多嘅韓式小配菜，款款都好鍾意呀！醃好咗嘅海苔，泡菜薯仔絲，魚板糕，翠玉瓜天婦羅，好正！今餐都係烤肉為主，戰斧豬扒，肉質肥美，店主一面幫我地烤，太大片，自己烤有d難度😂 中有放埋雞髀菇同洋蔥一齊烤，醬汁都已經準備好，喺隔離Stand by，將戰斧豬扒剪開一塊塊再烤，直到煎至兩面金黃色，睇到我流晒口水。店主教用醃蘿蔔包住一片點好醬汁嘅肉，再加啲涼拌蔥絲夾住一齊食，真係諗唔到原來咁樣夾埋一齊係咁好食嘅，色香味俱全！涼拌蔥絲以為只係蔥絲，但係呢個蔥絲經過特有嘅韓國醬料醃好，唔辣，但就係好味！配埋啲肉食係一流嘅！蒸蛋，好大嘅一盤蛋，我第一次食韓式蒸蛋，好得意，同我平時食開嘅唔太一樣。部隊火鍋，材料好豐盛，有韓國嘅腸仔、午餐肉、年糕、芝士、翠玉瓜、豆腐、蔥絲等等。如果唔夠飽，中可以淥個麵👍🏻

元朗雖然多食肆 但要搵間食韓燒嘅餐廳真係都未必搵到不過最近喺Yoho 附近終於開咗間正常韓國菜餐廳唔止有韓燒 連炸雞 鍋物 熱炒都有!老闆娘係正宗韓國人一邊食一邊會問吓啲食物質素 超級Nice同好服務餐廳電視仲會播韓國美食節目真係有種返咗去韓國嘅感覺🇰🇷🔸前菜坐低老闆娘熱情地送上6小碟前菜有涼拌芽菜 菠菜 乾魚仔 等不得不提呢度嘅泡菜係餐廳自家醃製爽脆又唔會太辣 啱晒本地人口味🔹濟洲五花肉 豬肩肉 生菜 HKD380香港比較少餐廳會引入濟洲豬肉而濟洲黑毛豬非常出名兩款肉肥瘦相間 脂肪同肉嘅比例均勻一邊燒一邊聞到豬肉香味五花肉食落油脂豐富 建議加辣醬再包菜食豬肩肉相對上冇咁重油脂 肉味香濃另外想講吓呢度用嘅生菜唔係唐生菜而係較嫩嘅羅馬生菜(?)更加新鮮同爽脆！🔸部隊鍋 HKD268部隊鍋非常足料腸仔 午餐肉 茄汁豆 年糕 翠肉瓜 豆腐 泡菜全部食材都浸喺韓式辣醬湯底 非常入味之餘 再加埋芝士 超級邪惡食到咁上下 加埋個韓國拉麵每條麵都掛滿醬汁 就算食到流晒汗都唔願意放低雙筷子🤫🚩 哦吧OPPA & POCHA 元朗鳳攸南街9號好順利大廈地下74-76號舖

呢間韓國餐廳係由韓國人主理，食物既款式好多，今次我地就Order左個鐵板豬肉、牛肉石鍋飯、蒸蛋同人蔘雞湯❤️先講下D小菜，除左有常見既泡菜同海帶等等，仲有魚糕同翠肉瓜，而入面我最驚喜係個韓式魷魚絲，甜甜辣辣好香口😍個鐵板豬肉煎得岩岩好，表面微焦，可以配埋生菜同辣醬一齊食😛個牛肉石鍋飯好足料，可以自己落麻油同辣醬，個底仲有少少飯焦，好好食😬牛肉都好嫩好juicy😛個蒸蛋同平時食既蒸蛋好唔同，佢個口感好鬆軟，蛋同蔥花既配搭無得輸😛最後係個人蔘雞湯，佢比我預期既更大煲，個雞肉煮到好嫩滑，輕輕一夾就已經拆到骨，個湯有淡淡既人蔘既甘甜味，飲完會覺得好滿足😬整體黎講我覺得呢間餐廳d野好食，老闆娘好nice，成個餐廳環境都好闊落，推介大家去食🙌🏻

去韓國食過好好食嘅韓國餐之後返到嚟香港之後一直都搵唔到一間可以媲美韓國嘅餐廳但當我去呢間餐廳食完之後 我發覺呢間係我目前食過最接近韓國口味嘅一間韓國餐廳原來老闆娘係韓國人 😀😀😀入到去聽到佢哋講嘢都係講韓文但係老闆娘同時都識講廣東話，所以都溝通到嘅。首先有6個小菜係送嘅全部都係一啲消暑嘅小菜包括有泡菜、翠玉瓜、芽菜等等。之後我哋叫咗個細嘅馬鈴薯排骨湯$268呢個排骨湯我之前喺韓國食過啲味道好接近！個湯嘅味道好好味啲肉會煮到好嫩而且到最後可以加飯!!好好味😋生魷魚🦑$60呢個係生魷魚係由韓國空運過嚟好好味 好爽口彈牙 有少少辣辣地唔係咁多地方食得到炸雞超級正甜酸辣炸雞+蜂蜜奶油炸雞 雙拼 $208呢度啲炸雞超好味炸得好好食 又唔會太熱氣 蜂蜜奶油炸雞超好食!!!正到!!!完全好似喺韓國食緊炸雞咁我朋友仲話咁唔使去韓國食啦😂喺香港都好似去咗韓國咁

看見「哦吧」位於Yoho Mall附近一個較隱蔽的角落，想不到這裏卻卧虎藏龍，一推開門就彷彿穿越時空，置身於韓國首爾的街頭，由韓國人老闆和廚師製作著最正宗的韓國菜。首先，我們點了經典的部隊火鍋（$268/$358）。這是一道典型的韓式火鍋菜餚，以餐肉、香腸、年糕、豆腐、火腿、蔥等食材為主料。當這道熱騰騰的部隊鍋端上桌時，湯底濃郁，帶有韓式的微微辣味，與各種食材完美融合。餐肉和香腸等肉質軟嫩，加上酸辣可口的韓式泡菜，整個用餐過程既刺激味蕾，又溫暖身心。而且湯式十分正宗，加入了黃豆和小薯粒，蜢常入味，每一口都令人垂涎欲滴，回味無窮。我們忍不住反覆沾取湯汁，直到鍋底見底。緊接著，我們品嚐了鐵板炒豬肉（$228）。這道菜將嫩滑的豬肉塊與新鮮脆爽的生菜葉巧妙結合，體現了韓式料理講究食材本色的精髓。豬肉塊塊均勻，帶有適量的辣度調味，與香脆爽口的生菜完美搭配。將豬肉包裹在生菜葉中，口感細緻鮮嫩，沾上特製的醬汁後，增添更多韓式風味。這道菜看似簡單，但卻融合了韓式料理的精髓，令人回味無窮。最後，我們品嚐了道地的泡菜豆腐湯。這道湯品豆腐Q彈鮮嫩，泡菜的酸辣滋味與湯汁融為一體，回味悠長。泡菜的酸爽和豆腐的柔

聽講雞地開左間新韓國菜，是日就同家人黎試下。小店星期一至日都有午市套餐，一個主食+三個涼菜+一罐食品，價錢幾貼地喎。坐低後掃qr code落單，好快就聽到廚房炒菜聲😋⭐辣芝士火腿泡菜炒飯先上枱係泡菜炒飯，店員提醒個鐵板很燙要小心，有heart喎😊一碟紅紅的炒飯上淋上厚厚的芝士，上枱時仲係半瀜狀態，有芝士拉絲效果🤤泡菜下得很多，酸酸辣辣夠惹味，飯亦炒得香口，好食噃😋⭐鮑魚石鍋雜錦飯再來是石鍋飯，同樣個鍋很熱的。石鍋內除了主菜鮑魚，仲有大荳芽、菠菜、翠玉瓜、泡菜、紅蘿蔔絲、雜菇片同生菜，配菜很多口感豐富🤤另外辣醬同麻油都係自己落，想有幾重口味就自己調啦，拌完仲有香脆飯焦，正呀🤤⭐原味香脆炸雞覺得淨食飯有啲悶，又加左份炸雞午餐，五件雞都係$68，呢個價錢相當抵食。雞即炸的又香又脆，入口雞肉嫩滑多汁，唯美中不足係略為淡口，可以醃個陣落多少少鹽😆習慣重口味嘛。⭐可樂 & 芬達 & 梨汁午市無小食叫得午餐，而午餐連飲品或散點價錢是一樣的，咁無理由唔要埋飲品㗎嘛😆所以最後有三罐野飲，哈哈。埋單發現無加一，抵👍

元朗區出名多野食亦都有好多正宗地道菜會揀開入元朗只要捐窿捐罅就會揾到好多今次揾到依間韓國菜相當之有風味基本上既韓式菜單都有今日揀左啲比較特式菜食首先當然系韓式小碟食到清哂碟跟住就系小見啲既前菜-醃製辛口八爪魚小小辣，幾開胃然後就揀左-戰斧豬扒 做韓燒厚度十足，份量不得了放落去燒都差不多佔大半個爐之後沾埋韓式醬汁食真系啖啖肉最後叫左個鍋物揀左一個十分少見應該相當地道既鍋-魚卵火鍋魚卵真係好特別韓式湯底小小辣配料都好多，好夠食

成間餐廳都充滿韓味，聽講老闆是韓國人，店員都識講韓文，店內幾部大電視都播住韓國飲食節目，呢度用餐好有韓劇feel。餐廳主打韓式燒烤，食材新鮮韓國直送，但時間關係我哋就簡單食lunch set算！「原味炸雞」雞塊外脆內嫩，少少骨啖啖肉，搭配酸蘿蔔粒，有助解膩。「生醃辣八爪魚」跟韓國食的生醃海鮮一樣鮮味，八爪魚好爽口，只是醃料味道比較濃，配白飯或湯飯一起吃會更適合！「辣芝士火腿泡菜炒飯」飯面滿滿辣味芝士，一啖落去拉哂絲，好滿足炒飯夠乾身粒粒分明，泡菜碎酸酸辣辣，配合火腿粒既香，非常開胃！套餐包括幾款餐前小食，好划算！「泡菜炒飯」比芝士版輕盈，飯面有流心太陽蛋，拮穿蛋黃讓蛋汁混合泡菜炒飯一起吃，治癒感滿分飲品除一般汽水和果汁，還有各款果味韓國燒酒