咯咯雞韓食店 (已結業)

✨喺附近返完工搵嘢食，周圍大部份都係啲快餐連鎖店，見到有間設計好靚嘅大雞雞圖案，好耐冇食韓國嘢就去咗試吓！✨地舖落地大玻璃，光線好光猛，一入到去餐廳就聽到ikon嘅韓文歌，好有喺韓國嘅感覺呀！🍽大醬豆腐蜆湯 配白飯 💰108一上菜嘅時候已經見到個湯咕嚕咕嚕出晒煙，好夠熱。香濃大醬湯入面有好多蜆肉，蜆肉十分清甜，仲有大蔥調鮮，蜆肉啲鮮味出晒嚟！嗰湯微辣啱晒拎黎餸飯，配埋軟熟珍珠米，好想餸多碗～🍽椰香沙嗲炸雞*半份 💰128炸雞雞皮好薄，咬落去好香脆，上面加咗層沙嗲汁，椰香味好出，仲有啲花生碎，有啲口感得嚟味道好夾，而且嗰雞炸晒啲油出去，咬落一啲都唔覺得油膩。炸雞半份兩個人啱啱好！平時出面通常食韓食炸雞都要嗌全隻，依度可以嗌半份，有晒雞髀同雞翼，兩個人食又唔會好濟。✨依排依啲咁熱嘅天氣，餐廳冷氣充足好緊要，食住熱湯都唔覺熱，好正，會再返黎食！———————————————評分: (5⭐️最高)味道:⭐️⭐️⭐️⭐️⭐️環境:⭐️⭐️⭐️⭐️⭐️打卡:⭐️⭐️⭐️⭐️再訪:⭐️⭐️⭐️⭐️⭐️#chillyummi_大角咀 #foodiehk #Eeeeeats #FoodPhotography #Delish #foodiegr

路過大角咀呢間試業中嘅餐廳，環境望落ok,肚餓就沖左入去. 個menu 都幾豐富，炸雞鍋物燒肉飯麪主食小食甜品都一應俱全，不過朋友約左人趕時間去睇戲咁就快快趣叫兩個簡單嘢塞飽個肚啦，食落又ok 喎. #木桶手抓飯香噴噴熱辣辣白飯上鋪滿蟹籽/明太籽/ 紫菜. 店員俾左兩對手套同埋一個碟我地. 可以同另一半玩住食幾sweet！呢個飯雖然清淡，但係好有口感食落霎霎聲味道幾鮮可謂清而不淡. #炸軟殼蟹泡菜炒飯個炒飯好惹味辣得刺激，飯粒粒分明而且炒到金黃色，咬一口軟殼蟹香脆肥美，成個飯食到停唔到口.飲品叫左青檸梳打同埋梨汁，都係相當消暑解渴之選啱曬盛夏飲.

Satay sauce Korean Fried Chicken 椰香沙嗲炸雞 🥥🍗 $128即叫即炸嘅椰香沙嗲炸雞係餐廳新推出產品，半份大概有七至八件🔥，份量已經夠兩個人share一齊食，炸雞充滿椰子香味🌴，味道唔會太辣但夠惹味，食落去外皮香脆，裏面嘅雞肉好滑嫩，的確幾正呀😋Korean braised beef rib 🥩韓式炆牛肋骨 $168 + $10將牛肋骨用韓式風味嚟炆🐮，食落去都幾夾，一窩大概有七、八件牛肋骨，非常足料，而且煮到好入味同夠淋，配埋紅蘿蔔🥕、白蘿蔔、洋蔥🧅等配菜，另外加個白飯一齊食，好飽肚又唔錯呀👍🏻

今晚嚟呢間新開張、主打韓式炸雞嘅餐廳柚子檸檬炸雞(半份)($128) - 皮脆肉嫩，柚子醬好夠，檸檬味亦好香，面頭加埋芝麻更香口，甜甜酸酸咁食落好開胃卡邦尼年糕($78) - 年糕煙韌，口感好好，汁濃而不膩，溫泉蛋流心，加埋煙肉碎、洋蔥同芝麻，味道同口感更豐富餐廳裝修幾靚幾有特色，樓底高，空間感十足，座位又闊又乾淨，冷氣又夠涼，坐得好舒服，播住韓國快歌，氣氛好chill餐廳提供嘅選擇好多，唔同口味嘅韓式炸雞、鍋類、肉類、海鮮、麵、湯、小食、甜品、各式特飲等等應有盡有，餐牌嘅食物圖片望落好吸引，好多嘢都想試