咖喱鄉里 (已結業)

由出世至今, 都冇乜食過印度菜, 呢日去左citysuper, 經過這間咖哩鄉里, 看著印度師傳正在拉薄餅呢, 很有趣!最後叫了牛油雞拼薄餅的套餐, 套餐包一杯飲品, 我選了可樂, 一碟4個小格有印度烤餅, 牛油雞, 炒雜菜, 飯, 兩片印度威化餅。兩片的印度威化餅是咸的, 很脆, 有點像薯片, 就咁食已經好好味~~牛油雞的醬汁酸酸甜甜的, 原來是蕃茄加牛油煮成的, 味道濃郁, 配上印度烤餅很好吃。反而雞肉沒什麼特別, 有點"鞋"而淪為配角, 而飯本身已經有味, 拌上牛油汁便更加惹味。…查看更多

太太的選擇，是咖喱角。這一間咖喱鄉里，主打是這些中高檔的 food court，而且價錢也不算太便宜。不過，有即場表演的拋薄餅，幸運的仲會見到拉茶，咖喱鄉里，係有佢既一套特色的。這兒的咖喱角，是全素的，否則她不會一落黎 food court就指定要食這個。印度人主理，當然會是非常正宗，咖喱角內有薯仔同以綠豆，香口除了是因為炸的原固，另一因素是香香的印式咖喱。咖喱，不一定是很辣，很香就是必有的，因為印度人喜愛同懂得用白料去增強味覺的感受。香口，不辣，是名符其實的辛香。印度的拉茶，味道同英或奶茶一樣的濃，多了的是印度的masala香，香味的奶茶，味道未必人人接受，但愛英式奶茶的人，一定會喜歡。…查看更多

銅鑼灣一帶都有幾間食咖哩出名的餐廳，不過去CITYSUPER入面食係貪快！之前都食過多次咖喱鄉里，因為都覺得食物質素唔太差，在FOODCOURT入面叫做比較好食！我約有2個多月冇再食咖喱鄉里，今天午餐食了一個雙囍餐，有2塊印度薄餅、咖哩蔬菜同我選了咖啡雞！薄餅因為係即叫即整，所以係熱熱的幾好食！不過個咖啡雞啲水準就較差了，以前都話會好多咖哩味同會辣啲，但家下啲味道好淡，係唔係溝到咁呀，而且一啲都唔辣。比起之前水準差太遠！我諗如果唔係貪快，我下次唔會再去了！…查看更多

下午茶時段的套餐較抵食跟女友一人點一個餐，她的餐有些菜、有個印度薄餅、有個咖喱雞薄餅好好食，但咖喱唔多「鄉里」，似港式酸甜雞多D我點左一個入面夾左雞(可以揀羊)既煎薄餅，要等成10分鐘好大份好香，熱辣辣，食量大既人一定會食得飽不過入面係蛋多過雞，食左好耐先食到少少雞肉配埋個青bb既醬幾開胃幾好食每人$35，citysuper foodcourt食到咁既價錢，都收貨啦…查看更多

很多國家都有咖哩，那，這間咖哩鄉里到底係何處的鄉里？在food court，最為吸引我的，除了Triple O's，就是這間。但咖哩始終不是可以成日食的東東，而且我很易熱氣。鄉里師傅在玻璃櫃前整薄餅，係絕對吸引的，但同事有一次食過話唔好食，也因此上次卻步了。今天，在食到無乜好食的情況下，再一次行到這間店前，竟然見到有新款式泰妃雞，既然我都未食過，就俾一次機會吧，否則不能定生死。$45泰妃雞連飯，包一杯飲品，在food court，價錢合理，但平ｄ，會更開心。除了泰妃雞，其實還有不少其他類型的咖哩，但你問我到底係邊度的咖哩鄉里，我真係答你唔到。所謂泰妃雞，即係一塊煎香雞扒，以鐵板上，再配兩種醬汁。只配一個白飯略嫌不夠喉，而且雞扒一塊要賣$45也是感覺有點貴；雞扒煎得異常香口，不油膩，也不濃，而且一開五件，每件更連左右邊都煎埋，非常吸引！咬下去完全感受到不油兼香口，再配兩種醬汁各有特色。第一種醬汁是紅色的Garam Pepper，是有很少點辣的醬汁，這個醬汁是正常溫度，由於泰妃雞本身已經調味，這個醬也味道相近，所以感覺是提升味道之用；另一種是白色的Sweet Korma，吃下去真的不知是甚麼，翻查google，應該是指印度的白腰果汁，帶點甜味，但因為是凍的，配合早已調味的辣雞扒又是另一種感覺。個人覺得各有千秋，一半一半兩種平分最好。集百家大成的咖哩鄉里，第一次印象還不錯。執筆之時小弟已經再encore多一次，水準依然，我也沒想到短時間會再多一次，哈哈。其實，點解新春電視會有喬寶寶同大家拜年？而且係介紹新春食咖哩？…查看更多