影片
以上資料只供參考, 請與餐廳確認詳情
好耐冇食過泰菜！發現屋企附近開咗呢間新嘅泰式餐廳，下午茶時段過嚟食都幾抵👍 👍叫咗一碟泰式炒金邊粉，大份又足料 ，而且又包飲品！味道不錯，下次會再嚟食！！！！！！
繼續閱讀
啱啱行過元朗呢條街，聞到陣香到入心入肺嘅雞油飯味，忍唔住入去試吓。 雞皮滑到好似搽咗豬油咁，雞肉嫩到一咬就爆汁！連平時唔鍾意食雞皮嘅我都食到停唔到口。雞飯粒粒分明，成個味蕾直接起飛！ 重點係佢哋嘅咖喱！我發誓呢係我喺香港食過最正嘅咖喱！濃稠度啱啱好，香料味好濃郁，又唔會太辣，送飯一流！我食到癲咗，完全唔記得影相！諗起嗰個味道，宜家又開始流口水…… 聽老細講，咖喱係用咗十幾種香料自家制，難怪咁有層次！下次嚟一定要叫兩份雞飯，一份配薑蔥，一份浸咖喱，正到無朋友！
繼續閱讀
行街見到有間有間新開嘅泰國餐廳，都見有幾多人，諗住試吓新嘢，點知中晒伏。叫咗個青咖哩牛腩飯，首先個青咖哩一睇就唔開胃，嗰種顏色好明顯係色素調出嚟嘅。跟住再睇吓啲牛腩，最尾淨係搵到兩粒指甲咁大嘅牛腩，其他全部係豆角，茄子，薯仔等等。個咖哩味道就真係普通到不能再普通，只係加左大量味精嘅青咖哩味，食完飲咗成支水都搞唔掂。另外個海南雞飯就正常少少，起碼真係有雞。以新開餐廳黎講，真係完全唔掂，份量少，唔好食，一定唔會再去！
繼續閱讀
叫咗菠蘿雞絲炒飯同埋炒金邊粉，兩大人兩小朋友一齊食都夠食，平靚正。如果繁忙時間去食，可能要等耐啲我六點幾左右到，所以好快都有得食。食到一半都已經坐滿人。甜品叫咗芒果糯米飯都好好食🫶🏻
繼續閱讀
下午湊巧在元朗，看見一間新開的泰國餐廳，看着相片也不錯，便進去了。我們叫了以下幾款食物招牌黃咖喱魚柳飯泰式黃金手打蝦餅泰式木瓜沙律豬頸肉炒金邊粉冬陰功海鮮炒飯大蝦炒貴刁他們先來了泰式黃金手打蝦餅，見圖片有兩件完整的蝦餅，但是上菜後，發現只有四薄片蝦餅，像是一個完整的蝦餅切開四片一樣，令我非常失望，與服務員反映，服務員表示是這樣的。然後再來了冬陰功海鮮炒飯，見到相片十分美味，顏色也相對深，但實物來到，像是廉價的蕃茄炒飯，食水和味道也很淡， 如果你是尋找淡味之選，這絕對是你會喜愛的。然後大蝦炒貴刁也到了，也是顏色十分奇怪，擺碟也凌亂不堪，味道也很淡，而且比外面其他餐廳煮得油。重點來了，整碟貴刁只有小蝦2隻，小蝦2隻，小蝦2隻。完全被餐牌的圖片及文字誤導了，建議大家可自行想想要不要叫。招牌咖喱魚柳飯，咖喱偏甜，薯仔像是還未煮熟的硬，魚只有3小塊，主要是用洋蔥塞滿整碗咖喱汁。總括來說，並不推介給其他食客，如可再選，元朗會有其他更好的泰國餐廳。祝各位好運👍🏻
繼續閱讀
您可能會有興趣的...