咖啡韓食 (已結業)

外賣原味炸雞，全隻（約12件），$142。手拿著盒炸雞，香氣撲鼻，期待趕快回家品嚐。回到家，孩子們急不及待的拆開。賣相是吸引的，入口第一感，唔脆，但唔知是否因為外賣關係。孩子們一口接一口，一件接一件話好食。但老公就認為麻麻，表示感覺十分油，雞瘦而細，肉也不多，百幾蚊不值，話麥當勞更好。食物5分為滿，孩子給4分，但老公卻給2分。據我來看，食物外貌是吸引的，香氣也濃，肉質不算「鞋」，但若以體積和價錢來比較，附近另一韓店較抵，不過其原味炸雞只是一般。或者下次試下人蔘雞，看看會否有更好表現。

第一次食既泡菜湯飯入面係腸仔同午餐肉，真係非常特別，另外啲肉感覺仲奇怪似紙皮，非常鞋口，總之就唔推介食物味道都唔講啦，反而係當中一個員工阿姐態態麻麻，第一次嚟食，當問佢餐具擺係邊，佢都幾惡答我，當下感覺唔係幾開心另外人手應該真係唔夠，見到有客人行出行銀位置埋單大叫左幾聲，都冇人埋，啲員工係哂廚，搞到佢無奈地擺錢係收銀枱趕住走，事後都好耐先有員工出嚟

經過店舖見到佢個名叫做Cafe Hansik，以為有咖啡飲啦，就第一時間衝入去坐低，諗住叫杯咖啡嘆吓啦，原來呢度冇咖啡飲㗎，佢係一間小店食韓式料理嘅，心想唔緊要啦，冇得去韓國旅行，依家見到有炸雞食食就即刻點返個嚟食啦。我今日叫咗蜜糖芥茉炸雞、菜肉餃子同埋韓式牛肉紫菜飯卷。首先講炸雞，蜜糖芥茉真係幾好味，上枱時熱辣辣，一啲都唔辣，值得推薦。之後食菜肉餃子，味道不過不失，下次可以轉食其他餃子。最後就係韓式牛肉紫菜飯卷，我比較喜歡食日式做法嘅飯卷，不過我點左之前炸雞嗰隻蜜糖芥茉，發覺又幾好味喎

已經係第二次去呢間小店食嘢第一次係下午佢嘅午餐好食及抵食尤其係冷蕎麥麵十分清新及份量好足而小食牛油雞翼都可以今次食晚飯真係十分有驚喜特別係韓式炸雞我叫咗蜜糖芥末味半份好食到停唔到口不過今次叫炸醬麵就麻麻地另外小食海鮮餅都一般但係一定會再次去食非常好嘅小店🍺🍹🍸🍤

成日都經過呢間鋪，今日終於有機會試下我地兩個人叫左芝士飯卷，紫菜蛋卷，海鮮湯麵，泡菜餃子同埋韓式炒粉絲。首先，落order個個哥哥仔好似唔記得左落我地張單，不過好快發現左就落番，有個我地懷疑係韓國老闆嘅人就即刻講唔好意思同埋請我地飲果汁😌啲嘢食都黎得好快，同埋味道都幾好。因為我係食蛋奶素，韓式炒粉絲佢地都有幫我走肉!!因為淨番個紫菜蛋卷仲未黎，就問佢地追追個order之後我地發現個韓國老闆入左去廚房即刻整俾我地食🥰賣相同味道都好唔錯!! 最緊要係佢個份真誠!! 我地去俾錢個時佢都特登同我地講唔好意思要我地等!! 同埋價錢都唔貴!! 下次會再黎!!

今日同frd試左呢間韓國野 味道都ok 我嗌左個蚊牛肋骨 啲肉都冧 個汁撈飯就一流👍🏻👍🏻 仲有嗌左個炸雞食 個汁都幾特別 同出面啲炸雞汁唔同 啲雞肉都唔會‘’鞋‘’ 我啲frd就嗌左豆腐海鮮湯飯 試過都唔錯 問番啲侍應話個湯係啲魚湯 唔會好有味精味 飲曬啲湯都唔會口渴番🤣🤣但啲麵類就一般🤭🤭有frd嗌左個海鮮湯麵 個麵唔知係咩麵黎 又唔似拉麵 但放耐左就會痴埋一舊 呢間野都多小食嗌 有蛋捲之類 有機會會再試 整體黎講都ok！

原來大埔有間咁傳統風味嘅韓國店#一直經過都無理會 當草#原來係寶#冷盤蕎麥麵好好食(一定要叫辣另上)#價錢正常 #算大碟#有下次(已經食完又再去)#老細重好好人(因為中途調座位重請飲野)

從來都未寫過食評，但呢間野真係不得不寫下。食過最差既韓國菜首先一間餐廳最重要既水！一飲落口已經Feel到有水喉既鏽味。我地叫左個海鮮辣湯麵，裡面個麵同你食開既公仔麵、韓國麵完全唔同口感，唔彈牙，食落去個口感好似咬緊舊麵粉咁，從來未食過咁難食既麵。再講裡面D蜆，食落成口沙，餐廳入邊得我同隔離兩臺客，咁簡單吐沙既工序都要慳？牛肋骨湯飯不過不失，味道尚可，但69蚊餐，得4舊肉，抵唔抵食自己諗吧。永不再食！

叫左外賣速遞，我叫左雞肉石鍋拌飯，炒年糕同吉列豬肉飯卷。我無預計過個石鍋拌飯會已經撈好左，搞到個飯好濕，我覺得佢用炒年糕個外賣盒，排靚俾我自己落醬會好啲。如果有機會再叫，我會寫remarks. 飯有小小辣味，但應該唔食得辣都接受到。炒年糕真係一啲肉都無，魚板都無塊，都係有小小辣，好多紅蘿蔔。飯卷中規中矩，無麻油香,吉列豬細左啲，唔係好覺有豬肉。石鍋拌飯有跟湯，你牛肉海帶湯，都ok.另外有泡菜同涼拌菠菜。不過價錢幾合理，每樣都係4,50蚊

午市 3人叫了韓式飯卷，水冷面，泡菜餅，6舊雞飯卷冇特別，同一般壽司飯卷一樣，不過不失水冷面，通常人地有冰，呢度冇，通常人地冇肉，呢度有，通常比較多湯，呢度係冇乜湯，面份量可以泡菜餅最離譜，meau個餅都紅紅地色，來到時就好似酒樓蔥油餅咁既樣，餅入面極少泡菜，而且成個餅冇味，同埋一堆粉團咁既感覺，第一次食咁差既“粉餅”，我地都問過店員，呢個真係泡菜餅？確認左係真係泡菜餅...雞6舊，83蚊，一舊雞係好細舊既，一舊大約係KFC半舊既size,紅醬味道一般，原味就普通 KFC雞咁，脆少少埋單228，唔算好貴，但質素有待改善，我就唔會再來了

牛肉石鍋飯大大份，好多配料，好慷慨，而且牛肉幾好味。比起一般的石鍋飯只係飯多菜肉少而有驚喜。另外honey mustard 炸雞（半份），個醬甜而唔太辣，好惹味! 價錢都唔貴，值得再來！

今日同朋友黎食呢間新開，味道都可以，唔係想像甘難食，以價錢来講算幾平，的服務員又好，有禮貌，有笑容，都值得可以去试下今日食左炸醬面同炸餃子，幾好食，好似去左韓國甘

之前同屋企人去韓國食炸雞，覺得好好食。係大埔廣場見到尼間韓食cafe就試下~佢有7款炸雞揀，仲送一杯凍飲。今次我就揀左F2A調味辣炸雞送一杯細啤~啲辣味同韓國嘅差唔多，😋甜甜哋辣辣哋,炸雞都好脆好香。價錢都ok 百幾蚊就一份炸雞 大概12隻 個有野飲送 我一個人都食唔晒🤭咁下次就唔洗去到尖沙咀挨貴炸雞👍🏾仲可以一家人叫外賣食 同班好姊妹打卡添 加上佢地嘅款式都幾多下 有紫菜卷 湯飯 石鍋飯 大家可以試下👍🏾👍🏾

唔知大埔呢間同沙田嗰間係咪同一間，睇到沙田嗰間既食評都好似唔錯，行過見大埔都有就入左去，分別叫左芝士紫菜包飯、牛肉湯飯同海鮮湯飯，個紫菜包飯一黎到 嘩😅大過壽司舖既小卷小小，一夾開會散，海鮮湯飯入面有蝦、蜆肉同青口，味道非常淡如水，似係烚完海鮮既加小小鹽就出餐，而牛肉湯飯望落色澤好似唔錯，點知一入口個湯底係極甜，肉得兩三舊，同平時係其他韓國餐廳既味道差好遠⋯最後未食飽都放棄，因為味道真係好奇怪⋯⋯