咖啡灣 (太和中心)

新界友想食🍔🍝唔一定要坐成粒鐘車出九龍嘅。朋友大力推介「咖啡灣」。終於同嫂嫂黎試試👅環境都幾舒服。有本店精選～揀幾款試下先。有信❤️保證嘛鵝肝和牛巨人🍔～有鵝肝。芝士。和牛。番茄。生菜。鵝肝係邪惡之選。和牛好juicy 。好彩有生菜同番茄。大大減低我嘅罪惡感軟殼蟹黑松露意粉～大大隻軟殻蟹。配上蘑菇+洋蔥。黑松露味道偏淡。意粉有dd淋身。紫薯⭐️⭐️窩夫～Wow~~賣相100分。。味道。。。60分。份量大大份。要開心share 有蕃薯仔。雪糕。士多啤梨。忌廉。棉花糖。窩夫唔夠熱。雪糕出現唔到遇熱即溶嘅感覺。有待改善。。…查看更多

Cafe Swan is a restaurant located in Tai Po Tai Wo Road. I went there with my group from ICHK on 17/1/17.Firstly, the service in Cafe Swan was quite slow at serving your food but the staff also were very welcoming. Though the food took a long time to arrive, the smells of the food coming from the kitchen kept you waiting. In the menu, it was easy to understand, especially for foreigners because the menu had English and photos on it. The staff were polite and cheerful, and they were really helpful.Secondly, the atmosphere  in Cafe Swan was very creative and interesting. There were little artefacts in glass cases and some were Chinese New Year themed.  The background music helped set the mood, ad everything was clean and orderly. Lastly, the food was delicious and satisfying in Cafe Swan. I ordered a pasta with seafood sauce and shrimps and I shared half with a friend. It was great! Next time, I would order a whole portion for myself because I left feeling a little hungry.  Another of my friends ate a hamburger and fries and he said it was the best hamburger he'd ever eaten. Sometimes, there wasn't enough ingredients in stock, so the staff had to ask you to change your order.Overall, I think Cafe Swan is a great restaurant to eat at and it is valued for money. In my  opinion, Cafe Swan  should be rated 4/5 stars!…查看更多

食飯只限半個鐘；嘢食份量不足，服務生對食物認識不足，問佢有冇可樂，佢居然話冇，但係比我睇Menu上面見到可樂既字眼，即刻對佢好失望。叫咗個窩夫，窩夫上面居然有隻烏蠅飛黎飛去。叫個侍應同經理講，經理居然叫個侍應生攞個窩夫過去俾佢睇，隻烏蠅梗係飛走啦，個經理居然話無見到隻烏蠅。真係激死人。最緊要係，唔係要佢賠錢，只係想佢好好道歉，個經理居然唔肯道歉。呢間鋪頭一次起兩次止，希望嗰個人都唔好去。個收費非常貴，根本嘢食嘅份量同價錢係唔成正比嘅。…查看更多

開始番學啦，開始日日忙碌生活。早放當然要去食個午餐補充體力，首選咖啡店。大埔附近有間咖啡店早早想去試試，今日有時間就去食個午餐先。天鵝咖啡店。午餐供應至4點半。有多款特色推介。焦糖咖啡。出色的拉花圖案。咖啡味道不會太苦，入口滑溜香甜，被拉花圖案吸引。重量級蟹肉意大利粉。意粉彈牙掛汁力高，忌廉香濃不膩。重量級蟹肉原來都不太多，多條蟹棒算是不錯。喜歡意粉加上洋蔥和雜菌，口感更豐富。⋯店員好有禮貌，環境舒服。…查看更多

元旦日食午餐，到達時間都已經兩點，大約等左半個鐘就有位。店舖其實好細，大約容納20位客，所以半個小時有位都算快。兩大人1小b嘅組合，叫左一意粉，一小食，一甜品，兩杯咖啡軟殻蟹黑松露忌廉意粉完整無缺嘅軟殻蟹大大隻爬係意粉度，軟硬適中，啱啱炸起，唔會太油。黑松露聞落好香，但食落就只有忌廉味，略嫌唔夠咸，不過味道都ok！因為忌廉汁較結嘅關係，所以份量好夠！仲要留肚食窩夫！薯角蜜糖雞翼薯角新鮮炸出，食落唔油膩，仲脆卜卜，好好食！本身已經調好味，唔需要點任何醬汁！密糖雞翼味道都好好，但作為一個雞翼控，如果雞翼大隻番啲會更好！太細隻嘅雞翼烤到外面脆卜卜時，入面就開始過熟，不過整體口感ok。抹茶紅豆窩夫到左最期待嘅甜品出場啦！之前一路食開orea 味，今次第一次試其他口味。整體口味好夾，連埋抹茶雪糕食都好好味，美中不足係個窩夫唔夠脆同有少少凍左，感覺之前幾次黎好食啲！…查看更多

今年聖誕沒有大伙兒過，只簡單同老公買家品及晚餐，渡部簡單安靜的聖誕店方有Xmas special menu,但卻沒有限定不可以點選普通menu也不設最低消費，很有彈性的安排我們點了和牛漢堡，蟹肉意粉，薑味鮮奶咖啡蟹肉意粉細細碟，賣相精緻，有好多蟹子，蟹肉，意粉彈牙，陣陣香草味和牛漢堡好大份，薯條也不少，而且不油膩，漢堡排好Juicy,面包烘過脆脆的最後Ginger latte也很不錯，心心拉花漂亮，Ginger 味拾到好處，配上奶泡入口peaceful , 為晚餐完美作結…查看更多

M佬樣樣都好，最唔好就係懶瞓。一到星期六日就係咁瞓，最誇張係試過瞓到六點，係下奏六點！！作為偉大嘅女友，我總會幾個星期度去大埔搵M佬，多啲時間拍拖吖嘛，所以成日都會試大埔唔同嘅餐廳！餐廳十分Colourful。店中既裝潢可見曾花心思，每幅牆身都各有特色，有啲做左貼畫，有啲做左照片牆，好有青春氣息。令我諗番起上年同M佬去墾丁嘅sweet sweet回憶。兩條友好肚餓（梗係啦，已經係下奏三點幾啦！），快快趣叫嘢食！我哋叫咗挪威煙三文魚黑松露野菌忌廉意粉，入口Creamy，同普通既白汁意粉差唔多，好彩有啲黑松露，加番分。煙三文魚真係矜貴，上面嗰少少，唔係好啱M佬呢個食肉獸！我哋見到和牛，九秒九叫咗手作和牛特級漢堡。漢堡牛肉好juicy，肉質幼嫩，配埋啲芝士醬，都算惹味！薯條新鮮炸起，脆卜卜。心形小碟放茄汁，啱晒我哋兩個！最後，我哋叫埋黑森林大王香蕉窩夫，睇下佢有幾大王！Banana （Minions口音）配朱古力醬，真係無得輸，正！窩夫嚟到脆脆地仲有餘溫，配埋凍冰冰嘅曲奇咖啡雪糕，簡直係冷靜與熱情之間。今餐埋單差唔多300蚊，其實都幾貴，不過勝在環境唔錯，星期六日嚟hea下都幾好！…查看更多

聖誕聚餐第二擊，今晚黎到大埔，朋友選了這間裝修走田園風格，牆上有掛畫和wall sticker的餐廳。這裏鋪面骨緻，燈光火猛，只是坐位比較逼。店員服務欣勤，會常常主動加水。這裏的菜色有不少選擇，meun圖文並茂，色彩繽紛，令人食慾大增。特別係窩夫，圖片非常吸引。巴馬火腿沙律一碟份量多，巴馬火腿脆口，不會太咸，配上黑醋汁，酸酸地，很開胃。沙律菜夠新鮮，爽脆。和牛漢堡一咬，漢堡包脆得有聲，外脆內軟的。和牛漢堡一塊很厚，肉質鬆化，配上茄汁和新鮮蕃茄有助解膩。粗薯條份量多，每條的長度均超過8-10cm。不過因為先食漢堡的關係，薯條已經變淋了。愛心窩夫賣相吸引，窩夫呈心形，口感鬆脆，甜度適中，伴有新鮮士多啤梨和香蕉。正中心有2球雪糕，分別是士多啤梨味和曲奇味，口感煙韌。頂頂的忌廉唧花質感綿密幼滑。綠茶鮮奶的綠茶味香濃，不會有苦澀味，奶味適中，拉花好看。最欣賞的是這裏的上菜次序很好，不會一次過堆滿枱面，會因應食客的速度上下一度菜。…查看更多

趁著悠長假期之將盡，到處約朋友見面，今次約了家住太和的李老師，她說晚上很多時經過這間餐廳都有人排隊，估計水準應該不錯，遂約她在這裡吃午餐。果然，午市也頗多人，我們坐在向街的單邊檯，地方也寬敞，看過餐牌，有小食，沙律，意粉，漢堡包，甜品等。點了脆脆芝麻飛雞翼作頭盤，炸得連皮也香脆，雞皮沾滿芝麻，好香口。給李老師點了個龍蝦忌廉湯，有龍蝦肉，忌廉和炸麵包粒，味道也過得去。李老師點了軟殼蟹黑松露忌廉意大利粉，她很喜歡黑松露的味道，讓我試了一口，幽香的松露極吸引，用來煮意粉效果甚佳，意粉亦煮得不過腍，一整隻軟殼蟹放在意粉上，令人垂涎，味道本是不錯，也許我們談得興起，擺放了一會後不夠香脆，但整體來說是有水準，看見李老師吃得很愜意，覺得她沒有介紹錯。我選了雞扒番茄醬意大利粉，雞扒皮香肉嫩，看得出廚師的手藝。飲食習慣各人不同，如番茄醬的味道，有些人不喜歡太酸，李老師覺得稍些少偏甜，不夠酸，在我來說則可以，不喜歡太酸。餐後想多談一會，點兩杯飲品，李老師的美祿恐龍是凍飲，朱古力飲品一向受女仕歡迎，我點了玫瑰 latte，芳香的玫瑰味，幼滑的奶泡，美麗的杯面手繪，醇和的咖啡香，完成了一次美味的約會。…查看更多

要在九龍和港島區品嚐到高質素的窩夫固然是易如反掌，而事實上大埔亦不乏別具特色的食店，譬如——咖啡灣——這間窩夫出色的咖啡店。下午一時多抵達，店內的入座率已逾八成。雖然餐牌上不少鹹點亦甚是吸引，不過早已鎖定目標的我甫坐下便立即點了一份朝思暮麓的窩夫。紫薯窩夫 ($78+10%)窩夫擺盤美輪美奐，甚至比坊間大多數窩夫店還要精緻，窩夫與雪糕層層疊疊，又如一座富麗堂皇的城堡。紫薯窩夫上面堆滿鮮忌廉、紫薯忌廉、士多啤梨、紫薯雪糕、迷你甜薯及棉花糖。灑上星星糖粒點綴，更添一份夢幻。窩夫烤得外面香脆，內裡雖然沒有紫薯蓉夾心，不過相當鬆軟輕盈。配上紫薯味濃的紫薯雪糕一冷一暖，讓人幸福滿溢。小甜薯質地粉腍，個人覺得如果能將甜薯燒或焗至外脆內軟定必更上一層樓。最後結帳時更有現金券及抽獎券回贈，感覺就是滿載而歸。雖然食物方面的確不算便宜，但是誰說要在九龍和港島區才能吃到高質窩夫？…查看更多

食過一次就知咖啡灣高水準...估唔到再黎 已經事隔左兩個月@@ 等到頸都長>.<"  記得上次食過佢既鵝肝和牛漢堡好正~~~ 但今次要慳下錢喇.... 所以叫左個無鵝肝version既漢堡, 慳返五十幾蚊~ (鵝肝和牛巨人漢堡 $138) 手作特級和牛漢堡 $86 (味道:7.5/10, 份量:7.5/10) 呢度食物既賣相真係無得輸....!! 絕對可以成功引起人既食慾:> 令到減肥中既我都要放縱一下喇=DDD 件和牛真係好厚好大件, 比起上次食更加重牛肉香~~~ 而且更加juicy, 進步左唔少!!^^ 本來見到咁多茄汁同芥茉係面頭, 仲擔心會搶晒件和牛既味, 但今次好食得到牛味: ) 成件事都幾完美 : ) 薯條偏粗身 口感同熱度都幾好~  上次黎無試佢既招牌軟殼蟹, 今次終於可以一試~~ 軟殼蟹卡邦尼蛋汁意粉 $88 (味道:8/10, 份量:8.5/10) 本來想試配松露多d....不過朋友鐘意卡邦尼, 咁就試下啦~ 原來都有D驚喜!! 因為最近出街食既卡邦尼質素都唔太高..反而呢度整得到位~~~ 醬汁唔會濃到令人好快食滯, 但係每一啖都佈滿蒜蓉,洋蔥粒同黑椒粒! 配搭煙肉粒略肥, 仲有少量磨菇粒~ 而主角軟殼蟹, 最鐘意係佢炸既程度 唔會over~~~ 唔會太熱氣(good) 蟹係夠多汁, 但我覺得鮮甜度唔及琛仔小廚~ 不過已經好好味^.^ 同埋呢個價錢比到原隻軟殼蟹, 係外面好多餐廳都肯定做唔到 (真心覺得以後要食軟殼蟹既話, 一定係要去琛仔同咖啡灣先好食...) 最後, 我地再用埋之前儲落既印仔(每$100可儲1個印,夠5個就可以換一杯咖啡^^)換左一杯Rose Latte!(原價: 熱$38, 凍$39)  咖啡我地其實唔係好識得飲XD 不過飲落係覺得好飲易入口的! 玫瑰味都足夠~~ 順帶一提, 呢度既服務好好.... 今日入座後就拎定包中藥沖劑出黎, 諗住食完可以飲埋藥 竟然我未出聲要熱水已經有2位店員主動走過黎問我使唔使幫手沖藥....@@ 未試過有餐廳可以做到咁細心同熱心....T____T 抵讚 T____T 溫馨提示: 將自已食飯時間提前1個鐘左右, 就可以避過人龍而直接入座~ 溫馨提示2: 由於呢度既waffle都幾出名...如果得2個人黎食既話, 叫野前最好預定要食窩夫, 唔好叫太多飽食...…查看更多

聽過咖啡灣既大名好耐，今日終於試到。無諗過3點鍾都要排隊。半個鐘到待應問我地坐唔坐bar枱，無所謂就入去啦。點知bar枱竟然係望街既我地每人叫左個正餐加意粉，我就叫左個軟殻蟹漢堡薯條麻麻地，有少少怪味。軟殻蟹好大隻，可惜唔脆既，不過就有膏重有杯榛子咖啡，好淡 朋友都過佢啲野食麻麻地。最後叫左個窩夫share,估唔到窩夫好好味，好味過dazzling…查看更多

呀媽生日 帶佢試新餐廳我又係大埔放工 所以就揀呢間餐廳唔大 不過環境唔錯 d裝修幾令Open kitchen可以睇到廚師煮野食因為想試多d野 之後叫左3樣野沙律菜好新鮮蝦新鮮彈牙 只係用左黑椒同鹽調味 但係已經好好食鵝肝安格斯滿堡呢個就期望過高本身預左佢最少有元朗ec kitchen既水準點知個漢堡排食落太林 無咩咬口性價比低 軟殼蟹意粉呢個唔錯成隻軟殼蟹上已經好吸睛蟹炸得好脆 粉漿夠薄我本身中意食硬身d既意粉 所以覺得意粉夠咬口 一杯係菠蘿特飲一杯係杞子龍眼熱飲飲野無特別 不過藍色特飲好令其實整體係唔差 不過我覺得性價比唔係太高…查看更多

晚上大埔多數食肆也要「排長龍」，想起這間café，人不算太多就決定這間吧！快要可以入座的時候店員會遞上餐牌讓你先在店外點菜，節省店內點餐的時間上次試了窩夫及all day breakfast，這次可以試別的了～點了炸薯角咖哩雞翼、芝士焗薯皮、蜆肉意粉我想喝美祿恐龍，男友則少有地點了熱花茶(突然養生…我們好像交換了選擇)芝士焗薯皮：明明看見有芝士，但卻吃不出芝士味，其他配料也不覺有什麼調味…香辣蒜香蜆肉意粉：四個字 -- 不過不失炸薯角及咖哩雞翼：兩者皆炸得有點過火，都變成棕色了薯角有點油；而雞翼則有點乾，而且不夠入味，咖哩味只留在雞皮上這道菜明顯是不合格的了～美祿恐龍：看圖明明有滿滿密鋪的美祿粉，但來到卻不夠多，還看見底下不少白色的奶泡……而且很多冰塊，有半杯也是冰…冰塊溶化後更覺美祿的朱古力味不夠濃呢！總結，這裡還是窩夫比較出色吧………查看更多

近住太和嘅一間西餐廳，一行四個女仔大駕光臨😂😂😂 之前成日都行經呢度，但都係第一次試。主打西餐咖啡，結果四女都係叫左pasta 🍝🍝🍝🍝 下晝近兩點到，小店都逼滿人，好彩唔係等左好耐。第一碟 墨汁帶子意粉，有香蒜味，帶子夠多同大粒，加上蟹子做點綴，咸咸香香。 辣味蒜香大蝦意粉，完全食唔到有辣味，蒜香唔太突出。用左新鮮蝦，加分。石斑蕃茄意粉我最愛，石斑有手掌咁大塊，蕃茄意粉嘅sauce夠酸夠濃味。另外素食者可點呢個，好重cream味。點綴一下嘅係熱朱，用上唔同味道嘅marshmellow ，有別於常見的。39蚊一杯 係有點貴。最後梗係泥返個甜品，紫薯waffle。紫薯雪糕好棉。有四塊心形waffle唔洗爭😄😄😄 waffle外脆內軟，質感perfect。唔好以為細細粒紫色的係提子，原來係真蕃薯泥😲😲😲 總括而言，lunch set menu已經好多選擇，加上weekly special (其中某幾個餐包野飲only)，加加埋埋真令人眼花撩亂。選擇困難者慎入! …查看更多