咖啡弄 (已結業)

happy friday 約舊同事到尖咀咖啡弄食飯！我645到，都有幾個人等位，去到見到原來而家有得訂位！不過已經太遲，我都係要等！等左20分鐘左右就有得入！其實一人一杯飲品我覺得有少少揾笨！因為啲飲品都唔平，我叫左熱鮮果茶，酸酸甜甜，少少特別咁！朋友叫左珍珠奶茶，話普通！叫左一個牛坑腩飯，好少，普通味道！一個雞扒pizza，好多人推介，其實只係一塊面包上面加啲蕃茄同薄薄的雞扒，味道幾好食，雞扒調味都適中！仲叫左個焦糖鹽味waffle，佢個waffle又真係算幾好食，好多，而且個焦糖真係好香，cream亦係不錯！比起出面嘅算幾好食，呢度啲野食唔貴，但飲品貴，食物味道不錯！

諗起之前有日同朋友去尖沙咀食咖啡弄 平時咖啡弄好多人排隊，所以朋友早到左都拎位先我覺得咖啡弄既食物真係樣樣都好食，我最鍾意食雞扒pizza，因為即叫即整，所以上枱熱辣辣仲配有蛋沙律，我最愛雞蛋沙律所以呢個餐我次次黎都必點 另外仲叫左雞扒三文治，配幾塊卜卜脆既香烤粟米片，而且三文治又好好食，肉既味夠咸，配埋啲千島醬同埋其他菜例如生菜，令到味道岩岩好而且仲試埋推介既牛角包，入面夾左大大塊火腿，上面有啲煙肉碎，個牛角包整得夠酥同滿滿牛油香，但就略嫌咸得濟，因為個肉偏咸，而個芝士醬同埋煙肉碎都係咸既，令到牛角包既味道被其他配料蓋過左，同埋呢個菜式好dry 而且每人仲一人叫左一杯飲品，我就叫左抹茶牛奶，我覺得一般，而朋友叫左oreo，我覺得就好好味喇總括黎講食物係好食既，值得等位黎食，所以唔怪之得點解咖啡弄開業咁耐都keep住每段時間都有人龍喇，食物質素就係主因喇相信 而份量睇落唔係咁多，但食完都好飽，所以細食既女士可以考慮同人share一個。另外，啲侍應們既服務態度都好好，好友善同勤快，見到佢地做到冇停手，而且全部侍應都係後生仔後生女，可能因為咁吸引到啲年輕客源，成間鋪既外觀睇落都好有台式ca

無論是台灣或者香港咖啡弄，我都朝過聖，尤其是香港咖啡弄，更加係來過好幾次。兩邊味道材料稍有不同，應該係各地可用嘅料唔同，但都係好好食，係台式咖啡店最愛。❤️水果冰茶 - 飲過咁多間台式咖啡店入面最好味！每次必點！👍加埋料酸梅，酸酸甜甜，好解渴。冰茶好飲過熱飲，熱飲太甜。香橙鴨胸沙律 - 鴨胸有好多舊，無呃秤，好食，又係必點！❤️冰滴咖啡 - 好飲！冰粒用原咖啡整 原汁原味，唔會溝淡。玉米里肌芝士可頌 - 好食！其實次次都點同樣😂!

在台北吃過這類cafe嘅食物, 真係回味無窮, 在香港就有咖啡弄可以解思台之苦。其實早就知道營業中, 但新野定必排長龍, 我不敢去食, 等了一段時間熱潮終於過了, 我當然要去試下啦～到餐廳時, 不知是否工作太忙, 侍應的笑容欠奉, 雖然服務周到, 但就是有點兇巴巴的, cool cool 的。食物和飲品的份量很大, 兩人食一定食唔晒, 除非同男人來吃, 3個女仔叫2份餐2杯飲品都夠啦～因為我去過幾次, 隔離枱的客人一定食剩一半食物, 浪費, 記得要珍惜食物呀。這裡的甜品如士多啤梨窩夫,香蕉朱古力窩夫都好好味 三文治系列都好豐富, 材料10足,還有飲品如水果茶, 咖啡等都好濃味。但要提提大家, 他們的飲品普遍是非常甜的, order時記得要講小甜呀

*星期日吃BRUNCH 最佳選擇之一*第一次來是朋友介紹的, 之後去台灣也有去咖啡弄, 食物質素兩邊一樣好。台灣侍應親切有禮, 服務更好一些, 香港其實也不錯。我前前後後吃到5次以上, 我哋每人叫咗一樣野一杯野飲, 今次叫左燻鴨香橙沙律 和焦糖冰淇淋窩夫, 因為呢2款真的是最好食。燻鴨香橙沙律沙律菜好新鮮, 燻鴨肉好香又有少少油份伴沙律。健康人士的最佳選擇! 窩夫方面，點都係覺得焦糖好食過Strawberry！每次黎都必食！窩夫真係好抵食, 又厚又有紮實,  食兩件就飽了, 所以要SHARE。還有我叫了水果茶, 係一壺上的, 所以可以飲好耐都未飲完 XD說真的我飲到果汁味多過茶味, 整體味道較甜, 看見蘋果, 橙等, 可邊飲邊食, 好飽啊!!!

曾經風靡香港一時既台灣咖啡弄, 曾經要排至少一個鐘意~ 以為而家應該會少人d~但今日都等左15-20分鐘(雖然快左好多 lol)~咁就證明左佢真係幾好味~對咖啡弄既印象就係, 每樣野都有一定既份量~ 最慘就係每人都要叫一杯野飲~ 而佢d野飲都幾大杯~好多時都未必飲得晒~ 感覺覺得有點浪費....而係食物方面, 材料都非常充足, 份量都足夠你飽足一個下午~今次就叫左BBQ豬扒三文治~朕每次黎到咖啡弄, 都會簡一d食物係會有佢個蛋沙律做side, 唔知點解, 真係覺得好好味~ 就算其他野食唔晒都一定會食得晒個沙律~幾欣賞佢依個豬扒1. 佢真係好大塊2. 佢唔係炸3. 雖然佢有一定既厚度, 但食落去真係一d都唔韌, 仲好滑~好易入口~ 見到佢仲有d好粉色既肉, 就可相而知幾嫩~冇左咖啡真係不能再生存落去既朕~ 又點可以唔叫呢~今次就簡左味道帶有小小咸味既海鹽焦糖~ 因為叫得latte, 都唔會預左佢咖啡味好濃~ 小小咸再加小小焦糖既甜~ 真係岩岩好~總結:可能因為已經開左好一段時間~朕估計佢都接收左好多comment, 佢終於可以學下台灣店~ 可以book位喇!!! 另外去過cwb店已經係可

對上一次嚟，應該係一年前……上次未開鋪就已經排長龍!今次午飯時間嚟到，好彩!不用等位，而且人不算多!環境亦算舒服……今次食物同咖啡跟上一次的能保持到水準!:lik物份量亦偏大，兩個人叫咗一份三文治同埋一份窩夫，已經很飽!其實，好想試多幾款，可惜只有兩個人，為咗唔想浪費食物，只好叫兩款，價錢亦算便宜!:kin店員的服務態度不錯，非常有禮貌，值得一讚!:lik一美中不足的是有限住用餐時間，用餐時間只得1.5小時!

今日星期六, 早少少黎到咖啡弄, 避開人潮, 唔駛等位每次黎到, 都會例牌食佢個玉米里肌起司可頌, 今次都唔例外唔知係咪因為啱啱開門, 今日個份量比平時大碟沙律菜新鮮, 配埋個沙律醬好開胃。牛角包酥脆可口, 裏面夾著幾層薄切火腿, 配上一啲微微辣既芝士醬同炸bacon, 好邪惡, 好惹味BBQ豬扒三文治, 豬扒份量夠, 亦算juicy, 夾著芝士, 口感不錯; 但味道配搭方面略遜於可頌及總滙三文治等。美式mocha咖啡, 咖啡味香濃☕️

人所共知，咖啡弄係CWB一開就已經要排隊排好耐，今次就去左TST店，等左一陣就有位，今次食左d咩呢，睇下先:飲品大大杯，味道又正三文治好大份，旁邊既蛋沙律都好好味呢個牛角包已食過2次，依然覺得好好味果汁茶，本人就一般般，但朋友覺得好飲呢個招牌菜，暫時食過其他，都係覺得咖啡弄最好味

兩個人食叫左個蝦配多士同埋一個綠茶雪糕格仔餅。個多士幾好食,個蝦既汁好開胃。但係個格仔餅就一般,唔夠香旦味......個綠茶雪糕出奇地有一種蜂蜜味,我覺得佢搶左綠茶既香味,唔太buy值得一提,佢一定要一人叫一樣野食,叫飲野都唔可以......唔太抵食

由台灣進註香港既咖啡弄，每次經過尖沙咀都見到大排長龍，今次BOOK左平日既12點，所以唔使等位(電話預約話留台5分鐘架咋)話輕食但份量絕對唔少，我叫左雞排三文治，朋友既係燒烤豬排三文治，有一球蛋沙律、豬排、蕃茄、芝士、紫洋蔥，起初以為係雪糕，原來係蛋黃加蛋白碎製成既球，但唔會太膩；我既雞排三文治好誇張大份！有成3份三文治，有生菜、火腿、青瓜、蛋、雞排，配好香口既脆薯片，加杯朱古力咖啡伴muffin呢度限時就不嬲都知，但係夠鐘前既30-45分鐘前已經係我朋友後面俳迴係咩玩法？拎起我隻碟先黎問我要唔要，希望呢幾點係個別問題啦

《陣陣台灣味》😍🔻之前係台灣食過一次感覺唔錯，當時香港開個陣仲要排長龍，台灣唔使排隊，梗係要去試一試。而家既咖啡弄都可以電話訂坐，等怪獸都試下先❗🔻當時台灣食過既鬆餅，黎到香港分店唔知水準又點呢～份量算好足料，足足有4件鬆餅。鬆餅熱辣辣可以先聞到陣陣蛋香，入口外脆內軟。配上的草莓都好誇張，成坐草莓山一樣🍓配上吉士加草莓醬，不過草莓靚就靚但唔夠甜，加埋雪糕食尚可接受。食物: 草莓冰淇淋鬆餅 $60咖啡弄唯一必點飲品。喜歡呢度既水果茶，雖然佢既茶味唔濃，什至可以話佢似水果汁多D。但新鮮水果(蘋果🍎、橙🍊、檸檬🍋、青檸)既酸甜味，配合得好好，唔會太酸/太甜，加以酸梅調味，整個味覺提昇。作為開胃飲品，餐飯都會好味D❤---------------冰鮮果茶 $58🔻值得一讚既係佢地既服務態度，當日電話無電下一問，佢地好樂意幫忙充電。呢個價錢，加上服務態度，Ok喎👍🔻咖啡弄Coffee Alley地址: 尖沙咀漢口道38號漢興大廈1樓

約左老婆出尖咀食飯，老婆話想食D 港女嘢，佢選左咖啡弄，去到門口，個侍應叫我地等一等，以為好FULL 要等位，等左5分鐘左右，先可以入座，入到去，發現仲有大量吉位，唔明白點解要係外面等5 分鐘，我懷疑佢想製造人潮的感覺，但其實佢幾年前個種要等成個鐘的熱潮已過，或者平日根本就唔多人來晚飯。飯類選擇只有一款，咖哩牛腩飯，個味係唔錯的，落左唔少香料，惹味可口，可惜分量真係港女分量，男人來講，要食兩碟先夠。老婆點左好多人推介的烤燻雞吐司，個味係幾好的，不過其實自己係屋企都整到，無乜特別，反而伴碟的薯蓉有D 驚喜。仲試左新產品「繽紛果莓熱蛋糕」，真心講，個名吸引，其實只係厚PANCAKE 上加上玫瑰花乾和藍莓，好睇唔好味。最後想講，無人等位，但用餐時間都只得個半鐘，仲要最低收費，每人要點一杯飲品，抵唔抵食，見仁見智。

On Christmas Eve, my boyfriend took me to coffee alley for dinner. I finally get to try it in Hong Kong! We waited for around half an hour and there were lots of tourists. The inner decorations were very similar to the one I've been in Taiwan. The whole cafe was actually full of girls.👭I ordered a pot of hot fruit tea, the drink was fruity and full of vitamin! My boyfriend got the ginger honey tea, he said it was very gingery. The cup was very pretty though. I was craving for bread so I got the

咖啡弄果然有食物質素保證。去咁多次都冇失望過。值得一試。次次都有水準就算爆場。讚。如果減肥中的話。 相勸大家不要經過不要進入餐廳。因為會把持不住。哈哈😂😂😂