和食快餐 荃昌中心昌寧店

營業中

休息中

星期日中午約左朋友試呢間鰻魚飯店面座位偏少, 但無預計中咁多人, 反而樓上食餃子既店舖排滿人龍.... 黎到無理由食其他, 一於一人一個鰻魚飯($58鰻魚飯, +$2 冷熱飲品)鰻魚有一定size, 好有滿足感值得改善既係飯唔算好熱, 只係暖....以今時今日物價水平, 性價比尚算可以圖中左上角的是可以自由任加既鰻魚汁, 味道偏濃, 但味道不錯, 建議可以分幾次加上, 以免過甜

聽講其鰻魚飯出名架, 梗係要試下, 以呢個價錢, 咁大舊鰻魚都唔錯呀, 又唔會太濃味, 係汁少d law, 鰻魚有骨, 做得唔夠仔細, 不過都ok la, 飯幾林, 我中意, 可惜不是日本米。俾多d 鰻魚汁就好了, 我地話要多d汁，　佢竟然叫我地加豉油, o 咀~餃子: 長長的, 主要是椰菜, 少量肉,ok la佢d 拉麵都好平,可惜太港式, 未必會試

街坊日式小店用料簡單，服務一般，但味道真的不錯！用一個大碗，放入珍珠飯，好味日式咖哩，一大塊雞扒，只係三十幾蚊，加$2有冷熱飲品，性價比高😊👍🏻支持小店！

本身中意食鰻魚呢間鋪出現簡直就係為我存在鰻魚飯 $58一份唔花巧(唔需要配料)一塊手掌咁大既鰻魚鰻魚汁任加鰻魚肉質非常滿意,食得出係即烤從碗上飄上的熱氣就知即叫即整飯熱,鰻魚香味撲鼻隨餐飲品加$2$2既價錢有餐飲太離譜啦一定要keep 住呢啲高性價比餐廳

有朋友推介呢間鰻魚飯, 作為荃灣友嘅我當然唔可以錯過啦地點位於昌寧地下, 即係荃豐行入去, 荃昌下一個商場, 好易搵~ 呢度其實係快餐店, 如果prefer 坐得舒舒服服又好有service 嘅就唔好嚟啦🙈睇menu 其實都有好多嘢食, 例如涼伴喬麥麵好似都唔錯, 不過既然一心係嚟食鰻魚飯, 就下次先再試其他嘢啦~$58 大大碗鰻魚飯, D 汁係自己任加嘅! 塊鰻魚烤得好香, 雖然未至於皮脆肉嫩, 但絕對合格有餘!!! 呢個價錢同質素嚟講我俾85分!!!!

作為荃灣人一定要試下呢間。間舖唔係主要人流通道，價錢大眾化，真係好適合作為街坊食堂。呢日試左個豬扒太陽蛋飯同凍檸茶。快餐店真係快餐店，好快就上左凍檸茶，無幾耐又上埋碗飯。凍檸茶個糖漿底都幾甜，下次叫走甜好了。豬扒就薄身左少少，$29算係咁。饅魚汁可以任落，唔落真係好乾身，落左就好夾，算唔錯。

以前我要學結他，媽媽就會帶我黎呢到食，細細個覺得呢到嘅炸豬扒好好食，老闆仲要係日本人。不過之後冇學結他就冇再黎食過，難得經過呢到，緊係黎懷緬下過去！豬扒飯💰HKD26超大碗飯，好大塊豬扒，唔會落好多鬆肉粉。豬扒唔會炸到好乾，仲可以保持到肉嘅口感，醬汁仲可以自己落，中意落幾多就落幾多！正！今時今日食到咁有質素又咁扺嘅豬扒飯，我諗真係唔係好多地方有。呢到仲保留到細個食到嘅味道實在太好了😆另外，凍飲需要加兩蚊😉順帶一提，呢到嘅加州卷塊好好食嫁

最近打openrice打到有d炆，成日都upload唔到相😵😵聽聞呢間快餐又平又好味，甘我就走去試下啦😍呢到真係快餐店既樣，冇卡位，全部都係可活動既檯同櫈，捱背都冇!鰻魚飯$58真係好大舊，一d都唔吝嗇，而且有無限既汁可自己添加，偏少少咸，而已飯都好多，粒粒珍珠米黎👍我見幾好味就叫多樣野食炒雜菜$18都唔錯，鐘意濃味既朋友就岩曬啦，我自己唔鐘意甘濃味既，但我都食曬，個味道唔錯既，份量都唔會話好少😊一個鰻魚飯，一碟菜，加多杯野飲先78，真係好抵下嫁👍而且呢到既姐姐都好風趣幽默下😂

早前有雜誌介紹過，所以原本不起眼的簡陋日本菜小店，假日午飯時間要排隊15分鐘左右。不過店員沒特別去安排大家入座，會有點混亂，而且有時候有人離坐後，店員都沒空收拾及準備。本來就趕時間的我，等了15分鐘，坐下後就立即點菜，幸好上菜都只需5分鐘左右，果然是快餐！真心吃到感動了！饅魚比貴一倍、兩倍的都更好吃，更嫩滑、更肥美、更厚更長，入口即溶！而且新鮮熱燙，實在很有幸福感😭！飯的份量亦很慷慨，大男人都會夠吃，而且飯身富有彈性又香綿。醬汁任放，不過偏鹹，所以不要太貪心了，適可而止就好。悔恨這麼遲才認識這隱世藏龍的小店現在人流不斷，想多吃都難了！

幫襯下小店，平得黎感覺都OK 叫左碗咖哩什菜雞扒飯，加凍檸茶凍檸茶，不太甜，咁樣應該健康啲至於碗飯，啲飯表面同入口明顯軟少少，應該之前水放得多啲，各人口味吾同，我較中意硬身小小。啲咖哩辣得黎帶小小甜，ok吾錯，不算太辣啲蘿蔔一條條比較厚身，加上是半生熟，感覺吾多如，可能薄啲會好啲啲雞扒，食落去都去油油地，應該煎個振落多左油，但味道都好食整體來說，成碟飯對小店來講真係幾好。

今又走去吃我們大愛的*抵食平民家庭式日式咖喱飯*---和食快餐如果你沒吃過，單看店面，很難會被吸引進去。店子小小，裝修很是簡陋，就幾張摺枱摺椅已而。很難想像跟"和食"二字扯得上關係。可是只要吃過一次，便會常常想來，那味道"親民"的咖哩飯很叫人回味。這裡的咖喱吉列豬扒什菜飯($38)是招牌菜必點，每次必加一個煎蛋($2)，再+$2便有一杯凍飲(超平啊) 除了價錢親民，為什麼說味道親民？因為這咖哩飯完完全全就是在日本家庭式小店，那美麗媽媽老闆娘用心烹調出來的那種味道，不是什麼高級食材米芝連級數，而是那種純粹好吃樸實的住家美味，吃過一次，久不久就會掛念。喜歡日式咖哩，微辣帶甜，薯仔，紅蘿蔔，牛肉粒等食材都是細細粒的，總覺得重口味 材料大大舊的馬來或港式咖哩是為男人而設的，而比較輕型的日式咖哩才是屬於女孩的咖哩。這裡的 當然是很好吃。此外 甜甜的日式炒什菜，不油膩，挺開胃啊，我也很喜歡！配上粒粒分明的日本珍珠米飯，不錯吃。說到半個主角吉列豬扒(另一主角是咖哩汁)，雖不是什麼高級厚切豚肉，但也是很美味，吉列炸皮很酥脆，豬肉雖薄切卻不會乾仍帶點肉汁。今次還試了吉列豬扒冷簥麥麵+煎蛋 $32+$2，

自己經常經過付近，有時想簡單的來一客快餐也會光顧它。今次和朋友也來簡簡單單先來什菜雞排烏冬，什菜烏冬份量夠。菌及菜也算新鮮；烏冬是超市貨，不過也煮得剛好沒有糊丟。烏冬的炸雞排也能做到外脆內軟，保留到肉汁而不太乾。不錯。咖哩雞排飯的咖哩是包裝的咖哩，沒有什麼香濃的咖哩味。不過甜甜的日式咖哩撈飯食都算開胃。煎餃子就不行了！底又煎得不脆，而餃子面又糊爛的。看見已經不想食。夾來食一口，沒有什麼味道；只是有東西在口腔中。好辛苦;( 平常會點天婦羅的因為想試新野就中伏了。（天婦羅好吃多了）對一個三十多元日式飯麵來講我覺得已經不錯了，兩個人加起來也不用一百蚊，重想點？

是日同另一半係此商場睇中醫睇完已經係1點多了, 就得有人提過此日式餐廳都幾多人食好似話係日本人開好啦~ 決定試一試的確...幾多人食WOR 但安排坐位有D 差,  有咩可能要同另一PAIR 2人 坐一張2人摺檯.....點坐已經轉身走人 , 幸好另一位WAITRESS 叫我地坐另一張真的好快餐式, 而且壽司款係都熟食類飯類比麵會平些, 但一看就知不是用日本米 而且看上去真的比較似茶餐廳 最後我地叫了以下食物:1. 肥牛拉麵 $29 ---> 一看真的嚇了一驚...同家煮有咩分別? 真的是肥牛加拉麵2. 豬扒拉麵加椰菜 $27+1 ---> 豬扒係雪藏簿款, 拉麵底係醬油味, 不過不失, 但拉麵卻硬, 明顯煮的時間不足夠, 而加錢的椰菜只得少少, 白焯...一點誠意都無3. 2杯COLD LEMON TEA $8---> 個WAITRESS 明顯又有問題...講左少冰, 俾2杯走甜, 叫佢換就將所以冰同我不要...杯茶係好難飲4.煎餃子 $16 ---> 餡是豬肉椰菜 , 底煎得脆脆加埋酸酸地餃子醬, 幾好食5.腐皮壽司 $8 ---> 不是正宗款

吃過早餐，便在荃灣一帶閒逛，約到了用餐時間，便在附近吃飯算了。在荃昌中心，有間不像日式餐廳的快餐店，格局完全不像常去的日式餐廳，說是快餐店，卻也不像一般快餐：在收銀處付款及落單，然後自己行去櫃檯自取食物，再自己找個位置坐下用餐。這裡卻是有侍者serve ，由落單以至送餐，都是由侍者負責，不用自己捧餐。和食快餐店就是後者，當在下看著店子的格局有點與和食不同，端上來的卻是頭頭是道。滑蛋豬扒飯上的滑蛋，雖然看起來幾乎全熟，一點都不但滑蛋，可是卻又未曾完全的熟，仍然有蛋汁停留在滑蛋上；豬扒仍然是傳統的日式豬扒，炸粉也是薄薄一片，炸得鬆脆。在下未曾吃下一口飯之前，都曾經懷疑過，味道是否像過往般的味道呢？抑或另有味道？吃一口的時候，那種刺激味蕾的味道立即出現，原來味道就是過往在日式餐廳吃過的味道。既然是日式快餐店，為何不可有太卷或壽司？在下也點了太卷來試。這太卷味道較為平和，沒有醋的酸味，蘸上鼓油，卻不是日式甜鼓油，是鹹味鼓油，因此在下也點了兩次便不再點鼓油了。奶茶令在下覺得好飲，茶與奶適中，調校適中，而且有茶的甘醇和回甘，算是好奶茶。儘管這看的環境不似日式餐廳，但是味道卻是日式味道十足，也令在７

我經常都埋怨為什麼荃灣總是沒有一間比較好吃的日本餐廳，即使有日本餐廳都只是一些大集團的。其實我是比較喜歡一些比較家庭式的日式料理的，就是只要一碗飯一杯茶，一個小小的小吃已經足夠了，可是荃灣卻沒有。這店為於昌寧商場，可能大家都不太知道他的位置，就是在荃豐中心行多幾個商場後有電梯往下的就是這裡。被我吸引的是這家店的麵居然是自製的。而且礙於地方關係，他們更將那個製麵機放在出面，這都算是他們的生招牌吧。因為在香港吃到完完全全自家製造的日本麵的確很少，很多都是工廠或是由日本運來。麵的確是自己做的，和在很多拉麵店見到的那些超超幼麵是不同的，而且可能是即做的關係，所以麵質比起平時的更加彈牙。吃到自家麵當然開心，更開心是這裡的東西價錢一點都不貴。比較好吃的是日式咖哩豬扒飯，當中的豬扒香脆可口，素質完全及得上那些超高級的日式料理，而且入口肉汁很多，咖哩是很不錯的，一種濃郁的日式咖哩而且還一點甘甜。 但腩肉拉麵有點失色 , 腩肉太肥廋肉少。 另外白酒煮蜆不錯。 我十分怕吃這味菜的， 不好吃的就像喝消毒藥水煮的一樣，而且很多人都不會將蜆的沙吐出，又不新鮮。幸好這個都不錯， 蜆肉沒有沙之餘更有很香蜆肉味。埋單